Iapi Oaye (Greenwood, Dakota Territory), 1872-06

              IAPI OAYE.
Published by the Dakota Mission.
TAKU WASTE  OKIYA, TAKU  SICA  KIPAJIN.
Fifty Cents a Year.
Vol. 1.
JUNE, 1872.
No. XII.
ETONWAN.
Tune—Looking Home.
1.    0, micante onSika,
Maka kin de ehna
Sta Ate wahomaya,
Mahpiya heciya.
3.    Tokin heci wai qeS,
Tukte en dowanpi,
Oyate kin hecinpi
Tokin owape qeS.
Chorus—Etonwan, etonwan,
Mahpiya kin heci,
Jesus wiyeya knaka
Atkuku ti kin en.
Ecadan anpetu wan,
Anpetu ihanke,
Otpaze cin ojanjan
Tukte en unhi ca.
4.    Cekiya unhdapi ye,
Iyuhpa cekiyam,
Ecadan Jesus kici
Ate yanke cin en.
Edwin Phelps (Catkaihduza).
ITONSNI WOYAKAPISA.
Tuwe Itonsni woyakesa ca wowitonpe ; taku pepe yuha Skate cin
he iyececa: tona ikiyedan yapi kin hena kiunniwicaye, qa kosanta
kiunnikiciye wicaye. Qa nakun peta ide SaSa yuha Skan iyecece,
wicota guwicaya ece, tiwahe ota kicipajin wicaye. Qa taku tokeca
ota on kuja keS hee on mniheca ece, qa on timanisa ece. Qa tuwe
wanna kipajin ca oitonSni wacin, qa wayupiya hdata ece. Qa tuwe iS
eya itonSni woyake sa eca he tawaSu^iya ti en i sa. Qa heca on ake
wanna ti en i, tuka en icunhan titokan ahi, eca waape yanka, keS
tehan eca ito tak' eye Sni hdicu ; keS ake ecadan iSnana yanka iyacin
en i; kes taku on i kin waneahna cajeyate Sni. Ito tokaheya wayupiya aye, ecen wanna tuwe aie kte cin cajeyate, ca he ake aiapi
wicakapi Sni naceca tuka Sicewadakeli, eya. Unman qon okiya iheya;
wicakapi naceca se, niyeqe hecece hee sece ciqon, tka heqeS ecin
hecece ka, atkuku kin he heya keyapi, hunku kin he untipi en ahio-
yaka heon eS de wahi. Napin wanna hdacopi qa kaonidecapi. Wanna nina ide hehan kasnipica Sni.
" He iyecen wicaceji kin taku cistina tuka tanka icida ece. Iho,
peta cistina kes can tanka ideya ece." Jakob ill, 5. De nayecipe
kta Sta tuktedan onayape kte Sni; maka kin owancaya akieiapi ounye.
Heon etanhan Wakantanka oie kin on ceji hdaSka wo, kinhan tuk-
tetu kaSta yaun kin tanyan yaun kta. Qa Wakantanka woahope
ni9u kin wanji dee; Nitakoda on takudan oitonSni odake kte Sni.
Woahope IX. Ehakeun.
MINIWAKAN  IYOPEYAPI.
Iowa etanhan ptinhan wotanin wowapi wanji wanmdaka unkan
koska wan Rumpit eciyapi miniwakan nina cin, tuka takudan iyopeye
Sni, unkan kaken econ : Methodist okodakiciye etanhan Tipi Wakan mahen Wowapi Wakan wan tanka hnakapi, unkan he icu qa
miniwakan iyopeye! Unkan iecadan wacin hnuni qa minioqapi
temahentuya wan en iyohpaye qa hecen te.
Nakun wicasta wanjikSi sinkpe ktepi eca otonwe en yapi qa miniwakan iyopeyapi.    Eca miye hepca: hena paganpi kta hecinhan, eeS
• wakanka qa iS wamdenica wicaqupi, qa iS Wakantanka tomnaye en
ehpeyapi kinhan eeS waste kte tuka.
Daniel J. Robertson.
WICANAGI NUNI KIN.
Hehan mitokam Anpetu Ehanna kin, oiyotanka tawa akan yanka
wanmdaka; tawokoyake kin wa iyecen ska, qa ista kin pete ide SaSa
se ececa, qa siha kin mazazi Sdoyapi kiu he iyececa. Kektopawinge
ota itanokSan najinpi, qa yanke cin ihduksan iyojanjan. Unkan
Sinhda se amayutan qa i kin eciyatanhan mazasagye anong ope wan
hiyu.
Hehan wawahtani kin owasin mitokam hinanpa, qa mayaco.
Hecen toka wankan ewatonwe Sni, wakanSica ti woyazan omayuspa.
Unkan wicaho wan tohinni hececa nawahon Sni wan heya : "Micin-
kSi yakte, qa mitowaonSida kin waliteyada Sni, nakun wahokonciciye
cin owasin taku yada Sni." Hecen nawajice kte hee, tka miwankam
wayaco kin najin, qa kuya is wosbe eete wanica wanka. Nakun toka
amdupte Sni. AkeS heya. " Wokiconze eicage cin ayahan." Hehan
taku tokanon he, emakiye. Qa taokiye kin hewicakiya: Nape qa
siha ko pahtapi, qa otpaza ekta ceyapi qa hi hdakinskinzapi ece kin
heci ehpeya po. Anpetu ehake kte cin hehanyan hen ayuStan po,
eya. Hehan wicaho wan oiyotanke cin etanhan heya : Tona Wakantanka ookiye niyanpi kin, qa tona koyakipapi kin, tankinkinj^anpi
qa cikcistinpina ko owasin Wakantanka unkitawapi yatan po. Unkan
wicaho kin mini ota ilialia se, Amen, Aliluya, eyapi; Itaucan ohinni
wadaco kin owasin owotanna ecanon ce, eyapi.
Hehan Satan taokiye om nape hdaskaskapapi, qa makakije cin
onmacapi, qa wokaSke tipi en omahnakapi. Unkan hen Qain, Judas,
Jezebel hena om manka. Hehan Jesus ; Wayahota kin widwitaya
pahtapi, qa hulinahya po, eye cin he owakahnige ; heca ece on mihdu-
kSan aidemayanpa. Unkan tuwe heya niyan, Judas wancana Itancan
kin wiyopekiya tka niye ota ecanon ce, qa Qain sunkaku wanjina
kikte tka nakun niye wicota wokakije kin den awicayahi ce, eya.
Hehan owasin mayasicapi, qa makakije cin iyuSkinpi. Unkan ake
AVowapi Wakan en decen owapi qon he weksuya: Anpetu hanyetu
ko tohinni ozikiyapi Sni. Hehan ceji kin imade nakaeS mayazan on
mikdalitalitake, qa mini yuSbupi wanji wada kta e wankan ewatonwan. Unkan itkom demakiyapi; CunS kiksuya wo. Hecen ake
wankan ewatonwan unkan inyun mitakoda kin wanji Abraham kici
omani wanmdaka; qa unkiyotahena kaksiza wan opta iyaye pica Sni
e wanka.    Heon nina cante maSica qa minagi kin wahtewakida sni.
Tokeca hena om waun qon dehan iye tanyan unpi, qa miye tokan
ehpemayanpi he ? Ecjn hena Jesus anagoptanpi, qa miye awakte
Sni, cistiyena imamagaga kta he iyotan wada, qa on dehan tehiya
makakije. Wanna wowaonsida icimana mahiyahde kte sni. Hecen
cante maSica on mahnaSkinyan qa nawajice kte hca, tka wocanniye
kin sutaya yus maun.
Hehan malipiya kin icitakihnahna miwankam iyaya, unkan
owasin akan owihanke wanin eya owapi. Hehan ake wicaho wan
nina liin ohinniyan eya, qa akeS wanji ayupte ca owihanke wanin
ohinniyan eyapi. Unkan peta kin taja kin iyecen aunyan imayaya,
qa wamduskana tohinni tapi Sni kin heca mahiyahpayapi. Hecen
makakije cin yuaoptetu wada, unkan janjan wocanniye ohnaka qon
amakaStanpi. Hecen nina mayazan kin on waceye, 9a, E Itancan
tohanyan he, epa. Unkan maka kin huhuzahe se, owihanke wanin,
ohinni itkom eyapi. Hecen nina hin cante maSica on mahinhpaya.
Unkan hehan omagonga. Hecen he wiwahamiia. Nahanhin hanyetu qa temni ma£e kta seca. Tuka owihanke wanin eyapi kin he
nahanhin nawalion se ececa.
Mitakuyepi wiwahamna qa wokokipe etanhan yuSbupi wanjina
icupi kin he iyececa. Heon Jesus Christ Itancan unkitawapi kin, he
etanhan niunkiyapi kta he nina iceunkiyapi kte.
Harriet Aungie.
Kansas en wicaSta wan aguyapi su oju unkan makaiyutapi iyohi
koka iyutapi 43 icahya.