Iapi Oaye (Greenwood, Dakota Territory), 1916-01

              SANTEE,   NEBRASKA.
TAKU   WA&TE   OKIYA.   TAKU   SlCA   KIPAJIN.
A. L. RIGGS, PUBLISHER.
VOLUME XLV    NUMBER 1
JANUARY, 1916
WOKAJUJU KASPAPI ZAPTAN
ANPETU OYAKAPI
Jan. 1. Omaka teca anpetu kin he en Iowa
makoce en mini wakan tipi opawinge zaptan
sanpa nonpa hena natakapi, hecen Iowa makoce
ataya' taku wowicasta sni ota wicasta yuha skanpi kin wicakaliapapi. Nakun makoce obaspe toktokeca en miniwakan tipi natakapi yukan.
Jan. 2. Wiyohpeyata mniwanca kahda San
Francisco hehanyan tate wan wasaka wohitika
hiyaye qa taku ota ihangya qa nakun wicasta
wanjikji wicakte. Omaka wikcemna nonpa sanpa sakowin hehanyan tohni he iyecen tate wasaka wanica keya oyakapi.
Jan. 3. Waziyata mniwanca ohuta ecen qa
Seattle otonwe hehanyan wa nina ota makoce
hena en tohinni wa ota sni ecee. Hececa esta
dehan en wa ota, Seattle otonwe kin en inches
sahdogan hehanyan wa kin wanka. Hehan
eceehna nina maste hecen wa kin owasin skan
heon ake nina mnitan qa taku ota ihangya qa
tiwahe 25 hena wata on niwicayapi. Hehan hemani canku wanjikji osmaka ohna wanka hena ecen maka osdohan on hemani canku hena
akan ihpaya on canku anapta kin he ota.
— Omaka de nakaha grip, holipapi sica
kin he makoce owancaya nina ewicacece. Wi-
yohiyanpata otonwe tankinkinyan hena ecen
nina ececapi qa nakun makoce owancaya ececapi qa on nina ota tapi hecen yuotaninpi.
Jan. 4. Washington, D. C. en anpetu kin he
wanna ake wakiye wicasta hena eyotanke qa
waniyetu ataya hiyeye kta. Taku tokaheya
iwohdakapi kte cin mniwanca akasampa oyate
hena on token koda kiciya unpi kta hee.
Jan. 5. Sagdasin oyate oitancanpi hena woope wan decen kagapi kta cinpi heon akiiapi.
Wanna detanhan koska toua tawicutonpi sni
hena owasin akicita opapi kta qa tona cinpi sni
esta hena nakun yus-iwicacu akicita opewicayapi
hta. Hecen woope he yustanpi kta cinpi heon
dehan nina akiiapi.
Jan. 6. Sagdasin oyate woope wan kagapi kta
kuwapi. Koska tona akicita opapi kte cinpi sni
esta hena yus-iwicacu ope wicakiyapi kte hecen
woope yustanpi kta cinpi. Unkan hee on anpetu he en htani wicasta kektopawinge ota omniciye yuhapi qa woope he kagapi kta cinpi sni
heon Sagdasin wokiconze tawa kin he hecetu
sni qa ecetu kte sni heon htani wicasta hena
nina skanpi. Heceu nahanh unman tukte ohna
kta tanin sni.
Jan. 9. Turkey tamakocepi en mniwanca ohuta tukten okiwita hen Sagdasin akicita ota iyo-
tankapi qa okiwita he ohna iyayapi qa Constantinople otonwe he icu wacinpi tuka Turk
akcita qa German akicita hena okiwita kin he
sutaya anapta najinpi hecen Sagdasin akicita kin
omak;» wanji hehanyan skanpi esta sanpa yapi
kta okihipi sni. Heon anpetu kin he en wanna
aynstanpi qa owasin tokan iyayapi.
—Sagdasin okicize wata wan iyotan waste qa
iyotan tanka akicita 777—ohan unpi, he anpetu
kin he en mni mahen taku on wata napope kta,
mine eyapi, heca wan on wata kin namden yapi.
Heeen okicize wata kin'he spaya, tuka wicasta
ohna unpi kin owasin niwicayapiv Okicize wata'kin de KingEdwrad VII eciyapks
Jan. 10. Washington otonwe en hUkta omaka wikcemna he ehan pejihuta tona on wbvazan
tehika hena akisnipi eya kagapi hena wownvke
sni esta heceu eya hduotaninpi heon wicasta o^a
wicahnayanpi qa mazaska odota ituya yusu^
tapi ecee. Qa heon tunkansidan wakiya tawa
hena tanyan iwanyankapi qa on woope kagapi.
Tuka wicasta tona pejihuta hena kagapi ecee
kiu hena wakiya wicasta hena hecen woope kagapi kta okihipi sni eyapi qa wayacopi en ayapi. Dehan ake tunkansidan wakiya tawa wicohan he akta iwanyakapi qa ecen Supreme Court
hehanyan iwanyakapi qa woope kin sutaya wanna yustanpi.    Hecen detanhan pejihuta hena wi
yopeyapi kta tuka wowicake henana oyaka owapi kta, qa woyazan tehika ko hena on akisnipi
keya owe wakan owapi qa on ihduotaninpi ecee
kin hena econpi kte sni hecen yustanpi.
Jan. 13. Oyate wan Montenegro ewicakiyapi oyate cistinpidan tuka oyate tawaiciyapi hecapi. Heepi dehan oyate wan Austria ewicakiyapi wicakizapi qa Montenegro oyate kin wanna
ihangwicayapi hca qa makoce tawapi kin Austria
oyate icupi heeen Montenegro oyate dehan he
sapa en onakipapi.
Jan. 14. Dehan St. Louis en wawaha owiyopeye kin heca hecen anpetu kin he en taku ha
owasin panyanhan wiyopeyapi. Taku ha kin
ataya 421,000 hena anpetu wanjidan en wiyopeyapi. Sinkpe ha 300,000-qa niazaska $100,000
henakeca ou icupi. Maka ha 51,000 qa mazaska
$150,000 hena on wiyopeyapi. Hehan taku
wan opossum eciyapi he ha kin 70,000 qa mazaska $50,000 hena on wiyopeyapi.
— Anpetu kin he en New York etanhau
asanpi ihdi hemani canpahmihma ohnaka wikcemna nom sanpa zaptan hena mniwanca akasanpa Russia oyate kiu wicakayapi. Tohnina
itokam Russia oyate kin United States etanhan
asanpi ihdi ota opeton sni tuka de nakaha tokaheya hecon.
Jan. 17; Anpetu he en St. Stephen's Mission
ide. De Sinasapa woonspe tipi Conkicakse owo-
kpamni iwaziyatanhan wanna omaka ota han qa
omaka iyohi Conkicakse oyate siceca tawapi ota
hen wayawapi ecee. Unkan anpetu he en ataya
liulinaga.
Jan. 20. Washington, D. C. etanhan wotanin,
President Wilson, tunkansida kin, dehan anpe-
te wakan wanji hehanyan omani un kta. Otonwe tankinkinyan wanjikji en i qa hena en wohdaka ecee kta. Wiyohpeyata kiya u kta. Pittsburgh en tokaheya wohdaka kta- Hehan Cleveland. Chicago, St. Louis, Kansas City, St. Joseph, Des Moines, qa Davenport henakiya i kta.
Jan. 28 hehan iyaye kta. Feb. wi kin en ake
iyecen econ kta qa okini hehan Denver hehanyan i kta naceca.
— Anpetu kin he en Rosebud. Sicangu
owakpamni ikiyedau Catholic Mission school,
Sinasapa owayawa wau, tanka wanna omaka
ota hen han, St. J?rancis, eciyapi he ataya
liulinaga. Sinasapa winyan wanjikji ide kin
etanhan kitan nipi. Tipi owasin gu qa etanhan hoksipidan otipi kin heceedan huhnage sni.
Tipi huhnage kin mazaska iyawapi kin $200,
000. kektopawinge opawinge nonpa henakeca
atakuni sni.
Jan. 21. Russia akicita kin dehan ake nina
wasagya okicize econ. " Austria akicita om kicizapi tuka Russia e wohitikapi qa Austria akicita kin tehan nape wicayapi. Wanihan Russia akicita wohitikapi, tuka mdoketu ekta onsi-
ya wicakuwapi. Tuka dehan ake waniyetu osni
icunhan nina wohitikapi.
Jan. 26. Turk qa Sagdasin kici kiciza qa
Sagdasin kin nape wicayapi. He icunhan makoce unman eciyatanhan Turk qa Russia kici
kicizapi unkan Russia e ohitikapi, hecen Turk
akicita kin napapi. Turk akicita kin ota wicaktepi qa nakun 4,000, kektopawinge torn, wayaka iwicacupi.
— Turk qa Sagdasin kici anpetu he   en ni-
I na kicizapi, de makoce kin en kicizapi kin he
ehanna Abraham makoce en ounyan Kasdim
j makoce Euphrates qa Tigris wakpa hena en kicizapi. Turk e wohitikapi qa Sagdasin akicita
Cfcm nape wicayapi. Sagdasin akicita kin 3,000
J kektopawinge yamni wicaktepi.
Jan\30. San Diego California ikiyedan hen
mini anaptapi tanka wau bojuju. Hecen ihu-
tam wicoti hena amnitanpi, mini kin siha iyutapi 30 hehanyan. Hecen wicasta 60 wicakte
qa tipi qa wanu'iiyaapi qa taku woyuha nina
ota ihangya.
WAONSPEKIYAPI HE WICOHAN
TANKA
Waonspekiyapi he wicohan iyotan tanka maka akan wanke cin wanji ee.
Jan. 1, 1916 Santee woonspe tipi en wauu qa
token koska wikoska wicakaonspepi kin wanmdaka. Woonspe tipi ota tuka tuwedan woonspe tipi de ikapeya kaonspepi kta wanica ke-
pce do. Waonspekiya uupi kin owasin wowicake hca on skanpi nakaes taku tanka okihipi qa tanyan wicakaonspepi okihipi. Tona
en taku onspepi kin takudau istece sni tanyan
skanpi.
„ Tona wasicun iapi on wohdakapi kin takudan
on kagi iciyapi sni tanyau econpi, tanyan wicakaonspepi nakaes. Heceu Santee en waonspekiyapi hena towasakepi ocowasin on skanpi e
taniupi. Heon woonspe tipi de isanpa cinpi
kta wanice seca tka nahanlicin M'icasta ota
amdezapi sni. Koska qa wikoska ota woonspe
tipi de etanhan ksapa wicakagapi km he sdon-
unkiyapi. Hehan ake Jesus tawicolian wan
iyotan tanka kin he dee wotanin waste he Jesus
oie on wicani kta on htani unsipi tuka unkiye
tanyan onspe wicunkiyapi kta unkokihipi sni
taku owasin en wosdonye unnicapi tuka wica-
tancau eh on nakun wowahokonkiye kagapi kte
cin qa on nakun wicohan ikceka kin on wowahokonkiye kagapi kte cin hena nakun ee kepce.
Anpetu wakan yusiiapi kte sni sunkawakan
waste yuhapi kta qa tipi tanyan pikiyapi kta qa
tipi itankan ohni kahintapi kta qa sungonajin
tanyan apiyapi kta qa ohni wacin tanka ho tawapi awanhdakapi kta.
Dena taku sni wicasta ota keeinpi, tuka dena
is eya tanyan amdezapi sni. kinhan waonspekiya eya caje unyatapi kta he wowistece tanka
heca. Wicanagi niyanpi kta he wicohan iyotan tanka kin ee. Wicolian ikce kin hena nakun kicica kta iyecece maka akan wicohan
wanke cin hena wicatancan kin he kicica kta
iyececa.
Wowapi Wakan heya, wacinyanpi kin he
en wicohan wanice kin he ta ce eya. Wicohan
wanica qa wowiyukcan unnicapi kinhan to-
kenken wicasta onspe wicunkiyapi kta hwo, qa
tokenken wowahokonkiye unkagapi kta hwo.
Oyate wohnaye eceedan on wowahokokiye econkupi kta iyecece sni, heon ito taku owasin tanyan unkamdezapi kta iyeeece. Taku tanka unkokihipi kta heon Jesus wiyacinpi wanji caje
yate cin he unyawapi kta Lukas 19: 15-20 wicasta yamni token ewicakiya he.
Elias Gilbert.
WAKANKICIYUZAPI
January 30,1916, Oak Park, 111. en Mr. Chas.
R. Lawson qa Miss l.ura J. Loucks kici kiciyuzapi. Rev. W. C. Miles, Presbyterian wicasta
wakan, he kieiyuswicakiye. Mr. qa Mrs. Geo.
D. Thompson tipi kin ohna'kiciyuzapi. Mr.
Lawson Santee woonspe wankantu en wanna
omaka ota wotanin wowapi maza ahdih^yapi
waonspekiya un kin he dee. Qa tawicu Mrs.
Lawson is Baptist woonspe wankantu en woonspe ihunni qa waonspekiya heca qa nakufl
wotanin waste en nina wawokiya heca.
Messiah Okolakiciye el Jan. 23, 1916 el Miss
Rebecca Driver na Mr. Joseph Taylor, Poplar, Montana etanhan, hena wakankiciyuzapi.
Rev. H. Wakutemani kiciyus wicakiye.
Peter M. Lawrence.
Messiah okolakiciye tipi wakan kin el Jan. 30,
1916 Abraham Koki na Mrs. Albert Kangiwi-
casakte kici wakan kiciyuzapi, Rev. H. Wakutemani kieiyuswicakiye. Le econpi icunhan lila
osni qeyas lila wicota ahi,
Peter M. Lawrence.    _
— '- —       1890,
Iapi Oaye Aliililicvaia, ler
Santee Normal Traiiiinjr School Pre3s,
Santee, Neb.