Iapi Oaye (Santee, Nebraska), 1916-02

              SANTEE,   NEBRASKA.
TAKU   WASTE   OKIYA.   TAKU   SlCA   KIPAJIN.
A. L. RIGGS, PUBLISHER,
VOLUME XLV    NUMBER 2
FEBRUARY, 1916
WOKAJUJU KASPAPI ZAPTAN
ANPETU OYAKAPI
Jan. 30. Paris otonwe iwankam German wata kinyan tawa wan nina tanka hiyaye qa na-
pomyapi kin heca ton yamni yuha un qa hena
Paris otonwe kin wankantanhan ahinhe wica-
ya. Hecen wicasta ota wicakte qa ota kiunni
wicaya. Wata kinyan kin de maka kin iwankam 14,000 feet, maka iyutapi yamni ikiyedan
hehanyan wankan un. French wata kinyan
tawa 30 hena wata kinyan German tawa de kuwapi tuka icunhan nina po. Hecen etanhan
wata kinyan zaptan French tawa kin German
tawa kin wanyakapi qa kutepi hehan German
wata kinyan tawa kin nina najica qa ecen toki-
yotan tanin sniyan iyaya
Feb. 1. Des Moines, la., President Wilson
tunkasidan kin dehan wiyolipeyatakiya omani
qa otonwe tona en i kin hena owasin en wohdaka ecee. Des Moines otonwe de en eceedan
ihankeya wicasta ota en wohdaka.
Feb. 2. London otonwe en German wata
kinyan tawa wan otonwe kin iwankam hiyaye qa taku napomyapi heca otonwe ahinlipaye-
yapi. Hecen wicasta wikcema. zaptan wicaktepi qa naknn ota kiunni wicayapi.
—Feb. 2, Washington, D. C. Wanna tehan
tunkansidan wakiconza tawa hena Philippines
wita heon wiyukcanpi. Wita kin be ehanna
Spaniyo om kicizapi qon he ehan United States
ohiya qa anpetu dehanyan United States awanyaka. Unkan oyate en unpi hena wanna tawa
iciyapi kta okihipi hecinhan wowiyukcan kin
hee. Unkan anj)etu kin be en Senators hena
heon vote wowapi iyohpeyapi. Unkan ehake
omaka topa hehan tawaiciyapi kta hee ohna yustanpi.    Tuka nahanlicin de woyustan heca sni.
—Feb. 2. Kausas City en President Wilson
tunkansidan kin wohdaka. Wicasta 16,000
kektopawinge ake sakpe, hena wahdake cin nahonpi qa 20,000, kektopawinge wekcemna nom,
hena timahen yapi okihipi sni. Hehan 10,000,
kektopawinge wikcemna, hena wanna kinhde
kta icunhan en yuonihanyan wanyag nanjinpi.
Tona wohdaka nahonpi hena iyakisapi on ecen
ho yagitapi.
Feb. 3. Tunkansidan, President Wilson, St.
Louis en de ehake wohdake qa hetanhan wanna
katinyan Washington ekta kinhda. Wiyolipeyatakiya omani qa wohdagun kin wicasta kektopawinge opawinge hena nahonpi. Hehan wicaSta woyawa tanka hanke hena otonwe canku
ohna mani ya en wanyakapi qa yuonihanpi ecee.
— Feb. 3. North Sea, mniwanca en htayetu
kin he en German wata kinyan tawa wan zep-
pelin eciyapi nina tanka heca, mini en kinlipa-
ya. Wicasta wikcemna nom en unpi hena eepi
wata kinyan kin spaye sni akapon un kin akan
yankapi. Hehan Sagdasin wicasta ho kuwapi
wata wanji he wanwicayakapi qa en ipi, unkau
ho kuwa wata tawapi en opapi kta cinpi tuka ho
kuwa wicasta kin tonanapi qa wata kinyan en
unpi iwicacupi Sni hutata hdicupi qa oyakapi.
Okini owasin tapi kta iteka.
Feb. 4. Ottawa, Canada Otonwe kin de Sag-
adasin tamakocepi en otonwe itancan qa he eu
en tipi itancan ohna wakiyapi kin hee anpetu kin
en ide qa ataya huhnaga. Ide kasni wicasta wanjikji qa nakun wicasta wanjikji koya hu-
hnagapi.
Feb, 18. Asia Minor makoce en otonwe iyotan tanka kin Erzerum he wanji ee qa hen Russia akicita qa Turk akicita om kicizapi. Okicize nina tehika. Icunhan nina osni qa wa kin
siha iyutapi topa hehanyan wanka, hecen de okicize ihankeya tehika wanji ee. Unkan Russia
akicita kin e ohitikapi hecen Erzerum otonwe
tanka kin he ohiyapi qa icupi. Turk akicita
mazakan tanka tawapi 1,000 icupi qa Turk akicita 100,000 ecen wayaka wicayuzapi.
Dr. qa Mrs. A. L. Riggs waniyetu kin de
California ekta unpi. Heciya ohini owastecake.
Tohini wa sni qa waniyetu ihuniya orange icaga
ece qa wahea ota. Tuka dehan hecece sni. O-
sni qa wa tonana yuhapi. Nina magaju qa
minitan taku ota ihaugye. He on orange tanyan icage sni qa deciya tehiliiya opeuntonpi.
April cokaya kitanna sampa hehan Dr. qa Mrs.
Riggs Santee ekta hdipi kta.
WOWAPI MAQUPI
Dakota Mazaska AwanyakaWacinyepicaWan
Iapi Oaye: Dakota ehna mazaska awanyaka
wacinyepica yukan hecinhan oyakapo eha.
Eya wica sni tka wanji ooiciyake kta. Upsija-
wakpa okodakiciye en wahi, Oct. 1913 en, qa
tipi wakan apiyapi kta on wamnayanpi omaki-
yakapi. Qa mazaska awanyaka yuhapi omaki-
yakapi qa he tuwe he epa. Unkan Mrs. Mary
Elk Hanhepiktewin eyapi. Hecen okodakiciye
omniciye unhapi qa tipi wakan apiyajji kta he
kaketu.kta eyapi. Tipi wakan teca tanka kagapi kta eyapi. Hecen iwicamuga unkan wa'na
waniyetu tona tipi wakan apiyapi kta wamna-
yaupi tka, iyopte sni eyapi. Hececa esta katinyan hanpo epa qa wahokon wica wakiya qa kaken
epa. Tohinni okodakiciye wan tanka tka
womnaye. Wanica qais tanyan kicunpi sni qa
ecen nakun tonaeepi taninsui hecen okodakiciye
mniciyapi qa kaken wiyukcanpi. Taku yamni-
na econqonpi kta iapi ota kte sni eyapi keyapi. Wanna wanmaunyanpi kte eyapi, qa wamnayan kagapi kevapi qa taku yamni dena
ee. (1) Opasni wanice kte, (2) Iyacinyan ehpeyapi kte, (3) Cantewasteya econpi kte. Wa-
mnaye kin iyazaya unkan tuwe owasin econpi.
Iapi tokaheya kiksuyapi. Inonpa kin ohna econpi, hunh token watonpika iyacinyan kicohpi, qa
cante waste iciyapi iyamni hee. Unkan wanji
jica, mazopiye yuha en i unkan iapi tokaheya is-
ohna econ, mazaska wanji qu qaicanksiya heya,
uanye de icuye ey7a tka wamnaye kin heya. Koda, woope yamni unkicicagapi. Tokaheya ecen
ecanon. Opa sni wanice kta, tka nom dusna
nijica tka mazaska wanjidan icanksiya ma-
ya qu. Hecen nom dusna iyacinyan kiconpi
kte cante, wasteya econpi kte, eciya unkan, ho-
wo eca, wikcemna nonpa dena icuwo ecaeci-
ya qa ake okaho iyeya. Hehan ake kicu qa heya koda wanna iapi nom ecanon tka ehake ake-
dusna hecen koda iwacu kte sni, eya. Unkan
hehan iha qa kihnahna qu, ho ecen ecanun ce
eciya.
Nakun wanji sdonwaya. Tohinni Okodakiciye wan, wamnayan kahnigapi unkan he tuwe
wan imawanga qa heya. Ho, hecen tuwe wamnayan kahnigapi he eya, qa hepa. Hee do epa.
Unkan heya, he he tanyan iwanyakapi kta tka
do. Nakun he tukten taku tawa yanke qa hdu-
wei sta kicupi sni iyecen un tka heconpi do, eya.
Ho, de nauun mitakuyepi amdezapo. Heeen
upsijawakpa mazaska awanyaka unbaju wowapi
wayupika heca sni tka wikoska taku wakan wacinyan kokipa heca, qa tona awanyake cin hena
mazaska tipi en yanka qa wanna sam aicaga ko
wancadan onge odotapi tka iye sni. Okodakiciye econsipi qa, heon cante sica omakiyaka.
Hecen Mrs. Mary Elk. Hanhepiktewin mazaska awanyaka wacinyepica wadaka. Qa nakun
wamnayan yuhapi he, John B. Hunter hee qa,
dena mazaska okinipi kin yuha unpi sni tka
wancake. Rev. D. E. Evans mazaska tipi en
ehnaka ecee becen wetu de tipi Wakantanka unkagapi kta uncinpi. Tka hiuali unkihunipi sni qa
April 18,1914. Pejuhutazizi en Dakota Presbyter iceunniciyapi qa, ounyakiyapi kta ehapi tka
mitakuyepi ito de Iapi tokaheya yeksuyapi qes
epca.    Nitakuyepi, Joseph Rogers.
Culbertson, Mont., Keb. 23, 1916.
Entered 11s Second Class .Matter, November!). 1890,
at the Post Oilice at Santee, Nebraska, under
the act of March 1. 1«7!>.
MRS. AGNES POND TA
Isanyati tona Oiyuwega en maka wiyopeyapi,
he en unpi kin, hena owasin winyan de tuwa
kin sdonyapi iyececa. He ehan wasicun wakan
wanji Rev. Robert Hopkins eciyapi he minin ta ;
unkan winyan de he tawicu. Hihnaku ta unkan Ohio makoea ekta titakuye tawa ekta cinca yamni om kihda. Heci waniyetu sakpe un
hehan Matohota ekta i qa wakanyuza, qa cinca
yamni hena om ahdi. Iye Matohota itokam
cinca sakowin cetu, qa. iyohakam wanjiksi yuhapi; hecen ehanna Heyatatonwe otiwota en
oyate unpi se ececa, Matohota iye ehanna hca
ta; tuka ehake tawicu de wakhSaka; tehan ni
qa nakaha waniyetu wikcemna napciwanka ni
hehan, December 17, 1915 hehan ta. Tehan
ni, qa winyan wawapidakiye heca sdonwaye,
qa heon woawacin wanjiksi cajemdata wacin.
Wakanheja Wakantanka cekiya icahwicayapi
he waste. Waniyetu akemanonpa cetu hehan ate
taku onmaspe kta cin qa Ohio makoee ekta am-
ai, qa otonwe cistina wan South Salem eciyapi,
woonspe Academy eyapi, en ehpemaya. Unkan
wiwazica wan Mrs. Mc Dill iciyapi he ti en wa-
wata qa mistinbe. Unkan winyan wiwazica esta,
hoksipidan tona en unqonpi owasin wocekiye
on unkuwapi. Qa iyokihe atkuku wicaStawakan wicahca ti, Rev. Dr. Wilson eciyapi, he
ohinni wahounkiyapi; qa Anpetuwakan iyotan
wicokaya sanpa ca hoksipidan wicinyanna tona
unqonpi kin bena mnaunyanpi, qa wiwicawan-
gapi hena onspeunkiyapi ecee. Iho Mrs. Hopkins wicohan hecen ohna icahyapi nakas tukten-
tu kasta un ca wowaste ieahya ecee. Qa cinca-
nakun owangwicavapi wanji cajemdate kte.
Omaka 1862 he Minisota makoce ektawosice,
qa wasicun wosungye ehpewicayapi, nakas Dakota tuwedan Minisota en un kte sni keyapi, qa
winyan wakanheja ko Minisose ekta eyelipewi-
cayapi, om waun. Hecen wanna miSnana wi-
cawakuwa owakihi sni hehan Edward R. Pond,
he wicasta minita cinca tokapa yuze kta keyapi
nawahon. Hecen wancahna wowapi wicawaqu,
qa omayakiyapi kta ce, epa. Unkan wancahna
iyowinyapi qa Conkicakse ekta ipi, Isanyati
owasin sdonyapi. Waniyetu tona takuwicayapi iyecen wowapi onspewicakiyapi; qa onsika
ota okiyapi; nahanh nipi ota ''iksuyapi. Tuka wanna woonspe wakantu kagapi kta keyapi,
he iye aiyecetupi sni icidapi, qa tiyata hdapi.
Qa dehanyan iye hunkapi sni esta inayanpi,
Mrs. Hopkins, dehanyan ni, qa nakaha iwaste-
dan makata iwanka.      John P. Williamson.
YATKESNI OKODAKICIYE
Iyakaptapi, Dec. 16, 1915 en yatke sni omniciye qa en dena teea opapi, Elias Gilbert, James
Enock, Cecelia Stafford, Thomas Barker, Ethe-
niel Bluecloud,. Hehan wowayazan on Committee nom wicakagapi Cecelia Stafford qa
Thomas Barkey hena eepi. Hehan Jan. 19,
1916 en ake wikoska nom teca opapi, Sarah
Enock qa Lucy Barker hena eepi. Tona wicohan de en oyapapi kin wocekiye on unyeksuya-
pi kte. Linda J. Wakeman.
Peever, S. D.
DAKOTA AUTOMOBILE KAGAPI
Ford  automobile  kagapi wicasta 25,000 en
I htanipi.    He Detroit, Michigan entu.    Unkan
j dena etanhan 25 Dakota koska becapi.    Dena
Carlisle woonspe tipi etanhan iyayapi.   Sahdogan Chippewa hecapi, Wisconsin etanhan.   Ya-
I mni California etanhanpi.    Nonpa Onida oyate
i etanhanpi,   Wisconsin  etanhan.      Hehan  ake
I nonpa Winnebago hecapi qa is nakun Wisconsin
• etanhanpi.    Nakun wanji Menominee etanhan
Dakota Sioux.   South Dakota etanhan nonpapi,
Francis Eastman qa Charles Blackbird.    Ho.
dena wicohtanni  waste wan en ouspeiciciyapi.
Katinyan eu skanpi,  wayupikapi   qa   en   tanyan   wakamnapi kinhan  nina waste kta.