front cover |
Save page Remove page | Previous | 1 of 4 | Next |
|
small (250x250 max)
medium (500x500 max)
large ( > 500x500)
Full Resolution
|
This page
All
Subset |
Loading content ...
SANTEE, NEBRASKA.
VOLUME XLV NUMBER 5
TAKU WASTE OKIYA. TAKU SlCA KIPAJIN.
A. L. RIGGS, PUBLISHER.
MAY, 1916
WOKAJUJU KASPAPI ZAPTAN
ANPETU OYAKAPI
Apr. 8. United States cokaya
qa wiyohiyanpatan hauke kin
owancaya icamna qa wa. Wanna wetu kte iyehantu tuka.
Apr. 18. Anpetu kin he en
ake Russia akicita kin Turkey
tamakocepi en otonwe nina tanka qa akicita conkaske ihankeya
suta yuhapi wau Trebizond eciyapi kin he icupi. Turk akicita
54,000 hena koya wayaka iwica-
cupi. Otonwe qa akicita conkaske Trebizond de Black Sea,
mniwanca sapa, he kahda han.
Turkey akicita kin wasagya conkaske kin hdonicapi, tuka isanpa Russia akicita e wasakapi hecen conkaske he wicakipi.
Apr. 20. France makoce wi-
yohinyanpata oicago imahe tan
han ataya opta hen German akicita kin ehanna a hiyu qa sanpa
upi qa Paris otonwe he icupi kta
cinpi, tuka is Ikcewasicun kin
hehanyan sutaya itkom hdonicapi qa ohni hen kicizapi. Dehan
Verdun otonwe hen wanna an-
ptu ota okicize qa anokatanhan
wicasta odota kieiktepi. Dehan
Russia akicita kin iye tamakocepi eciyatanhan wata ohna wazi-
yatanhan okaksan au qa France
makoce en tukten German akicita icupi qa en nina kicizapi kin
hen hipi. Wata ota hipi hecen
Russia akicita nina otapi hena
Ikcewasicun qa Sagdasin kin
owicakiyapi kta.
Api. 21. Spain makoce kin he
maka cahdi, coal ataya wanica he
on France makoce kin hetanhan
ohni maka cahdi opeton qa. hena on taku owasin iyopta. Tuka
dehan okicize kiu heon France
etanhan maka cahdi opeton kta
okihi sni qa heon dehan Spain
makoce en hemani owasin inyan-
ke sni, owasin inajin maka cahdi
wanica heon.
—Iowa en woonspe wankantu State tawa kin,
Iowa State University, Iowa City en, tipi wan
ide qa $250,000 iyawa awihnuni.
Apr. 25. Mississippi, Haha wakpa kin, dehan iyotan mnitan qa kuya mdaye km ataya
amnitan hecen tona kuya mdaya en tipi qa wojupi hena tehiya unpi. Omaka 30 hehanyan
tohnina iyecen mnitan sni. Nakun he iyehan
Fargo, No. Dak. ekta Red River minisa wakpa
kin is eya awicakehan tohnina he iyecen mnitan hecen heci makoce wicasta unpi on kakijapi.
Nakaha Arizona makoce en mazaskazi ota iyeyapi qa wicasta ota en yapi. Hen makoce puza
qa wawicage sni qa tuwedan en ounye sni tuka
ihnuhanna otonwe wan, wicasta 3,000 hinsko-
keca, hen icaga. He Colorado maka oicago iki
yedan qa oyanke kin he Oatman eya eajeyatapi.
Petijanjan-on-wapazopi ocaje motion picture
eya eajeyatapi wicohon nina tanka aya. Qa hena iteiwicacupi photograph on kagapi qais wicohan nina tanka heca. Los Angeles, Califonia
en heca kagapi wicohan tanka yuhapi qa wicasta
obe ota en skanpi. Dakota wanjigji nakun opapi. Hena Oglala hecapi qa Pine Ridge etanhanpi. Nakaha Iapi Oaye kaga wicasta wan icimani qa Los Angeles otonwe, Califonia makoce
ekta i qa ikeewicasta hena wapazopi en skanpi
wanwicayaka. Unkan Dakota iapi en tuwepi
qa totanhaupi iwicawange qa nina yusinyewi-
caye Kakiya Pacific miniwanca kahda tuwe
Dakota ie kta keeinpi sni heon.
PTAYA OWOKDAKE ON
WAYAOTANINPI
Ptaya' Owokdake kta on dehan
woiwange uiidapi. Dehan taku
oyate awaciupica tuwa awacin
hecinhan unkokiyakapi kte. Qa
decen wowapi unyaqiipi kta.
Rev. J. E. Lindsey, Allen, So.
Dak. qais Rev. A*. T. Tibbetts,
Cannon Ball, No. Dak.
SOUTH DAKOTA SUNDAY
SCHOOL CONVENTION
May 2-4 hehan South Dakota
owanoatanhan anpetu wakan ya-
wawicakiyapi etanhan kalinih-
yewicasipi Huron en mniciyapi. Dakota okodakiciye wakan
owasin en anpetu wakan yawa-
wicakiyapi, Sunday School, yuhapi iyecetu.
German makoce en canhanpi
wanin aya keyapi.
NATAPEHA KIN WACINYEPICA
Mah-cistinna en natapelia wi-
cayuhapi waste : Wi iyaya aokpas
aya hehan tukten yankapi qa ca-
ponka qa taku cikcistinna, wojupi ape kin en witka od'ota eton-
pi qa hena icagapi qa taku ojupi owasinsin ihangyapi ecee, kin
hena wicayakapa yukanpi ecee.
Natapeha kin he awicakehan
mah-cistinna en wacinyepica.
Heceu tuwe heca maga en yuhe
kinhan wicasta he wapi kta. Maga en wicasta wan anpetu ihunniyan wamduskadan kuwa qa tona wicakte kin he isanpa nina ota
hanyetu wanjidan en natapeha
kin he wicakte ecee, hecen mah-
cistinna en natapeha wan duha
hecinhan tanyan yuha wo.
CALIFORNIA CONTANKA, FHOM TIIK FORD TIMES.
CONTANKA
April Iapi Oaye kin en California contanka
on taku unkeyapi. Iteowapi kin >!e hen unpa-
zopi kta tuka iyehan ahipi sni, hecen dehan
ake cajeunyatapi. Dena Causa, Redwood, eya
eajeyatapi kin heca California en icaga qa maka akan can iyotan tanka kin hena heca. Owapi kin de eu automobile wan wandakapi qa he
can kici iciwandakapi kinhan can tinskokeca
kin tanin kta. Can dececa basdesdecapi wicohan nina tehika. tuka canmdaska nina wasteste etanhan kagapi.
DAKOTA ASSOCIATION
Oahe en June 3-5, Dakota Association Omniciye unyuhapi kta. Cinye tancan kin wanun
yakapi kte sni esa tawacin na taniya on unkicipi un kta kecin waun. T. L. Biggs,
Registrar Dakota Association.
CONGREGATIONAL WICASTA WAKAN
OMNICIYE
Dakota Association kin June 3-5, Oahe en
omniciye kta. Okodakiciye iyohi etanhan wanji kahnih usipi kta qa tona wicasta wakanpi kin
hena qa tona okodakiciye awanyakapi kin qa
tona wotanin waste on waonspekiya unpi hena
owasin en yahipi kta. Hehan omniciye de ayuStanpi eeeehna Y. M. C. A. ataya omniciye kta
Miniwakan ekta, June 7-11 hehantu kta. Hecen
tona ekta yapi kta hetanhan iyayapi kta. Hecen hena on ihduwiyeya yaunpi kta.
DR. A. L. RIGGS
TA
April 15, 1916
California eciyatanhan ku tuka tahepi ta,
Albuquerque, New Mexico ikiyedan.
Tancan kin Santee en ahdipi April 18 en.
Hehan April 21 en ehnakapi kta tuka icunhan
nina osicecaka heon hee ohnayan Memorial,
Wokiksuye, Omniciye econpi qa en wicasta dena
wohdakapi. Dr. L. O. Baird, A. M. A. Sec,
Chicago etanhan; Rev. Albert Frazier Santee
etanhan; Rev. Elias Gilbert, Iyakaptapi etanhan ; hev. W. B. Pinkerton, Rosebud etanhan.
Hehan April 24 en nina owaStecake, heon tankan e Dr. Riggs ehake awacekiyapi qa en wicasta dena wohdakapi. Rev. Jesss P. Williamson,
Dr. J. P. Williamson, Dr. F. V. Stevens, Yankton, So. Dak. etanhan wicasta wakan, Rev. John
Eastman Tawacinwaste etanhan, Rev. Francis
Frazier Ohnihde Okodakiciye wicasta wakan,
qa Dr. T. L. Riggs, Oahe etanhan. Wicasta
dena wohdakapi kin June "Iapi Oaye" en un
kta. Wacekiyapi kin en Dakota odowan qa nakun wasicun odowan napin unpi. Dakota qa
wasicun napin nina wicota qa en taku econpi
owasin waste qa oiyokipiya Dr. Riggs yuoni-
hanyan ehnakapi. Dr. Riggs tancan akiyuhapi
kin koska sakpepi dena eepi, Dr. Geo. J. Frazier,
Stephen Jones, Samuel Baskin, Alex. Brave,
David Frazier, qa Albert Mitchell.
Object Description
| Title | Iapi Oaye (Santee, Nebraska), 1916-05 |
| Edition | Volume 45, Number 5 |
| Date of Creation | 1916-05 |
| Publishing Agency | Alfred Longley Riggs (Santee, Nebraska) |
| Language | Dakota |
| Minnesota Reflections Topic | American Indians |
| Item Type | Text |
| Item Physical Format | Newspapers |
| Formal Subject Headings |
Indians of North America Community newspapers Indians of North America -- Newspapers Dakota Indians Dakota language |
| Locally Assigned Subject Headings | Dakota language; Indian missions; Dakota Indians; Presbyterian Church--Mission--Periodicals; Dakota Indians--Periodicals |
| State or Province | Nebraska |
| Country | United States |
| Contributing Organization | Synod of Lakes and Prairies, 2115 Cliff Drive, Eagan, MN 55122 |
| Rights Management | This document may be reproduced and used freely for educational purposes without written permission. However, in order to use the digital reproductions for any other reason, users must have the express written consent of the Synod of Lakes and Prairies, 2115 Cliff Drive, Eagan, MN 55122. |
| Local Identifier | lak1105 |
| LCCN | unk84153202 |
| Fiscal Sponsor | Grant provided to the Minnesota Digital Library Coalition through the Library Services and Technology Act (LSTA) and the State Library Services and School Technology unit of the Minnesota Department of Education. |
Description
Tags
Comments
Post a Comment for front cover
