Iapi Oaye (Santee, Nebraska), 1916-06 - 1916-07

              SANTEE,   NEBRASKA.
TAKU  WASTE  OKIYA.   TAKU   6lCA  KIPAJIN.
A.  L. RIGGS, PUBLISHER.
VOLUME XLV   NUMBER 6
JUNE-JULY, 1916
WOKAJUJU KASPAPI ZAPTAN
DR. RIGGS OZIKIYA IWANKA
Dr. A. L. Riggs, California eciyatanhan ku tuka hdihuni sni, tahepi April 15
en ta. Mrs. Riggs qa cinca Fred hena
kici kupi, qa tancan kin April 18, htayetu wanna wi iyaya hehan wakpa kin
opta ahdiyakupi. Ohuta en Dakota ota
koda wicaya waste wicadaka qa is waste
dakapi_ qa teliindapi heca iyokisin akipe
najinpi. Hena owasin tancan akupi kin
ihakam kupi, qa iye ti en ahdipi qa ti-
mahen tanyan ehnakapi. Hehan Dakota odowan 120 he ahiyayapi qa cekiyapi,
hehan ite wanyakapi.
DR. A. L. RIGGS HAPI KTA AWACE-
KIYAPI EN WIOA&TA TONA
WOHDAKAPI
Rev. A. L. Riggs, D. D., April 24, 1916
hehan hnakapi  Santee Normal Training
School Tipi Wakan itankan hen awaceki-
yapi qa nina wicota.    Wicasta okitaninpi
wohdakapi dena eepi: Rev. Jesse P. Williamson, Rev. John P. Williamson, D. D.,
Rev. F. V. Stevens, D. D., Yankton etanhan, Rev.  John   Eastman, Rev.   Francis
Frazier, Rev. T. L. Riggs, Rev.   G. W.
Reed,   Rev. A.   C. Warner, Springfield,
etanhan.
KEV. JOHN P. WILLIAMSON, D. D.
DECEN EYA
Tokaheya Dakota ehna waun km hetan-
bau tohan tokata ewatonwe hehan token
oyate de wicasta iyecen icagapi kta hwo ohini
awacanmi ece. Unkan woonspe heceedan on
okihipica hecen iwanmdaka. Hecen Wotanin
Waste Aya Okodakiciye ihukuya htawani he
wowapi wicawecaga qa hecen owicawakiyaka.
Amayuptapi qa woonspe tipi wanji ehdepi kta
eyapi, miye wicasta wan en itancan kte iyewa-
ye kinhan.
Wicohan kin de nina tehike kta sdonwaye qa
tuwe wicasta okihi kta iyeyapi tehika tuka wan-
cake Dr. Riggs he okihi kta ibdukcan qa wowapi
wecage. Tokaheya tawatenye sni. Iye wanna
wasicun ehna wicasta wakan wicohan en un qa
okodakiciye wan awanyaka. Tuka wicohan kin
de tuwe econ kte iyecetu qa iye okihi kta wadake nina ewakiya qa ecen wicada qa den hi qa
hetanhan Dakota ehna Christian woonspe icaga qa owancaya iyoDte qa Santee Normal Training School kin de icaga.
Iho, otokaheyatanhan woiwange wan, Dakota oyate token wicasta iyecen icagapi kta he,
den wanna woayupte waunyakapi. Tuka woonspe tipi tanka kin de on Dr. Riggs caje kin
okitanin kte hecedan sni. Detanhan wicohan
icage qa iyaye kin tokata wicoicage owasin
ekta icah ye kta qa sanpa icage kta qa he en
Wakantanka unyawastepi kta.
REV. JOHN EASTMAN DECEN EYA:
Mitakuyepi: anpetu kin de cante sinya den
unkanpi qa Wakantanka itokam unpadujapi.
Ateunyanpi wan waste undakapi e maka kin de
ayustan kin heon.
Tokeca on waste undapi he. Ecin takudan
sdonye sni unyakonpi kin he ehan waste undakapi kin heon. Tuwe taku wastedake cinhan
takudan tehinda sni ecee. "Wakantanka oyate kin cante wicakiya, heon Cinhintku isnana
icage cin wicaqu, qa tuwe awacin kinhan owihanke kte sni, tuka owihanke wanin wiconi
yuhe kta." Wakantanka wicasta kin waste
wicadake qa cantewicakiya heon cinca tehinda
kin he wicaqu, heon niwicakiye kta. Jesus oyate cante wicakiye kin heon iye tancan kiu tehinda sni wicaqu, ksam wicaye qa niwicaye
kta heon.
Zitkadanwaste Dakota oyate kin cantewica-
Rev. Alfred Longley Riggs, D. D.
kiya heon toni kin unkiyepi en yusota. Wasicun ehna tipi wakan awanyake qa tipi waste oti,
qa kakije sni Wakantanka oie oyaka okihi.
Tuka Dakota oyate kin woonspe nicapi icakijapi. He owicakiye kta cin kin he icicu qa wasicun wanica qa woonspe. w7anica ehan Dakota
ehna woonspe icaliye kta on makoce kin den hi.
Dakota kin Christian woonspe yuhapi kinhan
heceedan on maka akan tanyan tipi qa tanyan
nipi qa mahpiya wiconi yuhapi kta. Koska qa wi
koska Christian wo nspe wicaqu kinhan he wo-
wanikiye tauka, hena tipi qa cinca icagapi kinhan sanpa ksapa qa waste icagapi kta kinhan
he oyate yuska qayuwaste kin eepi kta. Heon
Zitkadanwaste makoce kin den hi qa kuwa qa
iyecen icahye qa Dakota oyate ehna wowapi-
dakiya tanka.
Tanyan weksuye sni tka 1870 hehan Rev.
Dr. A. L. Riggs makoce kin den hi. Ate unyanpi wan teunhidapi kiu Rev. Dr. John P. Williamson Ihanktonwan tipi kiu heci eti. Dr. Williamson cankaga tipi wan oti, maka akadapi heca. Hehan tipi wakan kiu he caukaga tipi aka-
hpe kin maka qa oi7Tiuja kin peji ecne owinjapi,
qacekiye ai eca owisin he akan yukanpi. Oaka-
yotanke wanice, wicasta wakan onajin kin en
canmdaska on wahnawotapi kagapi cistina han
qa canakanka iyotankapi wanjidan en yanke. Qa
hen Dr. Williamson Wakantanka oie oyaka ecee,
tka hena wanna ehnake qa Ihanktonwan oyate
Wakantanka sdonwicakiye kta ekta eti qa heon
Dr. A. L. Riggs ahiti. 1870 December wi etu
koska zaptan ekta wayawa unkupi. Wakpaipaksan heci yatanhan waka. He ehan wanna 1869
wetu he Dakota onge hen makoce icu eyotan-
ke, Rufus Blacksmith, Edgar Rogers. Joseph
Rogers, John Flute qa miye hena osni tehika esta mani unkupi. He ehan Sioux Falls qa
Yankton otahedan tipi wanice. Heci unhipi unkan unyuhapi. Hehan Dr. Williamson oti tka
qon he owohan tipi qa nakun owote tipi unhapi.
Tipi kin siha iyutapi 16 hdakinyan qa 18ohans-
ke, 16 x 18. Dakota winyan wohan qa hehan wocekiye tipi kin he siha iyutapi 18 hdakinyan qa
ohanske kin 24 ecetu. He cokaya natakapi hecen unman en unkistimapi qa unman en oyanke
unhapi.  Canmdaska on owinja unkagapi qa pe-
jiuukowiujapi qa peji ipahin unkagapi qa
sina soka unqupi qa sina unhapi hena ko-
ya on owinja qa in uuwankapi qa Zitkadanwaste etanhan woonspe unkicupi. Koska zaptan kin de etanhan omaka inonpa
otahedan tapi Rufus Blacksmith qa Edgar
Rogers heepi. Etanhan anpetu kiu de yamni ni unyakonpi. Rev. John Flute, 'dehan Miniwakan, Devils Lake reservation,
North Dakota oyanke en Dakota unpi kin
hena Wakantanka oie owicakiyake hena
Christian hecapi qa ksamyahan nipi qa wiconi yuhapi kta onspewicakiye. Qa Rev.
Joseph Rogers is dehan Fort Peck Reservation, Montana oyanke kin en oyate kin
Christian hecapi qa tanyan nipi kta cinwi-
cakiye qa Wakantanka oie kin oyake. Hehan miye waniyetu wikcemua yamni Flandreau, S. D. en tipi wakan he ohna oyate
onspe wicawakiye qa 1906 hehan Good Will
okodakiciye en wai qa hen waniyetu napciwanka Wakantanka oie omdaka. Qa ate
teunhidapi kin Dr Williamson wanua tancan suta sni qa oyate iyaza omani kta iyecetu sni heon Dakota Presbytery kin he
ohna woawanyake maqupi, South Dakota,
North Dakota, Montana qa Minnesota, hena Dakota tona Presbyterian okodakiciye
unpi kin hena token icah aye kta econ masi-
pi heon ohinni ohnihdeya iyaza omani waun.   Wanna de omaka wanji he ecamon.
Iho hecen Zitkadanwaste token cin qa
cinunkiyapi kin onspa tanin qa he oha-
kam wayawatipi sanpa tanka kagapi qa
koska qa wikoska ota onspewicakiyapi
qa dehan Dakota oyate ehna wacinyepica unpi kin hena owasin Santee, Normal Training
School etanhan enape. Hehan Dakota oyate
kin wicasta kin de pida unkiyapi kin on
etanhan unkiksuyapi qa den unhipi kin hecetu qa sanpa woonspe de icage kta he un-
kuwapi kta hecetu hca. Mis miye Zitkadanwaste cinye waye qa nakun ate waya hecen cante mduza. Tokaheya wowapi onspe makiye'qa
hehan waniyetu zaptan waonspekiye kin owaki-
yeheon cinye waye. Hehan onmasika tka winyan mduha taku timahen mduhe kta hena maqu
qa nakun iye ti kin timahen tehan mayuha, qa
ewati kie cinpi hena tanyan piye, iyeliea owinja akahpe wanji maqu kin he okatan, heon ate
waya, hecen cante yus waun ecee. Micinca den
onspeiciciyapi km on tanyan unpi qa Christian
hecapi qa wasicun ehna etipi esta tanyan unpi
qa on cante mawaste. He Dr. Riggs woonspe
unqupi on etanhan qa hecen pida wicaye kin
Dakota qa oyate tokeca ehna ota. Hecen dehan
wookiye waste kin hduha, 2 Timotheos 4: 7, 8.
"Okicize waste kin ecamon, woinyauke kin
ihuniwakiya, wacinyanpi kin he hduha waun;
Qa tokata, woowotanna watesdake wan mihna-
kapi, he Itancan wayaco owotanna kin maqu
kta, anpetu kin he en."
DR. RIGGS TONI KIN
Alfred Longley Riggs, Lac qui Parle, Minn.,
Dec. 6, 1837 en tonpi. Tiwahe okitaninpi
Stephen R. Riggs qa tawicu Mary Ann Longley
Riggs heepi. Knox College, 111. en woouspe
ihuni, qa nakun Chicago en wicasta wakan woonspe ihuni. Hehan omaka 1860 en Miss Mary
Buel Hatch kici kiciyuzapi, qa cinca zaptanpi.
Omaka 1870 he en tokaheya Santee en hi qa
woonspe wankantu de ehde.   He etanhan oliat
kin tankaya iyaya.   Dakota ehna woyuha isau
pa taku sanpa waste qa tehika he awacin qa ki
tanyan en htani.
Nakun Dakota iapi en wowapi ota kaga.   To
ni kin on Dakota oyate owasin iwastepi. Woonl
spe tipi tawa qa towasake hena eciyatanhan. Iy< I
Jesus Christ tawowidake un kin on tawacin oh
qa  ohan  waste owotanna hena on mahpiyatij
awicaya hena yuotanin.