Iapi Oaye (Santee, Nebraska), 1917-05

              SANTEE,   NEBRASKA.
TAKU   WASTE   OKIYA.   TAKU   6lCA   KIPAJIN.
P. B. RIGGS, PUBLISHER.
VOLUME XLVI   NUMBER 5
MAY, 1911
WOKAJUJU KASPAPI ZAPTAN
ANPETU OYAKAPI .
May 16 Anpetu kin he en United States ozuye wata cikcistmna dusduzahan heca ecee Sagdasin makoce kin ekta wanna ehunni Hena
German wata mni mahen un kin heca hena owi-
cadepi qa ihangwicayapi kta. Heon wanna hena heci ipi, qa wanna wancake Sagdasin kin
owicakiyapi kta heon nina iyuskinpi keyapi.
May 17. Washington otonwe kin en wakiya
wicasta kin woope wan decen yustanpi. Okicize kta heon United States owancaya maka obaspe iyohi en koska waniyetu 21-qa 30 hehanyan tona en unpi kin hena wicayawapi kta qa
hena etanhan 500,000 tokaheya akicita en iwica-
oupi kta. County iyohi en wicasta tona itancanyan unpi kin hena eepi koska tona tokaheya akicita en opapi kta iyececapi kin hena wicakalinigapi kta, hecen woope yustanpi.
May 18. Anpetu kin he en Prance makoce kin
en Japan oyate okieize wata tawa ota hihunipi.
Hena ikcewasicun kin owicakiyapi kta, is German wata mni mahen un tawa kin hena wicakuwapi kta.
WICASTA ITANCAN QEYA OMANIPI
Sagdasin oyate en wicasta iyotan okitanin
Mr. Balfour, qa French, wasicun ikceka, oyate en wicasta iyotan okitaninpi, Rene Viviani qa
Marshal J off re hena Washington otonwe en hipi qa President Wilson tunkansidan hena om
omniciye yuhapi qa hehan wiyohpeyatakiya
otonwe tankinkinyan Chicago, St. Louis, Kansas City hena ecen omanipi qa otonwe hena en
wohdakapi ecee. Hecen wicasta ota wanwica-
yakapi qa wohdakapi kin nawicalionpi qa tukten
yapi qa ipi kin heua en oyate nina iyuskinpi
qa nina wicayuonihanpi ecee.
AGUYAPI MDU
United States en wokpan tipi owasin en aguyapi yukpanpi kin aguyapi iyotan ska kin heceedan iyotan kagapi qa unman kin hena aguyapi ha kin hena koya icicahiyapi ecee- Tuka
detanhan aguyapi su en aguyapi mdu tona on
qa tohanyan wicasta yute kta kipi kin hena aguyapi mdu kagapi kta hecen iwanyakapi. De
hecetu kinhan United States en aguyapi su iyutapi woyawa tanka wikcemna sakpe hena sanpa
ota kta qa aguyapi mdu kin hecen kitanna awa-
sakadan kta,
PSIN SKA
Dehan mniwanca akasanpa India makoce qa
Japan makoce hena psin ska ojupi kin nina tanyan ioaga. Psin ska kin he woyute nina waste
esta ohni wasakadan ecee, hecen dehan taku owasin tehika esta psin ska ota kinhan oopeton wasakadan kinhan he oyate nina ounkiyapi kta qa
he wopida kta.	
Dakota Association
OPA WOJU EN
June 1-3, 1917
TAKU IWOGLAKAPI KTA
1. Unkicincapi owayawa en token unkowajapi
he.
2. Wotanin waste ayapi wicohan en mazaska
tona uukayusotapi kin he wicohan iyena
kipi nais iyenakeca sni.
3. Wicohan na Iapi tona econpi na on Dakota
egna Congregational okodakiciye wakan
kin en wicasa wakan  icahwicayapica he.
4. Okolakiciye Wakan el Wowapi Wakan tokel
tanyan unkuwapi na waonspeunkiciciya-
pi kta.
5. Wicohan ikceka woonspe.
6. Wasieun na Lakota icicahiya tipi kinhan ta
ku tona iyokiciwajapi kin.
WICAAKIHAN TEHIKA WAN U KTA
Wanna omaka nom mniwanea akasanpa oyate tankinkiuyan kicizapi qa heon taku kasta
owasin nina tehika qa heon wicasta ota qa tiwahe
ota kakijapi. Unkau dehan wannaUnited States
oyate kin okicize tanka kin en ounpapi kta e he
wanna yustanpi qa heon wonihinciye seca.
Wicasta ota hecinpi, oyate kin is hena he
iyepi qa hecen kiciza yukan qa United States
is he iyowaja sni. Is iye tamaka en qa taoyate
kin en token tanyan unpi kta heceedan icicu-
wa kte iyececa. Tka taku ode ektakta taku
wiyopeya skan qa ecen wata tawa ota German
ihangya.
Ecen wanna dehan okicize kin ope kta qa koska waste hena oyate kin eepi kte ciqon ota awi-
hnunipi kta qa hehan iyotan taku owasin tehike kta qa oyate unkakijapi kta. WicaSta ota
hecen awacinpi qa eyapi qa hena hecetu hee seececa, tka hena hecetu sni.
German oyate kin he wowiyukcan token kage qa heon Sagdasin qa Wasicun Ikceka ovate
dena wicakize kin ohiwicaye cinhan hehan United States oyate de wicakize kta qa taku sni wi
cakuwa kta qa ohiye kta qa owasin wayaka heuncapi kta qa he taku iyotan tehike cin ee kta.
Hecen United States de wanna tanyan sdontki-
ya, heon dehan oyate tona German om kicize
cin hena owicakiye kte qa German wowiyukcan
tawa kin he ecetu kte sni qa United States is
ohni tawaiciya oyate cante wasteya unpi kta he
taku iyotan kin ee. Heon de wanna German
kici kicize kte cin he woowotanna.
Okicize kin on wicasta woyawa tanka sakpe
sanpa wicaktepi qa woyawa tanka topa sanpa
kektopawinge opawinge zaptan kaska yankapi
qa woyawa tanka akezaptan tawicaopi qa woyawa tanka zaptan wayazanka tipi en wankapi, qa
dehan akicita opapi unpi kin woyawa tanka wikcemna yamni sanpa woyawa tanka napcinwan-
kapi hecen ataya wicasta 56,000,000, woyawa
tanka wikcemna zaptan sanpa woyawa tanka sakpe hena maka en wojupi qa woyute ota icaga
qa on maka oyate kin omaka iyohi woyute on
tanyan nipi ecee qon hena htahipi kte sni qa
takudan icahyapi kte sni Heon dehanyan wanna taku owasin nina tehike qa tokata iyotan tehike kta. Heon dehan tunkansidan taoyate kiu
owasin token okihipi woju wicasi qa he hecetu
Unkis Dakota oyate kin taku kin dena wanna
sdonunyanpi hecen unkis eya owasin token unkokihipi kin wounjupi kta, tuwe woju sui qa takudan icahye sni kinhan nina akihan qa tehiya
un kta. Hecen owasin mnihe iciya po qa nica
woju po. Iapi Oaye.
OWACEKIYE LOWANPI
Otokahe ehantanhan owoeekiye omniciye el
lowanpi ece. David omniciye tipi kaga na owicohan econ wicakiyapi, he elan lowanpi eajeyatapi na econkiyapi. Anpetu Oyakapi I, 15: 16,
19, 22 lecel owapi, "Unkan David Lewi itancan,
kin sunkawicayapi wanjigsi lowan wokicanye
on lowan najin wicakiyapi kta kewicakiya, can-
lowankiyapi on, na cotanka on, na mazaicica-
snapi on ; hecel wivuskinyan ho kin waukal ye-
yapikta." Nakun Psalm 33: 2; 68: 25; 81:
1-3; 91: 1-3; 108: 1-3.
Hehan Jesus taanpetu nakun lowanpi ece.
Markos 14: 26, "Unkan olowan wan ahiyayapi
hehan Oliwe Paha kin ekta iyayapi."
Na ohakam Ohan. 16:25, "Unkan hanye cokaya hehan Palos Silas kici Wakantanka cekiyapi na yatan lowanpi." Hehan Palos ta wowapi el lecel eya, Ephesos 5: 19, "Psalm na olowan na wakan lowanpi kin on wahokonkiciciya
po; ahiyayapi na nicantepi kin ekta Itancan
kin ilowan po."
Hehan omaka 340-604 oqogna Wicasa Wakan nom niunpi, Ambrose eciyapi na Gregory eciyapi; hena nupin lowanpi na lowanpi
ho lila piyapi na waste kagapi. Bo wanjigji lehantu esa unkahiyayapi, ece,  Gregori
an   Chant,— woahiyaye,— hecel  cajeuuyatapi.
Heehan omniciye el hokSipiia lowan wicakiyapi : hoksipila 360 lowan wicakiyapi; na lehanyan
Sina ska omniciye el heconpi, sina sapa, nakun.
Hehan omaka 1000, wicasa wan Guido eciyapi,
owaeekiye lowanpi lila awacin na pikiya: hecel
lehanyan unhiyupi.
Tokel iyokipiya owaeekiye olowan unkahiyayapi kta he unkiyukcanpi kta. Ho waste on
unlowanpi kta, he wanji. Ho tanka hee sni,
tuka ho waste. Tokel ho waste unhapi kta he?
Eya tancan tanyau unkigluhapi kta iyececa:
payuwankal unyuzapi kte: wowapi wankal un-
yuzapi kte, lote natake sui unyuzapi kte. Wicoie tanyan na taninyan unkeyapi kta, hecel
owasin okalinigapi kte.
Iapi wanjigji ahiyayapi waSte, tona oowa a, e,
i, o, u, taninyan caje}'atapi heca. Italian iapi
iyotan hececa. Nakun Lakota iapi ahiyayapi
waste, tuka wicota ablezapi sni.
Tuwe tanyan lowan kta hecinhan olowan na ho
tanyan ablezapi kta iyececa. Wicoie tokel kapi.
Olowau toktokeca, wowiyuskin olowan hecapi,
na wocekiye olowan hecapi, wicocante sica olowan heGapi. Hena owasin iakelecel unkahiyayapi kta iyececa sni. Wowiyuskin olowan hena
kitanna lus unkahiyayapi kte, Lakota olowan
39 na44, hena hecapi. Wocekiye olowau hecapi,
hena iwastela, ohola iyecel, unkahiyayapi kta,
olowan 16, heca. Wicocante sica olowan hena
iwastela unkahiyayapi kte, tka iyotan hca Sni,
olowan 10, heca. Hehan ho kin iyehanhan unkahiyayapi kta iyececa, "time" eyapi ogna.
Ito mitakuyepi, wocekiye omniciye el yalo-
wanpi kinhan, nakaha epe cin kiksuyapi ye, na
iyukcan, ablesya ecanopi kinhan awicakehan
Wakantanka ekta, nakun wicasa ekta oiyokipiya
kta. Wahcawastewin, le miye.
PRESBYTERIAN WINYAN OMNICIYE
Conkicakse ed Apr. 19 heehan wicaita wakan
omniciye. He ed winyan okodakiciye oyanke
tona kiya reports ahipi he bduotanin kte. Apr.
20, 1917 wiyotanhan sanpa wihiyayedan nonpa
hehan omniciye unhapi. Ataya mazaska awanyaka he wocekiye eye hehan winyan itancan he
wowapi wakan yawa, qa he eciyatan taku wanjigji okahnih unyanpi. Hehan wowapi kage cin
he cekiya qa hehan omniciye uwicasipi wohdakapi, qa oyanke totanhan hipi dena eepi: Iyakaptapi, Kaksizahanska, Mayasan, Canyowanasapi, Ihanktonwan, Pahata, Heyata, Kangiokute, Bdehdakinyan, Conkicakse, Heipa. Wisa-
kpe en token htanipi ohdakapi.
Iho denakeca wetu wicasta wakan omniciye
en oyanke etanhanhan hipi. Ota hipi sni hecen tona dehan reports ayahipi sni hantuqeS
ptanyetu kinhan yai oyakihipi sni esta reports
yakagapi qa en yeyayapi kinhan hecen oyanke
owasin etanhan wicohan oyahdakapi mazaska
token yakamnapi owasin oyakiwapi kinhan hena wowapi en owasin owa yanke kte qa nakun
owasin Iapi. Oaye en yanke kta. Ota report
yakagapi sni sa nakun oyanke ota takukuna oni-
ciwapi sni. Hecen wokiksuye ota owa niciyan-
kapi sni. Dena ohinni eca nunpi kinhan taku
ota yeksuyapi sni esta wowapi tanka kin en oya-
depi oyakihipi. Hecen mitakuyepi heyeksu-
yapi wacin. Qa hantuqes reports owasin tanyan oyawapi qa yuha omniciye yaipi kte. Tog-
sta is eya mazaska awanyake cin mazaska token-
ken ayaipi hena niciyuotaninpi kte mis ise oyanke etanhan tona reports hdoipi he mdaotanin.
Mary Lacum, ataya wowapi kaga.
Grosse, So: Dak.
WAKANKICIYUZAPI
Mr.David Johnson,Jr.,qaMiss Eliza Nobreast
kici April 8, 1917 en tohanyan nipi kiciyuzapi
qa wicohan wakan en nipi htanipi kta iciconza-
pi. Okiciyuze nina waste q« heon hunkake wicayapi nina iyuskinpi.    Miye wicaweeiyustan.
Culbertson, Mont. JOSEPH ROGERS.