Iapi Oaye (Santee, Nebraska), 1917-06 - 1917-07

              SANTEE,   NEBRASKA.
TAKU   WA6TE   OKIYA.   TAKU   SlCA   KIPAJIN.
P. B.  RIGGS, PUBLISHER.
VOLUME XLVI    NUMBER 6
JUNE-JULY, 191f
WOKAJUJU KASPAPI ZAPTAN
ANPETU OYAKAPI WOYAKAPI TANNI HE
Wanjikji anpetu oyakapi Iapi Oaye en wova-
ka eca he wauna woyakapi tanni heca eyapi Teca unkans hecetu eyapi ecee. Tuka Dakota kin
ota wasicun wowapi onspepi sni kin hena is eya
woyakapi km hena sdonyapi kta iyececa. Nakun tona wotanin kin heua ehanna yawapi esta
Iapi Oaye en ake yanke qa yawapi eca ivokipipi
qa nakun hehau tehan kiksuva unpi okihipi qa
nakun tanyan okalinigapi ecee. Anpetu oyakapi kin en taku yuotaninpi kin owasin unkoya-
kapi sni tuka taku tona iyotan nalion pica qa
sdonye pica henana he unyuotaninpi ecee.
ANPETU OYAKAPI
May 18. Hehan United States okicize econ kta
ihdustan. Tona wanna ehantanhan akicita unpi
kin heca ecee tokaheya yapi qa okicize econpi
kta. Akicita itancan wan John J. Pershing eciyapi kin he itancanyan akicita hena awicaye.
May 21. Atlanta Ga. otonwe kin he en tipi
ide qa sanpa otonwe kiu en tipi iyotan wasteste
ota liulinaga qa nakun mazopiye' ota hulinaga.
Taku peta on inangye kin mazaska woyawa tanka nonpa qais yamni ecen hena kipiya hulinaga qa tiwahe ota ticodan elipewicaya"
May 28. Paducah Kentucky ekta magaju qa
tate wasaka wan county topa hena en iyaya qa
wicasta ota wicakte qa nakun woyuha nina ota
ihangya.
May 31. Hanyetu ekta napcinwanka apa hehan wankan anpehepiya taku wan peta qa ideya
napompom hanskeya sinte yuke seca qa nina
limunyau iyoyamya hiyaya heeen tona nahonpi
qa wanyakapi kin nina wowinihanyan hiyaya.
Makoee dena etanhau tanyan wanyakapi, Iowa,
Nebraska. So. Dakota, Minnesota. Iyotan Sioux
City hen ikiyedan hiyaya qa tipi owasin yuhu-
huza qa hen iyotan nina aiyovam wicaya, qa he
taku ideya nakpakpa hiyaye cin onspaspa kuta
hinhpaye cin hena iyeyapi, qa iguga iyececa
keyapi.
June 8. Oklahoma City, Maste makoce ekta
anpetu kin he en tate iyumni wan iyaya hecen
taku woyuha ota qa ptewanunyanpi ota qa wicasta nakun wanjikji ko wicakte.
— Central America ekta makoce cistinna-
wan Guatemala eciyapi kin en otonwe wan
San Salvador hen htayetu etanhan qa hanyetu
ataya hehanyan maka cancan hecen otonwe he
ataya kinin ihangya etanhan tipi tonana okapta,
nakun otonwe de ikiyedan paha napopa qa etanhan inyan sdo qa peta cahota kin okokipeya
hiyu qa he nakun wicasta ota ihangwicaya.
June 13. Maj. Gen. John J. Pershing tunkansidan taakicita ataya itancan kin he anpetu
kin he en France, wasicun ikceka tamakocepi,
kin en wanna i qa heon wasicun ikceka oyate
qa Sagdasin oyate kin nina wiyuskinpi tanka.
Ihunnipi kin en wayajopi qa iyakisapi qa nina
wicayuonihaupi keyapi.
— Anpetu kin he en London otonwe kin
iwankam German wata kinyan tawa akezaptan
hiyayapi qa taku napomyapi ota kutakiya ka-
da'da hiyayapi hecen wicasta 97 wicaktepi qa
437 henakeca kiuniwicayapi. Nina tehanwan-
kan hiyayapi qa nakuu nina dus hiyayapi,warji-
dan ktici'yedan hiyaya hecen he bolipapi keyapi.
-June 17. Tunkansidan taokiye Herbert C.
Hoover eciyapi decen yaotanin, July 1. anpetu
wakan kin he en wicasta wakan owasin woyute ocaje owasin kpatanpi kta heon okodakiciye
owasin en wowahokonkiye eyapi kta cin qa yaotanin . Woyute span kin hena tohanyan yute
pica kinhan hena ehpeyapi kte sni. Woyute
nahan hcin yute pica esta ehpeyapi kin he hecetu sni eva.
June 19. Nebraska makobaspe en Sunday
school, anpetu wakan wayawapi, kin heon omni-
cive wan nina waste qa nina tanka e yuhapi, qa
tona en yewicasipi kin kektopawinge topapi.
j   Santee Normal Training School
WAYAWA AYUSTANPI, May 28   qa  29,
I 1917  he omaka iwikcemna topa sanpa sakowin
henakeca Santee Woonspe Wankantu kin icaga
I etanhan henakeca.
Wicohan tona onspewicakiyapi owasin kpazopi.    Nakun woskate yuke.
Hehan anpetu inonpa wiyotanhan sanpa Wa-
j yawa Tipi Teca nakaha yustanpi on woecon qa
' wocekiye econpi, qa wicohan tona on tipi waste
kin de hen kagapi kin iwohdakapi. Wicasta
tona wohdakapi kin dena eepi: Rev. John P.
Williamson, D. D.,Rev.T. L. Riggs, D. D.,Rev.
A. C. Warner, Springfield, So. Dak , etanhan,
Secretary R. W. Roundy, New York etanhan,
Prof. Jesse P. Williamson, B. D., Principal
F. B. Riggs, M. A.
Alfred Longley Riggs Memorial Hall.
Wayawa tipi kin de Dr. A. L. Riggs on wokiksuye heca kte. qa heon Alfred Longley Riggs
Memorial Hall eya eajeyatapi. Qa inyan wanji tipi oise en hecen tanyan bagopi e ehdepi.
Woecon kin dena owasin tipi icahda tankan oiyokipiya econpi. Wayawa wikoskapi qa ko-
skapi dowanpi qa Santee band wayajopi. Hehan nina wicota en ahimniciyapi kin owasin
Memorial Hall kin en timahen ipi takuku wayawapi en kagapi qa pazopi kta on ehdepi,
exhibits, owasin wanyakapi, qa wayawa tipi
iyotan waste kin wanyakapi. Maka tipi, basement, eu waspanyanpi onspewicakiyapi. Wa-
kantipi ekta history room, geography room,
art room, Bible room, science laboratory qa
iyotan wankan tipi ekta exhibit room tanka
wan. Hena owasin ekta kta nina wicota iyuskinyan wawanyag omanipi.
Htayetu kin hehan woskate wan The Drama of
Ruth, ehanna Ruth kunku Naomi kici Moab makoce ekta kupi qa he token ohanpi qa token oi-
eyapi kin hena eceh okagapi qa nakun token
iapi qon hena ecen eyapi qa he ehan token oi-
hduze yapi kin hena na'.un iyecen ihduzapi hecen hena Wowapi Wakan en oyakapi qon tona
yawapi ecee kin hena tanyan okalinigapi heon
nina wowanyake waste pazopi qa tona en ipi
hena nina iyokipipi.
Hehan ehake woohiye, prizes, wanjigji yaotaninpi. Tona wakagegepi en iyotan tanyan econpi, tona Wowapi Wakan oehde kin iyotan ota ki-
| ksuya eyapi, tona Wowapi Wakan iyotan tanyan
yawapi okihipi.    Hena eepi takuku ohiyapi.
I     Hehan dehan tona wayawa ihnuipi kin dena
j eepi.   Lucy Rouillard, Sybil Wabasha w, Eugene
I Rouillard, Jonah Long, Brice Farnousthunder
I hena woonspe ihunipi wowapi certificates wicaqupi.   Hehan dena is eighth grade hehanyan ipi
[ on wowapi certificates wicaqupi qa dena eepi.
I Mazie Blueeyes, Winnie DeSmet, Helen Harden.
! Pearl Johnson, Penninah Jones hena eepi.
June 28. Brazil makoce en oyate unpi kin
he dehanyan nahan licin okicize ope sni tuka is
eya wanna okicize kin ope kte England, France,
qa United States hena owicakiye kta hecen wanna ihdustan.
PTAYA OWOHDAKE
Sisseton makoce kin en Ptaya Owohdake kta,
Mayasan kin etu kte do. September 6 - 9, 1917,
hehanyan kte do. Sisseton en hinajin po, qa nakun Veblen en tona waziyatanhan upi hena hen
hinajinpi kte do. Henaos en okpe niipi kte do.
Sisseton hetanhan Mayasan kin makaiyntapi
13 do. Qa Veblen hetanhan Mayasan kin maka
iyutapi 8 do. Hehan caje hdajujupi kin hena
uya po. Tuwe hdustanpi sni kinhan wawanya-
ke eceedan unpi kte do.    Nakun sina yuha po.
Veblen, S. D. JACOB GOCDBIRD.
DAKOTA PRESBYTERY
Conkicakse en, April 20 - 22, hehan Dakota
Presbytery omniciye. Wicasta wakan ake wanji, hunkayapi akesakpe henakeca omniciye en
opapi. Rev. George J. Head itancan kahnigapi. Rev. Edwin Phelps he Congregational etanhan hi qa he yuonihan opekiyapi. General
Assembly omniciye tanka ekta yapi kta, Rev.
A. F. Johnson qa Elder Anderson Crawford
hena wicakahnigapi. Colleges okiyapi on committee Rev. G. Firecloud itancan, wicolian ohdaka, okodakiciye iyohi Huron College he okiyapi kta, October 28, been womnaye he econpi
kta, he Prosbytery hecetuda. Hehan wicasta
wakan onspeiciciye kta iyececa wanji okodakiciye iyohi iwanyakapi qa Santee woonspe eu
yeyapi kte he nakun Presbytery hecetudapi.
I Iapi Oaye kagapi kin he ota opetonpi kta wa-
| wiyopastakapi kte he hecetudapi.    Martin, S.
D. en wasicun cinca okodakiciye cinpi qa he
Rev. Jesse P. Williamson, Rev. A. F. Johnson,
Rev. E. J. Lindsey, Elder Thomas Shortbull
hena en ipi qa yustanpi kta. Hante etanhan
Rev. R. J. Clarkson he kicopi qa he Mr. Clarkson iyokipi heon Presbytery kin hecetuda.
Rev. M. Makey, Jesse P. Williamson, Dr.
Williamson hena en ipi qa wicakieiyustanpikta.
Oglala, S. D. etanhau okodakiciye kagapi cinpi
he Presbytery wowapi qupi. Wicasta wakan
dena en yapi qa iwanyakapi kta, A. F. Johnson,
E. J. Lindsey, Samuel Rouillard., S K. Weston.
Okodakiciye Wotanin Waste tona qu qa wicasta iyatayedan tona qu hena Iapi Oaye en yanke kta qa Winyan tamazaska he is tonakeca he
Iapi Oaye en yanke kta. General Assembly
omniciye kinhan wicasta wakan qa hunkayapi
hen itancan yanke kta iyececa he, he woiwan-
ge ahipi. Wicasta wakan eceena itancan yanke kta Presbyteiy ayupta. Board of Home
Missions qa Board of Church Erection hena
okonwanjidan kta he Presbytery hecetuda.
Board yamni. Home Missions, Church Erection
qa Freedmen hena owanjidati kta he Presbytery
hecetuda sni. Licentiate John Wakeman he
wicasta wakan kta wiwangapi qa wowiwange
owasin tanyan ayupte qa he wicasta wakan kagapi kta he Presbytery hecetuda.
Hehan Pejutazizi okodakiciye Granite Falls,
Minnesota en June 2-3, 1917 hehan Dakota
Presbytery omniciye. Elder Alvin Bird he ina-
hni wowapi kaga kahnigapi. Wicasta wakan
dena en unpi, John Eastman, S. Hopkins, W.
0. Rogers, Moses Makey. G. Head, E. J. Lindsey. Hunkayapi dena, Alvin Bird, Sam Johnson, Adam Greeley, S. J.Hopkins, John Roberts
henakecaxii Rev. Geo. Head Mdehdakinyan
okodakiciye awicayustan kta he Presbytery hecetuda, qa Rev. S. Hopkins Mdehdakinyan ekta
ye ca owicakiyake kta eyapi. Tawacin waste
okodakiciye Rev. G. Head wicasta wakan yuhapi kta kicopi qa Mr. Head iyokipi hecen he hecetudapi qa kiciyusutapi kta hena Rev. S. Hopkins, Jacob Goodbird, Titus leadusmani henakecapi. Hehan John Wakeman wicasta wakan
kagapi kta ou woiwauge iwange qa okodakiciye woiwange wanjikji iwicawange, qa hehan
nape aputakapi on qa wocekiye on John Wakeman wicasta wakau kagapi qa Pejutazizi okodakiciye sutaya yuhekiyapi.
Jesse P. Williamson, Stated Clerk.