Iapi Oaye (Santee, Nebraska), 1917-12

              SANTEE,   NEBRASKA.
TAKU   WASTE   OKIYA.   TAKU   SlCA   KIPAJIN.
P. B.  RIGGS, PUBLISHER.
VOLUME XLVI    NUMBER 10
DECEMBER, 1917
WOKAJUJU KASPAPI ZAPTAN
ANPETU OYAKAPI
Nov. 8.    United States dehan ohankoya taa-
cita on Italia okiye kte tanyan okihi Sni tuka
mazasaka e on okiya qa mazaska $23,000,000
henakeca owicaqu.
Nov. 9. German akicita kin isto wohitikapi
qa Italia akicita kin sicaya wicakuwapi qa ito-
kahkiya napeya awicayapi. Unkan wanna SagdaSin qa WaSicun-ikceka akicita hena etanhan
ekta ai qa Italia owicakiyapi. Hecen wanna
sanpa kuwa awicayapi Sni, tohanyan kuwa awi-
caipi qon hen Skanpi.
Nov. 11. Hawaii wita en oyate unpi kin en
wicastayatapiwin kin Liliuokalani eeiyapi kin
he anpetn kin he en ta. Hecen taoyate kin
tohan tancan hapi kta behan iye oyate unpi kin
ehantanhan token wieahapi en woecon yuhapi
kiu hena iyecen econpi qa tohanyan okihipi kin
hehanyan hduonihanpi.
Nakaha tunkanSidan, Government kin, ake
oyate mazaska owicakidota $3,000,000,000 mazaska henakeca nahanh cinpi. Koskadanka
5,000 hena iyaza wamnayanpi kta iyayapi.
Anpetu wan en wiyotanhan hca hehan otonwe
tankinkinyan qa cikcistinna ko owasin en taku
yuhotonpi owasin yuhotonpi qa he icunhan otonwe tankinkinyan hena ecen wata kinye kin heca
otonwe iwakam kinyan wowapi on mazaska
odotapi kta heca kadada okinyan yakonpi.
Tate wasaka wan mniwanca itokah ohuta kin
kahdaya hiyaya Mississippi wakpa kin iyu-
hdoke qa New Orleans, qa nakun otonwe ota
hena ecen taku nina ota ihangya. Qa mniwanca ekta wita Cuba qa Isle of Pines hena en nina wawihangya, waskuyeca qa pejihutasapa.
Tuktenkten Dakota kin tokiya makoce tehan
taku hececa oyate akipapi oyakapi eca unkiS he
iyounwajapi Sni uukecinpi ecee. Tuka taku
hececa hena unkiye nakun iyounwajapi ecee.
De tate waSaka kin wita hena ecen waskuyeca
qa canhanpi qa pejihutasapa qa taku hececa ota
ihangya hecen banana pejihutasapa canhanpi
hena sanpa tehiya opeuntonpi kta.
Italia akicita kin German tamakapi kin en
tohauyanken imahetauhan ahiwicakipi tuka
ihnuhanna German akicita kin nina wohitikapi. Token on hececa kin Russia akicita German akicita kici kicize ciqon he Russia kin
wanna takudan econ Sni heon German akicita
tona hen Skanpi tka qon hena Italia akicita tukten skanpi kin hen awicahipi. Heon Italia
akicita kin tehiya wicakuwapi. German tamakapi kin tohanyan icupi tka kin hena ehdakupi
qa Italia iye tamakapi kin wanna tankaya wica-
kipi qa Italia akicita kin 180,000 hena wayaka
iwicacupi. Otonwe wan Udine eciyapi otonwe tanka he wanna icupi qa otonwe iyotan waste Venice hee wanna kiyedan ayapi qa he icupi kta seca nina woikope, qa otonwe kin de
German icupi kinhan he ohnayan France makoce kin en iyayapi kta he ikopapi. Hecen de-
hautuh Italia qa Wakicun-ikceka kin wokokipe
en unpi.
TunkanSidan kin oyate mazaska owicakidota
inonpa kin $3,000,000,000 henakeca cin unkan
denakeca $4,617,532,300 mnayanpi. Hecen eha-
eS ota heon Goverment denakeca $3,808,766,150
icu kta qa denakeca $808,766,150 itkom wica-
kicu kta. Tona $50,U00 isanpa en ehpeyapi kin
hena wieakicupi kte cin eepi kta.
SagdaSin akicita kin wanna Palestine makoce
kin tankaya icupi qa nakun sanpa nina iyoptapi
hecen iyukcanpi eciyatanhan ecadan Palestine
makoce ataya ohiyapi kta iyukcanpi. Qa de
Palestine makoce kin SagdaSin ataya ohiye cinhan tokata Jews, Juda oyate, makoce wieakicupi
kta naceca hecen iyukcanpi.
Holland makoce kiu de Iyasica oyate hecapi.
Okicize opapi Sni hecen oyate tokeca kin hena
etanhan ohni woyute opetonpi ecee. Qa woyute opeton hena iS etopteya German oyate kin
wiyopewicakiya. Hecen Skan e dehan wanna
oyate tanyan sdonyapi. Heon wanna England
qa France qa United States hena wanna anaptapi. Hecen Holland oyate kin mazaska ota yuhapi esta woyute opetonpi kta okihipi Sni qa
dehan wanna woyute on nina kakijapi qa wanna nina wieaakihan.
Wanna tehan United States oyate kin win-
yanpi kin hena is eya wowapi iyohpeyapi okihipi kta he kuwapi qa wanna state wanjikji en
okihipi. Nakaha New York makobaSpe en wowapi oiyohpeyapi qa winyan kin hena wowapi
oiyohpeyapi okihipi kta he ohiyapi. Nakuu
New York otonwe en hecen ohiyapi.
SagdaSin akicita kin wanna Palestine, makoce wakan eyapi, kin ehna iyayapi qa Wowapi
Wakan en makoce qa otonwe eajeyatapi kin
Beersheba otonwe kin he wanna icupi qa Turk
akicita 1,200 wayaka iwicacupi qa mazakan
tanka nakun ota wicakipi.
KANGIOKUTE
Kangi Okute oyanke kin makoce tokeca ka
he ito obdaka wacin. Conkicakse hetanhan ta-
henakiya wake. Makoce nina waste, can kin
kasod pica sni, mastinpute, canpa, kanta, makata onmnica, can nakpa, dena owasin nina
ota. Hehan wamakanSkan kin wicite kdega,
mastinca, capa, sinkpe, dokSinca, maka, hena
nina otapi. Qa nakun magaksica obe owasin
nina ota. Ho, dena owasin hecetu tka iyotan
hogan kin he iwicawaSte kin hee. Tona kangi
okute okna tipi kin hena omaka ihuniyan hogan ocaje owasin icakije Sni yutapi ecee, nakun
keya, patkaSana ko nina otapi. Hehan makoce
kin nina hcin magaju sni eSa taku unkojupi
kin owasin tanyan icaga. Hecen tokata magaju sa kinhan iyotan makoce kin nina waSte kta
sdonunyanpi. Nakun makoce kin den peji ihankeya waSte kin heca yukan heeen Sunkawakan
qa pte kin tuktekten ehaS cepapi Kin on tapi
ecee. Hehan okSan ikiyena mazopiye ota he-
ce oyate de takuna icakije sni unpi.
Eya tuwa dena dawapi qa iyahapi kta naceca,
tka de mikdatan Sni tka dena hecetu hca e eced
obdaka. Hekta waniye u 300 ecetu tahenakiya
oyate ohni den unpi deka otiwita ota qa nakun
wieahapi ota hecen makoce de waste kin tanin,
Nakun Inhanktonwan kin makata onmica ota
kin he sdonyapi heon dehanyan heca da yukan
ecee. Nakun cannakpa hiyo ahi sa. Nakun
Dakota tipsinna ota qa nakun zica ota. Ho,
eya makoce unkitawapi kin he tokeca kin he
nayahonpi wacin heon de "IapiOaya en wakdu-
otanin ye do, nitakodapi.      Sam. Bigeagle.
Grosse, So. Dak.
WICATE
MicunSki Mrs. Mercy Frazier Valandra July
31, 1917 anpetu kin he en makite qa hokSiyopa wanji ehpeya iyaye. He mitakoja kin icah-
unkiyapi kte seca unkan Iye Wankantanka togye wiyukcan, qa Sept. 29, 1917 en mitakoja
Minerva Lillie Valandra te. Wi nom iyuSkin-
yan hduha unyakonpi. Tuka Iye Jesus hokSiyopa hena iyotan waSte wicadaka qa wicayawa-
ste hecen wicaundapi. Wocekiye on unkiksuyapi.   Nitakuyepi,       Rebecca M. Frazier.
Santee, Nebr.
ANPETU WAN EN OYATE WOCEKIYE
EYAPI KTA
Nakaha Montana en wicaStayatapi, Governor
Meyer, he tokata wanna ecadau anpetu wan en
United States oyate kin ataya okicize tehike kin
de on Wakantanka cekiyapi qa wookiye kta icekiyapi kta cin qa President Wilson anpetu
wan iye kahnige qa oyate econ wicaSi kta hecen
icekiya, qa wicaStayatapi kin he nina tanyan eya.
WINYAN OMNICIYE
Cansuta ipa winyan okodakiciye en, Sept. 28,
1917 hehan oitancan apiunkiyapi. Mrs. Pattie
Standing itancan, Mrs. Susan Ryan itancan okihe, Mrs. Lizzie Cramer mazaska awanyaka, Mrs.
Lizzie Looking wowapi kaga, Mrs. Lizzie Can-
trell na Mrs. Bad Hawk wamnayan hecapi. Dena wi akenom wotanin waste on wowaSi econ
konpi kta. Winyan okodakiciye owancaya unpi wocekiye ehapi dehan unyeksuyapi kta uncinpi. Mrs  Lizzie Looking.
Oswego, Mont., Oct. 31, 1917.
Heipa winyan okodakiciye, Sept. 26, 1917 en
oitancan piwicakiyapi qa dena eepi. Mary De-
Marris itancan, Nancy Robertson itancan okihe,
Ella D. Iyahpeya wowapi kaga, Martha La Bell
mazaska awanyaka, Nancy Frenier qa Sarah
Moran hena wamnayanpi. Dena omaka wanji
on wicayustanpi wocekiye on unyeksuyapi uncinpi. Ella D.Iyahpeya.
Little Eagle, 5. D., Oct. 11, 1917 qon he ehan
winyan omniciye wanji ta, Mrs. Hattie Lawrence
hee waniyetu 51. Ehake olowan kahniga 133
wocekiye eya na ta. Mitakuyepi winyan maka owanoaya yaunpi owasin unyeksuyapi wacin
hecen sampa Wakantanka etkiya wowilag un-
kiciyapi kta. Mrs. Mary J. L. Dogg.
Wekpawasle Inkpata winyan okolakiciye kin
Oct. 15,1917 el oitancan apikiyapi. Mrs. Josephine Redhorse itancan, Maggie Redbull okihe,
Mrs. Frances Hold mazaSka awanyaka, Mary
Long wowapi kaga, Helen Zuyawin wokagege
awanyaka, Ellen Redhorse na Hintowin kici wamnayanpi, Mrs. Mary Littlestar woyazan awanyaka, Miss Zoe W. Feather woyazan on wamnayan, Sarah Hotonkuwin Emma Hantela kici
wakpamnipi, Frances TaSunketopawin tiyopa
awanyaka. Wicohan cola takula iyecinka iyopte Sni he slolunyanpi. Heon Wakantanka kici htanipi kin he unkiyepi heon tokatakiya wo^-
tanin waste on htaunipi kta on unkiciconzapi
Wakantanka unkicipi un kta ioeunkiyapi.
Mary M. Long.
Ituhu Wakpala winyan omniciye Oct. 7, 1917
hehan winyan apiiciyapi. Lena oitancanpi Mrs.
Rosa White Bull itancan, Mrs. Carrie Bear Looking itancan okihe, Mrs. C. Long Feather maza
ska awanyaka, Mrs. Mary J. L. Dog wowapi
kaga, Mrs. Kills Crow na Mrs. Nancy White
Horse wamnayanpi. Mrs. Nora Many-deeds
na Mrs. Frances Driver wayazan awanyakapi,
Mrs. Mary Brown-man tiyopa awanyaka.
Little Eagle, S. D. MRS. MARY J. L. DOG.
Conkicakse winyan okodakieiye, Nov. 7, 1917
en mniciyapi qa oitancan apikiyapi qa dena
omaka wanji unpi kta wicayuStanpi. Mrs. Annie S. Blanket itancan, Mrs. Mary P. Boy itancan okihe, Mrs. Elsie De Loria wowapi kaga,
Mrs. Lizzie Fluery mazaska awanyanka, Mrs.
Martha Carpenter qa Mrs. Lily Fluery kici
wamnayanpi, Helen Harrison, qa Julia Tiyona
kici wakaptapi. Dena wocekiye on unyeksuyapi kte. Mrs. Elsie De Loria.
Pejutazi winyan okodakiciye pikiyapi. Elizabeth Blue itancan, Emma Jackson okihe, Elizabeth Wakeman mazaska awanyaka, Emma
Redday wowapi kaga, Lydia Adam wamnaya,
Martha Smith woyazan en ya. Dena wi akenom Wakantanka htakinipi kta.
Granite Falls, Minn. EMMA REDDAY