Iapi Oaye (Santee, Nebraska), 1918-02

              SANTEE,   NEBRASKA.
TAKU   WASTE   OKIYA.   TAKU   SICA   KIPAJIN.
P. B    RIGGS, PUBLISHER.
VOLUME XLVII     NUMBER 2
FEBRUARY, 1918
WOKAJUJU KASPAPI ZAPTAN
Published and distributed
under permit No. 351 authorized by the  Act of October
6,  1917. on file at the Post
Office of Santee, Neb.
By order of the President,
A. S. BULESON,
Postmaster General.
ANPETU OYAKAPI
Sagdasin akicita kin Palestine mokoce wakan
kin en nina skanpi qa Dec 7 en Hebron otonwe kin icupi qa Dec. 10 en Jerusalem otonwe
wakan kin icupi. Otonwe kin kutepi sui takudan ihangyapi sni, takudan yusicapi sni tanyeh
icupi. Qa nakun akicita owasin tuwedan sung-
akan mahen ye sni. Ataya maka amani con-
ka?ke kin mahen ipi. Akicita itancan Gen.
Allenby he de Jerusalem otonwe icu kin ee.
Nina ksamyahan wiyukcan qa tanyan econ.
Hehau makoce kin he en oyate wan Turk
ewicakiyapi wocekiye wowicada wan Mohammedan eyapi kin he yuhapi qa wanna omaka 1,200
hehanyan Mohammedan wocekiye kin he ece
edan Makoce Wakan kin he en wanka, tuka
wanna detanhan tokeca kta. Wanna Christian
Jesns wacinyanpi wocekiye kin heu wanke kta.
Feb. 22 anpetu kin he en British Sagdasin
akicita itancan wan Gen. Allenby eciyapi kin
he ake Jericho otonwe kin icu. Otonwe de Turkey tawapi. Wowapi Wakan en ehanna Joshua otonwe de icu oyakapi qon he dee. Otonwe
de ikiyeden iwiyohiyanpatanhan Jordan wakpa
kin he wanke. Uukan okicize etanhan German
kin caukalionpapi wan nina waste qa suta hen
kaga. lye he ohna ozuye kin skan kta heon he
kaga. Tuka dehan wanna hena Sagdasin kin
icupi qa tawapi
Coruniissioher Cato Sells decin yuotanin.
Wanna United States okicize econ kta on ikeewicasta 5,000 akicita opapi. Ota wanna opapi
qa hunh opapi kta on caje oiciwapi. Hehan
tunkansidan mazaska odota hen Ikeewicasta kin
mazaska $9,000,000 henakeca oqupi. Nakun
Red Cross, Cansusbeca sa okodakiciye, on Ikeewicasta kin mazaska ota on okicize en wawoki
yapi hecen wicayaotaninpi.
Wauna wowapi otoksu en tkeutapi 70 her.ake-
ca aya ecee kta hecen yustanpi. Hekta tkeutapi 50 henakeca aye kta okihi tuka dehan isanpa
wanna okihipi. Taku on heconpi kin mahti
hena taku icahyapi etanhan wowapi toksu ohna
yeyapi kta okihipi kta hee iyotan on heconpi.
Hecen detanhan taku ota qais tanka tkeutapi
70 kipi hehanyan wowapi toksu ohna yeyaye
kta oyakihipi.
HAMPTON EN ITANCAN TECA
Hampton wayawa tipi en itancan kin he mdokehan taqa nakaha Rev. James E. Gregg, Pitts-
field, Mass etanhan, he Hampton owayawa kin
en itancan kta e wanna yustanpi. Wicasta nina waste qa ksapa keyapi qa wicohan nina tanka kin de tanyan okihi kta iyecetu.
PTEWANUNYANPI OTA TAPI KTA
Texas Makoce kin hekta mdoketu wi ota magaju sni heon makoce ataya nina puza qa peji kin
icage sni heceu dehan wanna ptewanunyanpi
ota qa tahinwanunyanpi ko ota tapi. Qa iyotan
waniyetu hca ekta sotapi kta, heon dehan makoce toktokeca ekta nina yewicayapi, tuktekten
hemani en owicahnakapi kta awicayapi kin ota
emanipi sni ecee tamaheca kin heon. President
Wilson mazaska $50,000,000 hena okidotapi qa
mazaska kin hena on token niwicayapi kta on
awanwicayakapi kta iwangapi. Heconpi sni
kinhan ptewanunyanpi kin owasin tapi kta keyapi. 	
WATA KAGPI
Nakaha Norway makoce en oyate unpi kin
wata sicu kin hena togye okage wan iyukcanpi
qa wanna he kagapi. Wata kin ohanske qa
ohdakinyan heua tohankeca qa otinskoya kta
hena tanyan iyutapi qa hena ecen maza pson-
psonna on kazontapi, qa hehan makasan (cement) he ataya okastakapi, eya den tukte makasan (cement) taku on kagapi eca casmu odota unpi ecee tuka wata on kagapi en casmu ota
hea unpi sni maza sdoyapi qa taku on kagapi
kta eca token he taku kin kagapi kta ecen yu-
wiyeyapi qa hehan okaStanpi ecee he iyecen makasan cement de kacocopi qa wata sicu kta iyecen maza psonpsonna on kazon wanke cin ataya
en okastakapi qa ecen tasaka eca inyan iyecen
suta qa wanna wata sicu kin he yustanpi qa akan
aticagapi kta heceedan. Wata okage kin de '
ihankeya suta qa nakun nina ohankoya yustan- |
pica, anpetu wikcemna en wata wanji yustanpi
kta okihipi keeinpi. Hecen okini okicize wata
ota ohankoya yustanpi kta naceca. Wata sicu
makasan on kagapi kin de mini en un kin on
ohni sanpa nina suta aya keyapi.
PRESBYTERIAN WINYAN
Wi Akenom Wotaninwaste
Womnaye Kin
WATA KINYAN NOM KICIZAPI
Nakaha askatudan wata kinye' kin heca nom
anpehepiya kicizapi, unman German tawapi qa
unman Belgian tawapi. Maka kin etanhan
wankantkiya maka iyutapi topa hehanyan wankan unpi qa heciya he kicizapi. German wata
kinyan tawa kin e nina tanka qa mazakan machine guns eyapi heca nom yuha un qa Belgian
tawa kin e cistinna qa mazakan machine gun
wanjidan yuha hececa esta German tawa kin
bohpapi hecen Belgian wata kinyan tawa kin e
ohiya. Iyahna Belgian tamakapi kin imahe-
tanhan hinhpaya. De nakaha ihankeya wata
Jdnyan kin dena wankantuya kicizapi.
Iyakaptapi	
" Wawokiya Cistinna....
Tawacinwaste  	
" Wawokiya Cistinna.
Canyowanasapi	
Kaksizahanska 	
" Wawokiya Cistinna.
Bdehdakinyan   	
Mayasan   	
Heipa	
Kangipaha	
Kangiokute	
Wakpaipaksan	
" Wawokiya Cistinna.
Mniska	
Cansutaipa   	
Pejuh. tazizi  	
Mnisda	
Upsijawakpa	
Makaicu  	
Inyanhewita	
Conkicakse "	
Wanblihohpi	
Makasanwakpa	
Canipa	
Ihanktonwan	
Pahata 	
Hante	
Heyata	
Matowakpa	
Pahata Wawokiya Cistinna	
Kangiokute Wawokiya Cistinna ...
Ataya     $2248 24
Winyan caje hdajujupi omaka 1915, 1916,
1917 Denakeca $322.25 Winyan ataya mazaska awanyaka. Victoria Simmons.
$211 30
167 00
142 80
115 15
70 00
135 00
29 99
70 00
107 25
36 15
70 05
63 10
47 35
25 00
19 00
5 00
104 00
18 00
45 00
25 00
16 00
24 00
10 00
11 00
5 00
233 00
100 00
125 00
80 00
25 00
80 80
32 50
Iapi Oaye Yakajuju
Receipt Nicupi
"Iapi Oaye" wanna wakajuju tuka receipt
mayaqu sni eyapi ecee. Hena ojuha akan owapi kin tanyan iwanyaka po. Hen tohan yakajuju receipt yanke qa he tohan yakajuju kin
yutanin kin ee.
Tohanyan Yakajuju Ojuha en Owapi.
Wicasta ota tohan Iapi Oaye hdajujupi kiksuyapi Sni qa heon unkiwangapi sa tuka wi iyohi tohan Iapi Oaye unnienpi ojuha en owapi
ecee. Nakun wotanin wowapi owasin heconpi.
Hecen hena tuwe he abdeze sui kinhan ito de
en etonwe kta.
ito tuwe Joseph Redfish eciyapi qa Peever,
So. Dak. he wowapi oyujuju tawa kinhan qa
Dec. 1917 hehanyedan kajuju kinhan Iapi Oaye
unqupi eca ojuha akan decen unkowapi.
Joseph Redfish        Dec 17
Peever S D
Hecen Joseph Redfish Dec. 1917 hetanhan icazo
hiyu he tanin.
Qais tuwe Frank Collins eciyapi, Herriek,
So. Dak. en qa iye Iapi Oaye icu hehan ojuha
akan decen owapi:
Frank CollinsO      Jan 9
Herriek S D
He decen kapi, tokata Ian. 1919 hehanyan
hdustan, hehanyau hdajuju. Hecen otoiyohi
tona Iapi Oaye iyacupi ojuha eu taku owapi
iwanyaka po. Heciyatanhan tohanyan yahda-
juju tanin qa nakun tohanyan iyakazo heua
tanin. Iapi Kahniga.
GERMAN OYATE KIN KAISER TOKEN ON
IHAKTAPI
German oyate kin token ou etanhan Kaiser
nina ihaktapi qa on token eye kin owasin ecen
econpi kin he decetu.    Oyate kin de isnana iyotan icidakapi.    Oyate maka akan unpi kin German oyate heceedan oyate waonspepi qa iyotan
ksapapi qa iyotan wastepi qa tokieonzepi kin
he ihankeya waste.    Qa oyate unmanpi kin hena en hecece sni beon hena oyate kin sica wica-
yawa.    Hecen siceca icagapi kin wanna waniyetu topapi kin hetanhan wayawa wicakiyapi anpetu wakan wanji en anpetu sakpe wayawapi,
tohnina wokiksuye on anpetu oziiciyapi heca
yuhapi sni, katinyan anpetu sakpe kin hena en
wayawapi ecee.    Qa taku onspewicakiyapi kin
he iye oyate tokieonzepi kin qa iye wicohan tawapi kin heceedan iyotan waste heon heceedan
onspewicakiyapi qa he ohnayan tanyan wicakaonspepi, hecen oyate tokeca tawicolian qa tokieonzepi kin hena takudan sdonyapi sbi icagapi.
Heon itancan tawapi kin nina ihaktapi qa nina
ohodapi, ecin iye oyate iSnana wastepi heceedan ohna wicakaonspepi qa sdonyapi qa oyate
tokeca eciyatanhan takudan sdonyapi sni heon
dehan wokonze wan kage qa oyate owasin ohi-
wicaye qa maka akan oyate owasin tawa wicaye qa tokiconze kin heceedan owasin opapi kta
hecen konza qa heon okicize tehika de icaga qa
hecen wanna wicasta ota awihnunipi qa iye nakun German oyate kin wicasta ota ihangiciya-
pi qa taku owasin on iyotan tehika qa nakun
sanpa tehika aya esta hena nina hca en ewacinpi sni seca qa iyepi isnana wastepi heon itancan  tawapi kin token wakonze qa econ wicasi
kin hee wicadapi qa anagoptanpi.    Hecen German oyate kin ksapapi qa wasdonyapi esta oyate unmanpi kin eciyatanhan takudan sdonyapi
sni kin heon  itancan tawapi  Kaiser hee nina
ohokidapi qa anagoptanpi.
Nitakoda IAPI OAYE yuha he. Cinyaki-
ye cinhan waste kta. Omaka wanji kaspapi zaptan.