Iapi Oaye (Santee, Nebraska), 1918-04

              SANTEE,   NEBRASKA.
TAKU   WASTE  OKIYA.   TAU   6iCA   KIPAJIN.
P. B    RIGGS, PUBLISHER.
VOLUME XLVII     NUMBER 4
APRIL, 1918
wokajuju kaSpapi zaptan
ANPETU OYAKAPI
Hekta wiyawapi he
en United States kin
en mniwanca ohuta en
wita wata oihunni tankinkinyan ota German hena tawapi hena
wanna United States
tawa kta hecen yustanpi hecen TunkanSidan
Wilson iS eya iyokipi
hecen hecetu kta on
wanna President Wilson wowapi yutan qa
wanna hena United
States tawa hecen yuStanpi.
Hekta anpetu wakan
7 qa dehanyan hena
anpetu ota en token
okihi okicize econpi. Maka icaga ehantanhan tohnina ©kicize wanji he iyecen
tanka qa tehika wanica. SagdaSin qa wai
Sicun ikceka akicita
hena kiwicayuksapi kta cinpi heon German
akicita tohanyan okihipi wicaSta nina ota a
qa wipe waSaka hduha SagdaSin kin om kicizapi.
Sagdasin akicita kin iwaStedan napeya awicaupi
tuka tohan wowinape oyanke suta icicagapi kin
he en hdipi hehan sutaya nakikSinpi qa itkom
German akicita kin ihangwicayapi hca. German
akicita kin kektopawinge opawinge yamni sanpa
wicaktepi qa SagdaSin akicita kin iS kektopawinge opawinge wanji sanpa kektopawinge wikcemna zaptan hena wicaktepi. Nakun French
akicita qa American akicita ongege okicize kin
en opapi eSta otapi Sni. German token econ kta
konze cin he okihi Sni. Okicize tehike kin
de maka iyutapi wikcemna zaptan ohinskoya
en he Skanpi. Okini de ihankeya okicize tehika
econpi naceca.
United States en oSpaye tona unpi qa hena
etanhan tohau tunkansidan tokeca kta eca wicaSta wanji iS eya hdahnigapi qa he tunkanSidan
ee kta on wowapi iyohpeyapi ecee. Unkan dehan ake oSpape tokeca wan, political party-eya-
pi, national party eya cajeihdatapi, he icaga.
Hee dehan nina en opapi hecen tokata tohan
tunkanSidan kahnigapi kte cinhan iS eyaoSpan-
ye kin he en opapi kta. Nakaha he Chicago en
omniciye wanji tanka yuhapi qa he en oSpaye
de icicagapi qa David C. Coates he itanean kta
yuStanpi.
March wi icuuhan qa dehanyan SagdaSin
akicita hena makoee wakan, Palestine, en Skanpi kin sanpa iyoptapi. Gen Allenby wanna
Shechem ikiyedan wanna Skan qa ohini sanpa
iyopta. Nakun Mesopotamia Makoce en, he
Euphrates Wakpa opaya, ehanna he Abraham
tamakoce, Bagdad otonwe etanhan maka iyutapi wikcemna sahdogan hehanyan Turk oyate
napewicayapi.
New Hampshire etanhan Senator Gallinger
tunkanSidan Pres. Wilson decen econ kta iyececa kida. Anpetu wan kahnige qa he en United
States owancaya oyate iyopeiciye qa akihan
iciye okicize en tanyan econkupi qa tanyan
ohiunyanpi kta on Wakantanka iceunkiyapi
kta hecen kida qa he nina tanyan eya hecen
okini ecadan President Wilson oyate hecen econ
wicaSi kta naceca.
Brazil makoce en oyate unpi kin iSeya wanna Germany kici kicize kta ihduStanpi qa heon
okicize ehantanhan German wata tawa tona kaska wicahnake kin hena wanna iye wowidag ye
kta heon hena piyapi.
CANADA DAKOTA KOSKA OKICIZE
OPAPI KIN
Dakota onge Sagdasin wokiconze ohdateya
unyakonpi. Wokiconze wan ohniyan waSte kin
heca. Wokiconze de wicasta iyohi 6waSte heon
tuwe owasin tukten un kin he ohni awakicin qa
ouutawapi he nina tehike kidapi. Tuka IaSica he wokiconze de yujuju kte qa oun tawapi
hena wicaki kta kuwa heon wicaSta tanka qa
koSkanaka owasin tohanyan okihipi hehanyan
naicijinpi. Ho, unkan unkiSeya Dakota koSkanaka wicunyuhapi onge oyate tanka naicijinpi
en opapi. Onge Siksieaya tawicaopi qa onge
wanna wicaktepi. Tuka koSka ihnuhan taopi,
wicaktepi, iapi kin he koyakipe cinhan. Dakota koSka okicize ekta yapi kte cin hena wanjikji om wowahdaka eca deyapi ecee. Wowayazan ocaje wanjikji hanhiya wicayakakija ecee
qa hee iyotan tehike. Qa tohan okicize makoce eciyatan wowapi kagapi eca deyapi ecee.
Oiyokipiya IaSica kin om econkupi tuktenkten
iyotan oiyokipi wadaka eca wapanpan ecee.
Pipestone, Wipazuka Wakpa, Mdetanka hena
oyanke iyohi wanji wanna IaSica mazasu tawapi on wankahanpi. Koska dena decapina tuka
cante oyuze tawapi wowaditake ojupina. KoSka dena iye cinpi hca on okicize econpi hecen
hena akicita waditakapi wankahanpi kin om
wankahanpi qa cajepi kiu sanpa iyagapi. KoSka
dena wicaktepi kin eepi. Thomas Kasto Pipestone etanhan, John Taylor Wipazuka Wakpa
etanhan, Joe Peters Maetanka etanhan.
Ehake wiconi en Itancan kin heya. "Tuwe
takuwicaye cin on wiconi ehpekiye cinhan he
wowaSte kin tuwena kapeye Sni.
Pipestone Manitoba, Canada. JOHN THUNDER.
IKCEWICASTA
OYATE  COTTON OJUPI
Wiyohpeyata Arizona makoce en tukten
IkcewicaSta obe wan
Pima ewicakiyapi tukten unpi kin hen dehan cotton heca ojupi
qa nina tanyan icaga
keyapi. Egupta makoce etanhan cotton
obe tokeca, hin hanska, ahdipi qa ojupi
unkan tanyan icaga
hecen wanna omaka
iyohi sanpa ota ojupi
ecee. Cotton obe kin
de etanhan automobile huha canSin kin
on kagapi qa nakun
hahonta on kagapi.
Wiyohpeyata makoce
dena en tohnina heca
icahyapi Sni tuka dehan Arizona en nina
^^^^^^^^^^^^^^ tanyan icahyapi kin
on wopida. Cotton icahyapi makoce kin he en
nina puza tuka mini natakapi qa heon amnitan-
yan wojupi ecee qa heon tantanyan waicaga
ecee. Cottftn obe tokeca kin de automobile huha kin en onpi waSte, hin hanska qa suta na
ka§.    Pima Cotton eya eajeyatapi kta.
RED CROSS ON WOMNAYE
KoSka qa wikoSka ko okicize tanka ekta tona
tawicaopi qa wicaktepi ko hena awanwieayaka-
pi qa owicakiyapi kta on Red Cross ewicakiyapi kin hena mazaska mnawicakiyapi qa mazaska
denakeca mnayanpi $14,000,000.
WAWOKIYA CISTINNA
Kangiokute wawokiya eistinna oitanean pikiyapi Oct. 1917 en, Jeffery Ree itancan, Isabel Two-
dog mazaska awanyaka, Pauline Pratt wamnayan, Sarah Spottedeagle wowapi kaga. Wocekiye on unyeksuyapi kta.
Grosse, So. Dak. SARAH SPOTTEDEAGLE.
Iapi Oaye duha he.    Duhe kta iyececa
WOWAPI MAQUPI
Iapi Oaye toka kagapi ehantanhan opewaton
qa hecen Iapi Oaye kin he mitakoda iyotan waste mitawa kin hee. Taku otakiya on Iapi Oaye kin omakiya. Wasicun iapi ohna mdawa
kta owakihi Sni kin heon Iapi Oaye kin ohni
koda waye. Dehan iyotan okicize wan tanka
qa wanna koSka unkitawapi ota ekta iyayapi qa
hena on taku toketu kta hena naunhonpi kte
hca, koska hena tewicunhindapi kin heon. Tuwe wan waSicun wotainin wowapi yawa okihi
wan mikiyena un Sni qa heon tehanhan okicize
on takudan nawahon Sni ecee. Heon mitakoda
Iapi Oaye heceedan akipe waun ecee. Hehau
micinca wicincana wan Word Carrier yawa waste daka hecen he ohni uyakiye kta.    Nitakuye
Greenwood, So. Dak. PETER NECKLACE.
wicaSta wakan omniciye
dakota association
Inyan Bosdata oyenke en June 1-3,1918 hehan Congregational wicaSta wakan omniciye yu
hapi kta.    Okodakiciye iyohi wanji kahnih ye-
Sipi kta, qa winyan okodakiciye iyohi etanhan
wanji kahnih en yeSipi kta.
LIBERTY LOAN
United States okicize econ kta heon tunkanSidan kin United States oyate kin mazaska oqu-
pi kta kewicakiya qa he econpi. Tuwe kaSta
tona okihi econpi qa mazaska $3,000,000,000
henakeca tunkansidanyapi kin oqupi kta.
ikcewicaSta wokuwa ota ito
ekihnakapi kta
IkcewicaSta on wiyukcanpi obepi kin en com-
mitee itancan Mr. Carter he decen eya. Ikeewicasta oyate kin omaka 1910 itokam tunkansidanyapi en taku tona kicuwapi kin hena ito
okicize kin de on hena eunhnakapi kta eya.
Hecen tohanyan okicize kin hehanyan IkcewicaSta wokuwa ota en etonwapi kte sni hecen yu-
otaninpi.