front cover |
Save page Remove page | Previous | 1 of 4 | Next |
|
small (250x250 max)
medium (500x500 max)
large ( > 500x500)
Full Resolution
|
This page
All
Subset |
Loading content ...
SANTEE, NEBRASKA.
TAKU WA&TE OKIYA. TAKU glCA KIPAJIN.
P. B. RIGGS, PUBLISHER.
VOLUME XLVII NUMBER 9
NOVEMBERDECEMBER, 1918
WOKAJUJU KASPAPI ZAPTAN
AMERICA WATA KINYAN TAWA
Decana anpetu tonana he ehan America akicita kin anpetu wan en America wata kinyan
tawa kin 350, opawinge yamni sanpa wikcemna zaptan hena otiuskoya German akicita yu-
kanpi kin owasin iwankam okmyanpi qa taku
napomyapi kin heca wankantanhan anapomwi-
cayapi. Anpetu kin he en taku napomyapi kin
he ton iyutapi 32 hena anapomwicayapi.
GERMANY OYATE AKIHANPI
German Oyate kin okieize okokipe wan omaka topa econpi qa maka oyate ataya kakis un-
yanpi.qon he wanna token konzapi qa heon
heconpi qon he wanna okihipi sni, qa wanna
okicize ayustanpi qa dehan German oyate wanna woyute on kakijapi qa nina akihanpi hecen
woyute dapi.
OKICIZE WANNA AYUSTANPI
Nov. 11, 1918 anpetu kin hehan wanna okicize kin ayustanpi kta e German oyate kin woo
kiye wowapi kin yutanpi, okicize kin ataya-
ayustanpi.
AUSTRIA OKICIZE AYUSTAN
Austria oyate kin okieize en German kici tidan tuka German qa Austria oyate wasake sni
ayapi qa tohnina ohiyapi kte sni e tanyan sdonyapi hecen wancake icioupi qa wokiyapi hecen
okicize kin ayustanpi hehan wancake taku tawa
hemani, okicize wata, mazakan, mazakan tanka,
cahdi, mazasu, owasin Sagdasin, Wasicun ikceka, qa America Akicita, kin wicaqu. Hecen
hena iye token einpika on wowidagyapi. Nakun
Au»tria wancake akicita tawa owasin wicakpahi.
Wicanagi wanji Jesus en ihdohi ca he wowi-
yuskin anpetu de John Halfred icicons mniakastanpi qa okodakiciye opa. Hoksiyopa wan
mniakastanpi Vina Evan eciyapi, Leon qa Bel-
via S. Bull de cincapi. Joseph Rogers.
GERMAN WINYAN OKICIZE OPAPI
Wata kinyan nonpa German tawa America akicita kin bowieahpapi unkan henaGerman winyan
hecapi. Hecen wanna winyan ko okicize econpi.
WAYAWA OMNJCHE OITANCANPI
Wayawa omniciye owancaya unpi kin omaka
de ake tona oitaucanpi kta wicakalinigapi kin
deua.eepi:
Mrs. Etta Crawford Bird ataya itancan.
Mrs. Alice Keeler Wowapi kaga.
Mrs. Mary Likehim Mazaska awanyaka.
Hehan ovanke en itancanpi:
Mrs. Delia Shortbull, Wanblee, S. D.
Ben Kindle Makasau Wakpala, S. D.
Mrs. Nellie Tatiyopa Grosse, 5. D.
Chas. Hoffman, Fort Berthold, N. D.
Philip Jerome, Fort rotten, N. D.
Matt. Demarrias, Veblin, S. D.
Chas. Oneroad, Sisseton, S. D.
Silas Aungie, Greenwood, S. D.
Peninnah Jones McBride, Pahata, Dante, S. D.
Mrs. Anna Emery, Santee, Neb.
Rev. Arthur Tlbbets,-Cannon Ball, N. D.
Peter Lawrence, McLaughlin, S. D.
Garfield Driver, Little Eagle, S. D.
Rev. Henry Roe Cloud, Wichita, Kan.
Rev. George Firecloud, Inyanlie, Mont.
Chester Arthur, Poplar, Montana.
Walter Clark, Frazer, Montana.
Russel Spottedbear, La Plant, S. D.
Mrs. Alma Blueeyes, Lantry, S. D.
Mrs. Lillie Foster, White Horse, S. D.
Mrs. Rebecca Quinn, Granite Falls, Minn.
Rev. Sam Rouillard, Oglala, S. D.
Minni Lamont, Allen, S. D.
William C. Jones, Herrick, S. D.
Miss Anna Barker, Flandreau, S. D.
Frank Goodcloud, Fort Yates, N. D.
WOYAZAN TEHIKA WAN
Woyazan tehike wan Spanish influenza eya caje yatapi kin dehan wiyohiyanpata nina ewieace-
ca qa on nina tapi. Heon owancaya token okihipi kin wowayazan heanaptapi kta kuwapi, qa
wanna wicohan woecon ota ayustanpi. Chicago
en oko wanjidan en 10,735 hena keca ececapi
qa oko wanjidan en 140 tapi oyakapi. Woyazan kin de nakun on ota cagu po woyazan kin
ececapi ecee. Hecen wowayazan de makosiea
heca heon owancaya itonpapi kinhan waste kta.
SANTEE WOWAPI WAKAN TA WOONSPE,
January 12,—February 12, 1919
Wanna Santee en, Wowapi Wakan Tawoon-
spe, January 12-February 12 icunhan he ikiye
dan -aya, heon dehan he kiksuyecieiye ca wa-
ktaciye kta wacin. Den woyute qa tukte en ni-
stimbe kte cin wokajuju codau nicupi kta. Tuka canku wokajuju hena niye yahdajujukta.
Hehan oyakihi kinhan yahi kta uncinpi qa
witaya Wakantanka oie qa wicohan tawa on-
speunkiciciyapi kta. E. J. Lindsey.
Wanna German Wokiyapi Cin
Okicize kin wanna German qa Austria oya-
tepi kin ayustanpi kta cinpi heon wookiye kagapi kta cinpi qa British qa France, qa United
States owicakiyakapi qa wookiye kta wicakida-
pi, tuka wicadapi sni. Tohanyan United States
Flag wiyokiyedan tawa kin Berlin otonwe en
wankan taninyan inajin sni kinhan hehanyan
wookiye kte sni hecen awacinpi.
ABDEZA PO
Ito dehan taku wanji unkabdezapi kta wacin
qa he decetu. Tohan wanna unkitakuyepi wanji Akicita ope kta qa wanna iyaye kta eca hehan
Wakantanka oie kin unkokiyakapi ecee tka.
He wicada qais wicada sni hecinhan sdonunyanpi sni. Unkicincapi hena cikcistinpidan etanhan Wakantanka oie kin onspewicunkiyapi kinhan awacin icagapi qa tohni Wakantanka oie
kin ayustanpi kte sni.
Hehan taku wanji ecanonpi kte sni iyeoeca.
Tohan tuwe Akicifa ye kta hehan tokaheya awa-
span wicayapi qa iyokiheya wasicun wacipi wi-
cayecagapi ecee kin he, unkan heon mis" decen
epe kta. Wasicun wacipi kin he yuha zuya ye
kta he hecetu st.i. Ecin heon ni kta heca sni
qa akes unkitakuyepi kin de wasicun wacipi
wayupike qa he yuha zuya i qa ekta toketu kinhan token unkeyapi kta he.
Ho he nina wasicun wacipi wayupike qon unkeyapi kta nace ; hiya hecetu sni. I to Wowapi Wakan kin de yawapo qaabdezapo. Jakob 4:1 17.
wilmot, s. d. George Horne.
MAHTI WICASTA IYOPTA
Mahti wan sanpa oicihi aya e ite owapi kin de eciyatanhan yutanin. &uug onajin wamnaheza tipi, ptewanunyanpi tipi qa nakun conkaske
owasin tanyan piya qa owasin waste. Tohan mahti wan ti taconkaske kin jujnwaheya hiyeye qa sungouajin tiyopa qa owanye ko owasin wanin
wanka qa pte onajin kin kokiyotaninyan wanka dena hecen wanunyakapi hehan mahti wicasta kin de sanpa oicihi aye sni kin he tanin.
Tipi qa taku kasta oti owasin wasteste qa conkaske owasin tanyan wanka hena eeiyatanhan mahti wicasta kin he mniheca qa sanpa oicihi
aya he tanin eeee. Ite owapi kin de on Dakota tona mahuntipi kin awauncinpi qa on woonspe unkicupi kta iyecece. Omaunnipi en mahti wan
tipi tawa waste sni qa taku oti kaesta owasin slksica wanunyakapi eca he Dakota wicasta wan ti e he sdonunyanpi ecee. Omaka iyohi taku kasta
tipi qa sungonajin pte onajin conkaske hena tanyan pikiye qa ohni hen^ sanpa wasteste yuha aye kte, hena hecen cin kta iyececa. Ho, tona ma-
hyatipi ite owapi de tanyan wanyaka po qa nig iyecen oicihi wacin po.
Object Description
| Title | Iapi Oaye (Santee, Nebraska), 1918-11 - 1918-12 |
| Edition | Volume 47, Number 9 |
| Date of Creation | 1918-11 - 1918-12 |
| Publishing Agency | Alfred Longley Riggs (Santee, Nebraska) |
| Language | Dakota |
| Minnesota Reflections Topic | American Indians |
| Item Type | Text |
| Item Physical Format | Newspapers |
| Formal Subject Headings |
Indians of North America Community newspapers Indians of North America -- Newspapers Dakota Indians Dakota language |
| Locally Assigned Subject Headings | Dakota language; Indian missions; Dakota Indians; Presbyterian Church--Mission--Periodicals; Dakota Indians--Periodicals |
| State or Province | Nebraska |
| Country | United States |
| Contributing Organization | Synod of Lakes and Prairies, 2115 Cliff Drive, Eagan, MN 55122 |
| Rights Management | This document may be reproduced and used freely for educational purposes without written permission. However, in order to use the digital reproductions for any other reason, users must have the express written consent of the Synod of Lakes and Prairies, 2115 Cliff Drive, Eagan, MN 55122. |
| Local Identifier | lak1105 |
| LCCN | unk84153202 |
| Fiscal Sponsor | Grant provided to the Minnesota Digital Library Coalition through the Library Services and Technology Act (LSTA) and the State Library Services and School Technology unit of the Minnesota Department of Education. |
Description
Tags
Comments
Post a Comment for front cover
