Iapi Oaye (Santee, Nebraska), 1919-01

              SANTEE,   NEBRASKA.
TAKU WASTE'OKIYA.  TAKU   SlCA  K1PAJIN-
P. B. riggs, publisher.
VOLUME XLVIII   NUMBER 1
JANUARY, 1919
WOKAJUJU WIKCEMNA &AKOWIN
WAPATANPI ONSPEWICAKIYAPI
Nebraska makoce en University woonspe
wankantu etanhan waonspekiva wanjikji makoce ektakta woyute qa wokoyake ko patanpi
kta on dehan ektakta waonspekiye skanpi.
Winyan tuwe kaSta okihi kin en ope kta okihi. Hehan dehan witka kin nina tehika heon
anpaohotonna wiye wicaduhapi tona witka ohni
yuhapi kin hena tanyan wicahduha po.
MEXICO EN WIHDI
British oyate qa United States oyate hena
Mexico makoce kin en wihdi ota heon tuktekten
wihdi oahinanpe wanjikji opetonpi qa hena
etanhan ohni wihdi icupi qa owancaya wiyopeyapi ecee. Dehan okicize tanka qa taku owasin
en wihdi kin nina wowidag yapi. Okini heon
Mexico oyate kin wihdi kin hena iye wanna ta
wapi kta cinpi qa heon ewicakicihdakupi kta
cinpi. Tuka British qa United States kin is
wicadapi sni hecen okihipi sni.
IKCEWICASTA IYE TOKAHEYA TAKU
KAGAPI
Ikcewicasta kin taku iyepi tokaheya iyukcan-
pi qa kagapi qa hena unkiyepi dehan maka oyate unyakonpi kin etanhan unqonpi qa piundapi.
Qa dena ee; pse, hanpaikceka, tanpa wata, tipi
ikeeka (dehan akicita wakeya qeya iyecen kagapi) qa taha wokoyake, (dehan wihni wicasta
qa waode wicasta hena ohni unpi ecee.) Hehan
can hanpi etanhan canhanpi kagapi kin he ehan-
na Ikcewicasta kin Wasicun onspewicakiyapi.
Hehan wamnaheza kin, dehan taku woyute iyotan waste wahna wotapi en unhapi kin hee, Ikcewicasta winyan kin wamnaheza hena ojupi qa
akatapi qa icahyapi qa etanhan waskuya qa wa-
skuya onmuica icicahiyapi, pasdayapi, qa wamnaheza bopanpi hecekcen woyute kagapi ecee.
Hehan tado pusyapi qa kapanpi qa wihdi qa waskuyeca pusyapi hena icicahiyapi, dehan wasna
unkeyapi kin hee. Dehan oyate owasin en nakun woyute he yuhapi qa he nina waste. Hena Ikcewicasta ovate taku kagapi etanhan anpetu dehanyan oyate owasin on unkiwaStepi.
WIKOSKA WAN MNIHECA.
Belvidere, S. D. Cannumsapa wakpa iyuhdo-
ke ikiyedan hen wasicun wikossa wan Miss Rose
Cacek eciyapi, mdoketu kin de maga ospe 75
acres hena en woju qa kicahyan. Timdoku wan
hena kicanye kta tuka akicita opa qa okicize
ekta iyaya heon iye hena oju qa kicanyan.
Hunku wakanka wiwazica kicisnana ti, nakuu
sunkawakan on htani kiu hena iye wicakaon-
spe qa hena on htani. Aguyapi su icahye kin
nahanhcin nakankieiciyapi sni tuka eqeS maka
ospe iyohi iyutapi 20 bushels henakeca kta qa
nakuu taku ota oju kin owasin nina tanyan
icahya. Nakun wamnaheza oju nina tanyan
icahya. Hecen South Dakota en owoju kin on
wikoska kin de ataya wakapa.
WAKAN KICIYUZAPI
flante okodakiciye en, July 7, 1918 James
Williams, Jr., qa Clarice La Pointe kiciyuzapi. Hehan August 11, 1918 en Wasuinanpa
qa Eva Tunkantopawin kici kiciyuzapi. Dena
Rev.  R. J.  Clarkson wicakiciyustan.
Alex Horneagle.
Mdehdakinyan  okodakiciye  en, Aug. 2,   1918
David J.  Redthunder qa Julia  Dumarce kici
kiciyuzapi.     Rev.   Elias   Gilbert   wicakiciyustan.
Santee, Neb., en Aug. 15, 1918 en Clement P.
Valandra, Rosebud etanhan, qa Sophie Frazier,
kici kiciyuzapi, wikoske de Lot qa Rebecca
Frazier, cincapi. Rev. Francis Frazier kici-
yus-wicakiye.
Little Eagle, S. D., March 31, 1918 en Jesse
Takenalive qa Magdalene Brings Horses kiei
kiciyuzapi.
Ihanktonwan Greenwood, S. D. en, July 11,
1918 Mr. John Omaha qa Mrs. Mary V. De-
Coteau kicivuzapi. Dena tiwahe kin unmama
tapi qa anpetu ota iyotanhan iyekiya unpi tuka dehan ake tiwahe waSte yuhapi qa he piwi-
cawecida. John Omaha he Ihanktonwan qa
Mrs. DeCoteau he Sissitonw/in ovate etanhan. Moses Makey.
MINI OCANKO
United States en mini ocanku iyotan hanska
wan waniyetu 13 kagapi. New York makoce
he ataya opta Hudson wakpa kin he oiyahde
yapi qa ecen mniwanca kin oiyahde. Mini o-
canku kin de Lake Erie qa Lake Ontario hena
iyahde qa etopteye mde tankinkinyan hena iyahde hecen mniwanca ekta wata ohna watoksupi
kin tehike sni qa nakun nina ohankopi kta Mini
ocanku kinde maka iyutapi 459 hehanyan qamde
en oiyahde qa wakpa en oiyahde ko hecen ayata
maka iyutapi 750 henakeca. Nakaha yuhdoka-
pi qa wanna wata kin katinyan ohna Skanpi.
PETA WATA T
Sagdasin wicaSta wan tokaheya mini po kin
on taku ecorpica kin he iyukcan qa iyeya, tuka
hehan American wicaSta wan Robert Fulton
eciyapi kin he tokaheyah peta wata kin (steam)
mini po on iyopte kta okihi kin he iyukcan. Hecen peta wata wan kage qa (steam) mini po on
iyoptikiya tokaheya kin he wicite owapi kin he
dee. Ehantanhan omaka 111 he ehan New
York otonwe etanhan peta wata mini po on tokaheya inyanke cin he dee qa Ikcewicasta ota
ohuta en wanyag najinpi. Hudson wakpa kin
inkpatakiya opaya ya. Fulton taku econ kin
de wicaSta nina ihapi qa tohnina okihi kte Sni
keciyapi.    Wicasta ksape  icidapi ota tohnina
OKAHEYA KIN
okihi kte sni qa tohnina mniwanca opta ye kta
okihi Sni qaiS hecon kinhan taku tokSu kta
okihi kte sni, maka cahdi iye aon kta heceedan yuha ye kta okihi kta hecekcen eciyapi qa
nina ihapi.
Tuka wanna dehan minipo on wata qa wita
wata hena iyopta qa wicohan tankinkinyan yu-
Stanpi hena sdonunyanpi qa heon wicasta ksape qeya. Fulton ihapi qon hena witkotkoya
laku eyapi kin he dehan sdonunyanpi. Tuka
dehantu kin wanna tuwe taku teca wan iyukcan kinhan wancake cetunhdapi Sni tuka he
hecetu kta hecinhan tokeSta sdonunyanpi kta
ce eyapi ecee.
MAHTIPI KIN
Wicasta woju tipi kin hena tuktenkten owoju owasin tanyan sdonyapi kecinpi on wicaSta
ksapa hena owoju on token waste eyapi keS
wicawicadapi sni ecee. Unkan dehan hecece
sni. Woju wicaSta owasin waanagoptanpi qa
wicasta ksapapi qa taku owasin wayupikapi hena owoju on taku eyapi kin hena wicadapi qa
iyecen onspeiciciyapi qa heon taku ota tanyan
icahyapi. Hecen woju wicaSta hena tanyan
econpi. Wicasta ksapa hena anawicagoptanpi
kin he waSte.
ANPAOHOTONNA ZANIPI KTA
Anpaohotonna tipi ihdukSan qais tukten o-
unyapi kin en aguyapi ha sogya okadapi qa
hena en akukeya wanke kta qa anpaohotonna
kin hena ecen nagangan iyeya woicidepi kta
qa he ohnayan tanyan zaniyan icagapi qa nakun he ohnayan ohni witka tanyan yuhapi kta.
Anpaohotonna tipi ihdukSan makosdaya qoSa
wanke cin heon iwaStepi Sni anpaohotonna kin
ohni htani kta qa heon zani kta qa ohni tanyan
witka yuhe kta hee, hecen niS iyutapi qa ecen
econ po.
PTE WIYE WAN
Ptewiye Holsteine Cow heca wan wanna omaka sakowin hehan asanpi wihdi tawa kiu anpetu
Sakowin eca asanpi wihdi tkeutapi 30 henakeca
ecee. Hecen omaka wanji en asanpi ihdi kin
tkeutapi 1,053 henakeca qa asanpi mini kin is
tkeutapi 24,741 henakeca. Ptewiye kin de.
Stromsburg otonwe en Nelson Bros, he tawapi. De Nebraska makobaspe etanhan hecen
yuotaninpi. Hecen ptewiye de ihankeya asanpi kiota qa asaupi ihdi kiota hecen yuotaninpi.
WOPIDA EYAPI WAN
Nakaha tona deci wotanin waSte on htanipi
kin hena Mr. qa Mrs. Chester Arthur unkicopi
ti hduha eti unSipi hecen wauntapi kta unke-
cinpi. Unkan pte wan en kaliam ahipi qa kte-
pi qa tado kin owasin iciyawa unqupi qa takudan ehdakupi Sni unkan de on widukcanpi wacin. Mrs. Arthur owasin sdonyayapi wotanin
waSte waSt.edaka qa tona on htanipi wanwica-
yaka ca nina wiyuskin ecee. Hunhunhe mazaska opawingei kiyedan unqupi, ito nis de on
piya widukcanpi qes woyuha nitawapi osote kte
Sni.    Piundapi on nayahonpi uncinpi.
Culberson, Mont. JOSEPH ROGERS,
Frank Blackshield.
WICATE
Kangipaha Okodakiciye en mitakos Mrs. Julia
Flute, July 22, 1918 en ta hecen woiyokisice
qa woceye tanka en unkanpi. Cinca nonpa,
anpetu wanji sanpa hanke hecehnana wayazanka qa ta. Eya wocekiye ota epa qa Wakantanka omakiye kta wakida tuka ecetu sni. Wakantanka onsimada Sni qa omakiye sni hecen wanna Wakantanka amdustan kte hecen awacanmi
Sni. Wakantanka iye tukte ohna iyukcan he
owotanna qa waSte qa dena on sanpa Wakantanka awacamni kta he waSte. Ho tokata wo-
waSte makoce en ake unwitayapi kta he ohinniyan Wakantanka kida waun kta. "Jesus heon
untapi kta, Jesus heon unnipi kta."
F ort Totten, N. D. JOHN FLUTE.
i    I