Iapi Oaye (Santee, Nebraska), 1919-02

              mitd*
SANTEE,   NEBRASKA.
TAKU   WASTE   OKIYA.   TA'.<U   SICA   KIPAJIN
P. B.  RIGGS, PUBLISHER.
VOLUME XLVIII    NUMBER 2
FEBRUARY, 11)10
WOKAJUJU KASPAPI   SAKPE
THEODORE ROOSEVELT TA
Wicasta kin de United States en wicaSta
wankautuya waSte ksapa okitanin kin heca.
Jan. 6-1919 en ihunhanna hanyetu en ta.
HokSidan ehantanhan tancnn suta hee sni hecen tohan woonspe hduStan kin hehan wiyo-
lipeyata makoce ekta pte awanyakapi makoce
North Dakota ekta i qa omaka tona pte awanyaka wicasta ecee om un. Anpetu hanke sun-
akan pte okuwa omani qa anpetu hanke owan-
jidan wowapi yawa qais wowapi kaga ecee.
Hecen un kin en icunhan wowapi waste tona
kaga. Hehan tohan New York ekta ki km leca-
dan otonwe itancan heca. Hehan nakun wicohan wankantuya heca en itancan kin he ota qa
ake Spaniyo om kicizapi qon he ehan akicita
itancan qa pte awanyaka wicasta ecee 1,000
sungakan akicita heca wieayuha qa hena om
okicize en Skanpi qa ecen United States obiya.
Hehan ake eceehua New York makoce en
Governor, wicastayatapi heca, qa ake tunkansidan okihe heca. Qa hehan tunkansidan Mc-
Kinley ktepi eceehna president, tunkansidan
yapi kin hee. Qa ake tohan tunkansidan akta
kahnigapi hehan nina ota on ohiya.
Hehan nakun iye tunkansidan un kin icunhan itokah oyate wan Panama ewicakiyapi kin
he om wookiye kaga. Ovate kin de North America qa South America okitahedan skiskita wan
wanke cin hen unpi. Unkan he makoce onspa
opewicakicaton qa hee skiskita kin opta deban
mini ocanku wan kagapi qa anokatankan mniwanca kin iyahdeyapi qa dehan wita wata hena
ohna skanpi. De nakun wicohan tanka Roosevelt econ kin wanji ee.
Hehan tunkansidanyapi ayuStan kin hehan
Africa makoce ekta wihni i qa wamakanSkan
obe ota wicao qa hena awicahdi qa dehanWash-
iugton otonwe  en wapazo tipi tanka  en  dena
hiyeye. Koska ehantanhan taku owasin en wacinyepica un qa nahanhcin nakun waniyetu ota
Wacinyepica un kta kecinpi tuka ihnuhanna te,
heon dehan United States oyate kin nina cante
Sieapi.
TUNKANSIDAN YUONIHANPI
Tunkansidan, President Wilson, mniwanca
akasanpa France makoce qa England Sagdasin
makoce hena ekta oyate hena om wookiye wowapi kin hena kaga kta heon heciya i. President tukten otonwe en yecin hena owasin en
wicasta nina ota wicaSta qa winyan koya tuwe
kasta owasin wanyaka'pi kta cinpi. Wicoh'age
uye cin tohnina wicaSta wanji hehanyanli yuo-
nihanpi Sni de nakaha ihankeya President Wilson yuonihanpi tanka keyapi.
President Wilson tunkansidau kiu nakun
Italy makoce kiu ekta oyate wan wicayag i qa
Rome otouwe en i qa oyate nina yuonihanpi.
Cistinyedan ekta un qa ake icicawin Paris ekta
ohankoya hdicu. Tukten i kin owsin en nina
yuonihanpi ecee qa owasin en iS eya wopida on
cistinyedan wohdaka ecee.
Published and distributed
under permit No. 351 authorized by the Act of October
6,  1917, on file at the Post
Office of Santee, Neb.
By order of the President,
A. S. BULESON,
Postmaster General.
NAHANHCIN TANIN SNI
Omaka okicize hena en U. S. Government kiu
hemani canku owasin iye tawa qa token cin kin
he ohnayan inyanka. Wanna okicize tehike
kin injin qa heon dehan Government kin hemani hena hektakiya wicakicu kta qaiS iye na-
hanhein heoehnaua owasin inyangkiye kta un
man tukte ohna kta nahanhcin tanin sni.
Accepted for mailing at special rate of postage provided for in section 1103, Act of Octo-
: ber 3, 1917, authorized July 11, 1918.
BERLIN EN OKICIZE
German oyate kin en dehan oyate token ih'du-
; hapi kta he woakinice tanka, qa heon Berlin
i otonwe itancan tawapi en iye oyate ehna kieiza-
1 pi qa anokatanhan od ota kicitktepi. Oyate
I ihduhapi kta ou wicohan nonpakiya najinpi qa
heon kicizapi.
New York Otonwe
j     New York otonwe kin en oyate toktokeca ua-
j.kun ota unpi.    China wicasta 20,000;   Italia
' wicaSte 600,000; Juda wicasta 1,250,000; Russia wicasta 40,000;  Hungaria wicasta 80,000;
Bohemia wicasta 85,000; Syria wicasta 30,000;
Greek 8,000; Japan wicaSta 3,000.
Asanpi Ihdi
Asanpi ihdi mdo Span patanpi tonana kici icicahiyapi kin hecen  nina oyun  waste qa nakun
hena oopeton kin waSakadan hecen ito iyuta po.
Ite owapi kin de Sungonajin en wankan tipi ekta peji ehnakapi wikicanye wan Sunkawakan
on peji kin hena yuwankan icupi qa wankan tipi ekta ohankoya ehnakapi ecee kin he de heca.
Dehan wanna taku kast.i wicohan owasin en machine wikicanye kin 1 eceedan nina unpi. WicaSta
wowidag wicayapi kin he nina wayusote qa machine wikicanye kin heon taku tona econpica hena
econpi kin hee tehike sni. Machine wikicanye taku tona on econpica sni kin hena wicasta kin iS
econ kta qa he ohni wicohan ota ecee. Wicasta kin machine wikicanye ota yuhe kinhan taku ota
tehike sniyan yustan kta okihi.
Tuka wicasta tuwe wikicanye ota ynhe kinhan he nasu yuke kta hecen wikicanye tawa owasin ohni tanyan awanhdaka okihi kta. Wicasta tuwe wikicanye iyotan wasteste yuha eSta wacinksape hee Sni qa tanyan inyang kiye sni qa tanyan awanyake sni kinhan wikicanye iyotan wasteste yuha eSta hena on iwaSte kte Sni. Dehan mahti wicasta owasin wanna taku wowayupika hena
nina onspeiciciyapi hecen wikicanye wanji naSinya esta iye pikiye kta okihi, qa ohni ksarnyahan
hena inyangkiye qa token nawehye kte sni, he ohna ohni awanhdaka okihi kta. Dehan wanna
(agricultural) mahkicanyanpi woonspe tipi en koSkapi kin hena mahtipi kta onspewicakiyapi taku ojupi hena token ojupi unkan hee waSte qa token kicanyanpi unkan hee ohna ivotan tanyan
icaga hena onspewicakiyapi qa nakun wamakanSkan token tanyan awanwicayakapi kta hena onspewicakiyapi.
Hehan iyotan taku tona wikicanye on mahkicanyanpi hena token tanyan unpi kta qa tanyan
awanyakapi qa tehanhan hena waste kta taku wikicanye can on kagapi qaiS maza on kagapi hena
owasin tanyan onspewicakiyapi. Eya mahti wicaSta hena ohni wicohan ota yuhapi hececa esta
taku tona iye pikiye kta iyecece. Wikicanye kin en tuktenkten suta hee Sni qa tuktenkten sutaya
kagapi kin hena tanyan sdonye Sni qa okahnige Sni kin hehanyan tanyan awanyake okihi sni.
Hecen mahti wicaSta kin wowayupike akihopi kin hena tanyan onspepi kta iyecece. Hecetu
kinhan wikicanye hena omaka od'ota tanyan wowidagyapi kta qa piyapi ota kte sni qa ee wicohan ota on yustanpi kta.
ANPEHEPIYA KINHAN UNPI KIN OHIYA
Hudson wakpa kin en omaka opawinge kitanna sanpa he ehan Robert Fulton he tokaheya peta wata wan mini kata po kin on iyopta e
kaga. De itokam tuwedan tohnina mini kin
akan peta wata de isanpa dus iyopta e sdonye
Sni, nakun maka puza akan sunkawakan, can-
kahupajo qaiS elephant, putezigzica, qais nakun
taku wan ostrich eciyapi hena, akan oicimani
econpi ecee. Qa taku tokeca e iiena wicisanpa
dus ou iyoptapi kta waniea. Dehantu kin hemani, hemani wakanhdi on iyopta, wiia wata
duzahan, mazawakanhdi maza on iapi, iyecinka
inyanka dena nina ohauko. Ehanna maka kin
nina tanka tuka dehantu kin taku duzahan qa
ohanko kin dena on maka kin yucistina. South
Africa en otoowe wan Capetown eciyapi kin hetanhan qa Norway en North Cape otonwe kin
hehanyan maka iyutapi 1200 sanpa unkan dehan oape iyohi onakicilion yukanpi. Qa na
kun is eya New York etanhan qa Manila hehanyan oape iyohi onakicihonpi qa de is maka iyutapi 2,000 ikiyedan hehanyan. Qa dena decetu
kin takudan isanpa Sni sece. Hececa esta nakun
nahanhcin wicasta kin hena imnapi Sni. Hecen
sanpa nina wiyukcanpi qa token mini en qa
maka kin akan dus unpi kin heua isanpa wankan anpehepiya kinyan ohankoya unpi kta he
odepi. Ehanna Dawid heya, "Wakiyedan iyecen hupahu mduha unkans token wacinka kinyan waun qa ozimiciye kta tuka" eya, Unkan
dehan wanna iyecetu,
PEYOTE
Ptaya Owohdake, Sept. 5-8 en Ihanktonwan
tipi en Presbyterian qa Congregational yuhapi
kin eu Peyote pejihuta wan Sica tka Ikcewicasta
obe ota wanna yutapi qa etanhan taku Sica ota
icaga qa nakun etanhan wiconte sica ota icaga.
Heon TunkanSidan wakiyapi en he awicakehan
anaptapi kta, nakun tuwedan wiyopeye kte Sni,
hecen Tuukansida wakiya tawa en icewicakiya-
pi kta cinpi qa on woyuStan kagapi.
MAKOSICA OKOKIPE
Maka owancaya oyate owasin en makoSice
wan, influenza eyapi, kin ececapi wi yamni en
qa owancaya 6,000,000, woyawa tanka sakpe,
tapi. Ehantanhan oyate en makoSica ewicaee-
ca ecee kin de ihankeya ota on tapi. Omaka
topa sanpa okicize tanka econpi kin en wicaSta
tona tapi kin he isanpa wi yamnina en niua ota
tapi.
Nitakoda Iapi Oaye yuha he.   Cinyakiya cinhan waste kta.   Omaka wanji kinhan kaspapi sakpe