front cover |
Save page Remove page | Previous | 1 of 4 | Next |
|
small (250x250 max)
medium (500x500 max)
large ( > 500x500)
Full Resolution
|
This page
All
Subset |
Loading content ...
SANTEE, NEBRASKA.
TAKU WASTE OKIYA. TAKU SICA KIPAJIN
P. B. RIGGS, PUBLISHER.
VOLUME L NUMBER 3
MARCH, 1920
WOKAJUJU KASPAPI SAKPE
REV. E. J. LINDSEY TA
Rev. E. J. Lindsey December wikin Christmas kte cin itokam hetanhan tokaheya wayazanka qa wancake awicakehan wayazanka, qa
owasin nina icante unSieapi. Ho, unkan wanna akisni aya qa owasin piundapi, wanna eca-
ca akisni kta unkecinpi. Unkan ake ihnuhanna wayazanka Feb. 24 en qa ihanhanna Feb.
25 en wancadan apa, I p m. hehan ta. Hecen mission en nina oiyokiSice.
Hehan cinca kin wanji tehan hi sni heon
March 2, 2: 30. p. in. hehan tipi wpkan en i
awacekiyapi. Rev. Jesse P. Williamson, Rev.
Francis Frazier kici wocekiye qa owohdake
hena econpi, nakun Rev. A. F. Johnson, Pine
Ridge etanhan qa Rev. A.C. Warner, Springfield, So. Dak. etanhan hena wohdakapi. Hehan Mr. Lindsey okodakiciye owasin nina iha-
ktapi tka qon heon wicasta winyan ota kican-
ptapi hdutaninpi on nina wicota en ahi. Episcopal koda wicunyanpi kin nakun ota en hipi.
Ihanktonwan tipi etanhan Rev. Hugh M. Jones
qa Jesse Littlelk hena nakun en unpi.
Mr. Lindsey Dakota okodakiciye wakan wanke cin owasin tanyan sdonyapi. WaSicun Dakota ehna wotanin waSte ahipi qa awicakehan
Dakota kin onSiundapi qa ounkiyapi ecekcen
maka wiconi ihunipi ecee kin de ake wanji ee.
Dehantu hca Presbyterian qa Congregational
okodakiciye unqonpi kin Mr. Lindsey on waSagya unyakonpi seca tka dehan wanna wicohan tawa etanhan ozikiya iwanka qa tuwe wa-
Stedake ciqon kici wowiyuSkin wowitan wiconi en un. Francis Frazier.
REV. E. J. LINDSEY
Wanna Wakantanka (1) ikikcu nawahon unkau taku tokaheya mitawacin en hiyu kin he.
Dakota oyate kin eepi qa (2) wacinyanpi eciya-
tauhau cinca kin eepi qa (3) Rev. E. J. Lindsey
toni awacinpi kin hee qa (4) Dakota oyate kin
wocekiye wau unkeyapi kta iyececa.
1. Dakota oyate kin Wakantanka onSiundapi qa ounkiyapi kin tanin, oyate tokeca etanhan wicaSa waSteSte unqupi qa hena eciyatanhan onspe unkiyapi qa niunyanpi kta cin qa
wicaSa waSte unkicahnigapi kiu he, Rev. E. J.
Lindsey, he wanji ee kecan mi, unkan tona
iyotan waStepi qa waSakapi kin hena wanna
Wakantanka iwicakikcu, qa
2. Dakota oyate en okodakiciye wakan hi-
yeye cin hena wacinyanpi eciyatanhan cinca
kin hena unkiyepi qa wanna urmunipi kta wo-
ikope en unqonpi. Heon taku unkeyapi kta
he? Dr. John P. Williamson Dakota oyate kin
Wakantanka wacinyanpi eciyatankau niunyanpi kta wicada qa Dr. A. L. Riggs Dakota oyate,
kin woonspe eciyatanhan uiunyanpi kta wicada qa Rev. E. J. Lindsey Dakota oyate kin
Wotanin waSte eciyatanhan niunyanpi kta wicada qa dena owasin wowicake qa on unnipi
kta e unkahipi. Wowapi Wakan kin iapi unkitawapi okna kagapi, qa Wakantanka oie kin
waSakayena onspeunkiyapi qa wicasa nagi ni
un kin heuncapi e sdodkiye unyanpi qa Jesus
Wotanin waSte wicakahi ''in he iyonnwajapi
qa Jesus opewica kiton kin heuncapi e hosi
unkicicahipi qa wanna okodakiciye wakau kin
vuhe unkiyapi qa heou maka akan tanyan unnipi kta qa maka wiconi unkayuStanpi kinhan
unnagipi ni kta heon Dakota wanna piya ca
ekde kta iyececa.
3. Rev. E. J. Lindsey toni kin. Penn. makoce eu otonwahe wan, Carlisle eciyapi km
hen Rev. E. J. Lindsey atkuku hen ti qa Rev.
E. J. Lindsey woonspe wankantu en wayawa
ikduStan heca qa 1891 wahehan Montana ekta
Wahcinca wakpa Dakota oyate en Wotanin
waSte ahi qa tohau hi kin hehan ieska Sni tka
hen un kin icunhan woonspe wan onspeieiciye
cin he Dakota iapi kin hee unkan okihi qa
Dakota ia, wowapi wakau onspewioakiya qa
Dakota ia anpetu wakan woonspe wowapi kaga qa Dakota ia wotanin waSte oyaka qa Dakota ia oyate wahokonkiya, unkan wookihi
kin dena atakuni Sni heca Sni. Wayuotanin
14:13.
4. Wocekiye wan, tohan Isreal oyate hin-
hpayapi kta itokam wicaSa ksapapi hena Wakantanka iwicakikcu qa hehan Isreal oyate kin
hinhpayapi, unkan tohan Wakantanka oie oyaka wan Wakantanka ikikcu eca wowaSake onSpa kun iyaya ecee, heon Dakota oyate kin wo-
ikope eu unqunpi qa heon wanna wocekiye
wan unkeyapi kta iyececa.
Wakantanka mahpiya ekta ate unyanpi kin,
Dakota oyate unkiyepi etanhan ikdutokeea Sni
Jesus Itancan unyanpi caje kin on Amen.
Poplar, Mont. ' REV. BAZIL M. REDDOOR.
REV. CHAS R, CRAWFORD,
WAKANINANPE
TawaeinwaSte en, Feb. 12, 1920, hehan
Rev. Chas R. Crawford maka wiconi kiu de
ayuStan qa toki oyanke wan kiciyustanpi qon
he ekta kiuhde Jesus hecen wahounyanpr
John 14: 3 en. Eya Tunkansi wanna kitanna
tehan ni qa wieolian tawa kin wicota sdonya-
yapi. Uukan TawaeinwaSte Okodakiciye he
tehan awanyake. Tohanyan awanyaka he
miye tanyan weksuye Sni. Tuka tohan tanean
iyecetu Sni hehan okodakiciye awanyake kin
he ekihnake. Tuka Wakantanka oie kin he
oyaka waste dake qa tohan tanean kitana tanyan eca toki okihi ekta i ecee, qa nakun tiyata tiwahe tawa ed wocekiye he nina tanyan
onspewicakiye. Hehan Dakota oyate nina ed
ewicawacin token tanyan nipi kta wocekiye
eciyatanhan qa tiwahe waSte hecapi kta hena
nina iksab wicaya ecee.
Unkan dehan tiwahe tawa tawicu qa cinca
Sakpe qa takojakpaku zaptan hena teliiya
ehpewicaye Kici tehan nipi nakaaS nina iha-
kiktapi. Tuka Wakantanka tawacin kin hena
hecetu qa heciyatanhan kitanna waunSakapi
ecee. Wanna tohan nina wayazanke cin hehan Episcopal wicaSta wakan Rev. Henry
St. Clair ohni ed hi qa wocekiye heon nina
ounkiyapi qa nina pida unyanpi nakun tawicu
Mrs. St. Clair ohni ed un qa nina owicakiye
qa hena nina wopida ewicunkiyapi. Hehan
Presbyterian wicaSta wakan wanjina ed hi sni
hecen Rev. St. Clair, Feb. 17, 1920 ed iye
ehnake. Woiyokisice yuhapi dena wocekiye
on wicakiksuyapo. Alvin Bird.
WOASNI ON WOHDAKA
Dehan iapi conana on wowakdaka wacin.
Feb. 9, 1920 hetanhan wamayazanka wowayazan tehika emaceca. Hecen wanna wamaSake
Sni Feb. 19 en wi cokaya Sni ecen wanna matin kta hee ohna inunke qa wanna takuna awacanmi Sni, tka wowapi wakan Heb. 12 : 1-4
hena awacin munka, qa he icunhan dekSi Geo.
Head hi qa awicakehan cekiya mis nakun eekiya munka, eya wanna anpetu mitawa kiu
hee naceca hecen micinca qa mitakoja tewica-
wahinda iyayapi qon wanna om waun kta hecen awacanmi kepa, unkan dekSi Geo. Head
hena skapi qa heon wanna hena tanyan unpi
hecen nicinca nom ni unpi kin hena ihawica-
kta qa hena wocekiye onspewioakiya wo ema-
kiye. Hehan miS cewakiya qa ito wani qa
Wakantanka anpetu tona maqu kin ojuna hta-
wakini kta wakida uukan Wakantanka onSi-
mada qa wicaSa wakan cekiye cin qa miS nakun hena Wakantanka naunkilionpi qa wanna
akisni amaye qa heon winyan okodakiciye yaunpi kin he nayahonpi kta wacin dena owa-
kdaka hecen wocekiye on miyeksuyapi wacin.
Nitakuyepi, Julia R. Jandron.
Greenwood, S. D.
PHILIP FRAZIER OBERLIN COLLEGE
EN WAYAWA UN QA WOWAPI
WAN UNQUPI
Tuktenkten tona wayawa unpi kin hena tehiya unpi kecinpi ecee tuka hecetu Sni. Tona wayawa yaunpi kin hena anpetu iyotan oiyokipi nitawapi kiu hena ee. Unkiyepi Dakota unyakonpi kin wanna sanpa taku unkamnapi qa tawa unyanpi kta qa on tanyan unnipi kta hena sanpa qa sanpa unkodepi qa on-
speunkiciciyapi kta iyececa. Hecetu kinhan
wankantuya waonspepi on wowiyuSkin qa wo-
yawaSte kin hena unkiS eya unhapi kta.
Owasin unnipi en untuwepi kta uncinpi
ecee, unkan wankan wapa waonspepi kin heon
wicanagi qa wicotawacin wowaSake icaga qa
yutanin ecee. Unkan unkiyepi tona nakaha
unkicagapi kin dehan sanpa woonspe en unkicagapi kinhan teku waste owotanna unkan onspepi kin hena sutaya unhduhapi kta unkokihipi kta Wakantanka wicanagi qa wicotawacin
hena unqupi hena taku unyanpi kta he.
Heon tohanyan wadawa kta iyececa kin hena en waonspe niciciye qa oyate wicoicage
oyakapi qa wicohan qa woSkate hena sdonva-
yapi qa onnispepi kta iyececa. MiS miye toka wamdawa kin ekta iyecen eeamon Sni qa
hena on dehan icante masica ecee. Heon ito
owasin tohan unskatapi kinhan unSkatapi kta
qa tohan waonspeunkiciciyapi kinhau waonspe unkiciciyapi kta qa wicohan econkupi kinhan katinyan htaunipi kta. Taku tona onnispepi kin hena awicakehan sutaya yahduhapi
kinhan hena on tawacin nagi ko on nizanipi
kta. Dehan Santee eu tona wayawa yaunpi
kin waonspekiye itancan qa tona waonspeni-
ciyapi kin hena token okihipi oniciyapi qa koda wicayayapi kin hena eepi e kiksuya po qa
wowahbadan wicoie qa wicohan cikcistinna
eSta hena on tona waonspeniciyapi kin iwaStepi.
Iapi Oaye Abdiheyapi,
Santee Normal Training School Press,
Santee, Neb.
Object Description
| Title | Iapi Oaye (Santee, Nebraska), 1920-03 |
| Edition | Volume 49, Number 3 |
| Date of Creation | 1920-03 |
| Publishing Agency | Alfred Longley Riggs (Santee, Nebraska) |
| Language | Dakota |
| Minnesota Reflections Topic | American Indians |
| Item Type | Text |
| Item Physical Format | Newspapers |
| Formal Subject Headings |
Indians of North America Community newspapers Indians of North America -- Newspapers Dakota Indians Dakota language |
| Locally Assigned Subject Headings | Dakota language; Indian missions; Dakota Indians; Presbyterian Church--Mission--Periodicals; Dakota Indians--Periodicals |
| State or Province | Nebraska |
| Country | United States |
| Contributing Organization | Synod of Lakes and Prairies, 2115 Cliff Drive, Eagan, MN 55122 |
| Rights Management | This document may be reproduced and used freely for educational purposes without written permission. However, in order to use the digital reproductions for any other reason, users must have the express written consent of the Synod of Lakes and Prairies, 2115 Cliff Drive, Eagan, MN 55122. |
| Local Identifier | lak1105 |
| LCCN | unk84153202 |
| Fiscal Sponsor | Grant provided to the Minnesota Digital Library Coalition through the Library Services and Technology Act (LSTA) and the State Library Services and School Technology unit of the Minnesota Department of Education. |
Description
Tags
Comments
Post a Comment for front cover
