Iapi Oaye (Santee, Nebraska), 1921-01

              SANTEE,   NEBRASKA.
TAKU WASTE  OKIYA.   TAKU   SICA  KIPAJIN
F. B.  RIGGS, PUBLISHER.
VOLUME L    NUMBER 1
January, 1921
WOKAJUJU KASPAPI   S"AKPE
WOWAPI WAKAN WOONSPE
Titanhan Waonspeiciciyapi
Wowapi Wakan onspeiciciyapi, Bible Correspondence School kin, omaka de teca tonana
opapi. Nakun tannina opapi ota wanna omaka wanji eced wowapi uyapi Sni. Hena wowapi wicunqupi. Wowapi unkicupi ota Mr.
Lindsey caje ohna hi qa hena hecehnana kta
tohanyan wowapi ojuha he caje ohna ahdiheyapi kin yusotapi Sni hehanyan hecen econqonpi kta.
Wowapi uyayapi tanyan en euntonwanpi
kta, qa token iyoniptapi hena unkonieiyakapi
kta. WaSicun iapi ohnayan woonspe wanji
unkagapi tuka nahanh unStanpi Sni. Hecen
tona Dakota iapi ohna onspeniciciyapi hena
iyahunnipi kinhan tokesta, January 1, 1921,
wahehanya waSicun iapi kin he etanhan un-
kuniciyapi kta.
Wowapi Wakan titanhan unspeicieiyapi kin
de opa po, qa on  ihduwiyeya po.    Qa tuwe j
yuhe Sni kinhan icu kta yakuwa kta.    Hecen
okodakiciye apa sanpa waSte qa mniheeapi kta.
John Wright,
Sup't Bible Training Dept.
Santee, Neb.
BOARD OF DIRECTORS OMNICIYE KTA
Jan. 21, 22 1921 hena en koSka okodakiciye oitancan omniciye yuhapi kta, Board
of Directors yaunpi owasin yahipi kta. Bde
tanka okodakiciye tipi wakau hetu kta.
Thomas Buckle, Wowapi kaga.
Poplar, Mont., Nov. 28, 1920.
ANPETU OYAKAPI
Chicago en nakaha winyan wicasta wakan
omniciye yuhapi. Omniciye de en tanyan
sdonkiciyapi kta cinpi qa on etanhan wicohan
waste en okiciyapi kta, he taku cinpi wanji
ee De okodakiciye kin hekta omaka en St.
Louis hen ihdahnigapi. Wanna okodakiciye
wakan obe akezaptan henakeca en winyan wicasta wakan yukan qa hena United States
owancatanhan Chicago en ahimniciyapi.
Mniwanca akasam oyate ota, 15,000,000 henakeca, America ekta upi kta wiyeya unpi.
Oyate ota upi kta cinpi kin hena oyate obe
owasiu etanhan, winyan, wica, qa hokSiyopa-
pi. Wata oihuni kin owasiu wicaSta ojudan.
Ota taku yuhapi owasin wiyopekiyapi qa wita
wata en opapi kta eceedan akipe yukanpi.
Jerusalem otonwe ake apiyapi kta cinpi qa
on etanhan mazaska 150,000 henakeca cinpi,
heon wakanhdi iyoyanpa yuhapi kta kuwapi.
United States qa Mexico wookiye teca kagapi cinpi, qa oitancanpi hena Washington en on
wowapi ehpeyapi. United States Secretary of
State, wowapi kaga itancan, he itancan wanji
ee. He heya, taku owasin wanna wiyeya yanka qa ehake wowapi en^owapi kta eceedan ce
eya.
Wita wata tanka makoce de en taku icahyapi obe ota en ohnakapi kta, wowanyake obe
700 henakeca otoiyohi wicaSta awanyakapi en
unpi kta, qa wata kin maka ohomni wapazo
hiyaye kte. Hecen oyate toktokeca wapazopi
kin de wayakapi hehan United States etanhan taku ota opetonpi cinpi kta naceca.
Woyazan Sica wan influenza eyapi he token-
ken ececapi kin he nape kin hetanhan woyazan ikoyaka qa i en iyaya. Hecen nape nitawa he ite etanhan iconunpa yahduhe kinhan
okini woyazan he enicece kta Sni. Tuwe wan
woyazan ececa, qa mini cin kinhan, iyokapte
ohna mini yaqu qa ayaStan hehan iyacu qa
iconunpa eyahde kinhan, ho, wanna woyazan
tawa onge miniiyatke en iyaya qa eced nape
nitawa en iyaya, hehan nape nitawa i kin en
ada, qa eced tanmahed iyaya qa woyazan he
eniceca kta. Nape nitawa he nii kin etanhan
ieonunpa yahduhe kinhan waSte.
Unitei States totanhan tawaiciya hiyu, Declaration of Independence eyapi, hetanhan
oyate toktokeca tona den hipi kin 33,000,000
henakeca. De etanhan 6,000,000 henakeca Germany etanhan hipi, qa 4,000,000 henakeca Ireland etanhan hipi qa makoce uma etanhanhan
nakun ota hipi. Woyawa tanka nom aokpani j
hena Scandinavian makoce Norway qa Sweed- j
en etanhan hipi.
Oklahoma etanhan winyan wan, Miss Robertson eciyapi, he tunkanSidan tipi en owo- J
hdaka yukanpi Congress, hen opa kta kahnigapi, qa decen eya keyapi. Washington ekta
mde kta qa oyate obe topa nina owjcaw.-ikiye
kta: winyanpi, hoksiyopapi, ikcewicaSta qa
akicitapi hena. Nakun mini wakan anaptapi
en nina owieawakiye kta eya. Hunkakewi-
cawaye kin Dakota ehna wotanin waSte ayapi
qa mini wakan he nina kipajinpi.
Philippine wita tonakeca qa oSpe tonakeca
hena nakaha iyutapi. Uukan wita 3141 henakeca qa etanhan 1095 henakeca wicasta akan
unpi. Maka oSpe 119,542, sqnare miles henakeca. Wita dena etanhan taku icahyapi kin
maka owancaya iyayeyapi tuka hanke se United States en uyapi.
Geneva,'Switzerland hen oyate ota League of
Nations omniciye tanka yuhapi. Woiwange
hena kohanhanna ayuptapi qa un wayuStanpi.
Taku iwohdakapi kin wanji oyate tokeca omniciye en opewicayapi kin; oyate wan Armenia
ewicakiyapi akihanpi he token owicakiyapi
kta ; Germany makoce tokeca onSpaSpa iyowa-
ja hena token econpi kta. Oyate obe ota kin
hena en akicita togtonana wicayuhapi iwohdakapi. Odakodkiciyapi he en wanna ecadan
wikcemna topa sanpa Sakpe opapi kta. Oyate ciscistina toua se nahanh opewicayapi Sni.
Mr. Hoover oyate eu woyute awanyaka itancan he maza-ka $23,000,000 henakeca oyate
wicakida, hena un mniwanca akasam hokSiyopa akihanpi hena wowicaqupi kta. Oyate unqonpi ehna wowaonSida eceedau, hoksiyopapi hena qa akihan on tapi kte okitahedan un
seca, eya.
Attleboro, Mass. Winyan wan Miss Elizabeth Blanding eciyapi omaka 88 hehan ta.
De winyan kin wikoska waniyetu akeSakpe hetanhan waonspekiya, hecen omaka wikcenma
Sakowin hehanyan waonspekiya. Hekta June
wi he en ozikiya ayuStan, qa ayuStan esta
hehanyan Siceca 14 waonspewicakiya keyapi.
South Africa en wahupafoza tanka wan, ostrich
eciyapi, ha kin he kpanyanpi qa etanhan
winyau nakpinkpa kagapi.
Aguyapi su tehike Sni, iyutapi wanji kinhan $1.60 henana iyopeyapi. Wamnaheza
iyutapi wanji. 65 henakeca. Owiyopeye dena
kud iyaye heon dehan mahtipi ota owoju on
mazaska odotapi kin iyenakeca icupi kte sni,
qa on etanhan oicazo mahed iyayapi.
Kansas City en mahtipi omniciye wan yuhapi he en icieonza taku eyapi. Taku icahyapi hena wiyopeyapi kte Sni, qa togtonana wojupi kta. eyapi. Onge wicadapi Sni. Hececa
kinhan mahtipi wahtewicadapi kte Sni eyapi,
tuka wicaktepidan.
Wata kinyan duzahau nakaha ake kinyan
iyutapi, oape wanji kinhan makaiyutapi 193
hehanyan dus iyaya. Ikcewasicun wan Bernard de Romanet eciyapi he wata kinyan kin
iyoptekiya.
Odakodkiciyapi wan "League of Nations"
eyapi kin de tokaheyah wookiye kagapi kta
on omniciye. Omniciye tanka eyotanka hehan opapi owasin heyapi, taku wanji unhdu-
Snapi se ececa qa he United States oyate en
opapi Sni kin ee. Ounpapi kinLan omniciye
sanpa wasake kta eyapi. Omaka opawinge hehanyan United States taku en owasin tokaheya
un. Unkan dehan maka owancaya wookiye
kagapi kta on omniciye unkau United States
en opa sni. Hecen omniciye kin en anpetu
tona se toketu tanin Sni. Omniciye kin en
M. Motta eciyapi en itancan yanka.
Methodist okodakiciye, boards of benevolence, he waonsida ospaye yakonpi, he Boston
en mniciyapi qa he en mazaska $22,745,000
henakeca on wawokiyapi kta hduStanpi, mazaska $21,000,000 henakeca wotanin waSte on
wicaqupi, den makoce en qa nakun mniwanca akasam akidecenya wicaqupi.
WOWAPI MAQUPI
Iapi Oaye mitakuyepi iapi tona epa wacin-
Anpetu kin le el lila cante maSice, tka taku
wacinwaye canke heon owahecc-lya kel oiyoki-
sice. Tohanyan ina ni on kin wocekiye el
Christmas can taku owasin econ kte cin, na
hekta ate ni qon hehan wocekiye el lila skan
na oyate kin slolyapi. Yunkan lehanl ate ina
kici wocekiye onkitawapi el iwankapi, Ina
wayazan tka okihipiea Sni. Anpetu tawa kiu
iyehantu we lakaS. Hececa esa hecetu wala.
Ina tunwe Sni na maka akan! kakisya un na
wicoicage tawa Wakantanka qu qon wanna
ikihunni ecanmi. Tokata ake hena ob wanun-
kiciyakapi kt'i he wicawala. Heon inawahni-
seleceoa, yunkan mitakuyepi Wakantanka wacinyanpi kin ecela sutaya najinpi okihipi, wa-
eeyin na tweni wacinwaye Sni ecuuhan Wakantauka ekta hoyewakiye yunkan mitakuyepi takuni iyecel waste Sni.
Ho, hececa canke mitawacin ekta wcawacin
wau lececa bluha. Letan tokatakiya Wakantanka wacinwayin na oie kin blawa kte ecanme,
maka akan hunku tapi kin oiyokisice kiu he
slolwaya heon eya mitawacin kin ohinni ceya
tka inihan Sni wowapi wan wakage. Ho, eye
mitakuyepi henana epe kte. Heon okolakiciye el oyapapi owasin Wakantanka towicala el
nape onniyuzapi. Nitakuyepi wan Ape-yo-
han-tank-hoksila.    David Manley Means.
Mcintosh, So. Dak.
THE WORD CARRIER ( ^cEESl*
Frederick B. Riges and OUve W. Riees.
Editors and Publishers
Published in the interest of Missions and Schools among the Ib-
dians, with special reference to Santee Normal Training School
Bi-monthly, Fifty Cent p*r Year. -   ~   ~  Santee, Nrbkaska
IAPI OAYE
One Dollar
YOU NEED THEM   j   KIYE  CINHAN WASTE KTA
SANTEE, Kjiox County, NEBRASKA
Frederick B. Riggs, Iapi Kahniga
DAKOTA OWASIN YUHAPI   KTA IYECECA
EITAKODA IAPI OAYE YUHA HE.   C1NYA-
OMAKA WANJI  KINHAN KA$PAPI SAKPE