Iapi Oaye (Santee, Nebraska), 1921-02

              SANTEE,   NEBRASKA.
TAKU   WASTE   OKIYA.   TAKU   SICA   KIPAJIN
P. B.  RIGGS, PUBLISHER.
VOLUME L    NUMBER 2
February, 1921
WOKAJUJU KAS>API   &AKPE
WOWAPI WAKAN WOONSPE
(Santee Winter Bible Institute)
Wanna omaka wanjigji Dakota wicasta wakan, hunkayapi, wamnayanpi, anpetu wakan
waonspekiyapi, Dakota wotaniu waSte ayapi,
qa wotanin waSte en wawokiyapi hena anpetu
wakan topa cen Wowapi Wakan onspeiciciyapi
econqonpi kta uncinpi, tuka hekta omaka he
unkokihipi Sni, Mr. Lindsey wayazanke qa te
kin on. Omaka de Wowapi Wakan woonspe
en tokahan wan unhapi. Mr. Johu Wright,
token okihi woonspe kin de iyopte ye kta
Skan. Tuka Dakota tona upi kta iyececapi
kin onSikapi on tiyata e unpi kta hecetu, qa,
onge Wotanin WaSte ayalitanipi kin nahanh
tohanyan iwicawaSte kin en ewaempi Sni. Taku dececa on etanhan yamnina tehan tanhan
hipi. Wanji Wakpa Waste etanhan qa wanji
Rosebud etanhan, qa wanji Pine Ridge etanhan, nakun wanji WakpadanSica etanhan, qa
nakun winyan yamni den ikiyedan tipi etanhan tuktekten hipi.
Taku qa tanka wicohan econqonpi kta uncinpi kin Dakota okodakiciye wakau unkitawapi en wicaSta wakan sanpa waSte uncinpi.
Sautee wayawa tipi etanhan wiyolipeyatakiya
Dakota ehna Wotanin WaSte wicohan econpi
kin eu Dakota wicasta wakan sanpa tanyan
onspewicukiyapi kta. Heeen taku tokaheya
econpi kte cin wanna tona wowahokonkiye eya
Skanpi kin heua sanpa onspewicakiyapi kta.
Wanna token econqonpi kin de Santee en Waniyetu Wowapi wakan onspeiciciyapi kin sanpa wicotaen Skaupi kta uncinpi. Rev, Rudolf
Hertz iyokipiya, qa okihiyah onspewicakiyapi
kin owicakiya. Mr. Wright iS anpetu iyohi obe nom yuha qa nakun wowapi yawapi en
obe wanjigji yuha. Mr Hertz obe yamni yuha qa Mr. Riggs iS wanji. Tona Wowapi Wakan onspeiciciyapi kiu wayawapi iyehanyan
Skanpi 8: 15 a. m. 4: 30 p. m. hehanyan
Wowapi Wakan onspeiciciyapi. Wotapi kin
Mr. J. W. Davis mazaska hnakapi kin etanhan
on kajujupi.
ANPETU OYAKAPI
New York otonwe en kicicopi wotapi wanji
econpi wicaSta kektopawinge wanji opapi,
psinska qa aguyapi hecehnana wahna wot; pi
ikceka ahna wotapi, wakSica wanji mazaska
kektopawinge yawapi. Europe ekta siceca onSikapi token wotapi ecee kin he iyececa. Okini wakSica wanji kinhau mazasadan wanji sam
hanke (1^ cent) hecehnana nacece tuka wicaSta
kektopawinge wanji kin dena iyokipiya hdajujupi hecen onSiyah wotapi kin de etanhan mazaska woyawa tanka wanji mazaska dena Europe ekta koda wicunyanpi akihanpi kin woyute on opewicakitonpi kta, iyotan hokSiyo-
papi hena. Psinska kin de on wicaSta dena
waawacin wicaya hecen tona wotektehdapi, qa
tanyan wotapi Sni, qa woyute nicapi kin hena
en token tawacinpi kta cen.
California makoce waskuyeca icahya unpi
kin sulmnskaska (dates) wanna icahyapi tehike kta. Tahca bin (cotton) eciyapi he wabdu-
Skadau wnuji yutapi ecee de iyececa tka de iS
tokca, uakaha snhanskaska de yuSicapi. Hecen waskuyeca awanyaka wicohan yuhapi kin
wabduSkadau kin token ihangwicayapi kta
iyeyapi Sui kinhan California qa Arizona napin suhanskaska icahyapi kin owasin ihang-
yapi kta.
Owicawapi oyakapi en hasapa Chicago en
unpi kin hekta waniyetu wikcemna qa dehanyan icagapi kin 65,491 henaueca qa wanna 110,000 ikiyepidan. Hehan waSicun km
iS 2,589,104 henakecapi.
TunkanSidanyapi kin President Wilson hekta Dec. 28th he anpetu kin en waniyetu wikcemna Sakpe sanpa topa. Hecen tiwahe tawa owasin iye ti eu witaya unpi.
wikoska * (Dfcobakictye.*
DAKOTA Y. M. C. A. OHNIHDE
Oklahoma Y. M. C. A. Wotanin wan en C.
C. Roberts maka obaSpe en itancan kin tokatakiya iyoptapi kta on decen eya.
Oklahoma ikiciynSkinpi kta iye isnana maka obaSpe ohnihde wan Dakota on htani kta
yuha, S. R. Walkingstick, Jr.,S. R. Walking-
stick cinca hee. Iye tokaheya Dakota hca waSicun wakiiapi onspeiciciya qa he ohnayan wicohan econ.
Wakingstick, Jr., Tahlequah, maste makoce
en tonpi, Cherokee oyate etanhan. Cherokee
en wayawapi cistinna en onspeiciciya. Becone
wayawapi tanka en 1910 en opa, qa 1914 en
ihunni. Bacone en un icunhan taku wakau
wacinyanpi awacin. 1914 Dartmouth woon-
sne wankantu en iyaya. WoSkate en wankan
wapa un, qa on woonspe wankantu en iyakiSa
wicaya eeee.
Wancahna wacinyanpi wicohan on tokahan
wotanin waSte oSpaye kta on omaui un. Waniyetu yamni Dartmouth en un kin tipi wakan
en token tuwe econ kta, qa anpetu wakan woonspe en token econpi kta hena ihni skan
eeee. Wanna waniyetu yamni un kin icunhan
Christian Association en Itancan kagapi. Wayawapi en ake wanji itancanpi kin wanji iye.
Tohan Y. M. C. A. oitancacpi kin Wotanin
Waste on wayawa wankantu owasin oSpaye
wicakahnigapi qehan Darthmonth woyuonihan kin icu, qa iye Y. M. C. A. en itancan qa
oSpaye en tokahan nakaeS wi3'ohinyanpata
wayawa tipi qa wayawa tipi waukautu wanjigji ecen wicai.
1916 en Mexico makoce ekta akicita opa qa
om un. 1917 en Akicita Y. M. C. A. htani,
makoce de en, qa iyohakam miniwanca akasam
i. Calcutta, India en Y. M. C. A. on wicohan
yuha. July 1918 en Mesopotamia ekta British
akicita om yeSipi. Akicita waawanyake on qa
iye Mesopotamia ekta Wicastayatapi yewicasi
kin en Captain heca, qa iye ehanna Wowapi
Wakan en Eden wojupi eyapi kin qa Babylon
qa Ur Chaldees eyapi kin owancaja un. Hehan July en omaka he en makoce de en hdi.
iye tokahe kin on taku piyapi kin Dakota kin
on iyowicapta.
KOgKA OKODAKICIYE
Mdetanka tipi wakan kin en, tokata Jan. 21,
22, 1921. Board of Directors of the North
American Indian Young Men's Christian Association kin mniciyapi kta. Hehan dehan tona
Board yaunpi kin yaipi kta wacin. Hehan
oyate wan tukten yaunpi qa Y. M. C. A.
oSpaye tona hen yaunpi kinhan board wanji
hen un kinhan he nitawapi he on omniciye
ekta yapi kte cin he owicayakiyapi kta, dehan
wicohan ota kte.  Hehan oSpaye iyohi mazaska
onge Jan. 1921,Y. M. C. A. yaqupi kta uncinpi
qa nakun General Field Secretary wanji on wo-
iwanyanke yukin kta.      Alex Horneagle.
Canpawakpa Inkpata Y. M. C. A. unpi kin
Jan. 5, 1921 he ehan omniciye yuhapi na
oiyokipiya Wowapi Wakan onspeiciciyapi.
He icuuhan koSka tob teca opapi. Iyuhpa $i-
naska hecapi na taku wakan kin slolyapi ua
wicalapi lekas opapi. Hecen cante waSteya
kola wicunyanpi. Felix Benoist he wicaSa
kin hank^ wasicun, waniyetu 64 henakeca.
Wowapi Wakan tanyan onspe na lila waslolya,
wawokahnige kin heca. Hekta June 1920 hehan Cheyenne River Congregational Church
el District Convention yuhapi ua koska kin el
Standing Committee kagapi. Nakun koSka
tecahca heca yamnipi, Russell Benoist he
Felix Benoist cinca, David Bringsplenty, na
Frank Bearrunning. Lena waniyetu 19 na 22
wahehanl hantupi. Iyuha wayawa tipi etan waonspepi na koSkalaka bliheca wacinyepica hecapi. Canpawakpa Inkpata koska okolakiciye
unqonpi kiu el koSka tob teca opapi kin heon
awecakehan wowiyuSkin tanka unyuhapi, hece
nis tuktektel koSka okolakiciye yauupi kin
unkiciyuskinpi na wocekiye unkekiya po.
Isaac Halfbed.
MRS. HELEN WILLIAMS TA
Mrs. Helen Aungie Williams nakaha Flandreau, So, Dak,. Jan. 1, en cante yazanpi on
ihnuhanna ta. Hinhan wakpa tipi wakan en
omaka wikcemna nonpa sanpa zaptan hehanyan opa, he en omaka 1853 en tonpi. He iyecadan Ihanktonwan oyate deciya hipi qa omaka 1880 he en Mr. John Williams kiei un qa
he etanhan hokSiyopa Sakpe wicayuha, qa
nahanh owasin nipi. Mrs. Lillie Folster,
Mrs. Maud Smith, George Claymore, Forest,
Luther, qa Chauncy owasin Wanblipaha etanhanpi, Mrs. Williams e >anna Jesus wicada qa
wacinyan htani kin heca. Hekta omaka kin
Sicangu oyanke ecen winyan omniciye owicakiya on omani un qa ohinni wawokiya hecen dehan nina wicota winyan kiu de hduSna-
pi tanka. Hankapi kin en cinca owas unpi,
etanhan Ohauncey hece edan en un Sni. Tan-
kaku wanjikan ehake niun Mrs. Lyman Greenwood etanhan hena nakuu hnakapi kin eu un.
Hnakapi en woecon econpi kin Rev. Francis
Frazier qa Rev. Rudolf Hertz.
WOWAPI UNQUPI
Prince Albert, Sask. Hekta mdokehan
June qa July hena okna misun J. Twobear
he Promise, S. D. Hinhan wakpa etauhan,
mico e ekta wai. Titonwan oyate kin woi-
wange tona imawangapi hena tanyan awa-
mdeze ca sdonwaye cinhan ocieiyakapi kta
kepa, tka otoiyohi wowapi cicupi owakihi Sni,
hecen "Iapi Oaye" en obdake, ca oniciyakapi
kte do. Tahca obe nom (deer) ewicakiyapi
siha kin en Sakena wan ciqana tianpi he nam
Sdate eciyapi, qa nakun naptaSake eyapi, eya
ocajeyate Otakiya unpi tka eyas siha en Sake
na kin he ikoyaka e hecetu. Iho heca waniea kehapi, qa onge is heca yukan kehapi, qa
on ayakinicapi kehapi, hecen toketu kin he
obdkakin kta. Nigesan na kin he namSdate
qaiS napataSake wanice do. Hehan sinte sa-
pena he namSdate qaiS napataSake yuke do.
Hehan tuwe iyotan wicada Sni kinhan wowapi maqu kinhan sintesapena siha wanji yewa-
kiyin kta, namSdate yukan e iyelica wanyakiu
kta. Hehan wamakaSkan can ekta oicage cin o-
wasin pizi wanicapi hena pizi yukanpi keya
ayakinicapi, kehapi tka pizi waniea. Ho, tuwe nakun taku hececa imawangin kta hantaaS
ake Iapi Oaye en ewaknakin kta. Mitakuyepi nakaha Christmas qa New Year on tona Iapi
Oaye dawapi owasin cante waSteya napeeiyu-
zapi do.    Nitakuyepi wanji he miy9.
Henry Twobear.