Iapi Oaye (Santee, Nebraska), 1921-05

              SANTEE,   NEBRASKA.
TAKU  WASTE  OKIYA,   TAKU   SICA   KIPAJ1N
P. B.  RIGGS, PUBLISHER.
VOLUME L    NUMBER 5
May, 1921
WOKAJUJU KASPAPI   &AKPE
DAKOTA ASSOCIATION AKE
YAOTANINPI
June 3-5 hehantu kta.    Pejito wakpala en-
tu kta.    June 2 hehan Eagle Butte, Wanbli
Paha, en yahipi  kte,    Hen wicawehipi kta.
Owinja gluha u po. Rudolf Hertz.
ANPETU OYAKAPI
Palestine makoce kin Juda oyate ake en unpi kta wokuwa kin, nakaha Sir. Alfred Mond
makoce wakan kin etanhan London en hdi,
unkan wanna okihipi kta naceca eya. "Palestine makoce oun wowiyuSkin" eya. Waniyetu opawinge ota Turkey oyate ihukuya tehiya un. Wicohan nina tanka en yuStanpi kta
yukan. Makoce kin yuecetuyahiu piyapi kta.
Qa wicaSta woyawatanka yamni cen wanij^etu
ota Skaupi kta naceca.
Nakaha IkcewicaSta oyate oSpaye etanhan-
han TunkanSidan ti kiu en ipi. Ota ehanna Ikcewicasta wokoyake token ihduzapi ecee kin hecen wokoyake un ipi. Nebraska makaobaSpe
etanhan Thomas L. Sloan IkcewicaSta awanyaka, Commissioner of Indian Affairs heca
kta cinpi heon. Hecen TunkanSidan qa Mrs.
Harding hena wicakico. TunkanSidan ti kin
token, owanyag waSte kin hena wicakipazopi.
SINASKA WAONSPEICICIYAPI KTA
He Sioux Fall, S. D. hetu kta, June 21-39,
1921 hehanyan. Wicasta wakan qa winyan
oitancanpi wanjigji wicohan de awanyakpi
kta qa wicohan wakau kin en sanpa iyoptapi
kta onspewicakiyapi kta. Waonspekiyapi qa
wotanin ayapi wicohan, qa winyan wicohan
tawapi kin, okodakiciye woyakapi, qa token
onmiciye econpi kta on, qa hoksipidan wicohan hena hecekcen, qa woecon kin de en nakun woSkate ocaje wanjigji yuhapi kta. Hehau tona en opapi kta wokajuju kin caje en
ehnakapi kin he mazaska nonpa $2.00. Woonspe kin mazaska yamni $3.00. Hehan en
unpi kiu mazaska ake nonpa $12.00. Anpetu
wikcemna hehanyan kte.
HEHAKAHEPAHA WINYAN   OKODAKICIYE ON YAOTANINPI.
Heliakahepha winyan okolakiciye kin Sept.
wi kin hetanhap unhiyupi unkan wanna mazaska $120.00 Wotanin WaSte okiyapi. Tona
itancanpi kin hena iyotan htanipi hecen mitakuyepi owancaya winyan okolakiciye yaunpi
kin ito le awacannipi kta. Touatokahanpi
kin heua blihecapi hecen ihakam najinpi hena
iseya iyececapi. Wicacaje 24 unyuhapi. Womnaye kin tanyan kiconpi. Nakun akam ounkiyapi kin on tanyan waunkamnapi. Tuka
lena owasin unkiye waunSakapi na waunkamnapi Sni. Lena owasin taku wakan etanhan
unkokihipi. Nakun miniwanca akasam, European Relief eyapi heci $2.00 on wawouuki-
yapi. Heconqonpi na anpetu tahena $7.00
unkamnapi. Le-eciyatarhan iwanlakapi kte.
Wakantanka unkicipi un ca atanin wocekiye unkitawapi kin nahon, hecel wicaunlapi.
Nakun tipi wakau unkitawapi kin el can owinja akahpe awamuaunyanpi kta unglustanpi.
Hecel he ins wikoSke wanji on wamnayin kta
ungluStanpi. He Mrs. Elizabeth Henry hee.
Anpetu couala mazaska $33.00 nakun sanpa
mnayan. Lena owasin on Wakantanka itokam wopila unkeyapi. Lena hekta wisakpe
itimahel ungluStanpi. Ake letanhan tokatakiya wi sakpe htaunnipi kte kin. el Wakantanka towaSake na towaousila kiu unkicipi un
kta.    Wocekiye on unyeksuyapi kta.
Mrs. Lizzie Hashorn.
Iapi Oaye duha he.    Duhe kta iyeeeea
MINIWAKAN YATKE SNI OKODAKICIYE
Ihanktonwan Oyate kin en miniwakan yatke Sni okodakiciye unpi kin mniciyapi, anpetu kin de March 11, 1921. Omaka wanji
oitancan unpi kte cin hena wicakahnigapi qa
dena eepi. 1. James Littlecloud, 2." Chas.
Wells, 3. Simon Antelope, Alex Horneagle,
sec, Mrs. Sophia Antelope treas, Hehan nakun committee 7 wicakagapi qa ito den iapi
wanji epin kte do. Eya dehan wanna miniwakan anaptapi keyapi, unkiye South Dakota
kin den. Unkan ake dehan unkiye makoee
unkitawapi kin den wakmaheza miniwakan
kagapi WaSicuna kin. Ho qa wanna ake Da-
kotana qon etkiya wiyope wicakiyapi. Canke
wanna ake he cinca qon he itornni qa tehiya
Skan ce eyapi. Qa nakun wanna wanjigji iseya kagapi kte hcin keyapi hecen unspepi kinhan awicakehan otehike kte do.
Qa okini oyate yaunpi kin niS eya hececa-
seca. Heon ito oyate ecen miniwakan yatke-
Sni okodakiciye yaunpi qon ito widukcanpi
kta wacin. Decen iye woyatke Sica qeya ici-
cali Skanpi kin dena nalimaua qa anakicilima
skanpi. Tokiyatanhau woikope wan yuhapi
heon ito heciyatanhan inaunjinpi qa hetkiya
wawonahon unyanpi kta hecen waSte. Taku-
na unkeyapi Sui kinhan oyate cincapi kin owi-
conkihan Sunkecapi kte do. Heon ito widukcanpi kta wacin qa heon decen Iapi Oaye en
decen mduotanin. Alex Horneagle.
MINIWAKAN ON WOYAKAPI
Maka akan wawiyiUanyan ota tuka miniwakan he iyotan Sica. Tuwe ito conana imdute
kta ecin eSta he nina icihnayan. MiS eya
ehanna he imduta unkan eqes conana bda-
tkan, koka opawinge ecen bdatkan. Unkan
woyuha mitawa qa makoce onspa henakeca
bdusota. Hena hecetu kin hehan ake heua
iyecen mdu he kte cin okihipica Sni. Ecin
miniwakan kin he hiyu qa omakiya okihi Sni. Eya dehan iyotan taku wan wamnaheza hanpi eya cajeyatapi. He maza qa cega
on piliyapi hena tuktekten maza ohdoka ohna
Sbu kin hena ogi qa etanhan pejutaSica icaga,
hecen hecehnana yatkanpi kin iyecadan
hnaSkinyanpi, hena itomnipi Sni. Hehan he
iyohakam wi Sahdogan qais akenonpa cen hehan pejutaSica tezi ekta un qon he iSicapi qa
on tapi okihi, ecin tezi mahen pejutaSica oica-
gapi heon. Eya miniwakan unkeyapi he dehan waSicun woju. tipi ecekcen heca hdepi.
WaSte Sni heon ota qa nakun on mazaska on
kamnapi, heon etanhan ota kagapi. Ho,
mitakuyepi wamnaheza hanpi etanhan iduhe-
yapa pica, ecin wamnaheza hanpi de woahtani nicicajuju okihi Sni. Tka waonyatkau uncinpi ehantanS Jesus Christ Itancan unkitawapi
we kin unkiyepi on kpapson qon he unyatkam-
pi kinhan heqe woahtani unkitawapi kin un-
kicicajujupi okihi. Ho, wanna maka kin den
taku ota hecetu Sni icahaya. Hececa eSta tona
wacinyan owotanna henicapi qa sutaya naya-
jinpi ehantanS hena taku kiu de tona waniyetu
wikcemna yamni, qa ihukuya kin hena wamnaheza hanpi kin de on nina wahokonwica-
kiyapo. Wamnaheza hanpi de on wicohan
Sica icaga. Ho, hena hecetu kecanmi on etanhan de wahdaotanin. Dehantu kin den miniwakan oyatke on taku ecin sriiyan ota ic&ge.
Otakuye iyusice, kiciktepi, qa wamanonpi kta
hehanyan iknaSkinyanpi qa sanpa taku ota
iyuSica. Hena unkabdezapi waste. Wanna
dehan wicohan dececa owasin etanhan unki-
hduhomnipi kta iyececa qa wicohan waSte en
maunnipi qa Wakantanka oie kin on untapi
ehantanS he ihanke kin hehanyan iyapi qon
hee kta. Ecin itehu kin en eanicipawega wan
eunkicihnakapi. Ho, he,unkiseya akan untapi qa taku Sica kin unktepidan ehantanS ate ni-
tawacin ecen econpi nunwe unkeyapi kta iyececa. Tona Iapi Oaye iyacupi owasiu cante
on napeciyuzapi nitakoda wan.    H. B. Ree.
WOWAPI MAQUPI
Iapi Oaye takukeSa olake kta iyonicipi
ecanmi heou kola le anpetu kiu takukn epa
wacin. Le anpetu kin ake taku tokeca wauji
el wahinawajinj heon iapi wanjigji epa wacin.
Ho, Dec. 5, 1920 anpetu kin en Pejitowakpa-
dan okodakiciye wakan el micopi heon katinyan ho epa. Na heon wanna le anpetu kin
Ptehcaka okodakiciye etanhan wahiyu kta eSa
nakun Y. M. C. A. wicohan tanka wanji maqupi canke he tokaheya tanyan wagluStan kta
waciu. Nakun Lakota Association on Wa-
kinyanpaha ekta wotanin waste aye masipi
canke wanna Dec. 12, 1920 anpetu wakan el
wocekiye eeamon na htayetu ekta Y. M. C. A.
omuicije waSte unyuhapi. Na ake Dec. 18 el
ake Ptehcaka el Y. M. C. A. wicawai na Dec.
19 el om mnimiciya, na hetanhan La Plant,
S. D. ekta waina ake Y. M. C. A. om anpetu
nom mnimiciya. Hemani canku he micicajn-
jupi na lila pila mayanpi. Nakun womnaye
el mazaska $14.50. ehpeyapi qa tanyan econpi
heon wopila ewicawakiye. Hehau le wanna
Pejitawakpala okolakiciye ekta wanna wahde
kta mihduwiyeya icunhan Mrs. Helen Williams ta keyapi. Okolakiciye tawa awicayu-
Stan lehau lei wahiyotanke na heon anpetu
owasin wicohan tawa hena awacin manka ecee.
Cinca hena on token eeamon qa om tanyan waun kta hwo ecamin. Okolakiciye le el wicaSa
econpi kta tehike Iapi. Ito miS lehan wauna
Ptehcaka okolakiciye etauhan Feb. 12, etanhan
wanna Pejitowakpala okolakiciye el wahiyotanke. Ho, lehan aupetu kiu owacekiye tipi
wakan waSte yuhapi tka ee wicaSa nicapi heou
locinpi iyecel unpi. Feb. 13 en wocekiye ahi
kin wikcemna zaptan hipi na okolakiciye kin
owasin taku tawa on omakiyapi, nakun iyotan
ska unpi el Skanpi. Hena iyotau pilamayaupi.
Nakuu Sinasapa he can qa peji ko makahi on
lila cante mawaSte. Heon miglatan heca Sni
tka wicaSa owasin wacantkiyapi wicohan un-
kuwapi canke lena awicakehan iglutauinpi
wicakapi ecanmi. Na le anpetu kin ake wanji
mico, he iyotau tanyan ecamieonpi woyute
maqupi he Mrs. DeLande hee. Ho, wicaSa
wanji waniyetu 91 cetu kici wowaglaka yukan
iapi lecen emakiye. Tipi wakan el nanke kta
yahi hwo, eya, ca ho epa. Yukan ho, ho, eye,
tanyan ecanon kte lo. Wanna untakunipi Sni
qon pila unyayapi kte lo. IsnikaeS tanyan
wahbayela kul imonke kta hunSe emakiye.
Na keya, taku wanji le iyececa walaka eya.
Hekta ozuye econqonpi kin le wicohan kin
iyececa walake lo, eye, na wanna maka akan
wicohan tokeca wran tona wocekiye opapi kin
kason awicanpe lo, eye. Na iSta mini au na
heye, ehanna mis eya oyate ni wica waye kta on
bliheiciya waSkan tka qou eSa anpetu lehanyan Wakantanka ni manyan heon iwasteglala
kul imonke kte ecanmi yelo. WicaSa kin Ta-
tankapa eciyapi hee. Mitakuyepi lehan le o-
zuye tanka wanji maka akan on heon tona
Wakantanka litayakinipi qon bliheiciyapi yo.
Wicasa wasteste na winyan waStste wanjigji
wanna unyan nawicapapi kta onge wanna ahi
wicaktepi keyapi. Na onge .iyankapi Sni keyapi. Na onge wayaka wicayuzapi. Ske lo.
Ho, miS eya lena wanjigji wanblake. Heon
etanhan wanji hcin hekta kiya waglaka kta
awacanmi. Tuwe yus anian kin he Jesus eciyapi qon heeca wicaSa wacinyan unpi kin wo-
wacinye wicaqu na heon lehanl miye cante wa-
waSteya okolakiciye wan Pejitowakpala eciyapi om waun heon mitakuyepi wocekiye ehapi
can miksuyapi ni ecamin. Nitakuyepi wanji.
Thomas R. Blueeyes.