Iapi Oaye (Santee, Nebraska), 1925-05

              SANTEE,   NEBRASKA.
Taku WaSte  Okiya. Taku  SicaKipajin
F. B. RIGGS, PUBLISHER.
VOLUME LIV    NUMBER  5
WTOWAPI UNQUPI
Anpetu kin lehanl iapi tona epin kte. Wa-
makanyeja hehantan owayawa wan el wabla-
wa Oahe Mission school el. Yunkan heon
etan taku tona epa wacin : Ecin hetan Woonspe bluha ye lakas ohinni blawaste : Hel
wablawa, na taku tona onspemakiyapi kin hena, iyuha Sni qeyaS, etan ota mitawacin ogna
wagluha. Owacekiye eciyatanhan, na on
etan woimagaga, wicaSa, na winyan, tawacin iwicayuSice kte kin hena el blesni, tiyata
wagli. Hehanl ins ate ohinni wahokonmaki-
ye. Owayawa el tokel onspemakiyapi qon
tiyata wagli ekta ate insiya iyecel econ masi.
Lehanl wicaSa wan hingnawaye cin ake inse-
ya iyececa canke, hecetu wanjica ake iyececa. Ho lena on iyapi epa wacin. Oahe Mission School el taku onspemakiyapi kin tokel
on imawaste kin ociciyakapi. Wicasapi na
winyanpi niyepi ca nicincapi owacekiye
woonspe el wayawa wicayakiyapi na mazaska olota yakasotapi. Tiyata nicincapi glipi
canna ecel econ wicayakiyapi kte. Na nis-
eya wicayecipatitanpi ehantans okihi wicaya-
yapi kte. July 4th yunkan wayawa wicin-
cala wan Oahe el waniyetu ota on kin heca
wan. Ho aglagla Sung akanyanke na wica-
glata hiyaye. Na ake ska akanyanka wacipi
yunkan ake el opa. Ho lena icante masice
kin ee. Tanyan waonspepi tka qon. Woonspe tawapi kin wicakicasnipi wicakiktepi.
Taku onspe unkiyapi kte hcin na on wicasa
na winyan qeya iyotiyekiyapi qon toketu
hunwe ecanmi. Santee Mission el waniyetu
wanji waun, na hel wicaSawakan nom wan-
wicayag waun, Dr. A. L. Riggs na Rev.
Francis Frazier. Yunkan Dr. Riggs taku
waSte unkokiyakapi na econ qonpi hena aWe-
ktonje Sni. Hecel Dr. A. L. Riggs ta tka wicohan tawa kin hena te Sni hecel wicawala.
Hehanl Mr. Frazier wanna wicahca. Hececa
eSa makoce wiyohpeyata ekta yeSipi. Eagle
Butte el yanke. Tuwa tanyan kici takuki-
ciyapi hecinhan he unkiyepi. Yunkan Mrs.
Frazier tin na gluha kigle na token ake ku
kte unkecinpi yunkan iyecetu sni. Yunkan
Mr. Frazier on Wowapi Wakan wicoiye wan
weksuye, Wayuotanin etan. Tuka wicate
cin hehanyan wicaka wo, kinhan wiconi wa-
teSdake wan ciQu kta.
Mrs. Ltdia Yellow HAwrK Creek.
Ravinia, So. Dak-, March 20, 1925.
Iapi Oaye anpetu de taku wanji odaka wacin. John Omaha, wicasa kin de oyate de-
en tanyan tipi kin wanji hee, qa nakun tanyan wocekiye opa heca qa nakun oyate en.
waawanyaka itancan taoyate tanyan unpi cin I
on dehan hunkayapi heca qa nakun Yatke
Sni opa. Unkan August wi kin iknuhan
wayazan qa Hotanke owayazanke tipi ekta i qa
ekta ta hecen ena hapi. Tohan wayazanka
unkan heya keyapi. Tohan mate kinhan winyan mitawa wanke kin en muka wacin ce, eya
keyapi nawahon qa nina awacanmi. Unkan
Yatke Sni woope tawapi en wanji te cinhan
okiyapi kta eye ciqon omniciye en okiyapi
kta epa unkan hecetu dapi qa wamnaya yamni wicakagapi, Homer Red-lightning, Andrew M. Garfield, Eunice Tiyopana unkan
oyate den unpi cante wasteya okiyapi qa nakun Hunkptati oyate okiyapi qa mazaska
$145.00 henakeca mnayapi qa Wagner en A.
T. Cole denakeca $100 on econsipi on aku kta
keya. Homer Red-lightning kici ekta i. Jan.
23 qon han Ihanktonwan tipi en akdipi qa 24
anpetu he hapi qa iyehan maSte. Nina wicota
ahi unkan John anpetu ni en wicasa owasin om
tanyan un kta cin kin on tohan te cin hehan
wicaSa qa winyan ota kiksuyapi. Mitakuyepi unnipi en tanyan unkikduhapi kinhan nakun mahpiya ekta woyawaste en unnipi kta
he unkuwapi hecen sanpa awacannipi ecami.
John Omaha tona oyakiyapi owasin wopida
eeiciyapi owasin nape ciyuzapi.
Ravinia, S. D. Andrew M. Garfield.
MAY, 1925
WOKAJUJU KASPAPI   &AKPE
OUNKIYA PO!
Dakota Akicita Koska Wan he Tuwe
kin Yuwicakapi kta on Wawokiyapi Wicohan Wan
Hekta omaka sahdogan he ehan maka o-
wancaya okicize tanka wan icaga, "Worlds
War" eyapi. Unkan hed Dakota kin ounpapi qa Wasicun taku econpi kin owasin cceh
econqonpi. KoSka ota akicita opapi, ota ekta
wankapi, ota tawicaopi, qa dehantu kin hena
eepi e icakis unpi. Ota tate sica, gas eyapi
on cagu Sica woyazan ececapi, qa anpetu dehanyan hena eepi e on woiyokisice oyanke
owas ed icaga. KoSkapi hena teeapi qa hena
tokata oyate ed wowacinye unpi kta tuka wokiconze tanka wan ed wiconi tawapi ehpeki-
yapi, qa dehantu kin ota ni unpi esta tandanpi
ed wokakije ikoyag unpi.
Oyanke iyohi ed akicita koSka wanji qa iS
nonpa koka ohna awicahdipi qa wowasukiye
wan iyahna awicahipi, qa he koka kin yuhdo-
kapi kte Sni eyapi qa eced econpi. Tunkansidan taku eye kin eced econqonpi kta uncinpi qa hena tuwepi kin sdonye sni', ainina taku
eyapi wicawicundapi, qa wicahapi mokoce ece-
kced woyuonihan wicohan hena econqonpi qa
anpetu dehanyan hena wowicada kin wanka.
Niobrara, Nebr. ed Sept. 1920 ehna Dakota
akicita wan koka ohna ahdipi qa he Arthur
Frazier tancan kin ee ce eyapi, qa akicita,
wasicun ota qa iye wicowazi tawa owasin ipi qa
yuonihanyan ekihnakapi. Etanhan omaka
nonpa unkan Arthur Frazier hee ca ni un qa
hunkakepi kin Oklahoma heci iyekiyapi.
Unkan Tunkansidan is de tuwe tokeca ce eya,
tuka om akicita ospaye un kin, qa takuwica-
ye cin hena owasin is he Arthur Frazier hee
hca e iyekiyapi. Heon dehand woakinice
tanka wan icaga.
Minneapolis qa St. Paul akicita ospaye unpi American Legion "Bear Cat Post" deepi
ca wicohan kin de iyopteyapi. Qa Veteran's
Bureau Oitancan yankapi kin om wicolian de
yuha skanpi. Government eciyatanhan May
10 ohna wanna wayaco eyapi kta yuotaninpi.
Dakota Oyate kin de ed eunwacinpi kt* iyececa, qa Dakota akicita de ta yacopi tuka de-
hand ni un kin woope ohna yuwicakapi kta,
unkan Dakota kin wawounkiyapi kta iyececa.
tohanyan unkokihipi kinhan waste kte.
Dehan Minneapolis qa St. Paul ed Arthur
Frazier Defense Fund eyapi wan iyopte yapi, qa wanna nakun South Dakota qa Nebraska ed wicohan kin de iyopteyapi qa unkis
Dakota kin ed womnaye de ed ounpapi kta
iyecece hca, Heced de on tuwe wawokiye
kta cin kinhan Rev. Rudolph Hertz, Eagle
Butte, So. Dak. qais Dr. G. J. Frazier,
Santee, Nebr. mazaska hena qupi kta. May
1st itokam.               G. J. Frazier.
HOKSIYOPA WAN SIYUKAZA SAKPE
E TONPI
Sihasapa oyate en hoksiyopa wan siyukaza
Sakpekpe qa nape nonpin en napsukaza zapt-
aptan qa napahunka wanjikji yuha tonpi.
Hunkakepi kin Glacier National Park oyanke |
hetanhanpi.     	
Y. W. C. A.
Little Eagle, So. Dak. Little Oak Creek, Mes- j
siah Y. W. C A., by Miss Dorthy Stevenson. I
We  elected our  officers, Mrs. Ethel   Ankle
President, Mrs. Helen Roach Vice president,
Miss Mary Redbear treasurer, Mrs. Esther ,
Crossbear   secretary, Miss  Rachel   Buckley
and Mrs. Rosyln Longfeather directors, Mrs. '
Regina Spottedhorse and Mrs. Pauline Black- .
fox social committee, Mrs. Ethel Ankle music committee, Mrs. Cecelia Brown Bible com- '
mittee. Esther Crossbear.     '
CONGREGATIONAL WOTANIN
WASTE WOMNAYE
1923-1924
Ohnihde Okolakiciye Wakan $25 01
Ohnihde W. M. S. : s60 00
Wakpadansica Okolakiciye "l5 30
WakpadanSica VV. M. S  40 00
Ojinjintka Oko., Wososo aletka  11 50
Oiinjintka Oko., Wososo oinkpa aletka   3 40
Wososo W. M. S     6 15
Miniskuya Okolakiciye...-.     4 00
Inkpata Okolakici ye ;....    1 21
Inkpata W. M. S 106 94
Ptehcaka Okolakiciye     2 62
Ptelicaka W. M. S,  20 00
Wakpawaste W. M. S  49 25
Wakpawaste Hutam Okolakiciye        20
Wakpawaste Hutam W. M. S  36 00
Tasnawakpa Okolakiciye    13 13
Tasnawakpa W. M. S  71 30
Hinhanwakpa Okolakiciye        55
Hinhanwakpa W. M. S  35 80
Matowakpa W. M. S,  31 01
Wakinyanpaha W. M. S.  10 00
Messiah Wawokiya ciqala     6 00
Utuhuwakpa W. M. S 105 60
Hehakahepaha W. M. S 120 00
Inyanconkaske W. M. S  13 20
Canhahaka W. M. S  17 00
Palanitawakpa Oko. Canhahaka aletka   2 50
Pahahanska  W. M. S  10 00
Inyanbosdata W. M. S  37 00
Inyanwakagapi W. M. S     8 50
Cannon Ball W. M. S    32 50
Bdetanka AV. M. S 147 00
Lookout Okolakiciye  14 03
Cankuwaste W. M. S  11 35
Charles Crow     5 00
Stephen Lones-his-arrow  10 00
Tansnawakpa  Y. M. C. A :     100
Wogluze Omniciye-hanke  .. 16 05
Omaka opta wamnayanpi 1100 10
Wamnayanpi akta tawapi
Winyan omniciye etanhan 974 60
Okolakiciye Wakan etanhan...:  93 45
Toktokeca na Y. M. C. A  16 00
Wogluze Omniciye-hanke  16 05
1100 10
Hehan naunkitakapi unkicupi kin .695 90
Ataya yuha unskanpi 1796 00
Yusotapi, wicohan en 1377 75
Hecen lehan yuha unkiyayapi, 	
Sept. 1, 1924 418 25
Waawanyakapi : T.   L. Riggs,   Ignatius
Ironroad, Eli Jones.
Wablezapi : Eli Jones, Rudolf Hertz, Joseph M. Long.	
SANTEE WAYAWA OMNICIYE
Popular, Montana en March 17 hehan wayawa omniciye unyuhapi. Wotapi qa woSkate
yuhapi qa $18.25 kamnapi. Winyan taku
waSteste kagapi wiyopeyapi. Mr. qa Mrs.
Demarias   tipi  en   econpi.
Chester Arthur.
HE WAN NAJICA,
Meeker, Col. ikiyedan "He wan iyopte"
oicimani wanji ake econ. Pajodan kin de siha
iyutapi kektopawinge nonpa(2000 ft.) ecetu.
Hekta anpetu wakan oko en anpetu nom imahen wiyohpeyatakiya cahdepi opawinge (100
yds.) hehanyan iyaye cin on canku hca wanji
siha iyutapi ota ihangya. He kin de itokam
decen iyopta ecee eyapi. Tohan maka cancan hinhde kinhan he icunhan he kin de wankan iyaye qa miniwanea taja iyecen kun iyaya ecee.