Iapi Oaye (Santee, Nebraska), 1928-04

              SANTEE. NEBRASKA.
Taku Waste Okiya.
Taku  Sica Kipajin
F. B. RIGGS,  PUBLISHER
VOLUME LVII    NUMBER  4
WAYAWA WAI
Hekta omaka March wi kin ieonhan Bis-
mark, N. D. hen wayawa wai. Ake nakaha
Feb. wi en Brookings Agriculture College,
South Dakota hen wayawa wai. Dena opten-
yena wayawapi heca, (short course). Dena
en miye mazaska mitawa on waSkan qa hena
ituya wahdnsote Sni, taku onmaspe kin hena
oyate tukte en htawani kin hen wowidake waya. Brookings Agriculture, Mahtipi Woonspe
Tipi kin en anpetu tonan unskanpi eSta uina
unyuhicapi qa iSta unkamdayapi. Wicoui unkitawapi kin teca icage seca, qa tawaein kin
unmdezapi qa nakun htaunnipi kta wicaunda
pi unkagapi. Maga cistinna en taku SniSni
ojupi qa kukuSe qa anpahotonna (kokoyahan-
na) qa taku wamakaSkan obe owasin hena token icahyapi qa oawauyake kin hena onspeunkiyapi. Nakun aguyapi-su qa wayahota
qa wamuaheza hena obe owasin, qa nakun peji ojupi su obe owasin token kahnigapi kta qa
nakun token ojupi kinhan yuotaya icahyapi
kta heua tohan waunyakapi kinhan tukte waste qa tanyan icage kte qa tanyan wiyopeyapi okihipi kin qa nakun sunkawakan obe, pte-
wanunyanpi obepi kin ua talica-Sunka obe-
pi kin qa taku wanunyanpi owasin obepi kin
qa tohan wawicunyakapi kiu han token tukte
waste qa icahyepica kin unkokahnigapi kte
cin hena onspeunkiyapi.
Dena iapi eceua on onspeunkiyapi sui tuka
yutaninpi (demonstrate) ohnayan, dena yutaninpi qa taku yuwicakapi kin he, wicaSta
wan maga iyutapi ciqana, acre 40 henana yuha eSta, tetnni hda sni kinhan, tohinni tiwahe tawa kin akihan kte Sni. WicaSayatapi
(king) iyecen wote na ha-kiton okihi. Taku
tona iyayotan on wicaSta tanyan un okihi kin
he maga cistiuna (garden) yuha hee qa kukuSe, anpahotonna, qa pte-asanpi yuhapi kiu qa
nakun wamuaheza hena ee. WicaSta wan
makoce makiyutapi (section) wanji yuha eSta
temni hda qa dena econ' Sni kiuhan ohinni
onsike kta qa tiwahe tawa kiu niua docin
unpi kta.
Taku wanji yuwicakapi qa nina awacin ma-
yanpi kin he Wakantanka maka kin de kaga,
he unqupi qa akan unyakonpi. Unkan ma-
ka-kin de etanhan on wicoicage wicani kin,
woksape-icage, he wowijice kaga. Nakun
wowahbadan, qa wookiye qa tanyan ihduha-
pi kta wicaSta owasin iyakiyecen okihi kaga.
Oyate kin temni hdapi qa maka kin kican-
yanpi Sni unkanS dehan wowitonpeya wicoicage kin de waunyakapi kte Sni tuka. Maka
kin kicanyanpi kin on mazaska icaga qa ma
zaska icage cin on woksape yuha okihipi qa
woksape yuhapi kin on dehan wowitonpeya
wicoicage kin icaga qa unnipi kta waSte un
dakapi.
Maka kin kicanyanpi Skanpi kin on wieotawaein kin owasin katinsaya wanka qa wowahbadan qa wookiye kin wanka. Oyate kin
temnihdapi qa waecon kapinpi unkanS dehan
taku wauuyakapi kin hena tohinni waunyakapi kte Sni tuka.
Taku ota yutaninpi tuka hena owasin om-
dake kta okan Sni. Taku wanji Dakota oyate
kin nina awauncinpi kta iyececa. Wojupi
kin he nina waste. WicaSta qa winyan owasin
wojupi kta iyececa. Tona iyotan Christian
hecapi kin heua taku wokamna ka-e yuhapi
esta wojupi kta iyececa. Woyaju kiuhan tiwahe nitawa kin akihan unpi kte sni qa wokoyake inicakije kte Sni. Woyaju kinhan oicazo duhe kte sni. Oicazo kin he miniwakan
iyecen ihang-niye kta. Woyaju kinhan oicazo yaktena kte qa wiStece Sni yani kta. Koda
amdeza po. Simon J. Kirk.
APRIL,  1928
WOKAJUJU KA&PAPI §AKPE
ITE-OKAGAPI MAZA (WIRES) OHNA
QA NAKUN MAZA CODAN YEYAPI
Wanna waniyetu ota he ehan wicaSta wan
maza (wire) ohna wakanhdi, (electricity) iyaye
ye kta okihi qa maza uma ihanke ekta on
oiape kta wan kaga. Qa iyapa kte kin he
onge hanska qa onge pteptecedan kta qa,
hena on wowapi oowa heca on isdonyapi kta
hecen wicoie kin yawa okihipi kta, hecen
okihipi kaga qa lie Maza-wakanhdi-apapi
(telegraph eyapi) kin he hee.
Hehau ake wicasta wan wicaho kin he tokeu
maza ohna oyukape kta qa wicaho kin he ee
hca ho kin ake tanin kta he wakanhdi (electricity) on maza (wires) akan iyuta Skan qa
hankeya okihi qa he dehantu kin maza-ohna
iapi (telephone) hee.
Unkan nakaha ake wicasta wan taku tokeea
wanji wakanhdi (electricity) ohna econ kta
onspe. Iyojanjan (light) he token wicasta
ite akan aiyoyam ye kta qa iyoyanpa wauuyakapi kta unkokihipi kin he etanhan wakanhdi on maza akan iyaye kta okihi kta qa
maza uma ihanke ekta ake iyoyanpa iyaye cin
he iyecece kta qa he on ite okagapi SkanSkan
wan maza ohna ye kta kihi kiu hee. Hecen
tohan wicaSta wan maza ohna iapi. telephone
ohna kici woyahdake kinhan, he tuwe kin
kici ice wankiceyag woyahdake kta. Nakun
askatuyedan wicasta wan wicaho kin he token
wakanhdi on tate-oni (air) ehna mazacodan
iyopte ye kta kuwa qa okihi, mazacodan wicaho tanin kin, radio hee.
Nakaha ake wicaSta wan taku teca iyaya. Token wicaSta ite okagapi wicite kin
he tate—air ohna wakanhdi on aye kta he okihi iyeya, qa wanna mazacodan wicaho tanin
kin he tuwe tohan ho-tawa ye kinhan ite tawa owanyanke okage kin he kici tanin kta.
De mazacodan wanna okihipi. Ho, hecen tokata kiya South Dakota akan, qais tuktetuka
Sta iye tipi itimahen yankapi qa "Chicago"
otonwe ekta tapa-Skatapi wan vvanyag nake
kta qa wicaho kin hinum se he cin hena na-
hon nake kta oyakihi kta. Nakaha anpetu
tonana ehan wicaSta wan New York otonwe
etanhau miniwanca iyuweh-ta London otonwe
kin etanhan wicaSta wanji kici wohdaka yankapi, ite kin nakun waukiciyag yankapi qa wohdakapi, token tipi wanjidau nopin yankapi
qa wahdag-yankapi kin he iyecen. Ho, tuka
wohdaka yankapi kin he iyoko kin miniwanca
wan wanka qa makaiyutapi 3000 ici-hehanyau
yankapi. Nakaha wicite ni on kin mazacodan, wakanhdi ohna ya okihi kagapi kin de
television hecen caje yatapi. Wicoie tokheya
yanke cin tele he uma ihanke ekta, hecen kapi. Hehan vision he wanyakapi kapi. Hecen television he ihanke uma kin ekta wanyakapi hecen kapi. Telegraph he iS token kapi
kin oinyanke uma eciyatanhan ihanke ekta
wowa (write) he kapi. Hehan telephone iS
token kapi kin uma ihanke eciyatanhan nahonpi he kapi. Dehan television iS token
kapi kin owanji nn yankapi qa maka owanGa-
ya etanhan wanahon yankapi hecen kapi.
Iapi Oaye duha he.    Duhe kte iyecece.
DAKOTA ASSOCIATION
Ptinhan Ptaya Owoglake he ehan le wetu
kin Congregational Dakota Association yuhapi kta yuStanpi. Heon le wetu kin Bletanka
tipi wakan kin el May 4-6, hena el omniciye
unyuhapi kta. Hecen Congregational okolakiciye owasiu le ciciyaotaninpi. Hecel yeSipi
wanji wanna wiyeya najin yakiyapi kin waSte
kte lo. Nakun hunkayapi hena token yau kte
cin awacin yo.      Clayton Hold, Moderator.
OLOWAN 25
Vega, S. D., Feb. 28, 1928. Mitakuyepi, tona Santee etanhau Wowapi Wakau onspeniciciyapi qaiS tona wotanin waSte adapi hena
wowapi de cicagapi. Mihunkawanji Dr. J. P.
Williamson odowan wau kaga qa he taku ke
cin dehau wanmdaka. Odowan kin he dee,
25. Oekde tokaheya "Makoce wowiyuSkin kin
ska-ska hen tipi ce." Oekde inonpa "Makoce
he otahedan wiconte kin mini." Oekde izap-
tan "Paha Mo.wis adi qon he akan nawajin
ni! Kanan makoce kiu waste." Odowan de
wandakapi kinhan ahiyaya po, qa tanyan a-
mdeza po. John P. Williamson he taku ka e
okahniga po. Paha kin he Mowis adi qa
Wakautanka wanyaka qa Kanan makoce kin
wanyaka qa taku on makoce ekta i okihipi
sni qon he woahtani ee. Woahtani he wiconte ee ce Wowapi Wakan eya.
Odowan oekde inonpa kiu en makoce he
otahedan wiconte kin mini. Makoce en ni-
unyakonpi de woahtani kin miuiwauca-taja
kin iyecen wanka, he Dr. Williamson wanyaka qa uihinoiya. WicaSta hena nipi kta cin
qa nakun Santee Woonspe Wankantu en koda
wicaunyanpi yamni dena eepi, F. B. Riggs,
Rev. John Wright, qa Rev. Charles Frazier. IS
eya wanyakapi qa ohni ho-taninpi, decen eyapi.
Mitakuyepi, tuwe Wowapi Wakau onnispepi
kta yacinpi hecinhan nicaje kin unqupi ey eya
yukan, qa tuwe iyowiuiciya ca Wowapi Wakan onspe kinhan, kodawicuuyanpi kin heua
taku wanyakapi kin niS eya wanyaka oyakihi-
pi kta qa niiciyapi kta cinwicakiyapi kin he
ee. Tuwe Wowapi Wakan onspekiyapi iyo-
winye cinhan he ocaniyadi wan okna wankantakiya adiya yanke ca ecen ihanke ekta iyohi
ca adi najin kinhan he woonspe wakan kin
hee. Adi inajin kin Mowis paha wan adi
qon he ee, qa hetauhan mahpiya makoce kin
tanyan wanyaka okihi kta.
Odowan oekde tokaheya kin en makoce
wowiyuSkin en ska-ska hed tipi ce eye ciqon
he ee, qa tuwe Wowapi Wakan kin de akan
iyahe cinhan, he Wankantanka wanyake kta
qa woahtani makoce kin den mini-tanka iyecen wanke cin hena tanyan wanyaka okihi kta
qa wicaSta onSika tehiya kakijapi hena niwi-
eakiye kta.
J. P. Williamson hecen tawaein anpetu kin
dehan tanin qa Santee en kodawicaunyaupi
yamnipi heua decen tawacinpi wicaSa hena
nipi kta cinpi on anpetu owasin ho-taninpi.
Mitakuyepi qa kodaciyapi, tona Iapi Oaye
wandakapi kinhan odowan 25 eu Dr. J. P.
Williamson taku ke cin, he amdeza po qa odowan kin ahiyaya po.    Nitakodapi wanji miye.
Sam Bigeagle.
Wowapi Wakan Onspeiciciyapi
Wowapi-otoksu ohna wowapi wakan onspeiciciyapi kta yuganpi. Heou tona heca-
nonpi kin wanna woonspe kin wanyahdakapi kta, woonspe, lesson, tukte he ehake iyacu
wanna yakage qa hiyuyaye kta, qa duhe sni kinhan unkoyakidakapi kta, hecen teca
wanji  unnicupi  kta.    Tuwe wowapi kage kta decen ojuha akan owa kta.
ReO. John Wright, Santee, Nebraska.