Iapi Oaye (Santee, Nebraska), 1901-06 - 1901-07

              SANTEE    NEBRASKA.
TAKU WA6TE OKIYA. TAKU SlCA  KIPAJIN.
A. L. RIGGS, PUBLISHER.
VOLUME XXX.   NUMBER 6.
JUNE-JULY, 1901.
WOKAJUJU KASPAPI ZAPTAN.
PTAYA OWOHDAKE KIN.
Ptaya Owohdake kin September 12
he iyehan Santee, Nebraska, en mniciyapi kta. He Anpetu Itopa ee; qa
anpetu topa, Anpetu wakan hehanyan, mniciyapi kte. Owasin kiksuya un po. Chas r Craweord.
A. L. Riggs.
ANPETU OYAKAPI.
May 12, Peking, China. Wanna
China oyate okicize kagapi on hdajujupi kta eyapi. Omaka wikcemna yamni hehanyan hduStanpi kte Sni, ota
nakaeS.
May 14, SanFrancisco, Cal. Nakaha President McKinly otonwe kin de
en i qa niua wiyuSkinpi. Philippine
Wita etanhan akicita nakaha hdipi kektopawinge topa yuonihanyan yuha
omanipi.
May 15, SanFrancisco, Cal. President McKiuley tawicu nina wayazanka.
Hecen Mr. McKinley tokiya ye Sni
yanke. California makoce ekta otonwe ota wanyakapi kta tuka wanna he
owasin enakiya.
May 18, Constantinople, Tnrkey.
Sultan Abdul Hamid, Turkey wicaStayatapi kin hee, woyazan Sica wan
yuha qa tehan ni kte Sni. Nina ican-
ksiksi un keyapi, qa tona taokiye wicayuhe cin owasin nihinciya unpi,
ihnunanna wanji tewicaye kta kecinpi ece.
May 20, Buffalo, N. Y. Wapazo-
pi tanka wan dehan yuhdokapi. TunkanSidanyanpi okihe, Vice President
Roosevelt he yuhdoka. Chicago ekta
wapazopi tanka wan kagapi qon World's
Fair eyapi, he de iyececa. Tuka tipi
kin iyotan owanyangwaSteSte. Chicago ekta wapazo tipi kin ataya skaska,
tuka Buffalo ekta heua ocaje owasin qa
owasin toktokeca. Nina oiyokipi keyapi.
May 22, West Point N. Y. Deu
woonspe tipi kin en akicita itancan
icahwicayapi kin yanke. Qa koSka
zaptan wanna ihunnipi kta tuka tankan iyewicayapi qa Sakpe wicakaSkapi.
KoSka teca en wayawa upi kin hena
kakiSwicayapi e heou hecawicakiconpi.
Wicohan he enakiyapi kte wanihan
iciconzapi tuka ake en Skanpi nakaeS
tankan iyaye wicayapi.
May 27, Dayton, Tenn. Otonwe
kin hee ikiyedan maka cahdi oqapi
tanka wan en tate Sica napom iyaya
qa wicaSta wikcemna nonpa sanpa
wanjidan en tapi. Wicohtani de okokipe seca.
May 30. Sioux City, la. Anpetu
de wokiksuya inyan wan yuStanpi qa
on omniciye kagapi. Ehantanhan wanna waniyetu opawinge ikiyedan hehan Lewis qa Clark MiniSoSe wakpa
inkpata watom yapi ecen wicaSta wicayuhapi, Sergeant Charles Floyd eciyapi, hen ta qa hapi. Heon yuonihanpi on wokiksuya waSte hinca wan ehdepi.    Omaka 1804 hehan en te.
June 2, Chicago, 111. WicaSta wan,
John Alexander Dowie eciyapi kin,wa-
asniyan wicaSta heca keiciya. Hecen
wicota ihakam yapi qa mazaska ota qupi. Nakaha wicaSta wokcan heca ihdawa; Elijah iyamni hee keya qa oyate
wahokonwicakiya ece. Tona wicadapi Sni qa ohokidapi Sni kin hena wica-
yaSica ece.
Iapi Oaye Ahdiheyapi,
Santeo Normal Training; School,
Santee, Neb.
FOURTH OF JULY EN TOKEN
ECONKUPI KTA HE.
Mdokecokaya ikiyedan aya eca
Fourth of July en token econpi kta e
oyate awacinpi ece. Taku tokeca
econ wacinpi, qa koSka qa wikoSka
qa Siceca taku e ou anpetu kin kiksuyapi awacinpi Sni. Token magagaiciyapi kta eceedan awacinpi qa
heon wacinksapapi Sni qa hnaSkinyanpi se Skanpi. Qa heceu taku ota
Sica icaga. De on oyate woahtani
qa woiyokiSica en awicayapi ece qa
woiyokipi hee Sni.
fiecen winyan tokeu econqonpi qa
Fourth of July he awicakehan anpetii
waSte qa owasin on anpetu oiyokipi
unkagapi unkokihipi he. Heon decen
awauncinpi.
Ito tokaheya tona wicohan Sice cin
tanyan unkamdezapi kte. Hecen tohan taku iyecetu Sni econ wacinpi kinhan taku tokeca waSte kin on kagi unyanpi kte. Ohinni hokSipidan qa wicinyanpidan taku Sica econ Sni wicun-
Sipi kta hee Sni; tuka taku waSte kin
awacin wicunyanpi qa okihi wicunyanpi kin he okinni iyotan waSte.
WoSkate ocaje tona en ihaha Skanpi
bena waSte, tuwe kaSta hokSipidan,
qaiS wicaSta tanka en magagaiciyapi
waSte.
Makoskautu wotapi he waSte, hanhanna eca en yapi qa otpaza Sni tiyata
hdapi kinhan. Tuka otpaza qa hanyetu ihunniyan yakonpi kinhan wawiyutanye ota icicagapi. WakanSica iS
nakun Fourth of July en i ece qa tona
wacinksapapi Sni iyutan wicaye wicakuwa ece.
Tohan tokaheya Fourth of July anpetu kiksuyapi kta eyapi, anpetu wanjidan kapi, tohinni sanpa econpi Sni.
Qa tuwe wanuyanpi wicayuha kinhan
hena hanhanna qa htayetu en ewica-
tonwe ktaiyececa. Dakota oyate kin
eceedan taku owasin ehpeya iyayapi
qa anpetu yamni topa Fourth of July
woSkate en yakonpi. Qa heconpi kin
civilized wicohan kin heca Sni. Tona
wicaSta wicayawapica kin hecen owihanke Sniyan Skadyukanpi kte Sni.
Taku en htani Skanpi iyececa.
Fourth of July kiksuyapi ecen tona
Christian hecapi kin Christian iyecen
ohanyanpi kta iyecetu. Qa taku toua
anpetu tokeca en owotanna Sni anpetu
kin he en owotanna yawapi kte Sni.
Tuktekten wicaSta hecinpi: tawaiciyapi heon token cincin unpi okihipi kecinpi. Tuka Palos heya: "Tawaiciya
pi kin en nicopi, tuka tawaiciyapi kin
he wicacehpi iyokipi kta e wowinyun-
yanpi Snipo." Tuwe Christian kin wawiyutanyan en iyaye kte Sni, qa tuwe
tokeca iyutanye kte Sni, qa nakun taku on Jesus Itancan caje yaSicapi kta
e takudan econ kte Sni.
Heon wacipi iyowinkiyapi kte Sni.
Dakota wacipi qa waSicun wacipi napin
woSkate waSte Sni qa on magagaiciyapi
kta iyecetu Sni. Qa nakun Sungin-
yangkiyapi hececa. Heon taku en
yekiyapi ece qa nakun hen miniwakan yukan ece.
Eya woSkate waSteSte ota yukan qa
hena on magagaiciyapi waSte. Hanhanna hin en yapi, wiyotanhan en wotapi kta, woyute hduha ipi kte qa ran-
petu ihunniyan token okihipi en Skanpi, qa htayetu hehan tiyata hdapi kte.
Hecen anpetu kin he oiyokipiya ohodapi kte.
Fourth of July iyehan wicohan Sica
ota icaga ece kin on winyan tona
Christian heuncapi  kin wakta unkici
yapi iyecece qa ohinni wicohan waSte
kin icahunyanpi kta naceca. Tohan
winyan wacinyan unpi kin waSagici-
yapi qa taku tona owotanna akitapi
kinhan, qa Wakantanka icekiyapi, qa
wicotawacin waSte ohna Skanpi kinhau taku okihipi ece kta. Witaya
iwanyakapi qa taku econpica hecinhan iyukcanpi waSte. ,
Hecen otoiyohi token unkokihipi
kin econkupi kte, qa oyate kin taku
waSte awacinwicunyanpi qa wowaSte
eciyatanhan Fourth or July en iyu-
Skiniciyapi kte. Eya wicohan waSakadan heca Sni; qa'tona ounkiyapi seca
kin ihnuhanna unma eciyatanhan iyayapi kta naceca. ESta waciniboun-
Sakapi Sni kinhan ohiunyanpi kte.
Isanyati Hunkupi Omniciye kin
wowapi kin de unnicagapi.
WICOTAWACIN ICAGA.
Tukte ohna wicotawacin wanke cin
tohinni okiwanjina Sni. Tuka wanna
AVakantanka maka kin owancaya kinin wanna sdonyapi kin icunhan isa-
kim wicotawacin kin tanka icali aya.
Tuka Wakantanka taku kage cin eciyatanhan wookahnige icage cin wanjigji
sdonyapi. Hena unkamdezapi kinhan
eciyatan "Taku wakan" iyotan wankantu en un kin piya sdonunyanpi kta.
Tuktena taku kage cin ee huwo! Taninyan hiyeya huwo! Han, taninyan
hiyeya. Uncinpi kinhan wowapi wakan wanakaja ekta waayate woyakapi kin hena wanjigji unyawapi ecee
kin, hena tanyan unkiyukcanpi kinhan
heciyatan bena wayupiya woyakapi kin
Wakantanka taku kage cin sdonyeun-
yanpi kta, anpetu kin dehan.
Taku ota wanyakepica Sni kage cin
hena iSta on wanyakepica Sni hiyeya.
Esta hehan ataya iSta ungongapi eyab-
eca. Unkiyepi tawacin unkitawapi
kin unhdaonspepi kta nina iyececa, qa
taku tona taninyan hiyeye cin tanyan
iSta unhdumdayapi qa wanunyakapi
qa eciyatan on Wakantanka unyuoni-
hanpi kta iyececa.
Nakun hehan unkiyepi en taku tona
awaunkiciciupi kte cin hena nakun taku iyotan. Denaee: Oihduhe kin he
taku wanji iyotan. Hena onspeunkiciciyapi qa unkiyepi en nakun wicotawacin icage cin ikoyaka. Qa nakun
taku owasin tanyan unkuwapi kte.
Qa taku tona tokata uncinpi kte cin
hena owasin unkuwapi kta iyececa.
Qa nakun taku tona iwicawaSte kin hena unkodepi qa on unkiyepi kin unki-
waStepi kta unkodepi kta.
Maka akan unnipi icunhan Wakantanka wacinunyanpi Staainkiyepi taku
ota iyaotpani unqonpi. Tohan taku
wanji uncinpi kinhan tukte ohna waSte e tanin kinhan ohna unkuwapi kte.
Tohinni taku wanji akokamunkicu un-
wacin kta iyecece Sni.   .
Hecen tukte ohna owotanna kin tokaheya unkodepi qa' heen icante waSte
unkodepi kte. Qa wacinyanpi en
Skanpi qa hena taku wanjigji hduSna
qa iye en kakijapi kinhan tuwena iya-
onpepica Sni, tuka ee iye iyaonpapi
kin he e ohna owotanna. Wakantanka wacinyanpi en tuwe htani sa eSta
hehan iye taku wanjigji hduSna kin
hena tawacin icage eciyatauhan iyukcan qa piyaihdusuta Sni en Skan kinhan he. iye tawacin okipe ca hecen Skan,
kinhan ihanke ekta owotanna Sni ina-
pa ece. Hecen he taku kin piya etan
sdonunyanpi kinhan heen wowaSte piya
unkakitapi qa Wakantanka woyatan
unqupi kta unyuonihanpi kte.
Maka akan wiconi kin taku ni un
Sui ouncage woope yuhapi iS eya iyecen
yuha. "AVicotawacin icage cin" icunhan taku ota amdezapi qa icaga qa kagapi. Dena ee: 1 WicaSta iye tan-
iyatayedan aicimdeza qa toni kin aki-
mdeze qa sanpa onspeiciciya. 2 Sanpa woksape wosdonye icaga. 3 Sanpa woonspe ota icaga. 4 Sanpa wicohtani qa wowayupike icaga. 5 AVo-
kage qa sanpa wayupika qa woka-
linigapi yukan aya. 6 Sanpa woecon
tankinkinyan aya. 7 Sanpa oyate
tanka qa makoce kin wowahbadan
icaga. 8 Sanpa taku eSta on wanyan-
kepica kin sdonya ayapi. 9 Sanpa taku wanjigji token wakiunniye kte Sni
kiu he iyukcan ayapi. 10 Oniya qa
mini kin napin owounyeyapi. Wakanhdi kin, mini po kagapi kin dena
etanhan taku iSta on wanyagpica
Sni wowaSake yuke cin sdonuuyanpi.
11 Sanpa oomani teliike Sni,mini po
yuke cin hetanhan. 12 Sanpa inahni
wohdakapi kin ohanko kin. Wakanhdi kin hee. Dena etanhan taku ota
maka kin owancaya hiyeye cin iwaSa-
ka. 13 Sanpa wotanin wowapi kagapi
ohanko, maza ahdiheyapi yuke cin
hetanhan. 14 Nakun hinah taku wanjigji iyotan tanka kin heca etan u
kta. Wakantanka oyate kin sanpa
wokahnige wicakaga heon.
Ho ! wanna detanhan piyaAVakantan-
ka iyotan wankantu en un kin ihdutanin. Heon wacinuntankapi qa wacinunyanpi kte; hececa kinhan woyawa-
Ste unkahinhanpi kte, Wakantanka
etanhan. Unnipi kin de en icunhan token unkokihipi unkihdaonspepi kinhan maka akan taku wanjigji unkokahnigapi qa on unmapi takuna sdonyapi
Sni   hena  owicakiya unkokihipi.
Wakantanka maka akan unkagapi
qon he otokahe ekta token ewicakiya
e sdonunyanpi. Uunipi icunhan taku
on unnipi kte cin akite unSipi. He
yeksuyapi wacin. Sanpa akitapi kta.
Ignatius Ironroad.
CEJI AWANHDAKA WO.
Jakob 3: 8.
He niceji he nitawa qa niSnana en
wowaSake duha. Koda ceji he ijehan
awanyakepica, tuka he iS iyepi. De
nitawa kin heehca tanyan awanyaka
wo. Tuwa peta awanyake Sni ca wa-
woSongya wawihangya ece. Ceji awanhdaka wo. He awanyake pica. He
peta awanyaka wo. Witawata en
iyupse yuze cin awanyake cin tanyan
awanyake kte. WayawaSte qa waya-
Sice okihi. Pejihuta Sica wicaqu iS
waasniya okihi Cante cawicapa qa iS
wacante waSteye kta okihi. Owodutaton kaga ece qa takodaku  yaSica eee.
Ceji awanhdaka wo. Tuwe tokan
awaniciyake kta okihi Sni. NiSnana
en initancan. NitaSunke kin iyokipi
Sui tkaiiyuwi unyakiya; token tanyan
ye kte ciu idukcan. Niye wowaSake
kin duha; awanyaka wo. He ceji kin
woSice en anii kta. . Wowahbadan,
woyawaSte, wicacaje waSte wan wowacinye ideya ece. Anpetu oiyokiSice
kaga ece. WicaSta iStamuihanpiojuya
ece.
Tuwe wiconi waStedake qa anpetu
waSte wanyaka cin kinhan iye ceji kin
taku Sica en yeye kte Sui, qa iha kin
wohnaye takudan ie kte Sni.
Ceji awanhdaka wo. Awandake sni
kinhan okokipeya yaun kta, qa wicai-
Sta owasin en konicipapi kta he wowi-
Steca tanka. Elias Gilbert.