Iapi Oaye (Santee, Nebraska), 1902-02

              SANTEE    NEBRASKA.
TAKU WASTE  OKIYA. TAKU SICA   KIPAJIN.
A. L. RIGGS, PUBLISHER.
VOLUME XXXI.   NUMBER 2.
FEBKUARY, 1902.
wokajuju kaSpapi zaptan.
ANPETU OYAKAPI.
ftjanuary 28, Manila, Philippine Islands. Samar wita kin imahentuya
akicita wikcemna yamni sam Sakpe ipi.
Woyute anpetu zaptan iyohi kte cin
yuha iyayapi tuka anpetu wakan nonpa yakonpi. Hecen tehiya unpi. Aki-
Baupi on sunka nonpa span Sni yutapi.
Qa wanjikSi wacin huunipi, qa apa tapi kte.
February 2. Waterbury, Conn, otonwe de makoce owaucaya wihiyahadan
ota kagapi on sdonyapi. Tuke ide
wan tanka otonwe cokaya atava huhnaga. Taku awihnunni kin mazaska
woyawa tanka ota iyawapi.
February 4, Dwight, 111. Wanna
waniyetu ota Dr. Keeley hen tona wi-
tkosa asniwicaya qa omaka eca wicaSta ota en ipi eee. Dehan tipi tanka
nonpa hen yuhapi Huhnaga.
February 6, Washington, D. C, Denmark kici TunkanSidan unyanpi wookiye kagapi qa wita yamni Denmark
tawa kiii opeuntonwanpi kte. Dena
Gulf of Mexico ekta wanka, Porto
Rico wita ikiyedan. St. Thomas, St.
Croix, qa St John hecekceu wita kin
hena cajeyatapi. Heon mazaskazi woyawa tauka zaptan unkajujupi kte.
February 7, Des Moines, Ia. MakoSica wicalidilidi kiu uina ececa. Opawinge zaptan wancake ececapi. Heon
omniciye owasin anaptapi, qa wayawa
tipi natakapi.
■February 13, London, England.
Sagdasa wicaStayatapi qa Japan wicaStayatapi wookiye kagapi qa wiyohiyanpata makoce kin ekta kodakiciya-
kta eyapi. Qa Corea qa China tuwedan nagiyeyapi kte Sni qa makoce tawa
onspaSpa wicaki kte sni, heceu hduStanpi. Eya wanna Russia he China
waziyata makoce tawa kin onSpa icu
wacin, qa akicita ota hen iyayewi-
caya. He anaptapi kta e decen okiciyapi kta.
February 20, Boston, Mass. India
makoce ekta wicaakihan tanka heehan
wanmdenica ota ehpewicaya hunkakepi tapi. Etanhan kektopawinge ota
okodakiciye wakan tawomnaye on ni-
wicayapi. Dakota oyate etanhan heon womnaye iyayeyapi. Tuka dena ake
icakiS unpi hecen ake United States
okodakiciye wakan kin iwicawangapi.
Heon, Boston etanhan, anpetu wakan
nonpa icunhan, mazaska kektopawinge
nonpa sanpa opawinge zaptan mnayanpi qa yewicakiciciyapi.
February 22, New York. Winohinca wanji Mrs. Julia E. B, Brick Enfield North Carolina hen waSicun sapa on woonspe tipi ehde. Qa waonspekiya itancan heT. S. Inbordeu eciyapi.
Qa he Booker T. Washington iyececa.
Mrs. Brick wanna omaka zaptan woonspe tipi kin de okiya qa dehan taku
tawa owasin ailipeya. Tonakeca hecinhan tuwedan sdonye Sni, tuka kektopawinge opawinge sam iyeye. American Missionary Association hena awanyake kta e wicaqu.
February 23, New York. IaSica
wicaStayatapi sunkaku Prince Henry
United States ekta wayuonihanyan hi.
Taoyate qa Isantanka oyate kodakiciyapi kin he yutanin kta e on uSipi.
Hecen tohan wata tawa New York
oihunui ekta u eca mazakan tanka ota
econpi. New York, .hetanhan Washington ekta TunkanSidanyanpi kin
wanyag iyaya.
WAONSPEKIYA TIPI TAWA
IDE.
Porcupine S. D. Dehan taku wanji tehiya awakipa ca oyag ciSi kta wacin: Hekta November'6, 1901 heehan
tiimade. Htayetu he tipi wakan ohna
omniciye unhapi qa enaunkiyapi, unkis wakanheja owas om tiyata unhdipi
qa tipi ohna oyanke unyanpi he oceun-
tipiqa wanna mazaSkanSkan napciwanka apa hehan micinca qa winyau mitawa owas iwankapi. Tka miye wowapi
onspe miciciya qa mazaSkanSkan wikcemna apa hehan miS imunke kta; hecel tipi owohe qa owote unyanpi owas
wanbdakatukaowas peta owas ehanna
Sni qa petaga eSta oceti en itkon Sni hecel tiyopa owas tanyan nawataka qa
miSimunka qamiStinma. Ihnuhanna
omagonga unkan taku nawahon ; tipi
owote unyaupi ekta taku taninin hin-
hda nawahon. Hehan pawakasin unkan owote unyanpi tiyopa kuya ihanke ekta ijanjan wanmdaka. Helian
winyan mitawa. owakiyaka qa hepa,
Tokentken tipi owote kin ekta ijanjan
he do, epa. Helian iS winyan mitawa
heya, Iyaye qa wanyaka, eya. Heceu
nawajin qa tiyopa ektakiya mda qa
yugan iyewaya tuka wanna tipi nina
ide hecen tiyopa mdugan kin ohna ide
qa Sota token okihi ohna hiyu. Hecehnana hepa, Kikta po. Tipi kin ide
do, epa. Hecehnana hokSiyopa hena
iwicunkikcupi qa tipi nahanhin ide Sni
eciyatanhan tiyopa wanji han he ohna
tankan unkiyayapi. Qa hehan ake
icicawin tipi mahen wahiyu qa taku
unkitawapi hena wanjikji iwacu kte
epca qa owinja tona cen iwacu ; hehan
wanna ataya ide qa sanpa token
hanpica Sni. Hecen maza waka-
Hda, hecen okSan tipi hena owas inyang en ahi qa taku unkitawapi hena
wanjikji icupi kta Skanpi tka okihipica sni; hecen ataya tipi kin Huhnaga.
Hecen wokoyake qa woyute taku unkitawapi ataya huhnaga, tancan ecedan
tankan unhiyupi. Wakanheja hena iyotan heyake codan hiyupi, hecen eya tehiya unnipi. De tipi ide kin hancokaya
sanpa wancadan apa hehantu. Hecen
oape nonpa ecen hehanyedan tipi
wanji tanka qon ataya Hulinaga. Wanna petaga eceedan itkon liehan winyan
mitawa kici ekiyedan inaunjinpi unkan
unceyapi. Eya taku unkitawapi hena unceyapi hee Sni tuka unkicincapi
om petaga kin he unkiyepi tka unkecinpi heon unceyapi hee tka. Ake Itancan Wakantanka unkitawapi kin he
wopida unkeciciyapi. De on wopida unkekiciyapi kin bee: peta kasinpi-
ca Sni eSta etauhan eunyakupi qa un-
tancanpi zaniyan niunyanpi he wopida
ee. Hehan hanhanna tka tukte toka
untapi kta wanica; micinca owas wo-
daceyapi; hehan ake cante masice tka
Wakantanka cewakiya qa omakiye
kta wakida. Helian tioSpaye om waun kin etanhan ihnuhanna tipi wanji
etanhan unkicopi qa wonunkiyapi;
hecen owas cante unwaStepi. Oyate
nina ounkiyapi. Hehan Mr. Johnson
hi qa tipi wanji cistinna unkagapi qa
wanna tanyan ohna unkanpi.
Hehan ihnuhnna tokiyatanhan ake
taku unqupi ecee qa hena on wopida
tanka unkeyapi. Makoce tehan tanhan
ounkiyapi qa hena owas mdaotanin kte.
Tokaheya Rev. A. F. Johnson wokoyake wanjikji on micinca ko om on-
unkiyapi. Rev. W. J. Cleveland,
Pine Ridge etanhan, nakun wokoyake
on ounkiyapi. Pine Ridge Boarding
School etanhan Supt. Geo.   W. Nellis
mazaska wikcemna on ounkiyapi.
Ihanktonwan Owakpamni etanhan Dr.
Williamson $10.00 unqupi. Savanana
111. etanhan John Uehren mazaska
wanji uuqupi. Mrs. C. S. F. Avery,
Minneapolis Minn, etanhan wokoyake qa uakun mazaska $3.25 on ounkiyapi. Mrs. A. R. Benson, Dover, Del.
etanhan mazaska $3.25 unqupi.
Wakpaipaksan winyan okodakiciye
etanhan wokoyake oil ounkiyepi. Supt.
Charles F. Peirce, Flandreau. S. D.
etanhan Sungikan waSte on ounkiyapi.
He dena ounkiyapi kin on wopida unkeniciyapi qa Wakantanka uuyawaste-
pi. Nitakodapi.        S. K. Weston.
Porcupine. S. D.
WAKPAWASTE   OWAKPAMNI,
TaSnawakpa Okolakiciye wakan wicaSa wanjigji MiniSoSe ekta can kaksa-
ksa iyotankapi, wannawi wanji heconpi. Tanyan econpi walaka. Ateyapi
etanhan econ wicaSipi na wokamna icupi kte. Ho hecetu: tona Htanipi kin
woyute tanyan glutapi ecee.
Woyake wan—Wicasa nom, unma
Sina sapa na unma Ska in kin heca,
tukte Sna kicica yukanpi unkan tate
waSake Hca ungnahela hiyu ca lila nihinciya iyotankapi. Wanji heya, "Kola, ceyakiyin kte, taku wan tehike cin
unkakipe." Tuka is" Wan Kola, wowapi
cola wahiyu, nis ito cekiya wo." Unkan
unma heya "Wanna ehanni iyutau
wagluStan tka ye lo." Lena tuwe tanyan onspe   wicakiyapi   u'nkauS waSte.
Makoce owicaqupi—WakpawaSte o-
yanke en taku wan tanin, wicaSa tona
owicaqupi makoce en unpi na ogna
tanyan ounyanpi kin owasin lila wicalapi Sni tuka okSantauhan na itankal
unpi kiu hena ho wanjila on wicalapi,
na hecetu ce, eya yukanpi.
Hinhan Wakpa Ciqala en taku waSte wan yuhapi. Canlowankiyapi teca
na waSte heca opetonpi na yuhapi. Ho
waste na akantanhan tanyan kagapi.
Oyanke en tona unpi iye atayela womnaye econpi na canlowankiyapi icupi. Tanyan econpi. Wicota Sui na
takuni yuhapi Sni seca eSa ohiyapi.
T. L. R.
CONGREGATIONAL WAKE.
Lecala Dr. Riggs. woyake kin he
owakiye. Hekta Sicangu el ptaya
owoglake hetanhan lehanyan kici okolakiciye wakan he tokeca tanin Sni u-
yanke. Yunkan taku wakin kte kin
he mahetuya Sni Ska hewicaceca. Na
Lakotala kin he unkiyepi wasiungla-
glapike na wiuntantanpi kie Hcin, wa-
uncincinpike, unkokihipi Sni keS. Na
leon awaunkicicinpi waSte. Toua Congregational el wacekiye niciyapi, is
tuwe ceSas Sicangu oyanke el, wicaSa
wakan omniciye el, wanji lila woglaka
qa heetanhan, tokapa icila Skanpi qon
iyoyakapi. Ecel okolakicye ekta ka-
iyoniyanpi, na hohopi, ataya Hpan se
wicahinglapi.
Na unkablezapi Sni lakeS unkiciyae-
cecapi koya, hunke Sni unkiciyapi na
womnaye el atanpike Sni aupi. Na
lehanyan wana tanin. Na taku le epe
cin unyeksuyapi naceca; ca, ito wana
akisni iciyapi ye. Taku epe kin le
Lakota etkiya waka. Wan! lena
hunh oyate nisko wicitokam wakan-
kanyan Sna honitaninpi can, wacinci-
yapi Sni make cun tokeSke unhanpi
hwo.    Eya tuktekten  wicaSa wan on
kagi unkiciyapi yukan.    Tka ito he-
nala epin kte.       Ansel W. Chapin.
WINYAN OMNICIYE.
Canyowanasapi winyan okodakiciye September, 27, 1901, piya waSag-
kiciyapi kta on winyan okodakiciye
wicohan iwanhdakapi qa dena wucoliau
yuhe wicakiyapi. Winyan itancan,
Nancy Tahocoka; itancan okihe, Susan
Mnicazewin, mazaska awanyaka,Susan
Paha; wowapi kaga, Cora M. Campbell; wamnayan, Susan Tasagye qa
Nancy Mahpipagiwin ; wopta, Esther
Littlethunder. Dena ake Wakantanka entkiya mnihedya Htaunnipi
kte. Cora M. Campbell.
Black Pipe, Rosebud, October 25,
1901, Ehanl lena wi akenonpa oitancan unpi kta wicakalinigapi. Emma
White Buffalo winyan itancan, na Mrs.
Fanny Nightchase okihe, na Jennie
Tools mazaska awanyake, Maggie
Eaglehawk wowapi kage, Nellie
Charge on-bini wokagege awanyake,
Mrs. Louisa Whiteturtle wamnaye, ua
Mrs. Bessie Whitebuffalo na Mrs.
Come-from-among wayazan awanyake,
Mrs. Annie Tools wokagege wiyopeye
na Sarah Ashley tiyopa.awanyake. Ho
lena omaka wanji Wakantanka litaki-
uipi ktaca wicayuStanpi hecel wocekiye
on unyeksuyapi kta wacin ye. Winyan omniciye owasin micante on iyuSkinyan napeciyuzapi ye.
Maggie E. Hawk.
Kangiokute, S. D. October 30,
1901, anpetu de Winyan okoclakiciye un witayapi qa Rev. Joseph Rogers
wowakta on wahokon unkiyapi qa be
ohakam winyan tona omaka de Taku
Wakan ihukuya htanipi kta cajewicayatapi. Mrs. Maud Philbrick itancan,
Mrs.Ellen Lonebull okihe,Mrs.Rebeka
Philbrick mazaska awanyanke, Mrs.
Eliza Irving wowapi kaga,Mrs. Isabe-
la O. Saul qa Mrs. Hannah Highbear
wamnayan, Mrs. Hannah Center wa-
Hpaye awanyanke, Lucy Ree walipa-
ye wiyopeya. Dena decen unhduStanpi qa omaka de Wakantanka onSiundapi qa wicolian waSte en wacin-
tankaya Htaunnipi kta on Woniya
Wakan unqupi kta on wocekiye unkeyapi qa enaunkiyapi.
Eliza R. Irving.
Wakmahezawakpa,Allen,S. D. Winyan okolakiciye, December 30, 1901,
el apikiyapi na lena wi akenom Wakantanka wowaSi ecakiconpi kta ca wicayuStanpi. Itancan, Josephine Hopkins; itancan okihe, Mrs. Laura Clincher; wowapi kaga, Kattie Whirlwind;
mazaska awanyaka, Mrs. Lone Crow;
na wamnayan nonpapi, Bell Own-the-
flag ua Helen Rednest. Ho mitakuyepi Wakmiza wakpa winyan okolakiciye
unconalapi eSa tokel unkokihipi Wakantanka etkiya wowaSi ecaunkiconpi heon winyan okolakiciye yaunpi kin
wocekiye on unyeksuyapi kte.
Kattie Iyawakanwin.
HTAKINIWACINSKANPI.
Good Will, S. D. Tawacin waSte.
Siceca Jesus fttakiniwacinSkanpi
Okodakiciye October 25, 1901, he en
oitancan ihdahnigapi. Itancan, Hattie
Oueroad; itancan okihe, Mary Canku ;
mazaska awanyaka, Nellie Crawford ;
wowapi kaga, Edward Crawford;
wamnayan, Ida Shaker; Siceca awanyake Mrs. Oneroad. Dena oitancan
wi akenom unpi  kte.
Edward Crawford.