Iapi Oaye (Santee, Nebraska), 1902-03

              SANTEE     NEBRASKA.
TAKU WASTE  OKIYA, TAKU SICA   KIPAJIN.
A. L. RIGGS, PUBLISHER.
VOLUME XXXI.   NUMBER 3.
MARCH, 1902.
WOKAJUJU KASPAPI ZAPTAN.
ANPETU OYAKAPI.
February 22, Washington, D. C.
United States Senate hen South Carolina etanhan Senator nonpa kin wohdakapi icunhan canniyekiciyapi qa
kicizapi. Ecen owohdake wankantu
kin hena wicakaSka qa anpetu tonake
ca wohdakapi qa woecon takudan opapi okihipi Sni.
February 23, Strumitza, Macedonia,
Miss Ellen Stone, ptinhan wabotica
akiyahdapi kin hen ahipi. Wokajuju
tanka dapi, qa mazaska $72,500. wicaqupi qa kiyuSkapi. Tokiya ayapi
sdonye Sni; ohinni  iSta pahta ayapi.
February 25, New York. Witawata wan German wicaStayatapi kicagapi kin anpetu kin de mini kin en
ayapi. TunkanSidanyanpi cunwintku
Alice Roosevelt be caSton. Meteor
eciyapi. Heon Prince Henry, IaSica wicaStayatapi sunkaku kin deciya hi.
March 1, New York, wape kin on
wicoHan tanka otonwe en yuhapi.
Wa kin tokSupi qa wakpa kin en ehpeyapi. Canpahmihma ohnaka 78,000
lenakeca hen ehpeyapi. Qa wicaSta
11,000 henakeca anpetu wanjidan en
Htanipi.
-Pittsburg, Pa. Wiyohiyanpata mo"
oce owancaya wakpa minitan. Ta-
u ota ihangyapi. Patterson New
Jersey ekta, aSkatudan ide on hanke
huhnahyapi kin, dehan mini ihukuya wanka, qa wicota tipi etanhan
:najicapi.
March 2, Rome, Italy. Pope Leo
XIII, Sinasapa Itancan kin, he Ateyapi wakan toyanke ohna iyotanke kin
wanna ehantanhan omaka wikcemna
nonpa sanpa zaptan. Qa anpetu kin
de ta waniyetu wikcemna napcinwanka
. sanpa nonpa iyohi.
March 4, Milwaukee, Wis. Prince
Henry, IaSica wicaStayatapi sunkaku
kin, New York etanhan Washiagton
ekta iyaya qa TunkanSidanunyanpi
wanyaka. Hehan iyohakam Cincinnati, St Louis, qa Chicago en i. Ehake Milwaukee ekta iyaya. Otonwe
kin atayase German hecapi. Qa hen
wicaSta kektopawinge opawinge nom
Wayag ipi.     Nina wiyuSkinpi.
March 10, Loudon, England.
Boer okicize etanhan wotanin yaotaninpi qa SagdaSin akicita itancan
General Methueu Boer yuzapi oyakapi. Kiopi tuka te kte Sui. SagdaSin
akicita tancan yamni qa akicita wikcemna yamni sanpa zaptan tapi qa ota
wicaopi.
March 12, Joliet, 111. Governor
John P. Altgeld omniciye wanji en
wohdaka qa ayuStan ecehna taihpaya.
Icupi tuka tehan ni Sni.
ATAYA WINYAN  OKODAKICIYE.
Mitakuyepi, dehan wowapi cicagapi
kte ye. Qa dehau ake winyan okodakiciye ataya wanna owicohan pinici-
yapi seececa; qa hena wanciyakapi Sni
eSta, Iapi Oaye en nihdaotaninpi kin
nicajepi kin awabdeza. Qa dehan winyau okodakiciye oyanke ecen owicohan duhapi qa tokahe niciyapi kin dehan woawacin tanka duhapi kepce ye.
Wakantanka amatonwe, qa dehan winyan okodakiciye tokaheya nawicaweci-
jin kta makahnigapi. Qa wotanin
waste en winyan Htanipi kte kin hena
en wowiyukcan qa wowicake ocowasin
wookiye wacantkiyapi ko yuha toka-
wicaye cinhanpi kinhan owasin tawacin wanjidan witaya Htayanipi kte.
Winyanokodakiciye en oyapapi niSi
dehan oitancan wicaduhapi kin owasin
wookinihan awacin duhapi; wicohan tawapi kin wicihektam nawicayecijinpi
qa awicayecipatanpi kte. Qa wi akenonpa ake token wotanin waSte sanpa
iyopte kte kin iyecen htayanipi kte;
qa token Jesus Messiya caje kin sanpa
otanin kte iyecen Htaunnipi kte; qa wokamna waSte unhapi kte qa omaka de
winyan ataya oicazo owasin tanyan
hduStan unwaciupi kte. Tokata wi
akenonpa ehanunkipi kinhan wotanin
waSte unkagapi kte; token wotanin
waSte sanpa otanin kta uncinpi keun-
keyapi ece kin iyecen winyan okoclakiciye wicohan owasin tanyan awan-
hdakapi. Wotanin waSte unkayapi
winyan owasin wicoie dena yuha naunjinpi kte; wacinyanpi, qa apepi, qa
wacantkiyapi kin owasin unkakiciyu-
hapi. Mitakuyepi, wicoie de tanka,
dena wacinyanpi eciyatanhan wookihi. Wicowoyake de yawa miye, qa
hena on sanpa miniheiciyam ye.
Korinth Tokaheya qa wicowoyake
akeyamni qa oehde tokaheva qa oehde
ehake hehanyan yawa miye. Owasin
napeciyuzapi.
Mrs.   Emma Crawford.
HUNKUPI OMNICIYE.
Hoksiyopa wan ceyesa kinhan token econpica he.
Tohan hoksiyopa wan ceye sa kinhan okinui wote kin eciyatauhan on
hecece kte; qaiS hunku asanpi tawa
he iwaSte sni on hecece kta. Okinni
hunku kin woyute yute kiu he wanji
asanpi kin iyuSice kte qaiS hokSiyopa
he icage Sni ehan hunkii kin zani sni
heon etanhan hecece kta. HokSiyopa
cistinna ohinni iStinbe kta iyecece, tohan hi uye kinhau hehan ceye kte he
unkokahnigapi kte.
HokSiyopa anpetu iyohi yujajapi
kta iyecece; qa anpetu eca wancadan
tankan yuha unpi kte, tka anpetu Sice kinhan tankan ayapi kte Sni. Tohan hokSiyopa yujajapi kte kinhan
tipi kin nina kanyapi kte; qa sni iyaye kta iyecece kinhan tancan kin akahpe tonpi qa onSpaSpadan yujaja ayapi kte. Tuktekten hokSiyopa nina ceyapi eca yujajapi cinpi on ceyapi; qa
tuktenkten woyute kin wanji iwaStepi
Sni eca heon ceyapi ecee; qaiS taku
cinpi on etanhan ceyapi ecee.
Hehan hokSiyopa wan hunku kin
zani Sni kinhan hokSiyopa kin azin kiye Sni qa tukte woyute kin iwaSte kte
he iwanyag oape ohna yuntkiye kte.
HokSiyopa niua cistinna kinhan oape
nom ecee wonkiyapi kte; qa tohan
wanna kitanna tanka aye kinhan hehan icikiyedan wote Sni eSta he hecetu. M. B. Riggs.
Tuwe cistinna ehantanhan cuwi-
okatite un sa kinhan he hecetn he.
Siceca heyake unpi kin hena ohda-
Hdadan kte. Mahen unpi hena tanyan opiiciyapi waSte. Cuwiokatite on
yutinsaya unpi kinhan he kan ohna
we yuowancaya kte kin anapte kte.
Kinhan hehan cuwiokatite un kte kin
he hecetu Sni. Tuka cuwiokatite okage wanji decetu, minihuha Soka on kagapi qa nakun kitanna patin kagapi,
maza qa huhu opatinyanpi wanica
Siceca uupi kta kagapi.  Otinze Sni un
pi kta he waSte qa takudan iyuSice
wanica. Osni hehan unpi waSte.
Nonpa yuhapi hehan unma yujajapi
kta on yuSdokapi hehan ake unma
iyecen kicun hehan waSte. Osni hehan Soka yuSdoke qa tokeca zimzimpe-
dan unkivapi iyecetu Sui.
"Sic.eca tawacin okipe wicakiyapi
he hecetu he.
Siceca tawaein okipapi iyowinwica-
kiyapi kinhan tankapi ekta tanyanpi
Sni e tanin ecee. Unkan hunkakepi
qa tona awanwicayakapi heua etanhan
owangya icagapi ecee. Tuwe cistinna hehan woohoda ohna kaonspepi
kinhan he tanka ekta tanin ecee.
AkeS tuwe tawacin Sica qa waohoda
Sni ohna icahyapi nakun tanin ecee.
Hunkakepi wicohan kin de iyotan tawapi qa tohan Siceca yuhapi hena de
akiktonwanpi kte.
Wowapi wakan etanhan woyakapi
wanji token Wakantanka Eli woiyopeye qu kin he naunhonpi ecee; cinca
tankinkinyan kin hena woahtani econpi kin on. Unkan hena tohan cikci-
stinpidan hehan tawacin okipewicaki-
ye kin heon tankapi ekta tanyanpi
Sni.
Siceeapi eceedan Sni, tuka hokSipidan, wicinyanpidan hehau iyotan wa-
ohodapi qa onSiicidaya wahbaya icagapi kta ohna wicakaonspepi kte, Wakautanka tawacin ohnayan. Iye
Cinhintku iSnana icage kin ee kaeS
atkuku ohoda. Iyahdeya unkiS itancan unkitawapi ohoundapi kta onspeunkiciciyapi qa Siceeapi hena iyecen
wicunkaonspepi kte. Untawacinpi
hee Sni tuka iye tawacin kin hee
ohna.
Tukten gupi hee kinhan taku on
owaste kta he.
Tukten wicagu Hee qa mini ojudan
hiyu kinhan nina itonpapi qa ha yuza-
mni iyeyapi kte Sni. Qa mini ojudan
hiyu kin he yuzamnipi kte kinhan ta-
hinSapa ciqadau unpi Sni wanji on yuzamnipi kte; qa hehan minihuha onSpa
Sape Sni on yuskiskitapi kte. Tiwahe
owasin en minihuha tannina, linen eyapi heca, qaiS powayedan panpanna heca, hena inaHniyan wowidagyapi kta
on wiyeya yuhapi kta iyecece.
Taku tokaheya econpi kte he tage
Sni yuke kinhan on yujajapi kte hehan
wihdisu qaiScanihdi he uma tukte eSta
en ehnakapi kte ; qa de umana yuhapi
Sni kinhan lianisdaye wan carbolized
eciyapi hee, qaiS nakun wanji wihdi zi
qa kohdi he unmatukte eSta yuke kinhan unpi kte. Qa dena wanice kinhan
gu kin he token okihipi ohinni yujajapi kte, qa sanpa yazan kinhan minihuha he ecacadan tokeca unpi kte.
Tohan minihuha tokeca unpi kta hehan nakun iS eya wihdi ake en unpi
kte. Qa hehan sni en iyayeyapi kte
Sni. Wicagu he tanyeh awanyakapi
eSta Hanhiya asni aya ecee.
E. J. Kennedy.
Hoksiyopa wanji hanyetu ekta
ceye sa kinhan token econpi kta he.
HokSiyopa wanji hanyetu ekta ceye
sa kinhan he okini wayazanke, taku
wanji otanyan Sni, taku wanji wacin-
iyokiSice, wotektehda, qaiS taku yute
kin iyatahde on tezi oyazan. QaiS
heyake un kin eciyatanhan; tukte
otinze, taku icape un seca. Hecen
tancan ataya wanyakapi qa tukte
ohna tanyan kta iyecen kuwapi eSta
nakun sanpa ceye kinhan he takomni
wayazanka on hececa. Pejuhuta wicaSta wahoyapi qa iyukcan kte heceedan.
Tuwe ohinni siha sni kinhan taku
on waste kta he.
Tuwe siha sni, hehan token econ qa
waSte kte he decetu, qa tuwe eSta
econ kte okihi. Mini kata iyolipanye
qa akeS mini sni en oputkan, qa kohanna yupuza qa hunska coze okihe
iyeye kte. Helian we kin tanyan
SkanSkan. qa iyoptel kin on siha coze
kte. Taku on wicatancan en wicoza-
ni iyahde kin he siha tanyan awan-
hdakapi; qa hunska, hanpa ko coze uu
kiuhan tancan zaniyan ohiniyan un
kte. Tuwe iyotan tancan niyanyan
Sni kiuhan he wayazanke kta iyaon-
pepica Sni un kte.
E. J. Kennedy.
Siha wicatasake kinhan token econpi kta he.
Hekta hunkupi omniciye unhapi heehan .siha wicatasake token econpi he
iwounhdakapi; tuka hena owasin ecen
econqonpi unkokihipi Sni; heon miS
token ecamon ecee kin he ociciyakapi   kte.
Ehanna miS eya siha matasake kin heon sni imayaye sa. Unkan tohan siha matasake hehan peta on kanwaye
Sni; heconpi kin on ohankoya siha wicatasake qa Sogyasni iyayapi. Waniyetu helian iyotan owanka eciyatanhan tate suisniyan hiyu ecee, tokeliin
tipi kata eSta. Hececa ecee qa oniya
kate he wankan un ecee.
Heon uutancanpi kin en tukte iyotan cosya unkihduhapi kte kin he siha kin ee qa canhanpa qaiS hanpa
ikceka unqonpi kinhan tankinkiuyan
kte, hanpa otinsa unpi eca heon siha
wicatasaka ecee.
lyotankehan yukanpi kinhau siha
kin he yuwankan yukanpi kte, siha
alma hnakapi (stool) heca qaiS canakanyotankapi wanji unpi kte. Tuka
wanji iyotan ohna econpi waSte sdonwaye. Tohan siha matasake hehan
sipahde nawajin; siha ocowasin adi nawajin Sni tka sipa heceedan on nawajin ecee hecen siha matasake Sni ecee.
Ohinni de toka ecanonpi hehan econpi
tehike kte; tuka akihdehde ecanonpi
kinhan hehan peta ikiyedan siha kanyapi Sni eSta ohinni siha kanya yaunpi
kte. De ohna ecamon hetanhan tohinni sni iwacu Sni.
Hoksiyopa cistinna wan, hanyetu ehan yuha omanipisa kinhan iwa-
ste he.
Tohantuka eSta Siceca cistinna yuha
omanipisa kin he waSte Sni. HokSiyopa cistiunapi hehan takuka eSta o-
wasin en waSakapi Sni, he icunhan hanyetu ekta wicayuha omanipi kin he hecetu Sni. Tuwe iyotan hokSiyopa wanji ohini wayazanhda kinhan hanyetu
ekta yuha unpi kta iyecece Sni. Hanyetu ekta tate kin waSte Sni, heon
iwaStepi kte Sni. Qa hokSiyopa cistiunapi hehan kohanna hanyetu ekta
iStinbe wicaonpapi kinhan waSte kte;
hecen iStinmapi on tanyan ozikiyapi
kte qa hanhanna eca iyuSkinyan kiktapi kte qa zaniyan unpi kte. HokSiyopa cistinna yuha omanipisa hanyetu
qaiS tohantuka eSta, he hecetu Sni.
Daunkotapi ekta de on Siceca yamni
kicaSpapi wanji henakeca woyazan qa
wiconte iyahde wicaunyanpi.
Mrs. Hannah Frazier.