Iapi Oaye (Santee, Nebraska), 1915-06 - 1915-07

              SANTEE,   NEBRASKA.
TAKU WASTE  OKIYA, TAKU SlCA   KIPAJIN.
A. L, RIGGS, PUBLISHER.
VOLUME XLIV   NUMBER 6
JUNE-JULY, 1915
WOKAJUJU KASPAPI ZAPTAN
ANPETU OYAKAPI
May 17. Nebraska City ikiyedan hemani watokSu wan huhnaga. Hemani canpa-hmihma
kin wanji wihdi, gasoline, ojudan yuha un.
Unkan hee wihdi kin napopa qa hecen hemani
canpa-hmihma 16 huhnaga. Ho, unkan waSicun ituya unpi, tramp, heca, zaptan nahma en
opapi, hemani tipi wanji en hena koya huhnagapi. Sicahwaya unpi eSta iwicacupi kta okihipica Sni heeen owasin ohuhnagapi.
May 21. California makoce ekta Lassen he
kin etanhan ohinni sota enapa. Unkan anpetu kin he en ihnnhanna he etanhan unpSija wakpa wan hiyu. Mini ipiga qa unpSija qa wakpa iyecen unpsija kin kaduza. Hecen ikiyedan
niah-tipi wanjikji maga ataya unpSija akalipa
qa nakun tipi qa wanunyanpi ko ihangwicaya.
UnpSija wakpa kaduze kin de 30 miles hehanyan cankahonpapi ota bojuju qa canku ota yutokeca qa wiwi iyecen canku hena wanka.
May 24. Anpetu he en Italy oyate kin wanna ii eya ake German qa Austria oyate hena
wieakize kta e ataya hdaotanin. England qa
Prance qa Russia hena owicakiye kta.
May 28. Rochester, N. Y. hen Presbyterian
okodakiciye ataya General Assembly Omniciye tanka kin he yuhapi. Tokata omaka Atlantic City, N. J. en May 18, 1916 hehan hen ake
omniciye kta hecen hduStanpi.
May 30. Seattle, Wash, ekta dynamite, cahdi napomyapi, 15 tons, iyutapi akezaptan,
hena Russia opeton, qa hena heciya ayapi kta
heeen wata mdaska wan en ohnakapi, unkan
hena hanyetu hehan napopa. Seattle otonwe
kin nahuhuza qa owanye ota qa mazopiye en
show case, janjan ohna wapazo hnakapi, heca
mazaska iyawapi $40,000; kektopawinge wikcemna torn, hena ihangya.
May 30. Redding, Cal., Lassen Peak paha
kin he ake napopa qa inyan Sdo qa unpsija ko
okokipeya bomdu. Hekta omaka May 30, 1914
he en paha kin he tokaheya napopa sdonyapi,
California makoce de en waSiciim ahi ehantan-
de nakaha hececa sdonyapi. May 30,1914 etanhan May 30, 1915 hehanyan Sakpe hececa.
June 1. Sioux City, Otonwe Cistinna eya
i-ajeyatapi, otonwe kin he en wicaSta tona unpi
hena wicayawapi qa 61,787, kektopawing wikcemna Sakpe sanpa kektopawinge wanji sanpa
opawinge Sakowin sanpa wikcemna Sahdogan
sanpa Sakowin henakecapi- Hecen omaka 1920
hehan ipi kinhan 80,000 kta kecinpi. Hecen
wanna Otonwe Cistinna ee Sni, tuka wanna o-
tonwe nina tanka.
June 3. Przemysl otonwe nina tanka de
Russia akicita kin icupi kta on wi Sakpa hehanyan en Skanpi hecen nina taku ota hdusotapi qa wicaSta ota en wicaktepi. Hececa eSta katinyan Skanpi qa ecen hekta anpetu wakan Sakpe
he ehan otonwe he Russia akicita kin icupi qa
he woohiye nina tanka hdawapi, ecin tehiya ohiyapi. Ho, unkan anpetu he en German akieita
kin Russia akicita kin nape wicayapi qa Przemysl otonwe kin German icupi wi wanji hehanyan om kicizapi qa ecen German akicita kin
ohiyapi qa Przemysl otonwe kin icupi, hecen
Russia woohiye tanka hduSnapi.
June 8, Washington, D. C. William Jennings Bryan, tunkanSidanyapi ihukuya itanean
tokapa kin, anpetii kin he en wicohan enakiya.
TunkanSidan Pres. Wilson German oyate kin
wowapi wicakicaga qa he en taku eye cin wanjikji Mr. Bryan hehantu da Sni heon w^owapi
he yutan kta cin Sni, hecen heon he wicohan
kin ayuStan.
June 15. Highmore, So. Dak. qa Ree Heights,
qa Blunt, So. Dak. otonwe hena ohnayan magaju qa tate iyumni wan hiyaya qa taku ota i-
hangya,   tipi,   sungonajin owoju ko,  tinskoya
ye oin owasin ihangya. Qa wicaSta wanjikji
wicakte qa nina ota kiunni wicaya. Taku i-
hangya mazaska iyawapi kin $250,000 henakeca ihangya.
June 23. Otonwe tanka wan Lemburg eciyapi kin he etanhan German akicita kin Russia
akicita kin nape wicayapi qa otonwe kin German icupi. German akicita kin e dehanyan hinah ohinni waSakapi qa hecen Russia akicita
kin ohinni nape wicayapi ecee.
June 30. Miniwakan wanice kta on wowapi
iyohpeyapi qa otonwe ota en miniwakan wanice kta ohiyapi kin dena ee. Aberdeen, Mitchell, Rapid City, Madison, Milbank, Sisseton,
Webster, Platte, Plankinton, Murdo, Leola,
Kimball, Garetson, Farmer, Custer qa Bristol.
Hecen South Dakota ataya ecadan puze kta iteka.
Tokata United States makoce en July 4th
anpetu kin he en tuktetu kaSta Fourth of July
on woSkate yuhapi owasin en odowan de ' 'The
Star Spangled Banner" eciyapi de dowanpi kta
cinpi qa econ wicaSipi, hecen yaotaninpi. Wiyotanhan hca hehan odowan he ahiyayapi kta
hecen econ wicasipi.
July 7. Missouri, Illinois, Indiana, Ohio hena en magaju wohitika wan qa tate waSaka wan
iyaya tipi ota ihangya qa owoju ota wasu on
ihangya. Hemani wicaSta tokSu wan hanke tate
kaptanyan qa wieaSta Sakowin wicakte. Magaju icamna de taku ihangye cin mazaska iyawapi kin mazaska woyawra tanka hanke henakeca iyawa ihangya.
July 8. Cincinnati, Ohio, en hanyetu ekta
tate waSaka wan qa magaju tanka wan makoce
de qa otonwe opta iyaya, Cincinnati otonwe
kin en qa ihdukSan wicaSta 27 wicakte qa
wikcemna tokahonpi, hena iyewicayapi Sni.
Ohio wakpa kin en peta wata nom tate kaptan-
y-anpi qa spayapi, qa tipi ota tate kin ihangya
qa tipi wakan Sakpe wankan ipasotka hehan -
yan yumden yuha iyaya. Taku ihangye kin
mazaska woyawa tanka wanji. Tate wasaka
qa magaju tanka de iyececa itokam oyakapi
wanica nakaha de ihankeya tate wasaka qa iyotan mini ota hinhpaya oyate kecipi.
United States en omaka wanji unkan witka
on mazaska $700,000,000 woyawa tanka opawinge Sakowin henakeca.
Nakaha w-oyute ocaje wran tokeca hca icahyapi. Dasheen eya cajeyatapi, hu kin siha
iyutapi 4-6-hehanyan hanska qa ape kin nina
tankinkinyan qa taku kin mdo iyecen maka
mahen ieaga. Modo kin iS eya hinskokeca qa
yutapi kin ekta uma yutapi mna seececa qa
waSte. Hecen tokata woyute de owancaya ota
kta naceca.
IkcewicaSta North America en unpi etanhan
qa India makoce en IkcewicaSta unpi etanhau
ota dehan akicita opapi qa okicize tanka ekta
SagdaSin akicita om unpi qa owicakiyapi. Sagdasin akicita itancan wan IkcewicaSta akicita
hena wicayuha kin IkcewicaSta hena waditakapi on caS-otaninpi. Akicita itancan tawapi wan
Lieutenant Brant eciyapi. Ehanna bagdaSin
Isantanka om kicizapi he ehan IkcewicaSta wicastayatapi wan Joseph Brant eciyapi, Mohawk
oyate etanhan, he SagdaSin owicakiya on ohni
caS-otaninyan un. Unkan akicita itancan Lieutenant Brant kin de he etanhan ; okini takojakpaku naceca.    	
TAKU IWOHDAKAPICA
Hekta Iapi Oaye en tokata Ptaya Owohdake
unhapi kta on taku iwohdakapi kta iyececa lica
tuwe kecin kinhan unqupi kta mdaotanin. Unkan wanna wanjikji waSeSte maqupi. Tuka
nakun nahanhcin wanjikji uBcinpi hecen tuwa
taku on sanpa unkiwaStepi kta on iwohdakapi
kta iyececa yuhe cinhan ohankoya hiyu maki-
ye kta qa pida maye kta. F. B. Riggs.
poplar, montana
token kristian wicasta yustanpi
icaGa.
I. He Jesus Eciyatanhan.
1. Cinca ota wowitan ekta wicahdove kta he
on hi.    Eph. 4: 13;    Kol. 1: 28.
2. Jesus iye wicasta tokeca unkamdezapi eca
unyutokecapi ecee. Kol. 2: 9, 10; 1 Joh.
3:2; 2 Kor. 3: 18.
II. Kristian He Wakantanka Cinca.
1. Jesus he Wakantanka Cinhintku qa Wa
kantanka Cinca icahunyanpi. Joh. 1: 12.
2. Wakautanka Ateunyaupi Jesus onspeun
kiyapi.    Matt. 6:9; Matt. 5: 45, 48.
3. Iye  Taniya Wakaii cinca unyakonpi kta
cinunkiyapi.    Gal. 4: 6.
III. Kristian Wakantanka Towastedaka
Ounyan.
1. Wakantanka sdonunyanpi qa unkiyuskin
pi. 1 Joh. 4: 8; 2 Tim. 1: 7; 1 Job. 3:
1; Eph. 1: 3, 4.
2. Wacinyanpi tiyohnake kin tewicunhinda
pi.    Eph. 2:19 ; Gal. 6:10; 1 Iny. 1: 22.
3. WicaSta owasin ihawicunktapi.    Matt. 5 :
45-48; Rom. 13: 10; 1 Joh. 4: 20.
IV. Wakantanka Htakini.
1. Ikcewicohan owasin yuwakanpi. Wic. Wak.
23: 17; 1 Kor. 10:" 31; Kol. 3: 23, 24.
2. Wao wicakiya unSkanpi.    Matt. 25:40;
Mar. 9: 41.
3. Wakantanka Tokiconze u kte cin on  hta
unipi. Unkiciucapi en Eph. 6 : 4. Un-
kikiyedan unpi en Rom. 15:2. Oyate
kin ehna Mika 4: 1, 2.
V. Wokakije on Yuecetupi.
1. Wakantanka hee kaeS wokakije yuha.
Hosea 11:8; Joh. 3 :16; Luk. 19 : 41, 42.
2. Jesus Tokakije unkopapi.    Matt. 16:24;
2 Kor. 1:5, 7; 1 Iny. 4:13; Phil. 3:10.
3. Wawokiyapi en wokakije sdonuuyanpi.
Kol. 1:24; 2 Kor. 11:25, 26.
4. Wokakije on unyuStanpi.    Heb. 5:8;
Heb. 2:10; liny- 5:10.
VI. Okodakiciye Wakan kin Woyustan
Yuecetu.
1. Okodakiciye wakan kin Jesus tancan ma
ka akan yanke ciu ee. Eph. 1: 22, 23;
Kol. 1: 18.
2. Okodakiciye opapi wanji waSake Sni he
waSagyapi kte qa kicanptapi kte. Matt.
12: 17, 20; Rom. 15: 1, 2 ; Ohan. 20: 35;
1 Thess. 5: 14; 2 Kor. 1: 4.
3. Okodakiciye wakan opapi wicohan waSte
owasin en okiciyapi kte. Eph. 3:9;
Phil. 2: 1, 2; 1 Joh. 1: 3, 7.
4. Mdetahunka unkitawapi Jesus Messiya ee.
Wayuo. 19: 13, 14.
SANTEE EN
May 26 hehan Santee Normal Training School
en wayawrapi ihunnipi qa dena ihunnipi qa graduation wowapi wicaqupi: Joseph N. Standingelk, Elijah Standingelk cinca, Rosebud etanhan ; Martin M. Brown qa William M. Brown,
hena Hotankepi, Winnebago etanhanpi; Alice
W. Lonedog, Mrs. Lucy Lonedog cinca, Poplar, Montana etanhan, Bertha Robertson, he
Job qa Agnes Robertson cincapi, Santee en.
May 26 hehan dena Santee en eighth grade wayawapi ihunnipi: Mercy I. Jones, Santee etanhan ; Jonah I. Long, Cheyenne River etanhan;
George W. Harding, Santee etanhan; Simon Z.
Jones, Rosebud etanhan ; Eva C. Flyingearth,
Standingrock etanhan; LueyW. Rouillard, Santee
etanhan; Sybil W. Wabashaw, Santee etanhan;
Frank I. Blaekhoop, Standing Rock etanhan.
May 25 hehan Santee Students Association
Santee en mniciyapi qa token wayawa tipi teca
kagapi kte kin en wawokiyapi kta iwohdakapi.