Iapi Oaye (Santee, Nebraska), 1915-08 - 1915-09

              SANTEE,   NEBRASKA.
TAKU WASTE  OKIYA. TAKU SICA   KIPAJIN.
A. L. RIGGS, PUBLISHER.
VOLUME XILV    NUMBER 7
AUGUST-SEPTEMBER, 1915
WOKAJUJU KASPAPI ZAPTAN
ANPETU OYAKAPI
July 25. Chicago wakpa kin en wata tanka
wan Eastland eciyapi kin wicasta, winyan, siceca ko ataya 2,408 hena ohna omanipi icunhan
wata kin aptanyau. Hecen wicasta, siceca ko
1,000, kektopawige ecen, minin tapi. Hecen
Chicago otonwe woiyokiSica tanka sdonyapi.
Aug. 2. Washington, D. C. Anpetu kin de
en tunkansidan kin Mexico oyate iye ena wanna
tehan kicizapi heon wookihi kali wicasi qa oyate
dena okiyapi: Argentine, Brazile, Chili,qa
nakun toktokeca hena okiyapi qa de Mexico
ovale kin anagoptapi sni qa ecen econpi sni
kinhau hehan wanna tunkansidan kin kitanna
Sogya en ewieatonwe kta kewicakiya.
Aug. 3. Erie, Pa. otonwe de en magaju on
nina minitan. Mini anaptapi wanjigji bojuju
hena koya on nina minitan. Hecen otonwe ti-
yoko hena mini kin sihaiyutapi zaptan hehanyan wakpa iyecen kaduza. Wicasta 25 hena
miniyotapi qa taku ihangye kin bona mazaska
iyawapi woyawa tauka ota ihangya.
Aug. 9. Washington etanhan America makoce en owoju on taku icaga hena omaka iyohi
owa ehnakapi ecee. Unkan omaka de ihankeya
America en tanyau wawicaga. Ehantanhan
wawicaga oyakapi ecee kin ataya de omaka kin
ohiya. Wamnaheza kin iyutapi woyawa tanka
kektopawinge yamni qa wayahota iyutapi woyawa tanka kektopawinge wanji sanpa hanke qa
aguyapi su iyutapi woyawa tanka kektopawinge
wanji. Hehau rye, mdo skuya, candi, psin ska,
qa eya taku kasta owasin ihankeya tanyan icaga liecen yaotaninpi.
Aug. 12. Sioux Falls etauhan decen yaotanin] d. South Dakota en omaka de ihankeya
aguyapi, wayahota, rye, qa barley hena iyotan
uina tanyan icaga. Hecen mahti wicasta owasin wihinape sni hetanhan okpaza hehanyan
litanipi. Owoju owasin waste tuka wamnaheza
heceedan tanyan suton sni ecen hewanke kta
seca he woikope. Tehan hewanke sni kinhan
wopida kta.
Aug. 10. French oyate kin qa English, Sagdasin oyate, hena etanhan wata kinyan ohna
Constantinople otonwe, Turkey oyate tawapi
kin, iwankam kinyan unpi qa wankantanhan
bombs, cahdi napomyapi, ahinhpaye wicayapi
qa takuku ihangyapi.
Aug. 17, Texas makoce ekta Temple otonwe
qa Galveston, mniwanca ohuta en otonwe hena
ecen magaju tate wasaka wan iyaya qa taku ota
ihangya. Mnitan kin on qa tate kin on hecen
taku ihangye cin mazaska $5,000,000, woyawatanka zaptan henakeca.
Aug. 20. Tate magaju wohitika he hecehnana ya qa ecen St Louis qa Alton 111. hehanyan. Tohini be iyecen mini ota hinhpaya sdonyapi sni iyecen mini hinhpaye. Hecen mnitan
kin on qa tate kin on wicasta opawinge sam
iyaya wicakte qa taku ihangaye ciu mazaska
woyawa tanka ota ihangya.
Aug. 23, Mniwanca waziyata kin ekta, Baltic
Sea eciyapi hen, German qa Russia akicita wata
okna okicize tanka econpi, unkan Russia akicita
kin e ohitikapi. German wata tawa ota qa uakun okicize wata lica heca wan, he speyapi ecen
German'akicita kin uapewicayapi.
Ang. 24, Wita wan Hati eciyapi en oyate unpi
kin hena hasapa hecapi. Unkan oyate kin he
United States owicohan iyecen tuwe tunkansidan, president, heca kta, he oyate hdahnigapi
ecee. Unkan unman eciyatahan ohiyapi sni
hena ohini Sinkdapi qa heon iye ena oyate aki-
pain obini kicizapi qa nina sicaya kicicuwapi
ecee. Heon dehan United States towaSake on
miniwanca akicita 850 ekta yewicaSipi qa wita
le en oyate unpi km president wanjt kahnih
wicasipi. Hecen wakiya wicasta unpi kin hena wanna omniciye yuhapi qa tunkansidan wan -
ji kahnigapi kta qa United States taakicita dena oyate kin awanwicayakapi kta tohanyan oyate tanyan econpi sni hehanyan.
Aug. 27. Little Rock, Arkansas makoce ekta
wakpa qa wakpadan owasin nina mnitan qa wicasta kektopawinge sanpa iyeya hena tieodan
ehpewicaya qa taku ota ihangya.
Aug. 80. Chicago otonwe kin en wicasta tona
unpi nakaha omaka 1915 en wicayawapi kin
2,500,000. Woyawa tanka nonpa sanpa kektopawinge opawinge zaptan henakecapi. Qa henakeca etanhan 10,000 Johnson eciyapi. Chicago en wicasta nina ota Johnson eciyapi.
Sept. 7. Kansas makoce en nina minitan.
Fort Scott otonwe kin sihaiyutapi 30 hehanyan
mini kin wankan iyaya. Hecen wicota tiakan
qa can adi eyaya qa niiciyapi, qa taku ihangye
kin $ 200, 000. Hemani oinajin etanhan wicasta ota niwan huta ekta ihunipi qa ota wata
ohna huta ekta ipi qa hecen niiciyapi.
Sept. 15. Anpetu kin be en Missouri qa Kansas qa Oklahoma makoce hena en nina magaju
qa nina minitan qa taku ota ihangye. Hemani cankaga qa ikce cankaga ota bojuju.
Sept. 16. South Dakota on ataya fair econpi
kin he Huron en econpi qa de nakaha ihankeya
wieasta ota en ipi. Anpetu wanji en wicaSta
35,000 hena en ipi, qa hekta omaka he ehan automobile 1,400 qa dehan 15,000 henakeca en ipi.
Sept. 16. Anpetu hee ehan Great Britain (Sagdasin) qa French (IkcewaSicun) oyate hena
United States etanhan mazaska $500,000,000 woyawa tanka opawinge zaptan odotapi kta hipi.
Blliy Suuday wicasta wan wieayuliice wicasta heca, qa dehan wicasta de maka kin owancaya ocastonka. Wowapi Wakan etanhan wahokonwicakiya ihankeya wayupika. Tukten
wawahokonkiye kta ohni wicaSta ota nahonpi
kta cinpi ecee. Mdoketu de Philadephia otonwe hen otohanyan wahokonwicakiya. Omniciye iyohi en wicasta 10,000 12,000 15,000 hecekcen en ai ecee qa wicaSta winyan ko ota ihduhomni wicaya. Dehan Omaha otonwe kin en
un qa tipi wan wieaSta 15,000 kipi he ohna anpetu iyohi nonpa omniciye yuha qa Anpetu
Wakan yamni omniciye qa wahokonwicakiya
ecee. Omniciye iyohi wicaSta 12,000 15,000
henakeca en ai ecee qa wanna etanhan wicasta
ota Jesus wicadapi qa ihduhomnipi keyapi
United States makoce kin en omaka wanji eca
eannupapi kin on mazaska $725,590,000 henakeca yusotapi ecee. Mazaska henakeca ituya
awihnuni.
WOONSPE TECA WAN
Tona tiyata Wowapi Wakan onspeiciciyapi on
Woonspe teca unkagapi.    He tona woonspe unma kin ihunipi qa tona wicaSta wakan unpi kin
hena wicaqupi kte.    Woonspe dena ee,
Wotanin Waste Jesus Ahi kin
1. Wakantanka Ateunpi.
2. Wicasta Niwicaye pica.
3. Wowalitani qa Woowotanna.
4. Cante Teca kin.
5. Wocekiye kin.
6. Woyuha Yuhapi kin.
7. Wakantauka Tokiconze kin.
8. Wakantanka Tokiconze Tona-Opapi.
9. Tuwe Nikiyedan Un kin.
10. Wakankiciyuzapi.
11. Wakankieiyuzapi Yujujupi.
12. Hoksiyoqopa Icahwicayapi.
13. Oyate Tawokiconze.
PRESBYTERIAN TAWOOPE
Presbyterian Tawoope, Ieska kagapi, he tuwe
hunkayapi qais womnaye awanyaka, hecapi kinhan, wanji yuhapi iyececa.    Tuwe  wanji cin
kinhan wowapi maqu kte.      John Eastman.
(Dkooakiciye * ITotanin
Tawacin waste, July 4,1915. ,Dena baptisma
wicaqupi. Rebecca, he Mr. qa Mrs. Flute cincapi, Theodore Raymond qa Una Pansie hena Mr.
qa Mrs.Wynde cincapi.    Charles Oneroad.
Oyate Sica, Mar. 22, 1915, Wakanheja dena
mniawicakaStanpi. Collins Cecil, he Amos qa
Lauia Gilbert cincapi; Ethel, he George qa Mil-
ly Peneaux cincapi. Dena Rev. W. B. Pinkerton yustan. Amos Gilbert.
Francis Benjamin Brave miniakastanpi, he
Alexander Brave qa Alice Frazier Brave cincapi. Mar. 21, 1915 hehan tonpi qa June 6,
1915 hehan de ecakiconpi qa Rev. Franeis Frazier wicakiciyuStan, Santee, Nebraska en.[|i
Santee ohnihde okodakiciye en hokSiyopa dena
miniawicakaStanpi. Jan. 31,1915 Thelma May,
he Eazc-n qa Cora Cavender cincapi; April 4,
1915, Frank, he Jennie Khune cinca ; Aug. 1,
1915, Waldron Albert, he John qa Mary Frazier cincapi. "^""^
Buffalo Lake church, June 17,1915 okodakiciye
omniciye yuhapi, Rev. Isaac Renville itancan,
Jonah Wynd wowapi kaga, Matthew Jug Anpetu Wakan wohda kta, James King okodakiciye mazaska awanyaka, Charles White tipi
wakan timahen wamnayan, Daniel Tawocoka
qa Charles White hena deacon wicakahnigapi,
Jonah Wynd Anpetn Wakan waonspekiya qa
okodakiciye wowapi kaga, Matthew Jug trustee heca kahnigapi. Dena owasin omaka wanji pcee on wicayuStanpi. Jonah Wynd.
Wakpaciqana, Savoy, Mont. June 27, 1915 en
Martha Feather miniakastanpi, July 11, 1915
en Silas Howard Lodge miniakaStanpi, he Mr.
qa Mrs. Henry Lodge cincapi.   Geo.Firecloud.
Dakota Presbytery Rev. John Eastman ohni-
de omani kta kahnigapi qa Presbytrian Board
of Home Missions ecen yustanpi waniyetu wanji on July 1, 1915 hetanhan.
Lps'ija-wakpa tipi wakan ohna June 30. 1915 en
KoSka wan icicons mniakastanpi, cincapi owasin Jesus en wicahdohipi, dena eepi. Lloy,
Kathrine Theresa, Alice, Clara. Dena Mr. qa
Mrs. Harold Redeagle cincapi. SJi&i.
Rev. Joseph Rogers, dena yuStan.
Isanati tipi en Sept. 14, 1915 htayetu 7:30 hehan okiciyuze waste oiyokipi wan Episcopal tipiwakan ohna yuhapi. Mr. Albert C. Mitchell
qa Miss May Holmes kici kiciyuzapi. Koska kin
he qa Rev. Francis Frazier tonskaku qa wikoska kin he Rev. qa Mrs William Holmes Cun-
wintkupi. Rev. Luke C. Walker, Lower Brule
etanhan he kiciyuswicakiva. Kiciyuzapi kte
cin on tipi wakan owicajudan qa en Rev. B.
Lambert, Rosebud etanhan he wahokonwicakiya. Hehan ihanhana Sept. 15, wiyotanhan hehan Rev, qa Mrs. Holmes iye tipi itankan qa
tipi wakan kin okitahedan hen wahna wotapi
hanska yamni hena eu eyotanke qa tona iyohipi Sni hena ihduksanyan makata iyotankapi qa
hena en nakun wowicaqupi. Hecen nina wicota eSta owanjidan wancadan wotapi. Kohanna,
nina oiyokipiya owasin hduStanpi.
WAKANKICIYUZAPI
Caniutaipa okodakiciye tipi wakan en Johnson
Looking qa Mary Omna kici wakankiciyuzapi
Aug. 21, 1915,Rev. D. E. Evans wicakiciyustan.
Oswego, Mom, Stephen Cramer.
Thunder Butte Station, June 11, 1915, Joseph
Blown-on-himself na Ellen Yellowleaf kici kiciyuzapi. Koska kin he sinasapa okolakiciye
etanhan wikoSkoSke kin sinaska okolakiciye
etanhan, Dr. T. L. Riggs wicakiciyuStan. July
3, 1915, Edward Owlking Matononpa na Agne&
Eaglehawk Taanpetuwastewin kiei kiciynzapi
Dr, W. A. Shaw Dnpree otonwe en Congregational wicasa wakaii kin he okiciyuze le wicakiciyustan.. Justin Blackeagle
■H