Iapi Oaye (Santee, Nebraska), 1889-07 - 1889-08

              SANTEE   AGENCY, NEBRASKA.
VOLUME XVIII.   NUMBERS 7-8.
ANPETU OYAKAPI.
July 1. New Haven, Conn, ekta
waonspekiya itancan wan, President
T. D. Woolsey ta. Yale College heen
itancan tuka qon. WicaSta ksapa
hinca heca, qa taku owasiu en wacinyepica.
July 4. President Harrison qa okihe
wicayuhe cin hena Woodstock, Conn,
ekta ipi. Henry C. Bowe hena owasin wicakico, qa omniciye tanka kagapi.
July 7. Thomas E. Sherman he
General W. T. Sherman, akicita tancan iyotan tanka qon, cinhintku kin
he wanna Sina Sapa en wicaSta wakan
kagapi.
July 9. Yankton, S. D., ekta wicaSta wakan woonspe wan anpetii wakan
nonpa ihuuniyan yuhapi. Dena waonspekiya hipi: President Fairchild,
Oberlin, O. etanhan, Rev. Joseph
Duryea, Omaha otonwe etanhan, Rev.
G. R. Merrill, Minneapolis etanhan,
Rev. Dr. Leavitt, Cleveland, 0. etanhan, qa Prof. H. M. Scott, Chicago
etanhau. WicaSta wakaii wikcemna
zaptan opapi. Apa tawicu kici en ipi.
Wanna oniaka nonpa de yuhapi, qa
ohinni hecen econpi kta wanna yuStanpi.
July 11. Tona Johnstown, Pa. en
mini apaSboka tanka kin on kakiSyapi
kin owancayatanhan nina owicakiyapi.
New York otonwe kiu $250,000. etanhan qa Philadelphia etanhan $500,000,
qa Boston etanhan $158,000. wicaqupi.
July 16. Nashville, Tenn. ekta makoce owancaya tanhan waonspekiyapi
kin eu ahi mniciyapi. Hen anpetu
zaptan wohdakapi. Nakun wayawatipi
etanhan taku aipi kin hena wapazopi
tanka, tokeii taku wowapi, qa nape on
kagapi kin. Santee Normal Training
School taku kagapi kin etanhan wazi
koka yamni ohnakapi qa ekta yeyapi
qa ekta pazopi. Kektopawinge ota
hena wanyakapi keyapi.
July 19. Chicago otouwe kin ekta
wohitiya magaju qa tipi ihukuya kin
owasin mini ojugjudan. Tipi wanjikSi wakinyan bojuju.
July 27, England ekta Queen Victoria takojakpaku Princess Louisa hihnaton. WicaSta kin Duke of Fife
eciyapi kin hee. He wicaSta wijica
liinca.
July 28. New York otonwe en
Y. M. C. A. tipikiu ideqaonSpayuSica.
$25,000, on piyapi kta.
July 29. Behring Sea, waziyata wiyohpeyata miniwanca hecen cajeyatapi, he United States tawa qa hen seal
ota icaga qa ha yuzapi ece. Tuka
SagdaSin tawata en ipi qa seal wica
ktepi; qa TunkanSidan ozuye wata
tawa Rush eciyapi he SagdaSin wata
wan Black Diamond yuza. Hecen miniwanca itananokatanhan niua cajeyatapi.
Aug. 4.Washington Territory ekta
otouwe uina tanka wan, Spokane Falls,
he ataye se ide. Tipi tankinkinyan qa
waSteSte ota yukan; tuka owote tipi
zaptan mazaska tipi wikcemna, qa mazopiye tanka. ota, inyan qa makaSpan
on kagapi eSta ataye huhnaga. Heen
mazaska iyawapi woyawa tanka wikcemna yamni atakuni Sni. Wokpan qa
canibasdeca tipi kin hena wakpa itakasanpa he cin hena ide Sni.
TAKO WASTE  OKIYA, TAKO SlCA  KIPAJIN.
A. l. riggs, publisher.
JULY-AUGUST, 1889.
WOKAJUJU KASPAPI 6AKPE.
Aug 5. Dakota Makoce Pagan wicakiyapi km wanna wicohan hduStanpi
qa Chicago ekta kihdapi. Inyanbosdata oyate kin he ehake en ipi. Hen
tehan wohdakapi tuka iyohakam wicota wowapi kin yutanpi.* Tatankaiyotanke heceedan yutan Sni; qa he unmapi wakokipewicakicage Skan kin heon okinni tokiya kaSka ayapi kta naceca eyapi. Wanna Dakota makoce hanke yuhdokapi kte, qa detanhan Dakota oyate otoiyohi makoce oSpe ohna
yukanpi kin he iSnana hduhapi kte, qa
oyate unmapi kin iyowajapi kte Sni.
Waziyata SagdaSin makoce ekta,
Crow's Nest Pass ikiyedan, petijanjan
mini ota iyeyapi.
Minniwanea akasanpa Constantinople otonwe heciya tipi opawinge nonpa hulinaga oyakapi.
Dakota makoce napintu, South qa
North, en aguyapi tonana kta. Token mdokehan icage cin dehan aokpa-
niyan bushel 30,000,000 icaga keyapi.
SintehdeSka oyate nakaha Ateyapi
teca yuhapi kin James G. Wright he
hee. Cleveland tunkanSidanyanpi itokam heehan de atkuku kin oyanke kin
he en ateyapi ee.
Russia makoce kin ekta Lutheran
okoclakiciye kin anaptapi. Okodakiciye wanjidan kta eyapi. He Greek
Church cajeyatapi kin hee. Hecen
heon wicaSta ota nina kakiSwicayapi.
flahatonwan oyate kin wanna makoce paganwicakiyapi qa wowapi yutan-
ipi. Henry M. Rice qa Bishop Marty
iwicawangapi. Makoce cistinna ohdaptapi qa wanna wicaSta otoiyohi makoce obaSpe icupi kte.
Cincinnati otonwe en miniwakan tipi woope kin yujuju wacinpi qa okicize kagapi. Anpetu wakan hehan mini
wakan wiyopeyapi kte Sni woope eya,
tuka katinyan wiyopeyapi kta iye eyapi. Hecen police miniwakan wiyopeya-
pikin otaawicapapi qakiunniwicayapi.
Dehan makoce tehantu kin etanhan
wicaStayatapi kin omanipi sa. Persia
wicaStayatapi kin he dehan England
en hi. Qa China wicaStayatapi kin
United States en hi kta awacin keyapi.
Hena waSicun tamakoce kin en woonspe akitapi. Wanna maka oyate kin
ataya takukiciyapi.
Wiyohpeyata ekta, Idabo, Colorado,
Arizona, qa makoce hececa en maka
puza tankaya wanke. He dehan TunkanSidan kin spayaye kta. Heyata
makoce ektakta mini anapte ota kaga-,
pi kte qa hen wa qa magaju mini hua-
kapi kte, qa hetanhan mini cankuye
ohna maka puza en yeyapi kta.
South Dakota makoce ohna taku
iyececa dehan iwohdakapi, tuka mini
togye icupi kte. Minihdoka niinicadu-
ze kin kektopawinge yuhdokapi qa hetanhan maka oSkokpa owasin mdedan
kagapi kte. Hecen mini opo kin icage
ca magaju yuotapi kta eyapi.
Mdoketu kin de icunhan United
States Senate, Hunkayapi Tipi kin,
etanhan Committee yamni yewicasipi.
Wanji Alaska makoce kin ekta yapi,
qa heciya IkcewicaSta yukanpi kin
Sicaya wicakuwapi keyapi kin he wanyakapi kte. Wanji iS MaSte Makoce
ekta yapi; qa iyamni iS token makoce
puza kin en mini yuotapi kin he iyukcanpi kte.
WicaSta wan Prof. Hogan eciyapi
wata okinyan wan kaga. Tohan tokaheya iyuta hehan owasin hecetu qa
tokeii cin eca yuhomni okihi. Tuka
inonpa iyuta hehan tauyan ye Sni,
qa ihnuhanna miniwanca ekta iyaya qa
heciya iyohakam wita wata wan wanyaka qa mini en hin lipaya oyakapi. Prof.
Hogan minin ta naceca.
Yankton, S. D., Sado otonwe kin,
ikiyedan makohdoka wan iyeyapi qa
hen wicahuhu ota iyeyapi keyapi, wicaSta opawinge nonpa iyenakeca. Tuka
hena tuwepi tuwedan sdonye Sni. Apa
hecinpi: hena Mormon oyate hetanhanpi naceca eyapi. Mormon oyate
hetanhanpi naceca eyapi. Mormon
hinah Illinois makoce ekta yukanpi
hehan opawinge tonakeca wiyohpeyata
unhdaka yapi ecen wicaktepi oyakapi.
Wanna ehantanhan waniyetu wikcemna topa. Tukten tapi tuwedan sdonye
Sni hecen dena eepi apa eyapi.
South Dakota woicicage woope kiu,
Constitution, wanna apiyapi yuStanpi;
qa apiyapi omniciye wanna Sioux Falls
etanhan kihdapi. Wicolian tanka yuhapi Sni, tuka North Dakota kici taku
Dakota Territory tawa qou kiyuSpapi
kin he tehan yuStanpi Sni. Qa decen
yuStanpi: itananokatanhan wicakaSke
tipi qa woonspe tipi toua makoce tawapi ohna wanke cin hduhapi kte qa tipi oicazo tawapi kin koya. Mazakan
Bismarck en hnakapi kiu hankeke
icupi kte. Wowapi en Dakota Territory woecon tawa owapi kin hena hankeke icupi qa liehau unma hanke kin
tohan makoce unmatukte cin kinhan
piya okiciwapi kte. Hehan South Dakota he North Dakota mazaska kektopawinge wikcemna topa,$40,000 qu kte
DAKOTA WOWAPI WAKAN
OWAPI KIN HE WOPIDA.
SagdaSinta, Hohe oyate kin etanhau
Isanyati koSka wan John Thunder eciyapi, WaSicun wakan wanji yeape, kici
waonspekiya, unkau decen oyake do.
Dakota iapi ohnayan Taku Wakan
Oie owapi kin he wopida tauka. Dehan Anpetuwakan otoiyohi oyate woowotanna on wotektehdapi qon, hena
wicunkiyawapi, qa wiconi canku kin
wicunkipazopi ecee. Hekta Anpetuwakan hehan wikcemna Sakpe hipi qa
iyuSkin wahokonwicunkiyapi. Anpetuwakan eca Jesus wicohan tawa kin
on ojuna unyanpi kta e bdiheuukici-
yapi ecee. Eya ecaken wicohan wanji suta IkcewicaSta oyate en wanke e
sdonyaye. Wakanicidapi kin hee. Ni-
nana tanicidapi. Tuka tokata hena
owasin skan kta e wicawada. Wakautanka tokiconze kin heon owasin
tokaii ehpeye kta, qa IkcewicaSta kin
Wakantanka iSnana ohodapi kta.
Assinaboine Reserve, N. W. T, etanhan hena oyaka.
JESUS HTAKINIWACINPI
OKODAKICIYE.
July 9, 10, 11 Philadelphia otonwe
en Jesus fltakiniwacinpi Okoclakiciye
kin owohdake tanka wan yuhapi.
Omniciye kin de iSahdogan. Kalinili
yeSipi kektopawinge Sakpe sanpa opawinge zaptan hen witaya yukanpi; qa
makoce wikcemna yamni sanpa tops
etanhan ipi. Wanna okodakiciye kektopawinge Sakpe yukan, qa en opapi
kin kektopawinge opawinge zaptan
henakecapi.
MDOKECOKAYA ^KATAPI.
Ito anpetu kin cle Iapi Oaye, Koda,
woyagcisi kte do. Wi akenonpa qon
han ihanktonwan Skatapi wanmdake
do. Unkan ake anpetu kin de July
4, 1889, ake wanmdake do. Unkan
ehanna ikcewicaSa wicolian kin ota kini wanmdake do. Unkaii bena wanjikSi wocekiye yuha hecapi do. Qa
wanji Episcopal etanhan hunkayapi
heca ikcewicaSa wicohan econ wanmdake do. Unkan oyate heyapi do.-W an-
yaka po, wicolian kin de waSte kin ee
ce, iye wicolian Sogya sdonya eeS wicolian kin cle econ ce, wanyaka po, oyate eyapi do. Hecen iye cinca qon tonakeca tapi hena iteowapi kduha Sunkawakan qa woyuha qa woyute ota itu-
wicakihan, qa hena on oyate nina iyuSkinpi qa nina pidapi. Ehanna wanagi yuhapi eyapi kin hecen econ, qa on
etanhan oyate nina cajeyatapi en wan-
yag nawajin.
Unkan kakeii awacanmi: Hehehe,
taku waSte kin waSaka tka ye do. Tka
taku Sice cin en itancan kin nakun waSaka, qa Wowapi wakan en oyate wahtanipi wan weksuya, Hdinapapi wicowoyake 32 en oyakapi.
Qa nakun omdake ciu heceena Sni,
taku ota econpi. Anpetu kin de tuwena tawa Sni ce eyapi, qa hocoka en wica-
Sakagapi wan ekdepi, qa anpetu kin de
tuwe tiuwicakte eSa toka Sni ce eyapi.
Qa cincapi owasin Sunkakan akauyo-
lanknpi, qa manintkiya iyayapi, qa kupi unkan oyate kin nina iyuSkinpi, qa
akiSapi, hokSicopa wowiyuSkiu akupi
kin hunkake kin iwinktapi, qa owasin
Sunkakan ituhanpi wanmdaka.
Unkan mitakuyepi Wowapi Wakan
hecen eya. Taku Sica kici unkicizapi
kta, taku Sica ktepina po, he nakun
weksuye do.
Iho mitakuyepi anpetu kin he en
wicaSa owasin waunditakapi se unke-
cecapi. Hehan Ihanktonwan tipi en
woSkate kage cin he ateyapi kin hee.
Iye Skan wicakiya. Unkan nakahaS
ateyapi hocoka en inajin qa taku eya,
unkan can apaha inajinpi. Unkan
ateyapi kin nina canteSica, qa woata-
kiiniSni wan cajeyata yanka.
Iho mitakuyepi ito iwandakapi kta
wacin ye do Mdokecokaya wanna ikiyena unyanpi kinhan iwandakapi qa
wadinitakapi qeS ecanmi ye do. Qa
heon Iapi Oaye en cajemdate clo. Jacob 5:11 wanyaka wo.
Moses Tatankanajin.
HOHE ETANHAN.
Robert Hopkins Caskedan Hohe oyate wahokonwicakiya unkan wauna on-
Spacistinaicagaseececa. Deceu oyaka:
Hohe om wauu kiii he Wakantanka
Oie sdonyewicawaye cin ou kaken
awacinpi. Taku ou wawicaSake cin
he Woniya Wakan kin hee. Qa
ihakamya mazaska kin hee. Heon
Wotanin WaSte okiyapi cinpi. Qa
dena wanna he ohna econpi.
Canduhupawin hee, qaUnhdagmani-
win, qa Susan Hopkins, qa Manly Bacon, qa John Hopkins, qa Robert Hopkins, qa Smith Hopkins hena iyohi mazaska okise, qa Newton Hammond qa
wauji Moses Hopkins henaos mazaska
on Wotanin WaSte okiyapi kta ke}'api.
Qa liehan fleipa eu tipiwakan teca
cinpi kin heon mazaska yamni okiyapi kta keyapi. Hohe ovate ehna wicaSta dena Wakantauka tawicohan
okiyapi cinpi hecen wocekiye on wicayeksuyapi kta wacin. Hecen oyake do.