Iapi Oaye (Santee, Nebraska), 1896-01

              SANTEE   AGENCY, NEBRASKA.
TAKO WASTE  OKIYA, TAKO SICA  KIPAJIN.
A. L. BIGGS,   PUBLISHEB.
VOLUME XXV.   NUMBER 1.
JANUARY, 1806
WOKAJUJU KASPAPI ZAPTAN.
ANPETU OYAKAPI.
December 18. TunkanSidanyapi,
President Cleveland, Congress wowi-
cakiyaka qa Great Britain, Sagdasin
oyate kin, Venezuela tamakoce ki kta
hca he cajeyata. South America ekta
Venezuela makoce icahda SagdaSin
oyate makoce onSpa yuhapi. Tuka
SagdaSin ohinni oiyute piyapi qa makoce tawa yutankapi. Woakinica de
wamdeza tona wicakalinigapi qa en a-
yapi iyececa President Cleveland eya.
Tuka Great Britian ecaca wicada Sni.
Heon ihnuhanna okicize icage kta seca tuka.
December 20. Washington D. C.
Congress wanna wamdeza Committee
wanji TunkauSidayanpi kage kta eyapi qa he Veuezuela makoce oicago tawa kin iwanyag wicaSi kte yuStanpi.
Qaon mazaska §100,000 qupi.
December 23. Pierre S. D. Mazaska
Oqapi Waawanyake kin wicohan tawa
on woyake. South Dakota makoce kin
eu wicaSta kektopawinge sanpa opawinge Sakowin mazaskazi qapi. Qa
niazaska iyawapi woyawatanka zaptan
omaka wanji en icupi. Paha Sapa kin
eceedan wicohaii kin de yukan.
December 25. San Francisco, Cal.
Ptinhan American Board, Wotanin waSte Aya Okodakiciye, wicaSta topa Japan ekta yewicaSi. Heua oyate ekta
okodakiciye icagapi kiu wanwicayake
kta, qa wanna detanhan iSnana yapi
kta hecinhan he iwicawangapi kta.
Wanna ake hdipi qa Japan ekta tanyehca kuwapi keyapi. Japan okodakiciye wakan kin hena ihduhe waciu-
pi tuka oyate ekta wicolian tanka hecen hinahin yewicaSipi uukitawapi kin
opeya Skanpi cinpi, hecen owicakiyakapi.
December 30. Washington, D. C.
Ptinhan Harpoot otonwe, Turkey ekta,
Armenia oyate wicaktepi qa American
Board tawoonspe tanka wan ideyapi
qa woyuha tawa ihangyapi. Heon
wauna TunkanSidanyanpi Turkey wicaStayatapi mazaska $100,000 kajuju
Si. Ozuye wita wata unkitawapi wauji ekta yeyapi.
December 31. Pretoria, South Africa.
Heciya IaSica wicaSte makoce wan yuhapi Transvaal cajeyatapi qa otonwe
itancan kin Pretoria hee. Hetanhau
wotanin qa itokagatanhan SagdaSin
wicaSta opawinge Sahdogan azuyapi.
Itancan yuhapi kin Dr Jameson cajeyatapi.
January 2. Transvaal makoce etanhan wotaniu qa IaSica qa SagdaSin kicizapi oyakapi. Dr. Jameson yuzapi
qa kaSkapi.
January 3. Boston, Mass. Rev. N.
G. Clark D. D. mahpiyata iyaya.
Waniyetu ota American Board of
Foreign Missions, Wotanin waSte Ayra
Okodakiciye kin, en itancan un. Tona sdonyapi owasin ihaktapi qa wacinyanpi. Tona United States makoce
tehan ekta yewicaSipi kin hena owasin cante en wicahduha un. Hecen
iyepi nakun waStedakapi. WicaSta
kin de Jesus waonspewicakiye wanji
Johannes eciyapi he iy7ececa seececa.
Wanyakapi ecedan he wowaSte. Qa
nape yuzapi kin he wicayawaStepi
heca.
—Berlin, Germany. Emperor William, IaSica oyate ataya itancan kin,
South Africa ekta IaSica oyate yukanpi mazaapapi on wahowicaya qa SagdaSin om kicizapi qa napewicayapi kin
tenyan econpi ewicakiya. Heon Great
Britain, SagdaSin kiu, Sihdapi qa Germany kici kicizapi kta tuka.
January 16. Sioux City, lo. Decen
wotanin: Wanna Cheyenne River A-
gency, WakpawaSte Owopamni kin,
ekta mini on temahentuya kahdokapi
kta. Mini temahentuya hen icupica
hecinhan iyutapi kte. Rosebud Agency en heconpi tuka mini kin wankan
iyohi Sui, temahentuya nakaeS.
CHRISTMAS WOECON.     •
Rock Creek, December 25, 1895.
He en Jesus tonpi wokiksuye he econpi. Woiwange dena yuha Skanpi.
Tuwe hokSin tehinda kinhan token
econ kta he. Thomas Kinyankuwapi
he iwohdake. Inonpa, WicaSte iyoyanpa tawa token yuha un kta he.
Tatankaunjinca he cajeyate. Iyamni,
Tuwe wocekiye en ope cin token ihduhe kta he. Hehakahotanin he iwohdake. Itopa, Wookiye wanke cin he
tokiyatanhan u he. Cetanwakinyan
he cajeyate. Can ehdepi, en waziya
hi, qa nina oiyokipi. Nakun en wi-
cawote; pte wanji ktepi qa mazaska
$26.00 kitanna sanpa yusotapi. Otakuye kiciksuyapi kin he waSte, wocekiye
on unkiksuya po.        Thomas Fly.
Wakpasioa en Jesus tonpi wokiksuye he econpi. Lena en woglakapi,
David Lee, Stephen Kcankcanla, Edward Oglesapa, John Canhahake,
Thomas Head, Phillip Howard, hena
woglakapi na iapi on WaSagkiciyapi
kte na wowacinye el sanpa iyoptapi
kte cin hena lila cajeyatapi. Na nakun Jesus tonpi heon wopila eyapi.
Stephen Kcankcanla.
Pahata en Jesus tonpi wokiksuye
yuhapi. En woiwange dena ayupteya
wohdakapi. Jesus taku nicahi he.
NiS taku yaqu he. Jesus hi kin heon
taku yuStan he. Jesus hi kin heon
maka oyate taku sdonkiyapi he. Jesus
caje tonakeca cajeyata wo. Dena iwohdakapi, qa tokaheya he William
Hare cajeyate. Iyokihe he Isaac
Feather. Iyamni, Andrew Makeke.
Itopa kin Jas. K. Wells; qa izaptan he
Samuel La Pointe cajeyate. Qa ehake Pierre La Pointe, Matt. 2 etanhan
wohdake. Hante wanji eunkdepi qa
oiyokipiya unSkanpi heon omdake do.
Pierbe La Pointe.
PahaSa qa Miniska henaos yuowan-
jidan Kaliminciqana en Christmas
wotapi wanji kagapi. Yamni ape cin
hehan tokaheya econpi. Rev. Jos.
Rogers, Matt. 2: 10, heon wowahokonkiye econ. Phillip Eating Walking
he wowacinye cajeyate; Samuel White
Bird Wotanin waSte iwohdake; Howard Bearelk Woniya wakan he cajeyate; Thomas Power Wakantanka
tawokonze he iwohdake. Nakun David Kitto, Frank YellowHoop, qa nakun wanjigji wohdakapi. Onge wod
eyaye cin icunhan, oko ohna kin hena
en token okihi iapi unkicicupi. Iho
Jesus tonpi anpetu kin he en, decen
unSkanpi, qa tauyan wahokonunkicici-
yapi. De itokam htayetu kin en nakun can eunhdepi qa nina oiyokipi
unhapi. Hugh M. Jones
Collamar, S. D. He en wokiksuye
le econqonpi. Wica, winyan ko wikcemna Sakpe sanpa opapi. Pte hca
ka wan Peter Dupree kikte na untapi.
Taspan koka torn, pte nom, hena unyutapi. Sunka wakau Sakpe otkeyapi.    Winyan omniciye na koSka okola
kiciye le wicolian  econpi yunkan lila '
tanyan econpi, na lila oyasin cantewaSteya unSkanpi; ua tokata sanpa wacinyanpi wicolian el tanyan Skanpi kta
epce. A. W. Chapin.
Pejuhutaliaka Jesus tonpi heon wokiksuye econqonpi. Odowan 100 be
unkahiyayapi; qa Matt. 2: 1-11 hehanyan on wowahokonkiye uuhapi.
Dena wohdakapi. Patrick A. Starr,
Thomas Hanry, Nowa Bad, Tokaduta
qa Hinhanduta, hena Jesus tonpi he
iwohdakapi. Dena otahehedan odowan unkahiyayapi. Htayetu he en
wowiyuSkin tanka wanji unhapi. WicaSta wan, W. K. Morris eciyapi, he
Tamakoce takoSku, okodakiciye den
candowankiyapi wanji unqupi qa on
nina piundapi. Oyanke de en Wakantanka tokiconze icage kta owasin unkiksuya po. Joseph Day.
Kyle. S. D.
Mdetanka Jesus tonpi wokiksuye
econqoupi. Okodakiciye ehanna icage
cin hena wauna wicaSta waSaka iyececapi; tuka MiniSoSe wiyohpeyatanhan
unpi kin hokSiyopa toka mani iyececapi. Heon taku wanji toka econpi eca
wowiyuSkin sece. Mdetanka en, cau
eunhdepi. Iye token okihi oiciyapi,
wica, winyan koya; qa en nakun wotanin waSte wamnakiyapi aa ota Sni e-
Sta mazaska yamni sam okise mnakiyapi qa on nina wiyuSkinpi. Toka
den wahi kin he ehan hinali wicolian
dehanyan econpi epce Sni. Tuka anpetu wakan iyohi tipi wakan ojudau
ahi; qa de okodakiciye tokata waSaka
icage kta epce.        Elias Gilbert.
Cannon Ball, N. D.
Mdehdakinyan eu hanyetu cekiyapi.
Louis Mazawakinyanna omniciye yuhdoke. Malt. 2: 11 ou etanhan wohdake. Nakuu Thomas Lawrence, Jesse
Caske, Enoch Mahpiyahdinape qa
George Head, qa nakun waSicun wan
heua wohdakapi. Okoclakiciye de tipi
wakaii wanji cinpi, unkan hunkayapi
tawapi, Enoch Mahpiyahdinape, heou
wohdake qa mazaska wikcemna nom
en ehpeye. Qa heon ataya mazaska
opawinge sanpa wikcemna Sahdogan
sanpa yanini, $183.00, en ehpeyapi.
Qa de on nina wopida unhapi. Mazaska wikcemna nom sanpa iy7eya on
htayetu en wotkeyapi. WaSicun wan
mazaska zaptan ehpeye. Ho dena on
piundapi.
Louis Mazawakinyanna.
Pine Ridge, S. D., Maka Ska Wakpadan eii Jesus tonpi wokiksuye
econqoupi. Can ehdepi kta on mazaska wikcemna torn sanpa nom kitanna sanpa iyeya mnakiyapi qa on December 25 htayetu he hante wan tipi
wakan en ehdepi qa uina tanyaii wokiksuye ecouqoupi. Dena wohdakapi.
Archie Siyo decen eye, Wokiksuye de
maka akantu heca Sni, de Jesus ou
econpi qa heon can de etanhan taku
icu wacin unhiyotankapi he iyeceii
Jesus etanhan taku icu unwacinpi nin
ecanmin. David Spotted Horse, Htayetu de otoiyohi deceii unkeyapi iyececa ce, eye. "Wakantanka iyotan wankantu ekta wowitan yuha nun we,qama-
ka akan qa wicaSte ekta wicokiciyu-
waSte"—Luk. 2:14. Joseph Titanhan-
opi, Isa. 9:76, etanhan yawa qa heya,
Wicolian de ito ohnayan waditagya,
wacintankaya maunnipi iyececa; hecece cinhan wiconi iyounhipi kta ce,
eye- He DogjlSuuka mdoka, wohdake" qa heye, Maka akan Dakota wicolian unhapi kin hena wanna taku Sni
kin tauyan sdonwaye, qa dehan wocekiye eciyatanhan inawajin; unkan he
wowicake qa wohnaye wanica e sdonwaye. Iho mitakuyepi iyuha Jesus
canku owotanna kaga cin ohnayan
yewacin po.    He wiconi ee ce, eye.
Thomas Robert heye, Mitakuyepi
wocekiye kin de wicawada, qa eya
tanyan owakahnige Sni eSta ohna mi-
hdoye kta wacin; ecin Jesus heye, Tuwe eu mau kinhan tewahinda kte Sui,
iyuSkinyan en u kte ca tankan kihde-
waye kte Sni. Hecen mitekuy7epi
Wakantanka wicada po. Grant Kills
Two heye, HomakSila na tanyan wa-
awanbleze Sni Ska, wocekiye le en sutaya nawajin kta waciu; na Palos oie
wanji weksuya, "Taku hekta un kin
bena owasin akiktonS waun, qa taku
tokata kin hena ekta nape yewakiye,
unkan he iyecen econ wacamin.
Iho, mitakuyepi, tona de dawapi
owasiii oyanke de unkiksuya po. Wakantanka omakiye cin eciyatanhan
nakun sanpa wicohaii de en tanyan
ecanon kte.    Samuel  Rouillard.
Oyate Sica en Christmas ehan wohdakapi kin: Mitakuyepi ikce wicolian kin unkayuStanpi kte lo. Taku
wicolian waSte unkoniciyakapi canna
yagluhey7apaya pe lo. Tokin ehanni
wicohan kin le awauncinpi kinhan
ikce wicolian kin unkayuStanpi kta tka
ye lo. Taku Wakantanka econ kin hena awauncinpi kte; lena aiunlialiapi Sni
kin sam wankan yin kta tka ye lo.
Woawacin waSte kin awacinpi yre. Heon etan ito ikce wicolian kin ayuStanpi ye epe ciu iyoniyakapi kte lo. Tokin iyuha waStepi ni ecami ye lo. Ko-
lakiciya po, kicipajinpi Sni yo. Ho
hecel mitakuyepi lehan iapi henala e-
pin kte. David Gallineaux.
Lehan tokel mitawacin kin ociciyakapi kte. Lehan wokiksuye wanji
unyuhapi. Ehani hecel Bethlehem
otonwe en Wanikiya tonpi, unkan wi-
yohinyapatanhan wicaSa el hipi na
waqupi. Wanikiya na nakun iyoyanpa hi. Iyoyanpa ahi kin on cante
mawaSte. Nakun wakanheja owasin
lehan lila cante waStepi nacece.
Maka owancaya waSicun kin wicolian kin le yuhapi.
Lecel unkitawacinpi tokata ake wiunyuSkinpi kte. Mitakuyepi lehan
lila wibluSkin, yunkan teku on tokata
wiunyuSkinpi kte cin unkolepi kte.
Wakantanka ti kin ekta ohinni hecece.
Eli Spottedbear.
Wolf Point, Mont. Hohe tipi en
Aupetu wakan tanka en wokiksuye
econpi. Owokpamni en yakonpi kin
tanyau wawokiyapi qa dena cajepi eepi. Gives The Blanket 50, Sack 50,
Standing 50, George Silcot 50, Chas
Lumbert 50, N. Alvares 50, qa N. C.
Hammond mazaska yamni hena en
elipeye. Qa dena on taspan koka wan
opeuntonpi.
Wotkeyapi en Robert Hopkins takojakpaku tasunke wan ni un qahe tuwe
yuhe kta eyapi, tka wotanin waSte en
ehpeyapi qa iyohakam mazaska akezaptan on opetonpi qa hena wotanin waSte tawa.
Nakun waujigji en wotkeyapi. Tipi wakan kitanna tauka tka ocikan Sni
qa wicota tin upi Sni.
Wanna oyate cle Wakantanka oie
awacin ayapi. - KoSka nom iye oy7atepi
etanhan en htanipi Newton Hammond
qa Growing Thunder henaos eepi. Ito
mitakuyepi wocekiye ewicayeciyapi
wacin. " Robert Hopkins.