Iapi Oaye (Santee, Nebraska), 1896-04

              SANTEE   AGENCY, NEBRASKA.
TAKO WA6TE  OKIYA, TAKO SICA  KIPAJIN.
A. L. RIGGS,   PUBLISHER.
VOLUME XXV.   NUMBER 4.
APRIL, 1896.
WOKAJUJU KASPAPI ZAPTAN.
ANPETU OYAKAPI.
March 20, Havana, Cuba, etanhan
wotanin qa Speyoni qa Cuba akicita
Pinar del Rio en kicizapi oyakapi.
Cuba wicaSta hena ohiyapi; isan hanskaska on anawicatanpi qa wicaktepi
keyapi.
March 23, Washington, D. C. Isan-
yate Santee Agency qa Flandrau en
yakonpi kin mazaska ehanna anaptapi
qon wdcakicicajujupi kte e ou Congress
en woope pazopi kin he wanna sanpa
iyoopta, qa Tipi Wankantu Indian
Committee he hecetu eyapi qa tohantu
kinhaii tipi kin he en yuStanpi kta
naceca. Tuka wetu kin de Tipi Hukuya ekta ayapi kte Sni, woope toktokeca ota kuwa yukanpi qa ehan ipi
kte Sni nakaeS. Denakeca mazaska
kapi $1,485,000.
March 25, Huron, S. D. Republican emniciye yuhapi qa toua St. Louis
ekta tunkanSidanyanpi kte cajeyatapi
kta omniciye kin tona South Dakota
1 tanhan en yewicaSipi kta wicakahnigapi. Senator Pettigrew he wanji ee
tuka tokaheya kiyapi Sni. 'Tona kodayapi Sni kin ohiyapi.
March 26, Washington, D. C. Ozuye wita wata tanka topa kagapi kta
qa nakun ozuye wata cistinna ake zap-
i an kagapi kte. Heou mazaska woyawa tanka wikcemna vamni saupa zap-
tun, $35,000,000. ayusotapi kta. De-
naka on yuStanpi kta ee Sni tuka
oniaka yamni kali yukanpi kte.
March 27, Philadelphia, Pa. Hen
dehan ozuye wita wata tanka wanji
yuStanpi. He Iowa cajeyatapi; qa
Iowa makoce etanhaii wicaStayatapi,
Governor Drake, ekta iyehan iyaya.
Iye Cunwintku wikoSka he tohau wata
minin iyayeyapi hehan caSton. Kagapi kin on mazaska woyawa tanka
yanini yusotapi.
April 1, Germany ekta wicaSta tanka wan owancaya yaonihanpi, Bismarck eciyapi hee. Anpetu tonpi kin
he dee qa dehan omaka wikcemna Sahdogan sanpa wanjidan w7anna iyohi.
He tehan wicaStayatapi okihe najin,
tuka wanna wicalica liecen oziieiya un.
WicaSta kektopawingi ysmni iye ti
kin eu wanyag ipi, anpetn kin de en.
—New York. Wanna tuwe Salvation Army en itancan un kte. London
etanhan uSipi qa United States en hi.
Ballington Booth hee tuka iye ayuStan
qa obe tokeca wan kaga. Tuwe dehan
United States en Salvation Army itancan ee kta Booth Tucker cajeyatapi.
April 2. South Africa etanhan wotanin qa Matabelee, IkcewicaSta oyate
wan, SagdaSin azuwicayapi oyakapi.
IkcewicaSta oyate tokeca okiyapi kta
seececa.
April 3, Omaha, Neb. Iteowapi i-
wicacupi he ehantanhan econpi. Tuka wanna tancan mahentu taku kin
bena owapi kin icupi. Iyoyanpa on
econpi Sni tuka iyojanjan tokeca kagapi qa econpi. He en cehpi kin he
tanin Sni iyaya qa wicahu heceedan
tanton seca. Maza nakun hececa.
Nakaha Omaha otonwe hokSidan wanji nape ohna icio. Qa pejutawicaSta
maza su icupi kta tuka tokiya wanke
kin tanin Sni. Hecen High School
waonspewicakiya itancan en ayapi qa
iye hoksidan nape mahentu kin iteowapi kin icu qa been maza su cokaya
sabya wanke cin wanyakapi. He eciyatanhan pejihutawicaSta kohan se
nape kin etanhau maza su baSpapi.
WOONSPE WOYAKAPI.
_ France he England iyececa; otonwe
nina waSteSte qa tankinyanyan ecee
ojudan. Paris he iyotan tanka qa
otonwe itancan qa maka akan otonwe
tanka bee cin he wanji ee. Otonwe
icokata ataya ihuniyan ocanku nina
waSteSte hca, boulevard eya cajeyatapi. Ocokaya kin en canpahmihma
ocanku wan otankaya wanke qa hehan
can nina waSteSte cankuye tontonyau
ojupi qa hena ohdateya oomani, hena
otonwe ocanku ilianhan kin ohinskaya
wanke qa can owinja iyecen omdayeya
wanka.
Canpahmihma ocanku kiu hena ohua
ohinniyan Sunktanka canpahmihma
waSteSte qin omanipi; he icunhan oomani kin hena wicaSta qa winyan ayucoya ihduzapi ecee kin heca ocikan Sni.
Tuka htayetu ekta boulevard hena nina
oiyokipi; tolian mazopiye kahda wanke
ciu hena iyoyamya ideyapi qa canpahmihma hena ikpazopi qa wicaSta wi-
yuSkiuyau unpi kin hena anpetu kin
isam iyeya liehan iyotan wicota.
Paris owancaya mazopiye kin hena
en taku waSteSte qa toktokeca iyeyaye
kta. Sina apahdate, minihuha lido-
lidoka,minihuha ska zimzipedan,wapaha, qa Sina qa nakun minihuha waSteSte ocaje ota, winyan qa wicaSta tawokoyake kagapi kte cin hena. He en
mazopiye ota woyuha oteliika ecee ojudan, qa onge iS timahen oyanke en teku hdepi kte ein heca ecee hnakapi.
WiSkate mazopiye kin hena woitonpe-
ke hokSidan qa wicinyana teku cinpi
kte cin ocowasin en un. WiSkate kin
hena banke cajeyatapi kta eSta nina
tehan kte, tuka tona waSteyadake bee
qa yacin kin henana awacani kin Paris
en mazopiye kin heua en iyeyaya oyakihi kte.
De en nakun owoju tankinkinyan
yukan qa hena en can wojupi qa wahca huopamna tontonya qa iny7an wokiksuye nina ota kaabebekiya hiyeya;
qa mini oihinape kin hena on oniya
kin sniya wanka. Oomani oiyokipi
qa canpahmihma ocanku otantankaya
can qa wahca kin hena ehna yeya; qa
oyanke waSteSte kin hena tukte en oiyokipi kin hena ecen ehdepi, hena en
wicaSta takodakupi om yankapi kta qa
wowanyake oiyokipi kin hena on iyokipi iciyapi okihipi. Wahca owoju kin
dena ohini wicaSta wiyuSkinpi ecee
ojupidan, Sungakan yankapi omanipi,
qaiS ozikiya yankapi qa tohan litayetu
qa petijanjan ideyapi eca hena oun
kin nina oiyokipi hca ecee.       J. S.
Elysian Wojupi kin qa Tuileries Maga kin en siceca wicota, hokSin awanyakapi koya ojupidan ecee. Heu canpahmihma cikcistinna waSteSte tatokadan qinwicakiyapi, qa Siceca cinpi eca
ohna yakonpi ecee; qa de heconpi kte
cin oiyokipi iyeyapi kecanni kta iyecece. Tipi en mahen wohnakapi den
yuhe cin hena en ite owapi teliike hca
owanyag waSteSte qa inyan wakagapi,
taku hecen owanyag toktokeca hena
maka owancaya mnayanpi kin den
ojugjudan hiyeye. Oyanke wan En
Ojupi Maga eya cajeyatapi. Taku
ni un wamanica hena nakun maka tehantanhan hen mnawicayapi.
Paris, Seine wakpa kin he itananokatanhan kagapi. London iyecen, iS
eya cankahonpapi ota, onge nina waSteSte lica. Otonwe kin ehna canhde-
ska se qa ipatanhe cin on ayucoya kagapi.     Hena  wicaStayatapi  qa itan
canpi ehanna France on awanyakapi hena kagapi. Tuwe waditaka,
wicaSte ksapa, qaiS okicize eu ohiye sa kin he na on wokiksuye yuhapi.
Nakun tipi wakan Tipi tankinkinyan
okitanin ota. Ohinni se Notre Dame
cajeyatapi nayahonpi; he tipi waSte
lica kin wanji ee. Qa Tuileries en
tohni ehanna itancan wanji hen ti
tka.
Nakun otonwe wanji France en
tehautu qa tankaya okitanin, Siua
apahdate woyuha ben kagapi kin
heon etanhan. He Lyon ee. WicaSta otonwe en unpi banke kinin
Siua apahdate kagapi en htanipi. Dena Sina apahdate kagapi wokage tipi
kin maza wikicanye ojudan katinyan
en Skanpi Sni. Manchester en mnihuha kagapi iyecece Sni. Maza wikicanye cikcistinna iye tipi kin en
yuhapi; qa wicasta nonpa qaiS yamni
opeton owieadotapi qa en owicakiyapi; tohan Sina apahdate wiyopeye
cin wahoyapi eca liehan Siua apahdate
qaiS Sina apahdate hinSma hena kagapi ecee.
Tuktekten tehanhan takudan econpi
Sni eca kakijapi ecee, heceii eceedan
on mazaska kamnapi nakaeS. Dena
owasin otonwe ohankeya en tipi, paha
wan akan, wakpa nom ocokaya, wakpa
matete kin akan Lyon kagapi kin.
Wakpa unma tanka lice kin he Rhine
ee. ToSta tokata heon sanpa onspe-
nicicayapi kte. J. E.
Wakpa kin etanhan paha kin ka-
wankantkiya yeye cin el tipi owanyag-
waSteSte na wankantuktuya na can waSteSte aiyohanziya he, na inyan wokiksuye okitanin ota ou ayucoya hiyeya.
Leon otonwe kin oiyokipi kaga; tka
egna omayani kin iyonicipi hee kte
Sni. Otonwe ocanku kin heua ociscis-
ciyela na wiciiy7okipi Sni.na tipi waSteSte kin isakim tipi tannini jujuwahan
na maka asapa wanlake kte, na watu-
SekSeca kiu lila akiSoka on egna omayani kte cin tawatelyaye kte Sni.
Otonwe ocanku kin paha hepiya
yeye cin bena lila SkoSkopa na tuktektel
maya heon tuktektel canalipi kagapi.
Tka iyohakam paha wankantuya hca-
kin akan yai kinhan tehiya mayani
qon nicicajujupi selececa kta. Paha
kiu letan otonwe kin ataya wanlake
kta, wakpa nonpa kin henaos mazaska
ipiyaka se tipi waSteSte kin egna hanhiya kalus yeya. Rhone wacoka kin
toya na oblaye wan tanka iwiyolipe
yatanhan wanka, na nakun isam wiyohiyanpata tohanl Alps he wankankan-
tuya kin mahpiya Sapa kiu Sastan se
taninyan wanke.
Marseille he nakun otonwe waSte
heca. Mediterranean mniwanca huta
kin el wanka; be Atlantic muiwanca
kin onSpa ee, na Europe ua Africa henaos kiyuSpa. Le oyanke kin Paris
na Lyon isanpa kitanla kata na lila
hca magaju Sni. France onSpa heciyatanhan wi kin tauin na wiyakpa na
he el canwiyapehe icaga kin waSteSte
na skuskuye lica. Otonwe kin mniwanca kahmin ciscila wan ohomni kagapi ; na oibunni waSte hca, ee el witawata makaowancaya tanhan hipi
wanlakin kta na iapi toktokeca ota
iapi nayalion kta. J. W.
Qa uma kin de Otonwe Teca eya cajeyatapi,he otonwe ocanku kin owotanna
qa otanktankaya wanke. Paris otonwe kin iyecen mazopiye qa tipi waSteSte ohna wanke. Otouwe canku kin
wanji ohna mini oahiuape owanyag-
waSteSte nina ota. Makaiyutapi ota
paha kin eciyateuhan miui canku kagapi ohna mini kin hena uyapi.
Marseille otonwe kin ihdukSan makoce kin, Lyon otonwe ihdukSan owan-
yag-waSte kin, be iyecece Sni. Oyanke kin onge maka kin nina puza, qa
hecen peji qaiS cauwapa kaeS toya
wandake kte Sni. Tipi kin hena taku
on oiyokipiy'a' kagapi kte wanica,tuka
miniwanca owanyake heceedan. Deon nina oiyokipi; mini amdagyena qa
toya iyeye, qa wita kin hena totoya
okadapi se. wanke, qa heua iwankam
witaninyan kasota wanke, heon makoce
kin en tokeu w7oiyokiSice kin akiktonS
wicaye kinica ecee. Tukaouge en mi-
niwauca owanyake on iyokipipi kta ee
Sni; kaksiza totoya qa hastanhanka
ojupi qa wihdican hu apamna, taspanzizi, qa Siua apahdate can, kiu owancaya ojuna wanke cin hena on etauhan
oiyokipi hinca.
France en otonwe waSteSte kin dena-
na Sni. Nakun wanjigji makoce ico-
kamtu kin en, Lyon en Sina apahdate
kazontapi ecee kin iyecen, minihuha
ojupi wokage,qa minihuha suta kagapi,
qa maza wokage kin iyecen okitanin;
qa miniwanca ohuta kin hena en wanjigji iS waskuyeca, qa waskuyeca on
miniwakan kagapi, qa miniSa wiyopeyapi kin on, qaiS makoce kin heen wokage waSteSte kin hena on okitanin.
Tuka hececa eSta France he Great
Britian en wicota kin he iyecen wicota Sni. France be nonpa akihde ecen
tanka eSta, Otonwe tankinkinyan hen
ota hee Sni, qa Paris bee eSta London
otonwe kin banke kin he kitanna isanpa hinskokeca. O. W. S.
Otonwe hankeya Otonwe wauakaja
eya cajeyatapi. De en otonwe canku
kin hena ocististiyena, qa tipi kin wan-
kankantuya qa wanakaja qa SapSapa.
WAKANKICIYUZAPI.
Mdetanka, Cannon Ball, N. D.,
March 22. 1896, Mr. Eli Karnir qa
Miss Isabella Hitonkasanwin okodakiciye wicitokam okiciyuze waSte ohna
kiciyuzapi. Rev. Elias Gilbert wicakiciyuStan.
Kangipaha, March 1, Charles W.
Shields qa Clara C. Smith kiciyuzapi.
Tohanyan nipi kinhau akiciyuStenpi
kte Sni, e Wakantanka itokam icicun-
zapi qa Kangipaha okodakiciye kin
caute waSteya napewicayuzapi. Rev.
Daniel  Renville   yuStan.
Peter Bear.
Poplar, Montana, March 22, Jacob
qa Anna Blaine kiciyuzapi, qa nakun
Abraham qa Sarah Ihanktonwan. Maka akan wicanagi wanji iyopeiciya eca,
mahpiya ekta wiyuSkinpi ecee.
M. Merow.
Canpawakpa, S. D. March 8, 1896,
lena Wakankiciyuzapi: TaSunkehinlio-
ta na TaSinaskawin; OaSica na Kelu-
win; Aglitiku na WanbliSunwin. Leua
Rev. Edwin Phelps wicakiciyuStan.
Clarence Ward.
Cannon Ball, N. D. February 2,
1896. Mr. Harry Kutepi qa Miss Barbara WaSipiwin, koSka waSte qa wikoSka waSte Wakantanka toope ohnayan
kiciyuzapi. Rev. E. Gilbert wicakiciyuStan.
Iapi Oaye Ahdiheyapi, Santee Normal
Training  School, Santee Agency, Neb.