Iapi Oaye (Santee, Nebraska), 1896-07 - 1896-08

              8ANTEE   AGENCY, NEBRASKA.
TAKO WA6TE  OKIYA, TAKO SICA  KIPAJIN.
A. L. RIGGS,   PUBLISHER.
VOLUME XXV.   NUMBEBS 7-8.
JULY-AUGUST,. i8q6.
WOKAJUJU KASPAPI ZAPTAN.
ANPETU OYAKAPI.
May 27. Victoria, British Columbia. Hen woSkate tanka kagapi qa
wicota en upi. Icunhan hemani canpahmihma cankahonpapi wankantu
bojuju qa wakpa tauka mahen hinhpaya. He en wicaSta wikcemna Sakpe
sanpa wanjidan tapi.
June 15. Japan makoce kin ohna
maka cancan qa Yesso wita kin en
otonwe mini kahda yanke cin owasin
ihangyapi. Miniwanca etanhan mini
makoce opaSbog hiyu kin he siha iyutapi wikcemna. Sahdogan wankantkiya hiyu. WicaSta kektopawinge wikcemna zaptan tapi.
Juue 18. St Louis en Republican
obe! mniciyapi qa tuwe tunkanSidanyanpi qa okihe cajeyatapi kte cin hena
cajewicayatapi. William McKinley,
Ohio etanhan qa Garrett A. Hobart,
New Jersey etanhan hena eepi.
June 23. Boston ekta tona Sunday
School en waonspekiya itancanpi mniciyapi qa tokatakiya omaka topa
woonspe tona ee kta he iwanyakapi.
—Oberlin, Ohio, hen tipi wanji kagapi qa hen tona wotanin waSte ayapi
y7ewicaSipi cincapi kin heciya wayawa
unpi icunhan en tipi kte. Anpetu kin
de en wocekiye on yuhdokapi.
June 25. Chicago ekta Lyman Trumbull te. He Abraham Lincoln taku-
daku wanji ee. Omaka wikcemna
Sahdogan sanpa yamni iyohi.
July 2. Chicago ekta, Chicago University eu tipi wanji woonspe tokeca
wan yuhdokapi. Oyate wanakaja
wakagapi qa wowapi qa woonspe tawapi en wapazopi; Egypt, Babylon, Assyria, qa Makoce Wakan kin hena etanhanhan. Winohinca wanji Mrs. Haskell eciyapi he on mazaska kektopawinge opawinge wicaqu hecen tipi kin
Haskell Museum hecen cajeyatapi.
July 8. Washiugton ekta Jesus fltakiniwacinSkanpi Okodakiciye, Christian Endeavor, omniciye tanka yuhapi.
Kektopawinge wikcemna topa en ipi.
Omniciye oiyokipi hinca.
July 10. Chicago ekta Democrat obe
mniciyapi qa William J. Bryan, Nebraska etauhan tunkanSidanyanpi kta
qa Arthur J. Sewall; Maine etanhan,
tunkanSidan okihi un kta hena cajewicayatapi. Nakun mazaska ska kin he
mazaska itancan kte iyececa eyapi.
July 24. St. Louis en Populist obe
mniciyapi qa William J. Bryan he
tunkanSidanyanpi kta e cajeyatapi.
Tuka Mr. Sewall he cinpi Sni qa
Thomas Watson, Georgia etanhan, he
kapi. He nakun mazaska ska kin he
itancan kta cinpi.
July 30. Atlantic City, New Jersey,
hen maza canku nonpa icipawegapi qa
iyehantudanh napin ohna hemani upi-
Hecen unma kin he cokaya kicaksapi
qa wikcemna topa sanpa yamni kiunniwicayapi qa wikcemna topa sanpa
Sakowin tapi.
August 8. Sioux Falls S. D. en
Wayaco Wankantu kin, Judge A. J.
Edgerton, he te. Minnesota makoce
etanhan hecen heciya tancan hnakapi
kta ayapi. 1881 hetanhan Dakota makoce ohna yanka.
August 11. New York otonwe hen
- odidita on wicaSta qa Sunkawakan ota
tapi. Otonwe tankinkinyan owasin
ekta nakun hececa. New York otonwe en^ anpetu wanjidan eca, wiGaSta
opawinge tapi.    Chicago ekta wicaSta
wikcemna topa. tapi. Qa Chicago
ekta Sunktanka opawinge Sahdogan
tapi qa canku oh'nahna wanka hiyeya,
kohanna tokan aya okihipi Sni nakaeS.
REPUBLICAN. TAWOWICADA
' PAZOPI KIN.
Republican United- States en yakonpi kin kahniliyewicaSipi kin hena
witaya mniciyapi, qa Democrat waniyetu tonatohanpi on oyate wicokakije
kin hena oyate en wicakiyutaninpi, qa
Republican waniyetu wikcemna yamni
kapepica oyate en wayu waStepi qon he
ake ohna iwanke kte e wicaSta tawacin
en iyaye wicayapi kta heon huteoahde
dena unyaotaninpi qa unpazopi.
Tukte tanhan okicize kin hetanhan
anpetu dehanyan decen sdonunyanpi
Sni iyecen, Democrat oSpaye kin tukte tanhan tunkanSidan owicohan icupi
kin etanhan wotehi sdonunyanpi.
Takudan iyacin pica Sni wokakije,
wowiStenya qa wawokihi Sni; wicohan
ohna tolianpi ihdutaninpi. Taku
makoce tokan tanhan u on wokajuju
hena ehpeyapi kin he on oicazo tanka
kagapi, qa toka kajujupi Sni, heon
mazaska odotapi. Wookiye : wanka
icuuhan . taku on Sni mazaska $262,-
000,000. odotapi. Republican tawicohan tona on oyate tanyan wanka
ecee qon hena ayutokeca aupi kin eciyatanhan wicotoketu tanin Sni kagapi.
Dena on America en teku owiyopeye
owasin kun iyaye, qa wokage tipi ota
natakapi, wicaSta ota wicohan nicapi,
mahtipi kin taku wiyopeyapi kta owasin okihipi Sni, tka ee makoce tokantanhan taku kagapi qa icahyapi ecee
America icokam mazopiye owasin oju-
ya ayapi. Heon etanhan wicaSta tona
napepi en wicohan dena ohna yanke
qa tanyan aya okihi Sui ihdutaninpi
kin hena wanna etanhan eihdakupi qa
oSpaye wau waniyetu wikcemna yamui
tanyan aniupi- ake en iyohpeniciyapi
kta iyecetu.
Oyate kin de iye ihdoyapi qa tawaiciyapi kta heon wokage tawapi hena
nawicaunkicikjinpi ecee qon he ake
hecehnana naunjinpi kta piya.unhdaotaninpi (Protection eyapi kin he kapi). Miniwanca akasanpatanhan taku
den uyapi bena on tax wokajuju econ
wiconkiyapi kin eciyatanhan makoce
den wokage qa owicohan owasin tawaiciya ihdoya okihipi kte wicuukicica-
gapi ecee qa hena hecen wanke kta
uncinpi, qa makoce tokan tanhan den
owicohan hena yuhe wacinpi qaiS -makoce den icokam owicohan hena okodakiciye kahya wicohan qaiS taku owiyopeye owasin akSijapi kta wicohan
owasin hecetu Sni undapi.
. America en wokage kin hena taku
kagapi kin, miniwanca akasanpatanhan kagapi kin, kici icinawiziya den
wiyopeyapi kta hecetu Sni undapi qa
America naunkicikjinpi j kta e unkicieonzapi. Qa taku makoce tokantanhan den icitokiyopeyapi owasin iyaki-
yehan oiyawa kin wanke kta iyecetu
undapi.
Oyate tokan om teku icitokiyopeyaT
pi Republican kagapi:unkan yujujupi
qa eciyatanhan wotehi icage kin he
ake piya oyate unhduecetupi, qa ake
piya oyate hena om woope unkicicaga-
pi kinhan America taku kagapi qa icahyapi owasin owiyapeye yuke kta wicaundapi.
Republican oSpaye kin mazaska zani
yuke kta wowicada yuhe. Woope wan
1879 en maza mazaska on wokajuju e-
cop kta kagapi hetanhan mazaska otoiyohi mazaskazi iyecen waSte. Heon
etanhan wowicada tona on oyate mazaska oiyawa tawa kin yuhukutu kte
cin hena hecetu Sni undakapi; qa heon
mazaska ska kip he, tohanyan okihipi
okaStanpi kta eyapi kin hecetu Sni undakapi, tohanyan oyate akam wanke cin
om iwohdag unhduStanpi Sni kin hehanyan. Qa dehan mazaska ska kin
heca qaiS wowapi mazaSka kin heca
tona oyate en ounye cin hena mazaska
zi oiyawa kin tonakeca hecinhan he
iake decece kte he hecetu undapi.
TunkanSidanyanpi tawicohan tona
eu unpi owasin tawicohanpi kin hena
tanyan okihipi on woiwange kta woope
kin hecetu undapi, qa tukte eu hena
ohna econpi kta hecetu undapi. TunkanSidanyanpi tamazaska wocekiye
obe eh wowidagyapi kta he hecetu
Sni undapi qa makoce obaSpe qa wocekiye wicohan kici owanjidan kte Sni
kin nakun hecetu undakapi.
Akicita tona wokajuju tohanyan nipi
wicaqupi kta woyuStan; tka ota nakaha tunkanSidanyanpi apewicayapi kin
hena katinyan owicakiyapi kta iyececa unkihdaotaninpi.
DEMOCRAT TAWOWICADA
PAZOPI KIN.
Chicago en July 8 he ehan Democrat
omniciye yuhapi, qa decen hute oahde
ihduStanpi. Tka wicoie otoiyohi en ieska owawa kte Sni; ee teku tona iyotanh
kiyapi kin henana eu ewahnake kta.
Democrat, United States en unyakonpi kin mniunkiciyapi, qa taku
tona wowicadaunyanpi kin hena ekta
cajeunhdatapi qa ohna naunjinpi kte.
WicaSta otoiyohi eu woowotanna qa tawaiciya unpi kta, Jefferson towicada
kin, he ohna naunjinpi, WicaSta owasin qa otoiyohi ho yukan okihi kte, wotanin wowapi kaga okihi, tawacin
ihduhe, taku wicitawa otoiyohi tanyan
en ewicakicitonwanpi, citizen en otoiyohi woope en owasin iyakiyehan wicayawapi, qawocicage woope hena tauyan awanunyankapi kte.
Deban mazaSka cajeyatapi kin he
woawacin tanka unyawapi, qa United
States tawoicicage en mazaska ska qa
zi henaos mazaska unyawapi kta woope keye, qa mazaska okaStanpi kte
on woope tokaheya kagapi kin he,mazaska ska wanji yawapi kin he mazaSka oyawa tokahe kte, he etanhan oi-
wanyag mazaska owasin okaStanpi qa
mazaska-zi kin he oiyacinyan tohanyan  okihi   okaStanpi  kta  woyuStan.
Oyate sdonyapi Sni 1873 en mazaska ska kin heou mazaska kte sni, woope wan kagapi kin heon mazaska-zi
ecedan iyotan yawapi hiyu qa heon
taku oiyawa owasin kun iyaye, qa tax
wokajuju owasin tehika icage cin, hena
on wicaSta tonana ibduwijjcapi qa tiyata qa akam koya owicohan owasin
kiuniyanpi, qa oyate wicayqwahpani-
capi he wicaundapi.
Mazaska-zi eceedan mazaska yawapi kte cin ecaca hecetu Sui undapi.
SagdaSin oyate kin he heconunkiye
wacinpi, qa eciyatanhan tiyata wokage
unkitawapi hena natakapi kte, qa heon SagdaSin kin wicihukun unkiyayapi
qa wowidag. unyanpi kte heon heconpi.
Mazaska-zi qa ska kin napin tohanyan okihi okaStan kagapi kta, he oyate
tokeca om iwanyake Sni keS econqonpi
kte cin katinyan kohanna hecon-un-
qpnpi kta undapi, qa oiyawa kin 1 qa
16 kici idwanyag kagapi kte he hecetu
undapi. . (Wanjidan. hetanhan akeSakpe hehanyan, eyapi kin he mazaska Ska kin oiyute akeSakpe yawapi
eca iS icunhan mazaska-zi kin he wanjidan yawapi kta kapi.) Mazaska ska
wanji yawapi kin he mazaskazi kin
iyecen mazaska yawapi kta, qa oicazo
taku keceyaS on kajuju okihipi kte,
qa detanhan tokata mazaska unyawapi
wanjidan mazaska kte Sni woope kagapi kta owas anaunptapi kta woope
heca wanji uncinpi kte.
Wookiye wanke cin icunhan United
States mazaska ododkiyapi qa mazaSa
aicahya kagapi, qa mazaSka tipi. ecekeen bonds on mazaska itokiyopeyapi
on tunkanSidanyanpi tawomnaye mazaskazi ee okapta ayapi,qa eciyatauhan
mazaskazi eceedan mazaska yawapi
kte hee cin hena hecetu Sni undapi.
TunkanSidanyanpi en woaie wankantu hecedan. mazaska qa mazaska-wowapi pamni kte wowaSake yuhe. Jaek-
son he wicaSta wanjidan qaiS odakod-
kiciyapi. unmana wowaSake he yuhekiyapi okihipica Sni keye. Heon etanhan pamnipi ecee kin bena tunkanSidan yanpi tamazaska opiye etanhan
ecedan pamni okihipi kte.
Tax wokajuju kin he token tunkanSidanyanpi wowidagya okihi kte cin hehanyedan on tax wokajuju kagapi kte,
qa he owotanna patanyanhan wowidagyapi kte. McKinley tawoope wan
on oyate tawicohan woSkiSke kin, qa
on wicaSta ota wokaj uj u wicakicagapi,
eciyatanhan wicaSta tonana wijinwica-
yapi kin he uncinpi Sni.
Tohanyan mazaska woakinica kin
de yueceetupi Sni kin hehanyan tax
wokajuju kin yutokecapi kta wicaundapi kte Sni; etanhanS woakiie wankantu en taku tona yuStanpi on wokajuju kun iy7aye cin hena yuowotanpi
kta on woope kte cin henana on woope kagapi ktaiyowinukyanpi kte.
America en owicohan hena nawica-
kicijinpi kte cinhan, miniwanca akasanpatanhan wicaSta wahpanica deci
ahilitaniwicakiyapi anawicaptapi kta;
tona mazaska tonpi hena ohankoya
ihdu wijice wacinpi heon America en
waicahyapi oiyawa owahukun iyayeyapi, qa heon oyate wicotoketu tanin
Sni kagapi.
Oyate tax wokajuju econwicakiyapi
kin itonpe Sni, Republican tunkaaSi-
dau woakiie en yusotapi qa on tax wokajuju wankantuya kah ayapi kin he
hecetu Sni undakapi; heon etanhan
Democrat tawowicada wan wapatanpi
on oyate nawicakicijinpi kta he ohna
econqonpi kte qa owicohan ota takuye
pica tunkanSidanyanpi on wokajuju
econ- hena ota ehpeunyanpi kta uncinpi kte.
Dena woiciconze kin oyate kin wicitokam eunhnakapi, qa hena hecen woyuStan kinban oyate on wiwaSte kta
wicaundapi, qa tona hecetu yadapi
kinhan, hena ptanyetu on wowapi oi-
yohpeyayapi kta unicidapi.
STAK1NIWACIN&KANPI
OKODAKICIYE.
Jesus  fltakiniwacinSkanpi   Okodakiciye kin Pahata en Ptaya Owohdake
he iyehan iS eya omniciye wanji yuhapi
kte.    Hecen Dakota ehna tona heca
yuhapi hena otoiyohi yewicaSipi wanji
en yeyaSipi' kte awicakehan unicapi.
Hecen omniciye de wocekiye en yeksuyapi kte kinhan wiyokihi qa wayuwaSte kte.
Ella Wobden,Wowapi kaga.