Iapi Oaye (Santee, Nebraska), 1904-10

              SANTEE,   NEBRASKA.
TAKU WASTE   OKIYA. TAKU SlCA   KIPAJIN.
A. L. RIGGS, PUBLISHER.
VOLUME XXXIII.    NUMBER 8.
AUPETU  OYAKAPI.
September 4, Liao Yang, China.  Anpetu Sakpe ihunniyan Russia qa Japan taakicita den kicizapi qa wanna Russia akicita wicobe napapi.
Makoce owancaya wicate  on ojudan
September 8, Chicago. Wi nonpa icunhan pte-
kte wicaSta kin wicohan kin he ataye anaptapi
qon wanna enakiyapi. Anokatanhan taku ota
yusotapi qa wokajuju atakuni Sni. '   <
September 24, Knoxville, Tenn. Hemani
wicasta tokSu kin nonpa ihangkiciyapi. Wikcemna zaptan sanpa zaptan tapi qa opawinge
akton kiunniwicaye. WicaSta otokSu kin ataye
ihangyapi. Hemani pa awanyake cin umna hba
iyaye seececa, qa heon hemani  itkokicipapi.
September 30, Worcester, Mass. Senator
Geoige F. Hoar wauna anpetu wakan Sakpe nina
wayazanke wanke cin wiconi de ayuStan. Wanna
wicahinca tuka koSka kin ehantanhan oyate
ohinni wowidagyapi ece. Omaka ota Congress
en opekiyapi. Tohinni mazaska ota kamna Sni.
Woi ajuju heon htani Sni ece. Woowotanna he
iyotuidaka qa tuwedan Senator Hoar opeton
okihi Sni.
October 4, Washington,D.C. Henry C.Payne
Tnnkansidanyanpi okihe wowapi toksu awanyake ■! in, Postmaster General, he dehan te. Wani-
yetu wikcemna sakpe ehan i. Omaka nonpa
tancan tanyan un Sni tuka wicohtani ayuStan kta
tawatenye Sni
October 5, Boston, Mass. Episcopal Omniciye Wankantu kin omaka iyamni ece mniciyapi
kin he dehan Boston en iyotankapi. Anpetu
wik-cmna nonpa en skanpi kte. Miniwanca
akasanpatanhan Archbishop of Canterbury,
Sag'iaSin Episcopal itancan kin, hi qa en
woh.laka.
October 7, Boston, Mass. Maka owancaya
eciyittanhan Wookiye Omniciye tanka wan den
mni, iyapi. He icunhan wotapi tanka wan kagapi qa he en Booker T. Washington yuoni-
hanjii. qa hasapa wicasta eSta, itancan yankapi
kin oiyotanke wan qupi.
October 8, Boston, Mass. Wookiye Omniciye kin, Peace Congress, he anpetu kin de enakiyapi. Omaka 1905 hehan Lucerne, Switzerland hen mniciyapi kte. Ehake mniciyapi en
Russia qa Japan etanhanhan yewicaSipi kin,
Dr. John Chirug qa Jiro Abratani nape kiciyuzapi.
October 9, Tokio, Japan. Russia qa Japan
taakicita Mukden qa Liao Yang otonwe okitahedan anpetu wikcemna kieizapi kin wanna ayustanpi. Unmanna ohiye Sni, tuka Russia akicita iyotan ota wicaktepi.
October 13, Des Moines Iowa. Congregation-
Ptaya Omniciye Wankantu kin den yuhdokapi.
Washington Gladden, Ohio etanhan, he mdeta-
hunka kagapi, qa okihe kin Judge Perry, Connecticut etanhan, qa Rev. H. H. Proctor, Alabama etanhan, hena eepi. Mr. Proctor he hasapa
wicasta heca. Congregational Home Missionary
Society, American Missionary Association qa
Congregational womnaye okodakieiye unmapi
tin hen witaya mniciyapi. Tuka American
Board he itokam Grinnell, Ia. en mniciyapi.
Wicota kin on nina oiyokipi. Anpetu Sahdogan en mniciyapi.
Commander Peary akicita itancan kin de tokata mdoketu kin en maka mibe kin waziyata
ihanke (North pole) ekta ye kta. Wanna
ehantanhan waziyata ihanke ekta iwacinpi eSta
okihipi Sni ece.
Italy makoce kin en He wan Vesuvius eciyapi e oinkpa etanhan napom iyaya ece. Unkan
ake nakaha napopa qa oinkpa etanhan cahota
qa inyan Sdo ko mahpiya ektakiya bomduya
^aya.
OCTOBER, ioo4.
WOKAJUJU KASPAPI ZAPTAN.
North Dakota makaobaspe kin en wicaSta nom
mahtipi, unkan uman cinca wica ece akeSa-
kowin qa uman iS cinca wica ece wikcemna nonpapi,. qa winyan yamnipi. Hena hinhnakupi
koya wicacaje wikcemna torn. Tiyohnaka nom
etanhan ptanyetu kin de Republican wowapi
iyohpeyapi kta.
New York otonwe tanka ekta ake nakaha
canku teca: wanjigji hemani canku kagapi. Eya
canku kin ocikan Sni on canku wanjigji wankan tihepiya wanke. Unkan dehan ake otonwe
ihukuya maka mahen hemani canku kagapi, qa
maka iyutapi wikcemna nom sanpa zaptan eSta
inajin Sni maka mahen hemani kin iyanka ece.
Qa oinajin kin maka mahen oinajin kagapi, qa
tukteten otonwe canku(street) isakim tipi cistina
wan he kinhan he maka mahen hemani oinajin
(depot) kin heciyatan yanke, qa he tiyopa ee.
Maka mahentu ekta ohinniyan, wakanhdi petijanjan on iyoyamyapi. Qa dena canku kagapi kin wicohan iyotan tehika, New York otonwe ohdateya kin. Maka ikceka heca Sni tuka
ataya imnija suta heea. Qa tona canku hena
kagapi awicakehan wicohtani tehika yuhapi.
Hececa nakaeS maka iyutapi wikcemna nom
sam hanke unkan mazaska woyawa tanka wikcemna torn sam Sakowin, $47,000,000, on
kagapi.
Indiana makobaSpe etanhan wicaSta wan peta
iyo kate kin he sanpa kata iyeya, can qa makacahdi on iyokadyapi kin isanpa. Canyukpanpi
on koka kagapi eee qon heca, Sica tona ehpeyapi hena pahi, qa hehan aguyapi inapoye (soda)
qa tiisanye (lime) hena witaya yukpanpi.
Hehan wihdi Sica maka etanhan icupi cia nahanh waSte Sni kin heea icahiya kacocopi. Qa
wanna upsija dapi iyececa hehan mazamdaska
makinaSpe ohna naSpapi qa mazaoceti en ohna-
kapi. Cankaidepi yuidepi qa upSija seca kin en
ipustanpi kinhan peji iyecen ide hinhde kta qa
nina kate kta. De taku kin koka iyutapi
(bushel) wanjidan on iyokadyapi kinhan po
kin towaSake kin Sunkawakan 16 yutitanpi iyecen wowaSake icage kta, oape 8 hehanyan.
Ake dehan otonwe tankinkinyan ekta wowapi tokSupi togye econpi. Tate (air) on wowapi opahte kin yeyapi, qa tukten wowapi ojuju
tanka kin ekta ohankoya ihpaya ece. '
Decen kagapi: mazazi on mazaoceti Sota
ohna iyaye kin iyecen hanskaska kagapi qa
wowapi ojuju tipi hena iyahdeya eonpapi. Qa
ohdoka i kin yuhdog icupi qa wowapi opahte kin pamahen iyeyapi, eca tate kin wasagya
pahaiyeye qa oinajin tokeca ekta ehpeya ece.
He ohdateya canku kagapi wan ake yustanpi.
Mniwanca akasanpa he wan oeajeyateka, Alps
eciyapi Switzerland qa Italy otahedan wanka.
He kin de opta maka akapatanhan hemani canku
kahf ica Sni. Anokatanhan imnija maya conkaSke se wanke, heon he kin ohdateya yuhdokapi qa ohna mazacanku kagapi. Canku kin
de Simplon eciyapi qa de wanna itom Alps he
kin ohdateya canku kagapi. Omaka wikcemna
hehanyan kahaupi. Mount Cenis canku kin maka iyutapi yamni sam iyeya maka mahen canku,
qa Arlberg canku kin iyutapi sakpe sanpa, qa
St. Gothard canku he iyutapi napcinwanka.
Tuka nakaha canku Simplon eciyapi kin iyutapi akenonpa. Hecen wicohtani dececa kin hena iyotan maka akan wicohan tanka qa tehika.
Makotanka akan unkanpi kin North America,
inskokeca wan itokagatanhan wanke he South
America eciyapi. " Qa otakahedan skiskita' cistina wanke. Unkafi he opta mini ocanku
(canal) kagapi kta omaka ota kuwapi tuka
okihipi sni. Iyotan waSicun ikceka (French)
oyate kin omaka ota Skanpi, esta okihipi Sni.
Unkaii taku on he okihipi Sni kin dena ee:
Makoce kin hen wiwi ota qa ohinni spayeya
wanke cin on woyazan ota icaga ece. Qa oyate hen icagapi Sni kin hena nina tapi. Nakun
caponka qa watutka Sica ota  qa heon  tehika.
Tuka dehan United States (Isantanka) oyate
iSto kuwapi kta, qa wanna taku tona tehike
cin owasin yuwiyayapi. Wiwi makoce kin
owasin yuoyahepi, qa makoce puza kagapi, qa
en tipi waSteSte kagapi, hena htanipi kte cin
otipi qa zaniyan htanipi kte. Skiskita opta
maka iyutapi opawinge ecetu, qa he kin wankantuya wanke cin hena opta qapi kte. He
ohna witawata cankuyapi kte. Yustanpi kinhan mniwanca tanka nonpa iciyahdeya canku
kte, nakaeS oyate owasin he awacinpi.
-Itokah mazacanku wanke cin wanji Southern
Pacific Railroad eciyapi, he dehan canku tawapi wanji sdayapi. Qa token on heconpi kin tohan hemani dus ya eca nina maka bomdu ece.
Hehan canku maka pahaya wanke cin hena magaju on boSica ece. Hena he yuasnipi kta on
heconpi. Maka iyutapi wauji eca gallon 4,000
yusotapi.
Dehan makoce owanca aguyapi kin tehika
aye. He tokeca on hececa wicaSta ota he amdezapi Sni. Mazopiye wicaSta qaiS wokpan tipi hena he kagapi kecinpi. Tuka maka akan
oyate unpi kin makoce wanji waicage sni qa
oyate tehiya unpi eca, maka owanca taku owasin tehika iyaya ece. Dehan Europe ekta waicage Sni, qa nakun oyate tanka nonpa, Russia
qa Japan, kici kicize kin on dehan maka owanca taku owasin tehika. Hecen maka ihanke
ekta wicohan wanke kin hena iyounwajapi.
Heciya woyute wanice kinhan deciyatanhan
opetonpi, nakaeS wankan iyawapi. Nakun heciya wanunyanpi yuhapi kin peji qa wayahota
takudan yun wicakiyapi kta nicapi kin, deciyatanhan opetonpi, qa witawata ojugjudan yeyapi.
ONAJICETA ICIMANI WAI.
Prince Albert otonwe, Saskatchewan, Canada,
heciya onajice ihankeya unpi ekta wai. November 1900 heehan ekta wai. Deceedan tehan wotanin waSte awai do. Makaiyutapi 1600
(miles)henakeca cetu do. Hanyetu yamni qa
anpetu nonpa sanpa wiyotanhan denakeca hemani ohna mde qa wai do. Dakota ehanna token ihduzapi qa winohca token ihduzapi hecehnana unpi iyewaye do. Tiwehna inawajin qa
wotanin waSte cicahipi do, epe, qa napewica-
mduze kta unkan nape nahmanpi qa napewica-
mduze kta cinpi Sni. AkeS tipi wanji omaqupi
qa Wakantanka ceunkiyapi kta en u po, epa.
Unkan owasin tehindapi, qa nakitakapi ye do.
Qa hehan iyaza mda unkan tipi cistina wan.
ohna wicaSta sahdogan om cewakiye do.
Ho, hecehnana omdakekte do. Wakpamini-
sota ekta Psinhuwakpadan Dakota waSicun
kizapi qon hena eepi do. Wanji tanyan iyewa-
kiya, Tawasuota, he nahanhin ni un do. Nina
watohdapi, qa nina komakipapi do. Tuka miS
Wakantanka oie waSte kin cicahipi do epe do.
Tuka wicadapi Sni do. Hececa Sta tokeSta Wakantanka waSaka. TokeSta hena wicadapi kte
do. Ohanpi ota tuka ito henana epe kte do.
Dakota hemaca tuka wicohan dewaSte wadake
do. Louis Mazawakinyanna,
v PTAYA OWOHDAKE OPAPI QON.
,(Dena nakun opapi tuka cajepi kin yuSnapi.
".,., %v. Thos. L. Riggs.
Rev. Louis De Coteau.
Edward Gould.
Edward Garfield..
Mary Goodboy.