Iapi Oaye (Santee, Nebraska), 1905-02

              SANTEE,  NEBRASKA.
TAKU WA6TE  OKIYA, TAKU &ICA  KIPAJIN.
A. L. RIGGS, PUBLISHER.
VOLUME XXXIV.    NUMBER 2.
ANPETU OYAKAPI.
January 20, Denver, Col. Otonwe ataya wocekiye tokapa yawapi. Mazopiye qa tipi owasin, miniwakan tipi koya, yuhdokapi Sni qa
kektopawinge yamni sanpa opawinge zaptan
wacekiya ipi.
January 21, Wales England. Makoce oSpe
kin de en oyate ataye wicayuhomnipi. Tukten
wicaSta witaya UDpi kin, canku ohna, magata,
qais maka oqapi mahentu, ihnuhanna dowanpi
qa cekiyapi. Deon tokakiciya unpi qon owasin
kodakiciyapi, oicazo hdajujupi, miniwakan tipi
wahpaniyanpi, qa wicaSta qa winyan Sicapi qou
owasin wicayutecapi.
February 5, London England. Dehan wicaSta
nom United States etanhan wawahokonkiye
oniauiyan unpi, Rev. R. A. Torrey qa C. Alexander hena eepi. Hekta Wales makoce en Skanpi qa dehau London otonwe tanka kin en Sagdasin totonwepi he en wahokonwicakiya Skanpi,
unkau dehan heon wicanagi kektopawinge Jesus
Messiya en ihduhomnipi.
February 6. Helsingfors, Finland. Finn oyate
Russia wayaka wicayuha. Heon Finn wicasta
awieakehan Russia itancanpi kin wahtewicada-
pi sni, qa tohan wanji awanyagkiyapi ktepi ece.
Ake heconpi. Russia etanhan en itancankiya-
pi lie Soisalon Soinien eciyapi. KoSka wan tukten ti qon anposkantu en i qa kte. Hehan
koska kin he yuzapi qa kaSkapi.
February 8, Calumet Mich. Taku qapi wan en
maka mahen cahdi ocaje wan dynamite eciyapi, he on inyan qaiS taku suta namdenyapi ece,
heca tkeutapi kektopawinge wikcema napopapi,
qa uina wokokipe. Makacancan seca (earthquake) heca seca, qa wicasta yamni tancan kin
naspuSpu iyewicaya, hehan wicota kiunniwi-
caya.
February 9, Atlanta, Ga. Magaju, tate, qa
osnike hca, hecen taku ahinhe kin kohan ata-
sag aye, qa maza wakanhdi maza owasin acaga
on kawanka, canpahdipi kin maza koya 3,000
henakeca makata wanke, hecen otonwe kin de
etanhan wotanin wanica qaiS wotanin nahon Sni
yukanpi, qa can adetka owasin se kaksa hinlipaya, qa makoce qa taku Sdayehna wanke cin
owasin Sogya acaga. Tohinni de iyecen osni
sdonyapi Sni, Georgia makoce kin en.
February 10, Washington, D. C. Captain
Bullock wowapi wan Congressman Martin kicage. Qa Pahasapa etanhan pteawanyaka,
cowboy, oSpaye wanji, wayupika heca wan,
tohan March 4 kinhan TunkanSidan toyanke
en Roosevelt ake piyahin iyotanke kte cin icunhan cowboy kin dena iS President Roosevelt
iyokipiyapi cinpi on ekta yapi kte. Ehanna
TunkanSidanyanpi Mr. Roosevelt pteyuha wicasta, cowboy, heca itancan. Heon dehanyan
cowboy owasin iye iyotan Tunkansidan tawapi
hca kecinpi.
GENERAL NOGI QA GENERAL
STOESSEL.
Tohan wanna akicita itancan nonpapi kin de
kicis ayuStanpi qa wankiciyakapi qehan tokaki-
ciyapi qa anokatanhan ihangkiciyapi hee qon
akiktonje se iyuskinyan oitancan owasin witaya
yukanpi qa wohdakapi. Iyotan General Nogi
cante ptanye kta iyececa tka, ecen okicize kin
de en cinca nom wicaktepi, eSta General Stoessel iyuSkinyan nape yuze, he Russia akicita
„ itancan tokapa ee. Unkan General Stoessel Arabian Sunkawakan wan waste yuhe cin he General Nogi qn. General Nogi he Japan akicita
itancan tokapa ee. Dena decen witaya nape kiciyuzapi, qa dehan witaya wotapi, qa tokakici-
yapi Sni se unpi.
FEBRUAET,   1905.
WOKAJUJU KASPAPI ZAPTAN.
SANTEE FORMER PUPILS ASSOCIATION.
Santee Normal Training School en ehanna
tona wayawa unpi heca ecee omniciye wan econpi. Mrs. Susan Bahr omniciye de kaga. Tokaheya dowanpi qa wocekiye. eyapi hehan taku
on omniciye de econpi kin Mrs. Susan Bahr
oyake qa Francis Frazier nakun oyake. Woonspe Wankantu Dakota unkitawapi kin he aoki-
yapi kta. Heeen owasin tanyan okahnigapi qa
owasin nina iyokipipi, hecen tokatakiya ohni
aokiyapi kta iyececa on okodakiciye icicagapi
kta iyececa dapi. Heon oitancan wicakahnigapi: Guy Jones itancan, Jean Frazier wowapi
kaga, Francis Frazier mazaska awanyaka. Hehan detanhan wi yamni eca ake omniciye ecee
kta qa hena iyohi en womnaye econpi ecee kta
hecen hduStanpi. Hehan womnaye econqonpi
qa ehake dowanpi qa wocekiye eyapi qa enakiyapi.    Omniciye nina waSte unhapi.
Jean Frazier, Wowapi kaga.
Santee. Neb..  February 3, 1905.
Dakota MakobaSpe owasin en iyecen ecanonpi kinhan waSte. Eya winieotapi Sni eSta tukten witaya mniniciyapi qa Santee woonspe on
wokiksuye duhapi kte. Itokam onahonmayaye
kinhan wowapi wanji cicupi qa hecen omniciye
nitawa en owape kta; qa token dehan iyounptapi qa econunwacinpi kin  onahon ciyapi  kta.
QaiS omniciye kagapica Sni seca tuka tuwe
Santee Normal Training School kiksuye kte
awacin kinhan he nakun okihi. Nakaha Mrs.
Ellen Phelps, Lindsey, S. D. etanhan, mazaska
akenonpa maqu qa heon iye cinca Gideon M.
Phelps wokiksuye wan kicaga. Gideon he omaka zaptan Santee en onspeiciciya, omaka 1892-
qa 1897 okitahedan. Seventh grade ihunni qa
eighth grade ehani. Hecen ota Gideon sdonyapi qa kiksuyapi.
Ito dehan makobaSpe en Santee Normal
Training School Association on itancan nicaga-
pi kin de iwandakapi qa token okihipica kin
ecen ecanonpi kte. A. L. Riggs.
Iapi   Oar/a   AlidIbor»j*,
Saataa   Normal   Train lag;  Bekaat.
Saataa.   Naferaaka.
WOWAPI OTOKSU.
Otonwe tankinkinyan kin hena en wowapi
otokSu wan decen econpi: tuwe taku wanji on
inahni, qa otonwe ahankeya eSta kohanna nahonpi cin eca wicite askape wan obe tokeca en
askamya qa wowapi ojuju tipi en ehpeya, eca
he kohanna tuwe ayekiyapi qa kieicaipi ece.
Unkan de wowapi ojuju itancan Mr. Wynne
wicohan kin de sanpa yutankapi kta iyececa
iyukcan keya.
WAPAZO WITAWATA.
United States makoce kin de en wanna Isantanka oyate kin takuku tankinkinyan qa waSteSte kagapi, qa hena oyate tokeca ektakta pazo
omanipi kta on witawata tankahca wan hena en
ohnakapi qa iyaza pazo omanipi kte. Eya taku
kagapi ocaje owasin kte, hecen hena tokatakiya
tanyan wiyopeyapi kte on heconpi. Qa makoce
dena en ye kta. Russia, Japan, China, qa
Australia. Hecen wi Sakpe hehanyan mniwanca
optapta omani kta^	
MAHIYUMDU WAN.
Ake dehan mahiyumdu tokeca wan kagapi.
Sunkawakan yutitanpi sni; tuka wihdi wan gasoline eciyapi he ideyapi eca etanhan taniya kin
on wowaSake icaga ece, qa on wakpa tanka qa
mde tankinyanyan kin hena optapta wata ayapi
ece. Unkan heca e womdukiyapi. Eya he wanna mahtipi ektakta unpi, wiyohiyanpata makoce ekta.
Wancadan yumdu eyaye kinhan tuktekten
mahiyumdu wikcemna qais akenom yumdu eya.
yapi qon he iyenakeca iyecen iyaya ece. Hecen
ake de taku kin wan unyanpi codan wapetokeca
se on wowidake waSte wan kadapi, qa mahti wicaSta tokata on wopida yuhapi kte.       E. A.
WAMDEZA KAHNIH YE&IPI.
Maka owancaya oyate tankinyanyan qa wokiconze tona maka akan hiyeye cin owasin etanhanhan wicasta ksape qa waditaka heca wicakahnigapi qa wokiconze tonakiya maka akan wanke ein ektakta wamdes yewicasipi ece. Qa hena
kahnih yewicaSipi Ambassador ewicakiyapi.
Hecen anpetu kin de ake TunkanSidan tawoohda-
ke en heca kin wikcemna ota wanahonpi qa
wamdes yankapi, hena oyate tokecapi etanhan.
Nakun unkiS makoce kin de United States
etanhan wicaSta ksapa, waditaka heca ota wokiconze tonakiya maka akan wanke cin ektakta
yewicaSipi. Qa tona wamdezapi kin tukten
oyate wan tawokiconzepi kin on iye taoyate ekta
iwaStepi kte sni eca kohanna nahonwicaye, hecen he apiye wicaSipi ece. Qa hecen oyate owasin okiciwaSteya unpi kte cin heon heconpi.
IRELAND WITA.
Wita kin de SagdaSin (England) makoce koya yawapi, qa he en ia-Sica obe wan Irish ewicakiyapi kin he otipi. Unkan omaka kin de wita
kin he en waicage Sni, qa Ia-Sica oyate obe kin he
nihinciyapi. Mdo kin he iyotan woyute tokapa
yawapi tka icage Sni. Qa makoce ikiyedan oyate yukanpi kin ektakta wopetonpi eSta hena nakun taku ota yuhapi Sni on wonihinciye, qa otonwe tankinkinyan hena ekta wicaSta 40,000 akihan unpi. Eya maka owancaya etonwanpi eca
oyate wanjigji wotehi akipapi ece. Tuka dehan
United States makoce kin wonihinciye codan
wanke. Hecen unkiyuSkinpi iyececa. Waicage Sni kin de puza on sni,tka magaju on, ehaeS
anpetu kata qa wi iyo kata on icahye kta wanica.
July 15 hetanhan September 10 hehanyan maSte wanice, qa wicohan owasin tehika. Heon
wotehi dena icage. E. A.
ST. PETERSBURG OKICIZE. .
Russia Oyate kin omaka kin de wotehi tanka
akipapi. Japan kici kicize kin on wicanagi ota
owihanke, qa ake nakaha iye oyate kin ena
kicizapi, qa nakaha iyotan winohca Siceca ko
ota wicaktepi. Eya winohca qa siceca wicaktepi he hecetu Sni, tuka taku on heconpi kin he
tona wicaStayatapi cincapi (Duke ewicakiyapi)
hena oyate kin Sicaya wicakuwapi. Tona makoce ohna unpi hena tehiya unpi, wayaka iyecen wicayuhapi. Wokage tipi, wokicanye tipi
ocaje kin owasin se natakapi, qa htani wicasta kin 100,000 henakeca wokage tipi etanhan tankan iyewicayapi. Ticodan yakunpi
qa hehan oyate ikceya unpi hena koya tehiya
unpi, akihanpi qa cuwitapi ko on otonwe ekta
upi qa oitancanpi hena taku ewicakiyapi kta
cinpi, qa en upi eSta oitancanpi kin cinpi Sni qa
akicita kin yewicaSipi qa wicakahape wicaSipi.
Qa hecen dena wicaSta ikceya unpi kin tawicu
cinca ko, widwitaya hipi ecen om kicizapi qa
oiyokiSice tanka. Russia makoce en otonwe
tankinkinyan kin St. Petersburg qa Moscow,
qa toktokeca kin hena ektakta nakun iyecen
econpi. Hecen okini wokiconze tawapi kin
yuptanyanpi kta naceca. Ecin tona wicaStayatapi qa sanpa cincapi, qa tona ihukuya itancan unpi qa woope kagapi, hena owasin oyate
ektakiya woowotanna ohnayan oyate kin wicayuhapi sni. Woonspe, wokage, qa wosdonye,
taku heeeca kin hena ohna oyate awicayapi Sni,
tuka iye token cinpi he ohna oyate kin wayaka iyecen awicayapi. Heon oyate tona kuya
unpi hena wokonze dena iyokipipi Sni. Tuka dehanyan token hanpi okihipipi Sni, tka dehan
iyotan tehiya wicakuwapi, heon wokicize de
icaga. January 22, anpetu he en St. Petersburg otonwe canku ohnahna wokicize, wica
winohca qa Siceca ko bohaha ehpe wicayapi!
Qa tona tokan makoce tokeca etanhanhan hen
unpi owasin hdicuwicayapi. Hecen Russia
iSnana tankaicida qon hinhpayeiciye kta naceca.