Iapi Oaye (Santee, Nebraska), 1905-04

              SANTEE,   NEBRASKA.
TAKU WASTE  OKIYA. TAKU SICA   KIPAJIN
A. L. RIGGS, PUBLISHER.
VOLUME XXXIV.    NUMBER 4.
APRIL,   1905.
WOKAJUJU KAS" PAPI ZAPTAN.
ANPETU OYAKAPI..
March 11, Tokio, Japan. Russia qa Japan
okicize kin etanhan woyakapi qa Russia akicita
Mukden etanhan napapi qa Japan akicita kuwa
awicayapi oyakapi.
March 16, Denver, Colorado.    Ptinhan wica- j
Stayatapi Colorado yuhapi kin piya wicakahni
gapi
kin en wowicaSta Sin woecon ota.    Wowa-
pi iyohpeyapi kin owotanna sni ota. Eya Republican qa Democrat obe kin napin heconpi.
Alva Adams he Democrat eciyatanhan ohiya
seca qa oyanke kin en oStanpi. Tuka tohan
Legislature (woope kaga omniciye) en iyotanka helian piya iwanyakapi; hehan he heyata iyeyapi qa James H. Peabody en oStanpi. Tuka
he nakun woowotanna eciyatanhan kahnigapi
sni heon he ayustankivapi qa okihe kin Jesse
F. McDonald governor kagapi.
March 20, Brockton, Mass. Otonwe kin de
wokage tipi tankinkinyan ota. Canhanpa kagapi ece. Wanji tanka kin en wicasta opawinge topa htanipi en mini po kage cin napopa.
Hecen maza tankinkinyan maka tipi etanhan
tipi ohna wankantkiya hiyuyapi, qa tipi ka-
mden iyeya hehan tipi ide. Wikcemna sahdogan ee tapi qa opawinge sam iyeya kiunni wicaye. Token on mini po napopa tuwedan sdonye sni; awanyake kin he ta nakeS. He tancan
onSpadan iyeyapi Sni.
March 23, Bucksport, Maine. Ake Robert
E. Peary waziyata miniwanca ekta waode omani kta. Hecen dehan wita wata iyotan suta qa
wasaka kicagapi,cpi wauna he yuStanpi. Minipo on iyoptekiyapi kte, tuka nakun Sina on wa-
topekiyapi yuhe kta.    Roosevelt eya cajeyatapi.
March 24, New York. John G. Carlisle, ehanna Secretary of the Treasury, he dehan wakiya-
pi wicolian yuha. Qa taku wanjidan wayaco
wankantu kin en aiapi kin ou wokajuju tanka
icu. Mazaska kektopawinge opawinge nonpa
sanpa opawinge yamni sanpa wikcemna topa
sanpa napciwanka qupi.
March 31, Tangier, Morocco. Makoce de
Africa iwaziyapata wiyohpeyata wanke. Oyate kiu ota ikceoyate hecapi qa woope ohodapi
sni. Mohammed wowicada he itancan. Wanna wanakajatanhan France oyate kin Morocco
kici woakinice yuha, qa wanna ohiya seca. Tuka anpetu kin cle Iasica wicastayatapi, Emperor
William, Tangier eu i qa wohdaka. Qa heon
France token Morocco yuwahbadan qon owasin
yutokeca naceca.
April 3, Washington, D. C. Anpetu de
President Roosevelt itokaga wiyohpeyata makoce ekta iyaya. Wi wanji oziiciye un kta.
Tokaheya Texas en i kte hehan Colorado ekta
ye kta.
April 4, Chicago. Otonwe itancan, mayor,
he kahnigapi qa Edward F. Dunne, Democrat
heca, he ohiya. Hecen wanna Chicago otonwe
ikce maza canku, qa petijanjan, qa taku hececa
owasin opeton qa hduhe kta.
April 6, San Antonio, Texas. Tohan Cuba
ekta Spain kici unkicizapi qehan Mr. Roosevelt
akicita tancan wanji ee. Wicobe tawa kin cowboy hecapi. Hecen hena dehan Texas ekta wokiksuye on miniciyapi. He iyehan President
hoosevelt en i qa owasin iyuSkin wicaye.
Boston, Mass. John D. Rockefeller, wotanin
waste ayapi kte on, American Board of Foreign
Missions mazaska kektopawinge opawinge wanji qu. Tuka heon wicaSta wakan ota wowapi wan
kagapi qa American Board mazaska kin he icupi
kte sni eyapi. Mr. Rockefeller he Standard Oil
Company itancan un qa wicohan owotanna Sni on
ohiyapi qa mazaaska ota kamnapi eyapi qa heon
iyowinkiyapi Sni he waSte eyapi. Heon wanna
Ungiygational okodakiciye en woakinica tanka icaga; apa is mazaska owasin akidececa eya-
Pb qa apa iS mazaska kin token icahyapi kin
he iwanyag pica eyapi.
MUKDEN EN OKICIZE.
Nakaha ake Japan qa Russia kicizapi kin,
otonwe wan Mukden eciyapi, Port Arthur iwaziyata, hen yanke qa he Russia akicita' onakiji-
pi qon hee ca wanna ake Japanese icupi. Qa
de nakaha iyotan okicize tanka qa tehika anpetu ota kicizapi, ataya Japanese qa Russian akicita kin 700,000 henakeca kicizapi, qa etanhan
100,000 henakeca kiciktepi. Qa hehan makoce
cle waziyata wapa wanke qa waniyetu en nina
osni, qa nakun wicaSta henakeca woyute on
mniheiiya qa waSagya kicizapi kta iyena icupi-
ca Sni, nakaes cuwitapi, qa hustagkicizapi kin
on Russian akicita wanjigji taku econ okihipi
Sni. Tokages Russian akicita kin Mukden
otonwe tanka kin oksan iyotang aya eSta Japanese akicita kin iS eya iyecen iyakapatanhan eti
ayapi, qa ecen aokibewicayapi* Eya de anpetu
wakan yamni ecen Skanpi kin he icunhan anpetu owasin se kicizapi, anpetu wanjidan wicaSta
opawinge odota kiciktepi. Tohan aokibewicayapi hehan Russian akicita oSpaye kin owasin
kicaSpespeya waziyatakiya napapi, qa heci otonwe tonana qa mazacanku okijate kin hena ekta
Japanese akicita kin anapta enajin, qa mazacanku kin St Petersburg etanhan Siberia makoce
ohna wanke kin qa nakun tona okijate owasin
yuksaksa ehpeyapi. Hecen Russia akicita kiu
ohankoya ota hiyu okihipi kte Sni qa hehan
Russia akicita tona makoskan napapi kin ota
cuwitatapi kta qaiS akiliantapi kta naceca.
De nakaha iyotan okicize tanka qa tehika, wiconte obe yamni on tapi kte nakaes: wipe on,
qa cuwitatapi on, cpi akihantapi on. Helian
Japanese mazakan wan wokokipe yuhapi, unkan heeca Mukden ekta aipi. Toketken aipi
hwo, he witawata en ecedan yuhapi okihipi, qaiS conkaSke (fort) heca en ecedan hnakapi kta
okihipi, tuka okini hemani ohna aipi naceca.
Mazakantanka iyotan tanka, tamazasu kin wicaSta wanji ptecedan kin he iyehankeca qa tkeutapi 500. He Port Arthur en kicizapi qehan
onpi, qa mazakan kin he wancadan bosdoke
kin mazaska opawinge torn, $400, iyawa bosdo-
ka ece, qa makaiyutapi 14 qaiS 15 hehanyan taku kute okihi. Hececa nakaeS tokeh conkaSke
kin suta eSta mazasu kin tukten iyaye kin ka-
wanin iyaya ece. Iho hecen ito Jesus Itancan
oie kin kiksuya po okicize oyakapi kin nayahonpi kta, eye ciqon. . E. A.
WAAWANYAKA ITANCANPI.
Wanna ake TunkanSidan piya teca iyotanke
kin on wicaSta napcinwang om wicohan tanka
obe kin hena itancanyan waawanyaka yankapi
kta on wicaSta dena wicayustanpi: John Hay,
District of Columbia etanhan, he Secretary of
State,makoce de qa makoce tokeca on waawanyaka un kta. Hehan Leslie M. Shaw, he Iowa etanhan, Secretary of the Treasury, mazaska awanyaka un kte. Hehan William II. Taft, Ohio
etanhan, he Secretary of War, akicita awanyaka
un kte. Helian William H. Moody, he Massachusetts etanhan, Attorney General. TunkanSidan waie yuhe kte. Hehan George B. Cortelyou
he New York etanhan, Postmaster General, wowapi ojuju waawanyaka un kte. Hehan Paul
Morton Illinois etanhan, he Secretary of the
Navy, okicize witawata waawauyaka un kte. Hehan Ethan A. Hitchcock, Missouri etanhan, he
Secretary of the Interior, TunkanSidan okihe
ataya waawanyaka un kte. Hehan James
Wilson, Iowa etanhan, he Secretary of Agriculture, wojupi waawanyaka un kte. Hehan Victor
H. Metcalf, California etanhan, he iS Secretary
of Commerce and labor, owopeton wicohan on
waawanyaka un kta. Iho wicaSta kin dena
maka akan wicohan tona oihucanyan wanke
cin en awanyaka najinpi kta. Hena wicaSta
ksapapi qa waditaka hecapi nakaeS wicohan
tanka yuhewicakiyapi. E. A.
DAKOTA PRESBYTERY.
Wicastawakan Omniciye.
April 20, 1905, hehan Dakota Presbytery TawacinwaSte en mniciyapi kta. Wicasta wakau
owasin, qa okodakiciye iyohi etanhan hunkayapi wanji, hena woyuStan omniciye icicagapi cpi
okodakiciye iyohi wicohan tawa iwanyankapi
qa kiciyasupi kta.
Okodakiciye iyohi tawowapi ahipi kta. Womnaye wicacaje hdajujupi hee, qa kicaksa womnaye, qa womnaye tokeca tona yuhapi owasin
ahipi kta. John P. Williamson,
      Stated Clerk.
WOWAPI  MAQUPI.
Cheyenne Agency, S. D. January 31, 1905.
Wanna waniyetu maota hehan Santee Normal
Training School en wahi qa iyotiyekiya waonspe
miciciye, qa hetanhan tiyata waki kin hecehnana wotanin waste kin en htanimaSipi, Mdetanka etu qa hen waniyetu nom waSkan, anpetu
wakan koSka, wikoSka tona Jesus wacinyanpi
kin hena om Sunday School unhapi ece.
Hehan winyan oinniciye econpi eca Wowapi
wakan wicaweciyawa qa wowahdake hehaii iye
token okihi Skanpi. Hehan Canyowanasapi
en omniciye qon he ehan Cannon Ball, No.
Dak. oyanke kin hen yemasipi, qa hen waniyetu torn waun. Tokaheya wai qehan tipi wanice canke sunkawakan tipi wan omaqupi ca he
pi waye, ataya sica e hecen timahe ko maka mdu
kin siha i}rutapi hanke hehanyan ehpewaye qa
ataya piya wakage, hecen waniyetu kin he ohna
wocekiye econqonpi, qa koska wan Paul Elk
eciyapi he tawicu kici A, B, C, om onspemiciciye, qa anpetu wakan eca Sunday School unyuhapi. Hehan Rev. T. L. Riggs qa Rev. G. W.
Reed wanmayag ipi qa nakun tokata oyate kin
he makoce toketu kte iwanyakapi imdukcan qa
on piwada. Hehaii wetu qehan wakeya ohna
wati qa wicaSta wastepi tiwahe yuhapi qa Sinaska obe qa Sinasapa obe heua ektakta wicawai
qa wocekiye unkeyapi ece, hehan wanna ptanyetu Rev. G. W. Reed cantipi wanji kipiya opeton qa hena miye koSka wanjigji om towakSu
qa canmdaska, tiisanye ko Mandan ekta hiyo-
wai qa ecen wanna tipi waSte wan bosdadhau.
Taku tokaheya Wakantanka ionSiundapi kin
hee, qa owasin iyuSkinpi. Qa ake cantipi tokeca wau unkokihipi, obosdatu siha iyutapi thirty-
three, qa ohdakinyan kin seventeen, tiakahpe
ataya canmdaska, nakun hdahda wan waste, hena Rev. G. W. Reed opeunkicatonpi. Hehan
koSka waStepi qa winyan waStepi hena taku
wanji waSte kuwapi kta cinpi, qa cajeyatapi,
Tipi wakan wanji. Hecen oyate de Wakantanka Taniyawakan hiyowicahi epce, qa hunkayapi waste yuhapi tipi wakan womnaye nina econ,
John Whitefisher hee; nakun wasicun ikiyedan
unpi kin wanjidan Sice Sni, hena tipi wakan womnaye kin mazaska on ounkiyapi, hunkayapi
kin hena mnayan ece, nakun Mandan S. D.
ekta kici wai qa waSicun kin ehna tipi wakan
on wamnaye qa hecen wanna mazaska opawinge ikiyedan unhapi, qa dena on cante mawaSte.
Hehan ake Owl Creek, Hinhan wakpa, hen
waniyetu de yemaSipi qa November wi kin he
en Titonwan oyate wastepi wan en wahi qa wicaSta ksapapi canke om tanyan waun. Anpetu
wakan iyohi Sunday School unhapi, qa nakun
Anpetu wakan iyohi womnaye unhapi, epa anpetu itopa eca wocekiye omniciye unhapi, qa
Owankayujajapi iyohi Wowapi wakan onspe un-
kiciciyapi, qa den wanna wicaSta wanjigji wowidake waSte hecapi unpi qa hecen cante waSteya om waskan.
Eya takudan onmaspe Sni tka Santee Normal
Training School etanhan taku owakihi kin on
dehan Wotanin waSte on htawani qa he piwada
ece. Oscar Hoksilawaste.