Iapi Oaye (Santee, Nebraska), 1905-05

              SANTEE,   NEBRASKA.
TAKU WA6TE  OKIYA, TAKU 6lCA   KIPAJIN.
A. Ii. RIGGS, PUBLISHER.
VOLUME XXXIV.    NUMBER 5.
MAY,   1905.
WOKAJUJU KASPAPI ZAPTAN.
ANPETTT OYAKAPI.
April 7, Calcutta, India. Maka cancan tanka qa wicaSta kektopawinge ota wicakte Tukten akicita obe wanji yukanpi qa etauhan wicasta opawinge topa sanpa wikcemna zaptan
wancahnana maka mahen nawicapca se iyayapi
qa hecehnana tapi. Russia qa Japan okicize en
wicasta ota wicaktepi eSta maka cancan kin de
isanpa ota wicakte eyapi.
April 9, Washington, D. C. Winyan Owo-
hdake Tanka kin den mniciyapi. Siceca token
tanyan icahwicayapi kte, qa hmikupi kin tanyan ihduhapi kte he iwohdakapi. Hehan nakun
winyan wowapi iyohpeyapi kin opapi kta he cajeyatapi; tuka he owasin wicadapi ee Sni. Helian Mrs. Leland Stanford California ekta un
qon he te cin kiksuyapi qa yaonihanyan cajeyatapi.
April 17, Indianapolis, Indiana. HokSipidan
wotanin wowapi wiyopeyapi, newsboy cajewicayatapi kin, hena wankan tipi wan en wicota yapi qa iyadipi kin ohna owicatins yukanpi ecen,
Tipi kin ide tuwe howaya. Ecen owasin icicawin naSdog hiyupi tuka hdicupi kin en ota awi-
cakicihanpi qa apa tewicayapi.
April 18, Newcastle, Colorado. Theodore
Koosevelt tunkanSidanyanpi kin deciya ne Ska
makoce kin ohna imu tanka qa mato wicakuwa
kta on hi. Wanna heca etanhan wicakte. Anpetu wakan nonpa hecen oziiciye kta. ±ie ekta
hinahin wa ota tuka he Mr. Roosevelt tokeca
sni daka.    Taku owasin on nina iyokipi.
April 27, Milwaukee, Wis., mazaska tipi tanka wan, First National Bank, he en itancan kin,
F. G. Bigelow mazaska tawa sni, $3,277,000,
yusota. Heon otonwe ocowasin nihinciyapi.
Mazaska tipi waawanyakapi unpi kin tona kiyu-
sote cin iye  kajujupi.    Bigelow kaSkapi  kte.
April 28., Washington, D. C. General Fitz-
hngh Lee te. Okaga makoce ihduSpapi qa oki-
ciza kagapi ehan General Lee Confederate akicita tancan tokapa wanji ee. Tuka t^han okicize ayuStan hehan United States tawowidake un.
liecen Cuba ekta okicize unhapi hehan iye opa
qa waditagva Skan. Tona sdonyapi kin owasin
yaonihanpi.
MRS. ABBIE C. SLAUGHTER.
Mrs. Slaughter omaka nonpa sanpa hanke,
Santee Normal Training School en wikoska
awanwicayaka. Tona omaka 1893, 1894, 1895,
icunhan Dakota Home en unpi kin tanyan
kiksuyapi kte. He April 7, 1905, Cleveland,
Ohio, en te. Wanna omaka akenonpa he Bohemian oyate wotanin waste onspewicakiya un.
Tokiya un esta Itancan tawa htakini. Wowidake waite eciyapi kte cin he wanji ee unkecinpi.
Wanna waniyetu wikcemna Sakpe sanpa Sakpe
ehan i hehan te.
MINI IHUKUYA CANKU.
Boston otonwe tanka kin en ake mini ihukuya hemani canku wan kagapi. Otonwe tanka
nakaes wiyohinyanpata ihanke ekta onspa East
Boston eciyapi, otonwe otancanke kin Boston
hee. Unkan otokahe kin miniwanca okalimi wan
wanke qa he opta maka iyutapi wanji ecetu,.
Hecen wicasta htanipi kin hunh Boston ekta qais East Boston ekta kta htanipi kin hena petawata ohna okahmi kin opta skanpi ece, tuka
■ekta wankapi okihipi sni heou icipas wata ohna
Skanpi, kes tuktekten icamna qais mdecahmi
kin waniyetu eca caga on tokadan yepica sni
ece. Hecen heon mdecahmi kiu de ihukuya
Iiemani canku wan eonpapi. Okahmi opta oqapi kin ake is he tehike lica spaye qa upsija kin
hena on oqe tehike, esta dena yustanpi hehan
wopida tanka, wicasta htani iyayapi eca oape
cistina (minute) yamni eca akasam ipi ece.
Is eya hemani kin de wakanhdi on iyopteyapi.
E. A.
TOKE OICIMANI.
Maka qa mini akan oicimani kin unmatukte
tehika he.    Eya sakim teliika, qa nakun sakim
waste.    E_ya ehanna oyate kin maka amaniya
oicimani unpi qa nakun isto on watopa oicimani
yuhapi qa he ehan tehika.    Tuka dehan hemani
qa wata hena ohna oicimani kin sakim nina waste.    Kihansica qa icamna esta  cantewasteya
kinyan iyecen iyoptapi ece.    Tuka hehan miniwanca opta oicimani he iyotan tehike.    Eya nakuu hemani ohna unpi kin wokokipe, qa tuktekten icibotopi qais kaptanyan eca woihangye
tanka ece; esta heqe wicasta onge niiciyapi ece.
Tuka witawata wanji ide qais kamdeca eca nii-
ciyepica sni.    Eya wata tokeca wanji kiyedan
un kinhan he onge niwicaya okihi.    Tuka iyotan tona miniwanca wata awanyag unpi kin hena wanna tapi iyecen unpi.    Hececa esta wicasta  wanjigji hoksipidan hetanhan miniwanca
ecedan akan unpi ecen wicahcapi.   Iyotan waniyetu hehan miniwanca optapta omanipi teliike.
Icamna qa osni, qa taja tankinyanyan hena wata kin iyapa eca wata akantu koya mini akastan
yanke cin on acaga qa sdusduta  nakaes amani-
pi  tehike.    Hececa   esta  waawanyakapi  hena
ohinni wata akapatanhan tanyan awanyakapi,
qa taku akipapi kte cin hena atonwanpi.    Taku
iyotan kokipapi hee cin he peta, qa hehan caga
wita wanji ibotopi kinhan woihangye tanka kte
cin heon.    Waniyetu eca miniwanca ekta caga
wita kin he iyecen akapod un ece, qa he okpaza
ehan wokokipe.    Hena on wata awanyaka wicasta kin iyotan tehiya unpi qa tuktekten wata
qais hahonta acaga adipi kin nasdutapi eca minin ihpayapi qa tuwedan iwicacu okihi sni, ecen
tapi ece.    Tokeca on heceh skanpi qa ecen tei-
ciyapi he.   Eya wicasta tona icimanipi wata mahen yukanpi kin hena tauyan niiyuweliya awicaipi kta cinpi kin heon tuktekten iye te iciyapi.
Hecen miniyata oicimani kin he iyo tan teliika.
  E. A.
OIHDAKAPI WAN.
Ptinhan September anpetu 10 kin en sunkawakan namalitakapi qa anpetu zaptan mawani
sni; hecaesta wiconi wotanin waste he omdaka
manke, qa October anpetii 15 hehan wahdiyaku; tanyan mani owakihi sni nakas. Tuwe
wanmdaka eca Wakantanka oiye kin eciyatanhan on micanptanpi ece do. Ecen Ihanktowau
tipi en wahdi qa uina micopi qa onsiinadapi
epca tka iyrotan Walantanka oiye oyake masipi
kin he iyrotan piwada hca. Ecen Wakpadansi-
ca, Santee en, wahdi qa ake iseya nina micopi.
Qa January 8, 1905 anpetu kin en woyute wakan Jesus tawa wokiksuye unqupi qon he icupi
kta eyapi unkan miy^e econmasipi. Unkan ake
piwada; tka sanpa koska wanji icuuhan en teca
icicons opa, James Zimmerman hee. Detanhan Wakpadansica okodakiciye wakan kin en
Wakantauka htakinipi optaye skanpi en owi-
capeya skan kte.
He icunhan okodakiciye en dena en wowidake unpi kte wicayustanpi. Hunkayapi un kta,
John Jones oniaka nonpa. wamnayan, Henry
Robinson. Wowapi kaga, Daniel Frazier.
Richard Kitto he mazaska awanyaka. Alfred
Frazier tipi wakan awanyaka. Dena Wakantanka itokam iciconzapi qa owotanna omaka
kin de Wakantanka htakinipi kta e iciconzapi.
Koska okodakiciye nakaha ake omakiyapi,
wakmaheza, peji ko on sunkawakan tawote maqupi. Hecen dena on Wakantanka wocekiye
wopida eciciyapi. Nikiyedan un kin niye iyecen wastedaka wo, eye qon he kiksuya unpi
epca. Jesus heya, Nicante ocowasin on ninagi
ocowasin on, Wakantanka waste yadake kte.
He woope ocowasin kin ee ce Jesus eye qon wanna dena ohna ihduhapi ecanmi qa on nina pici-
cidapi. He ohna on hecamiyeconpi hecinhan
Wakantanka woyawaste nicupi nunwe. Nitakuyepi qon he miye.    Benj. M. Zdimerjian.
March J5> 1905.
SANTEE NORMAL TRAINING SCHOOL
ASSOCIATION.—CHERRY CREEK.
Cherry Creek, S. D. ekta hinahin omniciye
wanji kagapi okihipi sni. Tuka Vice President
Thomas Blueeye tona okihi wanwicayaka qa
mazaska zaptan ehpeyapi. Qa nakun ota hinali
wanwicayake sni. Dehau taku econpi kin dena
eepi. Amy Vandal .25, Thomas Blueeye .25,
Almie Blueeye.25, C . W. Ward .15, Estelle
Ward .15, Alfred Ward .10, Willie Ward .10,
Alfred Y. King .25, Eugene Redfox .25, Isaac
Halfred .25, Alfred K. Bear .25, Ansel T.
Hawk .10, Siyopa .50, Elizabeth Tasagve .50,
Elizabeth Rich .10, Frank Corn .25, Eli White-
thunder .25, Whitehorse .25, Lily Hocokawin
.10, Emily Dupree .50, Grace Blackeagle .25.
WOWAPI MAQUPI.
Makoce en Dakota unpi kin onakicilion uupi
he waste qa heon Iapi Oaye qa Anpao kin sakim
mduhe qa tohan hi eca Dakota unpi kiu owasin
ecen wohdakapi nahon manke cin iyececedo.
Tuka hunhin iyomakipi sni makoce wanjidan etanhau iapi ota eyapi kin waaokan sniya-
pi. Tokesta wasicun wotanin wowapi kin en
iapi ota oyagpicasni oyakapi tuka hena woonspe
heca sni iyecen awacanmi hitonkankapi iyececa. Dehan Dakota unpi kin wocekiye ohna unpi kinhan he kitanna waste. Qa Wakantanka
maka qa mahpiya kaga qa wi nom kage qa nakun canku nom ohna ouuyanpi kta keye qa he
wowicake. Dehan siceca woonspe en skanpi
icunhan woyakapi wowapi kin isakim nahon
unpi Kinhan ehanqon taku wakan kin tokecin-
cin ohan eyapi kinhan iyecen tawacin ekta tokeca icagapi kta.
Nakaha Rev. John Eastman wahokonwicakiya, anpetu wakan ehan. Unkan heye: Dawid
heya Ce, eyre. Anpetu unkitawapi kin hdawa
onspeunkiyra miye hecen woksape unhapi kta
Wowapi wakan en eye. Iho tuwe kasta anpetu
tona ni un kin iwanyake cinhan tona sicaya
econ kin wanyaka okihi; nakun tanyan econpi
kin is iyececa. Tuwe wan anpetu tawa kin
hdawa okihi kinhan maka kin den ni un
icunhan tanyan ni kta. Wowapi wakan tokan
ekta nakun decen yanke: Anpetu unkitawapi
kin ie kta i.yececa eya ce, eye.
Flandreau. S. D. JOSEPH   P.   HiLLERS.
MAKA EKTA WOJUPI.
Wicasta wan Luther Burbank eciyapi, he hoksidan hetanhan owoju kin nina awacin qa token icage kte cin hena iyukcany^an kicanyan
ece. He Lancaster, Mass. en tonpi, 1849 heehan. Unkan dehanyran wanna owoju ocaje kin
wanjikji yuwaste qa nakun yaitokca, taku maka
mahen qais waskuyeca can obe kin, qa taku
wankan otkeya icage cin qa maka akan icage.
cin hena etanhan wanna hunh sanpa waste lica
kaga. Waskuyeca wanjikji su kin codan icahye, conica ecedan qa yutapi waste, qa takudan
suta yrahtakapi kte sni. Hehan waskuyeca can
kin hu kin wanjigji en wapepeka yukan, qa yu-
spipi sica ece. Unkan heca kin hunh wanna
wapepeka codan icahye qa itonpe sni wospipi.
Takanheca hu kin he hececa tka wanna pepe
wanica. Hehan wiyohpeyata makoce kin tan-
kayra wapepeka wan sica icaga ece, Dakota oyate kin he tanyan sdonunyanpi, unkcekcetantan-
ka unkeyapi. He makoce wanjigji en can iyecen tankinyanyan unkan he yutanpica sni, pepe
kin on, tuka heekaes wanna wapepekacodan
icahye qa wanna woyute heca, qa nakun wanuyanpi tawoyute iyotan waste hca. Unkis
Dakota oyate kin ehannatanhan unkcekcetan
kin hena taku on waste kta unkecinpi sni, ees
wahteundapi sni,qa wanica unkans waste kta tka
unkecinpi ece. Iho,hecen Wakantanka taku kage cin hena etanhan taku iwaste kta qa yutaninpi
kta e kage cin onspa ake tanin E. A.