Iapi Oaye (Santee, Nebraska), 1905-06 - 1905-07

              SANTEE,   NEBRASKA.
TAKU  WASTE   OKIYA. TAKU SICA   KIPAJIN.
A. L. RIGGS, PUBLISHER.
VOLUME XXXIV.    NUMBER 6.
JUNE-JULY, 1905.
WOKAJUJU KASPAPI ZAPTAN.
ANPETU OYAKAPI.
May 2, Chicago. Watoksu wicakahapa kin
ihclonicapi qa tuwedan wicohan kin he kuwa
kte sni iciconzapi. Heon okicize yukan qa ota
kiuunikiciyapi. Policeman kektopawinge ota
inalini wicakagapi, qa watoksu canpahmihma
kin akan wanji qais nonpa yankapi ece. Wica-
kanape hena wicakahapa okodakiciye kin etanhanpi sni nakaes police wanji kici yapi sni ece
unkans kohanna wicaktepi kta tuka.
May 11, Chicago. President Roosevelt tohan
Colorado etanhan hdicu hehan Chicago en inajin qa wohdaka. Oyate ataye se iyuskinyan
itkokipapi qa yuonihanyan wicakicopi kicagapi. Tona wicakahape wicohan anaptapi kin
nakuu en wanyag ipi qa wohdakapi. Tuka
TunkanSidanyanpi hena wicaba, otonwe wicohtani tawa anaptapi kin heon.
May 10, Snyder, Oklahoma. Icamna wohitika wan otonwe kin de ihangya qa wicasta
opawinge sanpa wikcemna yamni wicakte.
Mil- wikcemna topa hehanyan makoce ataya
ihangya. Tipi qa can taku owasin ihangye.
Otonwe ihduksan woyute qa wokayake on
nina owicakiyapi. Tapi kin wicahapi. Hehan cankajipa ota en yapi qa tipi inahni wicakicagapi.
May 14, Pierre, S. D. South Dakota capi-
tol, woope kagapi tipi wan, teca yuhapi kte.
Wanji Montana makobaspe en yuhapi kin he
iyececa kta. He owanyag waste hinca. Pierre
en kagapi kte cin ohanske kin sihaiyutapi 291
henakeca; qa wankantuya sihaiyutapi 165 oinkpa hehanyan yanke kta. Ehantanhan wanji
yuhapi tuka wanna tanni. Qa wanna otonwe
itaucan yutokecapi kte sni tuka ohinni Pierre
hee kta hecen wanna wanji tehan he kta kagapi iyececa.
May 21, Winona Lake, Indiana. Presbyterian General Assembly den yuhdokapi. Pres.
D. Moffatt wowahokonkiya kin eya. John
Knox, Presbyterian okodakiciye ateyapi yawapi kin wanji, tonpi kiu ehantanhan wanna omaka opawinge topa. Hecen wokiksuye on ica-
jeyatapi.
.May 29, Tokio, Japan. Russia etanhan okicize wita wata Japan ekta askatudan yeyapi kin,
Korea qa Japan okitahedan Japan okicize wita
wata itkowicakipapi qa hen anpetu nonpa kicizapi. Russia okicize wata wikcemna nonpa
sanpa yamnipi qa Japan tawa kin henakeca sni.
Tuka Japan akicita iyotan wayupikapi qa awicakehan ohiyapi. Russia wata tawa topa napapi qa niiciyapi, hanke Japan yuzapi, qa unma
kiu owasin bospayapi. Russia akicita kektopawinge ota minin tapi.
June 1, Paris, France. Nakaha Spain wicastayatapi koska kin, King Alphonso, makoce
toktokeca ekta magagaiciye kta omani. Paris
en i qehan President Loubet, France en tunkanSidanyanpi kin, he Alphonso kici canpahmihma ohna wawanyag omanipi. Ecen tuwe woope ohodapi sni okodakiciye etanhan, anarchist
eJra cajewicaaatapi, he maza napomyapi kin
wanji canpahmihma ektakiya ehpeya, Tuka
akowapa iyaya qa President Loubet qa King
Alphonso tokecapi sni isam iyayapi Esta sunkawakan sakowin kiunniwicaya qa akan iyotankapi kin makata ehpewicaya. Paris etanhan Alphonso England ekta iyaya. Hen tuwedan sicaya kuwa sni.
June 6, Berlin, Germany. Dehan wicastayatapi ciuca kin, Frederic William eciyapi tawicuton. Wikoska wakanynze cin he Princess
Cecelia eciyapi, Mecklenburg-Schwerin tiospa-
ye etanhan. Wiyotanhan sanpa zaptan apa
hehan wakankiciyuzapi kin econpi, qa Lutheran okodakiciye wicolian ohna yustanpi. Wkr-
stayatapi wotakuye kin etanhanhan wikcemna
sakowin en yakonpi qa wakankiciyuzapi wici-
hduksan najinpi. Hehan oyate tokeca etanhan
wicakicopi kin hena iheyata najinpi. Ambassador Tower, United States etanhan yesipi kin,
he tawicu kici hen opeya najinpi.
June 7, Christiana, Norway. Anpetu kin de
Norway oyate Sweden etanhan ihduspe qa detanhan isnana ihduhe un kta iciconza. Qa
wicastayatapi wanji akita, tuka hinahin wanji
iyeye sni. Hecen okinni republic heca kte seececa.
June 9, Washington, D. C. President Roose-,
velt, TunkanSidanyanpi kin, Japan qa Russia
okitahedan wookiye kage kta wacin yuza hecen
napin wowapi wicakicaga. Anokatanhan ko- '■
dawicaya qa tewicahinda heon taku ewicakiye
kta eya. Wanna okicize woitonpe en dehanyan skanpi qa on maka oyate kin owasin iyo-
tanhan iyekiyapi. Hecen iye hca ecedan awa-
icicinpi sni unkans qa oyate tokeca awawica-
cinpi kte. Hecekcen wowapi on uapin awa-
cinwicaye qa wookiye iwohdakapi kta e wanna
tawatenyapi kta naceca. Wicoie kin de President Roosevelt wicaku nakaes oyate tanka kin
hena owasin President Roosevelt yaonihanpi.
Wotanin Wowapi.—United States en ataya
wotanin wowapi 22,312 henakeca. Eya taku
iapi ocaje owasin, nakun Dakota ia wotanin koya henakeca. Unkan hena etanhan 2,377 henakeca anpetu iyohi wotanin heca. Hehan etanhan
16,152 henakeca anpetu wakan iyrohi wotanin.
Hehan etanhan 2,550 wi iyohi wotanin heca.
PTAYA OWOHDAKE.
Ptaya Owohdake kin September 6, 1905, kinhan Kangipaha en omniciye kte, hecen okodakiciye owasin on wiyeya unpi kta on unyaotaninpi. A. F. Johnson.
Francis Frazier.
Maka Napopa.—Nakaha April 13 en otonwe
wan Houston, Texas, ikiyedan hen maka kin
mahetanhan napom hiyu. He wihdi oqapi tanka kin wanji ee. De kitanna itokam maka mahen skanpi kin tuktekten ihnuhanna maka kin
huhuzahe seca ece. Ecen ihnuhanna maka ce-
te kin napom hiyu qa taku on wikicanye on wihdi kicanyanpi owasin nahdoke cin en mahen-
kiva napca iyeye qa maka mdu kin akata ehpeye
seca. Qa hehan hetanhan mazasdo qa inyn-
sdo kin mahpiyatakiya bomduya qa de oqo kin
oksan tehantanhan tanin, qa taku tankinkinyan on ikicanye owasin toki iyayra tanin sni.
Owasin tohinni icupi kte sni.
IKCEWICASTA TECA.
Nakaha wicasta wan Nordenskjold eciyapi
he South America makotanka kin optapta omani un qa nakaha New York en hdi qa woyake.
Unkan South America cokaya hen ikcewicasta
qeya unpi en ipi; unkan hena nahanh wasicun
ska oyate kin tohinni wauwicayakapi sni, qa
tohan tokaheya wauwicayakapi qehan hena taku
wankanpi kecinpi, qa cewicakiyapi; qa hen om
unpi qa Nordenskjold wicastayatapi kagapi kta
cinpi, qa nakun ohowicadapi qa wawicakiyusna-
pi kta skanpi tuka wicadapi sni. Okini wicadapi
esta ohakam taku wakan hecapi sni sdonyapi
kinhan wowihawicayapi kte sdonkiyapi heon.
Ehanna is eya Dakota oyate kin tokaheya wasicun (French) wotanin waste aya hecapi, qa nakun wopetonpi heca tokaheya wauwicayakapi,
unkan witawata ohna npi heon miniwasicun hecapi keyapi, qa cewicakiyapi. He ehan wasicun
eyapi kin he takuwakan eyapi nakaes, tohan
tokaheya wasicun wanyakapi kin wancahnana heya cajewicayatapi kin on ecen wicasta
ska oyate kin waSicun eya cajewicayatapi anpetu kin dehanyan. Hecen ito nakaha inicagapi
kin iapi de tona wanna wicahcapi qa wakankapi
kin iwicawanga po. Ehanna wicahca kin cannon-
hupa yuzapi, qais wakan dowanpi, wotawe dowanpi en wasicun eya wocajeyate hecinhan oni-
ciyakapi kte. E. A.
lap!   Oaye   Alidflieyapi,
Santee   Normal   Training   School.
Suntee.   Nebraska.
GREENWOOD S. N. T. S. ASSOCIATION.
May 1, 1905, Greenwood, So. Dak. en tona
Santee Normal Training School en opapi kin
omniciye wan waste unhapi. Tohan omniciye
econkupi wowiyuskin hee seececa. Ees hinahin
otatanyan abdezapi sni. Waabdezapi kte iyecece hca. Wicasta wan ksape kta cin he woi-
yowinkiye. Wicasta tawoonspe kin taninyan
un kte cin he uncinpi.
Ehanna Dakota oyate woonspe nicapi ehan
owasin akidececapi seececapi, tuka Jesus wicadapi kin eciyatanhan woksape icah aya. Jesus
heya, Oyate iyoyanpa kin he niyepi ce, eya.
Dehan unkoyatepi woonspe tipi waste wan
unhapi qa on Dakota wicasta wakan ota icagapi
qa unkoyatepi iyoyanpa wan unyakonpi, Jesus
eye cin iyececa. Otonwe wan paha akan kagapi
kin he anahbepica sni ce eye cin iyececa. Santee Woonspe Wankantu kin etanhan hca Dakota
unkoyatepi woonspe unkicupi nakees en ewacin
sni unpica sni wadake. Unkan de oyate tokecapi kinhan wanna wowasake wookihi yuke kta
tka. Ecin Santee Woonspe Wankantu kin de
Dakota oyate ehna huhdepi kin wanna waniyetu ota. Dakota cincapi waonspewicakiyapi kin
otapi. Hecen en ewacin upi kinhan waokihi yuke kta tka wadaka.
Hasapa oyatepi kin iyeqe woonspe on wookihi tanka icagapi. Iye eea askatudan waniyanpi iyecen unpi qon eepi. Waniyetu kin de
Washington, D. C. ekta wai unkan TunkanSidanyanpi oyanke en wicohan woecon wauke cin
owasin se hasapa wicasta econpi. Qa nakun
wijicapi kin otapi. Nakun hekta waniyetu yamni ehan iye tamakocepi en wapazopi tanka wan
econpi; wayaka unpi ehantanhan dehanyan waokihi token yuhapi kin hdntaninpi. Taku on
wowaste ehannipi kin Wakantanka wacinyanpi
wicakapi eciyatanhan wookihi yuhapi.
Dakota oyate kin is eye awacinpi qa awicakehan Wakantanka wacinyanpi. Qa woonspe kuwapi kin hena taku okihipi kta awicakehan
awacinpi unkans, wanna omaka ota woonspe
kuwapi, wanna wookihi yuhapi tanin kta tuka.
Eya koska tona wicastawakan wicunyuhapi tawacin ksapapi qa wowapi wakan oyakapi tanyan
wayupikapi, tawoohdakapi wastepi; tuka oyate
tawokonzepi onspepi sni. Koska ota wokaga
woonspe onspepi tka iyute wacinpi Sni. Hekta hunkakewicuyanpi woonspe codan unpi tka
wanna ehantanhan waniyetu wikcemna topa
sanpa woonspe ota ehna unkupi,tka anpetu kin
dehanyan  taku   tokonpi kace.
He Santee Normal Training School tona en
opapi kin oyate wan waonspeka nahmana unpi
kte Sni e uncinpi qa heon etanhan Santee Normal Training School Association inaunjinpi kta
iyecetu undakapi. Tona en oyapapi kin awacannipi kte wacin. Charles Ironheart.
Greenwood, S. D.
DAKOTA ASSOCIATION.
Dakota ehna Congregational okodakiciye unpi kin en "Dakota Association" kin he Oahe
S. D. en July 21, 1905 hehan omniciye kin he
yuhapi kte. Hecen Congregational okodakiciye unpi kin iyohi etanhan wicasta wakan qa
waonspekiye unpi hena qa tuwe kahnih usipi
hena omniciye de en opapi kte.
Hecen okodakiciye iyohi de wandakapi qa
ecen ecanonpi kta heon de unyaotaninpi.
Francis Frazier, Mdetahunka.
Geo. W. Reed, Wowapi kaga.