Iapi Oaye (Santee, Nebraska), 1905-10

              SANTEE,   NEBRASKA.
TAKU WASTE  OKIYA. TAKU SICA   KIPAJIN.
A. L. RIGGS, PUBLISHER.
VOLUME XXXIV.    NUMBER 8.
ANPETU OYAKAPI.
August 5, Manila, Philippine wita. Tunka-
sidanyanpi okihe, Secretary Taft wanna en i.
Wita kin hena en oyate tawicohan owasin iwanyake kta qa token okihi oyate wicayuwaste kte.
August 10, Portsmouth New Hampshire ekta,
Russia qa Japan etanhan wookiye' kagapi kta
on yewicasipi kin hen mniciyapi. Itokamya President Roosevelt wanyag ipi qa napeyuzapi.
Eya Washington ekta mniciyapi kta tuka maste
oii waziyatakiya oyanke wau kahnigapi, Portsmouth, N. H. hee.
August 13 Sweden qa Norway oyate kin wowapi iyohpeyapi qa 450,000 etanhan 320,000
oyate nonpa kin kinnukankiya iyayapi kta
eyapi. Wanna tehan oyate wanjidan ihdawa
unpi tka.
August 19, anpetu kin de Russia ekta Anpetu
Tanka yawapi kta. He en Russia wicastayatapi kin tawokonze wan wicaqu qa detanhan oyate etanhan wicakahnigapi kin woope kagapi kin
en wowasake yuhapi kte.
September 5, Portsmouth New Hamp. Russia
qa Japan etanhan den yewicasipi qon wookiye
kagapi yustanpi qa wowapi ynitanpi. Tohan
Japan qa Russia wicastayatapi kin yusutapi hehan ecetu kte. Toka ekta Japan wokajuju tanka dapi, tka he iyohakam enakiyapi. Esta taku
on kicizapi qon hena owasin en Japan ohiya.
Russia he China tamakoce etanhan icunonpa
iyaya kte.
Wookiye kagapi itancanpi kin, Komura,
Japan etanhan, qa Witte Russia etanhan, napin
New Hampshire wicastayatapi kin mazaska
$10,000. qupi, wahpanicapi owicakiye kte cin-
on qupi.
September 12, Pekin, China. Tohan Secretary Taft Philippine wita ekta iyaya hehan
President Roosevelt cunwintku Alice Roosevelt
kici iyaya. Hehan China wicaStayatapiwin.
TsiAn eciyapi kin, Alice Roosevelt kico. Hecen iye qa tona om icimani un kin ekta wanyag
ipi. China wicaStayatapiwin Miss Alice taku
wasteste ota qu.
PTAYA OWOHDAKE
Kangipaha en September 6, 1905, wiyotanhan
sanpa hehan mniciyapi. Rev. H. W. "Wakutemani wowahokonkiya on omniciye yuhdoka.
Qa Samuel Tiwaste Ptaya Owohdake ahi on wopida wohdake. Hehan wicacaji mnayanpi. Dena oniaka nonpa oitancan unpi kta wicakahnigapi : Rev. Thos. L. Riggs qa Rev. Pierre La
Pointe. Wowapi kaga wicakahnigapi kin Edwin
Grarfied qa Gideon Walker.
September 7, Anpetu itopa en wocekiye on
omnieeye yuganpi. Hehan Rev. J. P. Williamson he Baptizma wicohan he taku kapi kin on
wohdaka.
Hehau "Dakota oyate kin token woonspe unkuwapi kta, " he Rev. John Eastman tokaheya
cajeyata; qa nakun dena: A. F. Johnson, C. R.
Crawford, Chas. Eastman, J. P. Williamson,
A. N. Coe, Eli Abraham, T. L. Riggs.
Dakota oyate ehna wasicun wotanin waste
ayapi hena token econpi kinhan kohanna okodakiciye icaga qa wasakapi kta he Rev. Elias Gilbert, Richard Kitto, C. R. Crawford, P. La
Pointe cajeyatapi.
Anpetu Itopa wicokaya sanpa tokaheya wocekiye econpi, hehan Dr. Benson, Fort Totten
Owakpamni en pejehutawicasta kin he "Dakota
oyate ua woyazan" on tanyan wohdaka qa
oamuel La Pointe ieska. He nakun ohna Dr.
Chas. Eastman cistiyedan wohdaka.
Okodakiciye ihduhapi kin he token wayuwaSte, he Rev. T. L. Riggs tokaheya cajeyata
|a hehan dena iwohdahapi: Taniyawaste, D.
^-Evans. A. F. Johnson. Moses Standiugbull,
j- P. Williamson, Peter St Peirre, C. R. Craw-
fo$, P. La Pointe.
Htayetu ekta Rev. A. L. Riggs qaProf. F. B.
aiSgs petijanjan wapazopi on Makoce Wakan,
OCTOBER, 1905.
WOKAJUJU KASPAPI ZAPTAN.
Palestine, Dr. Riggs en i kiu, hena pazopi qa
on wohdaka.
September 8, Anpetu izaptan. Rev. Daniel
Renville tokaheya wocekiya on omniciye yugan-
Onajicatahan hunkayapi wanji hi kin he'yaoni-
hanyan opekiyapi: Charles Hanska.
Hehan Dakota waSicun wicakagapi kte cin
wokagi tona ee, Rev. G. W. Reed tokaheya cajeyata. Nakun dena he iwohdakapi: Amos
Hipogan, Matoitewakan, Louis Hill, Peter St.
Pierre, Mark Patterson, F. Frazier, Louis La
Belle, Taniya waSte, Charles Eastman, Pierre
La Pointe.
Okodakiciye wakan eu hdokinicapi km he
token asniyepica, he Rev. H. T. Selwyn tokaheya cajeyata; qa hehan dena iwohdakapi: A.
F. Johnson, Thos. Aungie, C. R. Crawford,
John Eastman, D. Renville.
Wicokaya sanpa hehan oSpaye tonton mniciyapi.
Htayetu ekta Rev. A. L. Riggs qa Prof. F. B.
Riggs ake Makoce Wakan, Palestine,on woonspe
waste unqupi. Taku kin hena unkiyepi unkistapi
wanyakapi kin he iyececa,qa on sanpa woawacin
unkitawapi unmdihecapi kte. Wowapi wakan
kin en taku oyakapi kin dena on yuwieakapi ece.
September 9,Owankayujajapi,Rev. John Flute
wocekiye on omniciye yuhdoka. Hehan taku iwohdakapi kin he '' Fourth of July wokiksuye kin
he taku kapi qa token yuecetupi kta he." Eli
Abraham he tokaheya cajeyata hehan dena eepi:
Sam. Z. Hopkins, A. N. Coe, John Rouillard,
Thomas Aungie, Moses Standing Bull qa John
Eastman.
Hehan Ptaya Owohdake kin kicopi. Kaksizahanska, Ihanktonwan, Inyanbosdata,qa Wakpawaste hena etanhan kico hipi. Ihanktonwan Owakpamni he kahnigapi qa tokata September, 1906
hehan Ptaya Owohdake hen mniciyapi kta. Tona
PtayaOwohdake en opapi kin 272. Etanhan Ihanktonwan Owakpamni 112 kapi; Kaksizahanska
99 ; Wakpawaste 39 ;  qa Inyanbosdata 22 kapi.
Hehan ake taku iwohdakapi. Wowasi tawapi aktapi sni qa Ptaya Owohdake en hipi kin,
he tohanyan iyecetu qa tohanyan iyecetu sni,
he. Rev. Pierre LaPointe cajeyata. Hehan,
Dakota wicehna woowotana sni qa Wakantanka
awacinpi Sni kin on Christian token opiiciye
kta he. Joseph Day tokaheya qa iyohakam
Moses Makey cajeyatapi. Dakota ehna okodakiciye wakan kin dehan wicohan ikceka iyecen
kahayapi heon token econpica he. Albert
Frazier he cajeyata, qa Chas. R. Crawford nakun. Maka akan Wakantanka tokiconze qa oyate wokiconze kin kici token iciyowajapi kin,
Rev. Edwin Phelps cajeyata.
Hehau wiyrotanhan sanpa ake ospaye tonton
mniciyapi.
September 10, Anpetu wakan kin, anpetu
owastecaka qa iyotan wicota omniciye en opapi.
Anpetu ihunniyan wocekiye omniciye oiyokipi
unhapi.        Edwin Garfield, Wowapi kaga.
WICATE.
Rosebud, S. D.( September 24. 1905, en wakanheja waste wan ta, Alex Bronchobill he cinca,
Elizabeth Bronchobill eciyapi. Yamni can gluha unpi na hehanl wicahapi makoce el tanyan
eunkicipapi, na tanyelici yuha wocekiye unkeyapi, na unstanpi. Ho hecen tona Iapi Oaye
iyacupi le wicakiksuya po.  Harry Highpipe.
Pine Ridge, S. D., September 19, 1905. Mitakuye : micinca hoksila osni 12 le anpetu kin
ostan makita yukan tehike wala. Tka Wakantanka oie wan lila tehila na yuha un he weksuye yukan hehanl tokel okihi cante mawaste.
Na wicoie lena ee. Wayutanin 3: 20-22. Ito
tiyopa el nawajin na wakabubu ece, na tuwe
miho kin nahon na tiyopa yuhloke cinhan eye
cin hena. Nakun sanpa wicoie kin hena on
icante mawaste. Micinksi Reggie Turningbear
eciyapi Hecel mitakolapi wocekiye on miyeksuyapi kta wacin.       Thomas Turningbear
ALASKA ETANHAN.
Iho mitakuyepi: Lehan wowapi cicagapi lp,
maka ihanke el manke Cape Prince of Wales
etu. He Seattle, Washington, etanhan maka iyutapi kektowawinge yamni. August 16, Seattle
etanhan wata ogna wan anpetu zaptan Pacific
ocean ogna omawani. Lila tate na taja tanka;
hecel anpetu topa wamayazan na oyunke el waun. Wani kte wacin sni. Wawate sni. Tka
anpetu izaptan owasteca na lila wibluskin.
Miniwanca hecela tanin. Anpetii isakpe wita wan
tanin kta tka opo tanka na canku tanin sni; hecel wata kin lila hunke sni omani, pte waqin
iyececa. Wi kin tauin sni na oyasin malipiya
km iyececa.
Wata oitancan iyuha lila blihecapi. Mini
iyutapi na mini ohlate maka icupi. Casmuska.
Hecel canku oiepi. Na minute inonpa iyohi-
la jopi. Hecel maka oiepi na ho kin akta nahonpi, echo, hehan wita ikiyala yanka slolyapi.
Tohan canku iyeyapi lus iyayapi. He Aleutian
Islands kin hee. Na wita wata ko tanka wan
tanin. Hehan Bering sea el anpetu topa lila
owasteca; na icimani unpi kin oyasin asnipi na
wiyuskinpi. Lila wauntapi; anpetu icunhan
topa wauntapi.
August 26 Nome'otonwe el iyohipi. He otonwe wan inahni icaga; mazazi ota iyayapi heon.
Nome el anpetu (akenonpa waun. Na Pilgrim
Congregational church en wahokonwicawakiya
South Dakota etanhan ota el yankapi. Tokel
mazazi qapi wanblake. Na htayetu wan $10,000.
icupi wanblake. Nome el sunka ota tankin kinyan. Na wasteste sungmaniton tanka iyececa.
Waniyetu icuhan sunka hecela omanipi. Tka
bloketu takuni econpi sni; wotapi skatapi kicizapi na istinmapi na cepa ayapi. Tka wa hinhe
kinhan lila wowasi econpi. &unka lena sunka wakan iyecel yawapi mazaska $50. $75. na
$100. kipipi.
Na otonwe el ikce oyate ota. Eskimo eciyapi. He Dakota iyececa tka ptecela na tancan
tankapi. Na wocekiyapi iyokipipi, wakeya tanka John Elliott Tabernacle iyececa opetonpi,
oyate kin le taku miniwanca el icagapi kin etanhan nipi; woyute, hayapi na taku ota wiyopeyapi kin. Hogan ocaje ota; na seal, wab-us,
whale. Wata tanka walrus ha etanhan kagapi. Hecel wicasa opawinge walipaye (baggage) ko ogna omanipi. Lila watopekiya wayupikapi.
Nome etanhan maka iyutapi opawinge sanpa
wikcemna zaptan American Missionary Association ye masi. Tka wata iyohi okihi sni, hanhepi
otpaza na tate heon. Hecen anpetu sakpe wata-
omawani. Arctic Ocean el. Whale ota wanblake. Na September 12 Cape Prince of Wales
iyowahi. Lei tipi wakan unhapi na owayawa
tipi. Oyate 400 lei yankapi. Tka bloketu el
omnipi, hokuwapi na waskuyeca, cranberries,
na blue berries icupi; na wasicun egna wowasi
econpi na tokiyopeyapi. October helian glipi na
waniyetu wi saglogan seal na walrus igni ktepi.
Mis owape kte seca.
Nahanhci okodakiciye wakan icage sni, tka
ota wicalapi na waniyetu kin le icagin kte ape
waun. Iho mitakuyepi tehantu waun tka ciksuyapi. Na oyate kin le on cekiya po, Wotanin
waste el iyuskinpi kte heon; na Jesus Wanikiya yuhapi kte. Na oyasin mahpiya tokiconze
el witaya unqonpi kte. Jesus Itancan kin el
nisunkahe miye.      James F. Cross, Catka.
WAWOKIYE CISTINA.
Kaksizahanska, September 27, 1904 Wawokiya-
cistiua kin oitancan unpi kte wicakahnigapi.
Hunkuyapi kin he Susan Wanmdi hee. Itancan, Henry J Quinn; itancan okihe, Robert
Max; mazaska awanyaka, Nancy Renville; wowapi kaga, Hannah Wiciyanna waste; wamnayan nonpapi, Ida Robertson qa Louisa Shepherd. Hannah Wiciyannwaste.