Iapi Oaye (Santee, Nebraska), 1906-06 - 1906-07

              SANTEE,   NEBRASKA.
TAKU WA&TE  OKIYA. TAKU SlCA   KIPAJIN
A. L. RIGGS, PUBLISHER.
VOLUME XXXV.    NUMBER  6.
JUNE-JULY, 1906.
WOKAJUJU KASPAPI ZAPTAN.
Ptaya Owohdake.
Ptaya Owohdake kin Ihanktonwan Owakpamni, Greenwood, S. D., September 5-9, 1906 en
mniciyapi kte. Anpetu Iyamni hetanhan Anpetu wakan hehanyan mniciyapi kte. Hemani
ohna vapi kin tokenken waSakadan kajujupi
kte cin tokesta yaotaninpi kte.
ANPETU OYAKAPI."
April 28, San Francisco, California, otonwe
kin de waihangye tanka akipa qa wicota icakiS
unpi owicakiyapi kin wanna mazaska wayawa
topa sanpa ketopawinge sahdogan sam ketopawinge wikcemna yamni akton en hiyuyapi.
May 1, Washington, D. C. Supreme Court,
Wayaco Wankantu kin, Cherokee oyate on wo-
kuwa wan yasupi qa United States he Cherokee
oyate mazaska woyawa tanka topa, $4,000,000.
kicicajuju kta eyuStanpi. Tokah kuwapi ehantanhan omaka wikcemna zaptan.
May 3, Fremont, Neb. WicakaSka tipi etanhan wicasta topa mahen kaSkapi tiyopa kamde-
capi qa napapi kta tuka. WicakaSka awanyanke cin en un Sni tuka tawicu kin iS mazakan icu
qa wicaSta topa kin ake timahen iyaye wicaye
qa aonawicatake.    Winyan kin he waditaka.
May 5,Washington, D. C. TunkanSidanyanpi
kin Standard Oil Company, Petijanjan Wihdi
wiyopeye cin, token wowicaSta sni ohanyanpi
kin Congress en yaotanin. On etanhan woope
kagapi kta naceca.
May 10, St. Petersburg, Russia. Woope
Kaga Omniciye wan dehan Russia en wicakicopi qa mniciyapi qa anpetu kin de wicastayatapi
kin, Nicholas, he yuhdoka. Omniciye kin de
Uouma eya cajeyatapi. Oyate tawaiciyapi kta
akitapi tuka wicaStayatapi is ohinni auawicapte
kta skan. Itonpe Sni kinhan tokan iyayeyapi
kta naceca.
May 14, New York. Anpetu kin de wicaSta
tanka wanji ta. Carl Schurz hee. He IaSica,
tuka tamakoce en wicaStayatapi kipajin hecen
1852 hehan najica hdicu. Iecadan United States
en hiyotanke qa Isantanka iapi onspeiciciya.
Okaga okicize en akicitatancan tanka kagapi.
1869 hehan United States Senator kahnigapi.
1876 hehan TunkanSidan okihe wanji ee, Secretary of the Interior, qa Ikcewicasta ou taku ota
econ. Iye tamakoce etanhan najice hdicu tuka
iyohakam ake ekta hde kta e wicaStayatapi kico,
tuka wicada Sni qa den unkiyopeya un.
May 17, Des Moines, Ia. Presbyterian General
Assembly den mniciyapi qa Rev. Hunter Cor-
hett he mdetahunka kahuigapi. Dr. Corbett
he China makoce en wotanin waste ayapi wanji
ee; hecen wicohan tawa on yuonihanpi.
May 22, Des Moines, Ia. Presbyterian General Assembly en wocekiye wowapi on tehan
wakinicapi. Tanihan wocekiye wowapi wan
kagapi kta on Committee wan cajayatapi; he
■ en Dr. Henry Van Dyke itancan. Hecen dehan
Committee wowapi kagapi kin pazopi. Tuka
wicota wocekiye wowapi takudan cinpi sni.
Hecen kagapi kta esta qa tona cinpi unpi kta
okihipi, tuka he Presbyterian okodakiciye kin
tawa kte Sni yuStanpi.
.May 31, Madrid, Spain. Nakaha wicaStaya-
j>i koska, King Alphonso, tawicu ton. Tipi wakan en wakankiciyuzapi etanhan hdicupi qa wicastayatapi ti kin ekta hdapi icunhan napom
ehpeyapi kin wanji en hiyuyapi. Sunkawakan
canpahmihma ikoyag unpi, qa akicitatancan
tanka ikiyedan yukanpi wicakte. Tuka King
Alphonso qa tawicu kin kiunniwicaye sni.
Wicasta hecon kin najica, qa tohan yuzapi kta
aehan mazakan ptecedan on icikte.
June 10, Boston Mass. Wocekiye wowicada
Wan, Christian Science eyapi kin, wanna Boston
en tipi wakan iyotan tanka wan kagapi. WicaSta ketopawinge zaptan kipi qa kagapi on woyawa tanka nonpa $2,000,000. yusotapi. Yuhdokapi hehan sakpe akihde wocekiye ecoupi; oape
nom nom econpi. Tohan wicasta kektopawinge zaptan tankan iyayewicayapi eca iyehantu-
dan canku ekta ape yukanpi etanhan kektopawinge zaptan timahen hiyupi.
June 12, Sioux City, Ia. Peta wata wan omaka ota MinisoSe wakpa ohna Skan kin wiyopeyapi, mazaska opawinge sahdogan on. Josephine
cajeyatapi.
Omaka 1873 kagapi qa mazaska $13,200 on
yusotapi. Wata nina waSte qa tehan suta tuka
wanna atakuni Sni.
SARAH ELIZABETH VOORHEES
Miss Voorhees Boys' Cottage, HokSipidan
Tipi kin, awanyaka tuka wanna en un Sni.
April 29, 1906, wankan kicopi qa iyaya.   Mdo
ketu kin de ehan i unkanS wanna omaka wikcemna nonpa sanpa sakpe wicohan kin de
yuhe kta tuka. Qa iye wanna omaka wikcemna Sakpe sanpa wanjidan ikiyedan. June 11,
1845 hehan tonpi.
HokSipidan Tipi kin en hokSipidan wikcemna
nonpa sanpa zaptan ecee yukanpi Heeen otokahe etanhan Miss Voorhees opawinge yamni
awanwicayaka qa onspewicakiya. Hena apa
wanna wicaSta tihdepi hecapi qa iye cincapi kin
en uwicakiyapi ece.
Hekan nakun Miss Voohees Hunkupi Omniciye kin kaga, qa heon winyan ota kiksuyapi kte. Wi iyohi mniciyapi qa token cinca icahwicayapi kte, qa tiwahe hduhapi kte, qa Wakantanka eciyatanhan woksape qa wowacinye icupi kte cin hena awacinpi qa iwohdakapi ece.
Tiyohnake kin Miss Voorhees en icaga cin
hokSipidan qa wiciyanpidan wikcemnapi. Iye
tokapa, qa unmapi kin icahwicaya qa onspewicakiya. Hakakta kin he Rev. J. Spencer
Voorhees, Adams, Mass. en wicaSta wakan heca.
Tankeku tancan hapi kta hehan en hi qa wohdaka. Tohan Miss Voorhees hena owasin icahwica-
yaye hehan Dakota oyate en ewicacin. Tehan
en Skan qa tuktekten mdokita qa wayazanhda.
ESta Dakota oyate ihawicakta nakaeS tiyata
oziiciya ki eca ake en hdi ece. Qa ehake takuwicaye wanwicahdag i hehan heya. Wakantanka hecetu dake cinhan, htawani kin en mate
kta, qa ihnuhanna wayazan Sni imdamde kta
hecen wacin ce, eya. Qa taku nonpa awacin
napin ekicicetu: cante wicayazan on ihnuhanna
ta iyaya; qa htani yanka icunhan kicopi.
WOKIKSUYE.
Tona Santee Normal Training School en wayawapi qa wanna tona hetanhan yakinaupapi
kin ohinni woonspe tipi kin de uukiksuyapi qa
teunhindapi. Waonspekiya hen unpi kin owa
tanyan sdodwicaunyanpi, tuka iyotan wanna
tona waniyetu ota hen unpi; hena iyotan sanpa
tewicaunhindapi. Nakaha woonspe tipi kin hen
wocante Sica akipapi, waonspekiya waste wanji
wanna maka wicohan kin ayuStan qa mahpiya
ekta woozikiye owihanke wanica kin en iyaya
Tona Miss S. L. Voorhees, Boys' Cottage, hokSina awanwicayake cin he sdonyayapi hecinhan
hee. Waniyetu 26 hehanyan unkitaoyate ehna
htani, qa wicohan iyotan tehika, hokSina wica-
kaonspe, qa awanwicayake, qa iyotaniyekiye en
Skan. Okinni iye taoyate ehna tanyan wicohan
yuha okihi naceca, tuka, iye tawowasake qa ta-
wowaonsida kin on deciya hi qa christian tawo -
cake kin sutaya yuha oyate tokeca ekta Wakantanka htakini.
Mitakuyepi; Wakantanka tohan tawicohan
iyopte kte cinhan, takuna ikuseya najin okihi
Sni. Ho de iyecen dehan tawicohan en wanji
wowidake un kin wanunyakapi. Heon dehan ataya houciciyapi. Winohinca waste wan,
ataya sdonunyanpi, ihukuya waniyetu ota unyakonpi, awanunyankapi, Wakantanka wacinyanpi onspeunkiyapi, wicohan tanka econ, ho
heece dehan wanna en un Sni. Wokiksuye wanji
waste eunhdepi waSte ee de on wakage, hecen
tona sdonunyanpi ito toni kin heon wokiksuye
wanji eunhdepi kte, hecen tona hen hoksina tipi
en yaunpi qa nakun tona hetanhan yahinanpapi,
qa is nakun tuwe opa cin kinhan, ito mazaska
onge mnaunyanpi qa taku wowaSte wanji ehake
ecaunkiconpi kte. Wanna ota koSka, qa wicaSta inicagapi, kiksuya po.
Ho hecen awacinpo, qa tona mazaska qa iS
kaspapi yecunpi kte cinhan nina piwada kte, qa
tanyan taku kin de unhduStanpi kte. Hecen
tona kaSpapi unyayapi kte cinhan umayakiyapi
kte, qa tanyan owa awaunyakapi kte.
Santee, Nebraska. STEPHEN JONES.
MISS S. LIZZIE VOORHEES
WicaSa qa winyan wanjigji tohan iyekicihan-
tupi qa maka kin detanhan Wakantanka iwica-
cu eca owicakihinyanpi yukan ecee. WaSicun
winyan kin de Dakota oyate ekna nina tanyan
sdonunyanpi. Iyotan dehan unkicagapi kin tona hekta omaka wikcemua nonpa qa isanpa kin
he iyotahena, Santee en wayawa unqonpi qa
"Boys' Cottage" en unqonpi hecinhan dehan
hena owasin winyan kin de tecin on nina cante
unSicapi iyecece.
Boys' Cottage, en hokSina tona awanwicayaka
ecee hecinhan hena owasin cinca kin hecen cante wicakiyuze, qa tewicahinda. HokSipina henana hecen wacin wicakiyuze sni, tka Dakota
oyate kin waStewicadaka, qa ihawicakta, qa om
ounye, qa ecen en ehna te.
Wanna waniyetu wikcemna yamni ikiyena
Santee en HokSina awanwicayake, qa zaniyan
un seca unkan April 29, 1906, en wihiyayena
8:30 Sakdogan sam hanke hehan ihnunhanna
te. Wocetunhdasece. Tka he Iye Wakantanka
tawacin ce unkecinpi. Santee en May 2, 1906,
heehan hnakapi.—Samuel La Pointe, TawacinwaSte Tawootanin en.
MAKA SKANSKAN.
Rosebud, S. D., May 9, 1906, htayetu eciyatan mazaSkanSkan sakowin hetan maka kin
SkanSkan; mazaSkanSkan oape ohanko zaptan
kipiya SkanSkan. Tokiya bu tka tuktetu hca
bu hinkle kin tuweni slolye Sni. Wonihinciye
ehanl akisni. SkanSkan kin wiyohiyanpata kiya ye selececa. John G. Pacer.
Nitakoda Iapi Oaye yuha he.    Cinyakiye cinhan waste
kta.    Omaka wanjidan kinhan kaspapi zaptan.
^