Iapi Oaye (Santee, Nebraska), 1906-08 - 1906-09

              SANTEE,  NEBRASKA.
TAKU WA6TE  OKIYA. TAKU SICA   KIPAJIN
A. L. RIGGS, PUBLISHER.
VOLUME XXXV.    NUMBER 7
AUGUST-SEPTEMBER, 1906.
wokajuju kaSpapi zaptan.
ANPETU OYAKAPI.
July 9, Greensboro, N. C. Tunkansidan Okihe Secretary Taft, okaga makoce ekta wohdaka
iyaya. Heciya owasin se Democrat obe kin
etanhanpi- Nakun Populist eyapi yukan; tuka
Republican etanhan ota Sni. Tuke obe kin de
wanna icah aya, qa North Carolina makobaspe
kin en ohiye kta seca.
July 15, Central America ekta oyate nonpa
Salvador qa Guatemala kicizapi. Hehan United States wookiye kaga qa anokatanhan wicakico qa kicizapi ayustanpi. Panama skiskita
ekta minicanku unkagapi heon makoce kin he
en okicize anaptapi kin iyounwajapi. Nakun President Diaz, Mexico wicastayatapi
kin, wookiye kagapi kin en President Roosevelt okiya.
July 16, Cleveland, O. Standard Oil Company, petijanjan wihdi wiyopeye cin, he Cleveland qa Chicago en yacopi kta. Nalimnana
wicasta opewicaton epa Iiemani watoksu kin en
waiakayedan wihdi tokSupi ece. Wanakajatan-
lian hecon cee, hecen tona wihdi wiyopeyapi
unmapi kin wicaktedan qa wicolian kiu he yuhapi okihipi sni. Hecen Standard Oil Company isnana tanka qa wijica icaga. Tuka wanna
United States woope kin ihukuya wicasta otoiyohi taku tawa kin iakidecen tokiciksupi kte.
iiemani wan hecon sni kinhan ota kajujukiyapi kte.
July 18, London, England, Lady Curzon te.
De Sagdasin oyate wicasta itaucan wan tawicu
ee eSta, United States etanhan. Chicago oton
we en icaga. Mary Lieter eciyapi; qa atkuku
kin Levi Z. Leiter. He wopeton heca. Omaka 1895 Washington otonwe en tipi qa hen
Lord Curzon hihnaye. 1899 heehan Lord Curzon India makoce en wicastayatapi kagapi. Qa
tohanyan makoce kin he en tawicu kici yukanpi kin, yuonihanyan unpi.
July 22, St. Petersburg, Russia. Dehan oyate en wonihinciye akipapi. Wicastayatapi,
Nicholas, Oyate Taowohdake kage cin hetanhan
wanna Russia oyate tawaiciyapi kte seca. Tuka wanna Nicholas Omniciye kin kokipa qa
kihdewicaye. St. Petersburg otonwe akicita
kektopawinge ota en awicahipi qa wakokipe
wicakicagapi.
July 25, New York. WicaSta wan, Russell
Sage, wicahapi. Troy, N. Y. ekta tancan ayapi. Tancan ehnakapi iyohakam manonpi kta
kokipa hecen mazawohnake wan nina tke hinca
qa mazaska tipi iyecen onatake yuhe cin heca
opeton wicaSi qa ecen econpi. Wicasta kin de
ni un icunhan taku waste nina okiya Sni ece.
Mazaska woyawa tanka ota ehpeya iyaye cin
hena owasin tawicu ta wakiya qa iye token cin
kin on econ kta. Qa iye taku waSte ota okiye
kta awacin keyapi.
July 31, Rio Janeiro, Brazil. Dehan South
America oyate kin owasin etanhan kahnih yewicasipi kin den mniciyapi. South America
makotanka kin taku atayedan iyowaja qa hehan token Europe oyate qa United States taku
om iyowajapi kin hena iwanyakapi. De iyehan United States etanhan TunkanSidanyanpi
Okihe, Secretary Root, en i qa wohdaka. South
America oyate kin takuwicunyanpi qa owicunkiyapi kta eceedan awauncinpi, eya. Tuwedan
unkizapi kte sni qa unkipajinpi sni. Tuka oyate otoiyohi oihicihipi qa tanka icagapi kte hecen awauncinpi, eya. Hecen awicakehan Secretary Root yuonihanpi, qa wicakicopi tanka kicagapi.
August 4, Cartegena, Spain. Otonwe de ikiyedan Italian wita wata wan, Sirio eciyapi, inyan wan iboto qa spaya. WicaSta opawinge
yamni tapi. Hena owasin minin tapi Sni, tuka
tonan wata tanka spaye kta tanin hehan wata
cistina kin on wicota kicizapi, winyan qa Siceca
kin iyawicahanpi, qa nakun ota miniwanca en
ipsicapi.
August 10. Washington, D. C. TunkanSidanyanpi Panama Canal kage cin ekta wanna Chinese unpi kta. Dehanyan wicaSta en Skanpi kin
makoce ikiyedan etanhan. Tuka iyenakecapi Sni;
uakun litanikapinpi qa takudan Sogya econpi Sni.
Hecen wanna China etanhan wicaSta ahipi kta
qa tohan iyehantu ake ekta awicahdapi kta.
Ekta owieadepi qa awicaupi he wicohan tanka
hecen Omaka Teca hehanyan Panama iyohipi
kte Sni. Hetanhan minicanku kagapi kin katinyan iyoopte kta.
August 17, Valparaiso, Chili. Maka cancan
qa otonwe hanke kawanka qa wicasta ota tewi-
caye. San Francisco ekta maka cancan iyohakam otonwe hulinage cin he iyecen Valparaiso
ide. Oyate najicapi qa heyata paha ekta makoskan wankapi. Valparaiso ikiyedan otonwe
wanke cin wikcemna cajeyatapi qa hena nakun
ihangyapi oyakapi.
Maka cancan kin de Washington hehanyan
sdonyapi qa maka yuhuhuze cin owapi.
August 19, Yreka, California. Hoksipidan
nonpa otonwe iheyata mazakan hduha Skanpi
qa cahdi tipidan wan kutepi. Tipi suta tuka
ohdoka wanji yukan qa okinni he ohna mazasu kin mahen iyaye yapi qa cahdi yupopapi.
HokSipidan iyewicayapi sni. Tuka pahin onge,
siha wanji, qa cehpi onSpaSpa maka akadada
iyeyapi. Otonwe ekta owanye kin owasin se
kamdecapi. Cahdi hemani canpahmihma wan
ojudan he iecadan en ehnakapi tuka. Okinni
cahdi wanica hoksipidan kecinpi naceca, qaiS
takudan ecinSni wowitkotkoka econ yukanpi.
Tuwe etanhan woksape icu okihi unkans waste kta.
RUSSIA
Dehan oyate teca wan icaga wanyag unyakonpi. Oyate wanakaja tuka de tokaheya tawacin
yukan qa wicaSta wan iyecen sdonic.iya. Dehanyan woteca tanka wan wowidagyapi, nagi
wanica qa woawacin wanica htani yanka kin
heca. Dehanyan wicaStayatapi kin qa okihe
unpi itancanpi hin hceedan oyate eepi icidaka-
pi, qa wicaSta ihukuya unpi kin heua wayaka
wicayuhapi. Eya wauna omaka tonakeca woope eciyatanhan wayaka unpi wicayawapi sni,
tuka hinahin hecen yukanpi.
Tohan Russia wicaStayatapi kin Japan kici
kiciza hehan taoyate ieniyeyapi qa kipajinpi.
Okicize kin on Russia wanna waSake Sui qa wokakije tanka. Wokakije on oyate yuhicapi qa
niiciyapi kta awacin kta.
Hehan wicaStayatapi kin oyate en e wica tonwe, qa wicaSta iyecen wicakuwa kta seca.
Omniciye tanka woope kagapi kta e wicakico,
Douma eya cajeyatapi. Oyate tona tawaiciyapi kin omniciye heca yuhapi ece qa wicaStayatapi kin isakim wowaSake yuhapi ece. Tuka
tohan Douma kin taku iyecetu sni kin yuwaSte
kta akita qa wicastayatapi kin tohan on wiwangapi hehaii wicaStayatapi kin nihinciya qa
Douma omniciye kowicakipa qa kihde wicaya.
Eya ake tokeca wicakico kta eya, tuka he toketu kta tanin Sni. Heceii dehan tona wicaStayatapi ohodapi Sni qon awicakitapi qa wicakaSkapi. Wotanin wowapi kin ota ayustan kiyapi qa akicita ecedan itancan unpi. Hececa sta
oyate tohinni inina takudan econ Sni yukanpi
kte Sni. Cistiyedan ape yukanpi kta, hehan
wicaStayatapi wicake Sni tanin kinhan, okicize en qa wicawe eciyatanhan oyate niciya-
pi kta. Hececa kinhan wicaStayatapi qa tona okihe unpi kin hena tapi kte. Eya oyate kin de okicize codan qa wiconte eciyatanhan Sni wiconi iyohipi kta e on wocekiye
unkeyapi kta eyecetu.
PTAYA OWOHDAKE OAU KIN
Tona hemaui okna Ptaya Owohdake ekta upi
kte cin hena hanke kajujupi kta. Opapi hen
kdapi kta koya kajujupi kta, kinhan iyecen
kansu wicaqupi kta.
Hecen he okna otonwe iyohi etanhan decen
kajujupi kta.
Sisseton   etanhau $10 42
Peever "         10 14
Wilmot "          9 82
Waubav "          8 25
Webster "          7 92
Britton "          8 17
Granite  Palls   "          6 56
Flandreau '■'         4 32
Egan "          415
Chamberlain     "          4 60
Evarts "          8 80
Linton "          9 45
Devils Lake, N. D., etanhan    15 55
Culbertson "  ....  22 28
Poplar "          23 15
Oswego "          24 26
fi@-Hehan N. W. Ry okna upi kte cin ocowasin hdajuju'kta wauna eyapi hecen decetu kta~©a
Pierre  etanhan $10 59
Gettysburg "         9 66
Gordon        "        18 50
Rushville    "       19 40
Valentine     "        12 70
Hehan onajin ekta kansu opetonpi kta he
Wagner, S. D. hecen eciyapi. Tuka tona Oglala qa Sicangu oyanke etanhan hipi kin hena
Lynch, Neb. hen kansu opetonpi kta.
Tuwe onajin tokeca en ope kta cin kinhan
wowapi on imawange kta.
September 5,1906 hehan tokaheya mniciyapi
kta, hecen September 4 wi kuceyena hehan
hemani hihuni he ekta okpewicaipi kta hee.
Anpetu Inonpa hee, he iyehan ihunipi kta iya-
cinhan opapi kta. Unkan South Dakota, qa
North Dakota hena owasin kinin Anpetu Tokaheya he upi kinhan iyehan ihunipi kta.
Hehan tonakeca ceyaS wicota hipi kinhan
Ihanktonwan canpakmiyan kipiyena okpewicaipi. Tuka upi kta oyakapi Sni kinhan okihipi
kte Sni.    Hecen tanyan oyaka po.
Hehan tansna hipi kin on wakeya wanjiksi
ekicikdepi kta keyapi. Tuka owasin sina aupi
waSte. TokSa cega heua cokana he kte Sni.
QeyaS okodakiciye iyohi tona Ptaya Ov. okdake
on wamnaye Sipi iyena aupi waSte do.
Omniciy7e kin iniwaStepi kta cekiya u po.
John P. Williamson.
WOWAPI MAQUPI.
July 22, heehan wicahapi makoce el inyan
ska pamni ewakle. Wanji he tankSi Rebecca
B. Bear tawa, na num micinca hokSila tawapi,
hecel el wotapi wanji wakage. Lila wicota el
ahi hecel oiyokipipi inyan ska eonklepi. He
icunhan winyan mitawa wayazan yruha, he ececa
anpetu wakan yamni kul hpaya. Esa lila tuwe
kin owasin okiyapi. Eya le hekta omaka sa-
klogan he ehan le woyazan kin ececa na mazaska opawinge zaptan yusota na akisni. Lehanl
ake hecel eya pejuta wicasa lila kuwapi ka nahanhcin lehanyan kulhpaya. Eya le winyan
mitawa lila wamakaSkan ota yuha. Pte kle-
Ska 168 wicayuha. Na Bank en mazaska opawinge zaptau en yuha. Eya winyan mitawa
lila kuje kin tuktektel wana te kta kecin na
Sna womakiya ke kes, Hiya, tokSa Wakantanka oniciye kinhan anisni kte, epa ece. Eya
Samuel Z. Hopkins el wocekiye eya ece. Eya
Wakantanka okiye ake maka akanl omaniyan
un kte ecanmi. Ho hecel eya tona Iapi Oaye
iyacupi wocekiye on winyan mita yeksuyapi
wacin.    Nitakolapi wanji.
Allen, S.  D. WlLLIAM  BLACKBEAR.
Iapi Oaye duha he.    Duhe kta iyecetu.