Iapi Oaye (Santee, Nebraska), 1906-12

              SANTEE,  NEBRASKA.
TAKU WASTE  OKIYA. TAKU SlCA   KIPAJIN.
A. L. RIGGS, PUBLISHER.
VOLUME XXXV.    NUMBER 10
DECEMBER, 1906.
WOKAJUJU KAgPAPI ZAPTAN.
ANPETU OYAKAPI
November 2, NewYork. Hekta Iapi Oaye wica-
gta wan Robert, L. Peary, he waziyata maka
ihanke, North Pole, ekta ake ye kta oyaka. He
wanna ya tuka ekta i okihi Sni. Tohanyan witawata ohna ya okihi hehanyan i tka hetanhan caga ece wanke. Hecen ake hetanhan caga akan sunka canwiyusdohan ohna yapi, qa
iyutapi kitanna ota yapi hetanhan ake mini
wanke qa sanpa yaokihi Sni. Ehake iyutapi 400 ecetu iyohi kinhan oinkpa ehan i
kta tka. Hecen wanna ku e mazaapa on oyake. Kupi hehan sunka ece yud kupi. Sunka
sahdogan qa tatankaomna (musk ox) heca wan
hena temyapi, hehan Greenland makoce waziyata ihanke he en hdiyohipi.
November 4, ShaDghai. China makoce cokaya kin etanhan wotanin waSte aya wicaSta heci
ipi kin hecapi woyakapi. Makoce hen wicaakihan tehika icage kta, oyate en wicaSta woyawatanka wikcemna henakeca woyute on nipi kta e
tuktedan kiciyankapi Sni.
November 6, Halifax, N. S., en ake waziyata
wiyohinyanpata, Nova Scotia makoce mniwanca
kahdaya tate wasaka wan iyaye. Witawata ota
yumdeca, qa ota huta ekta kahaiyewicaye. Hehau taku ota ihangya oyakapi.
November 9, London, England, anpetu de en
Sagdasin wicastayatapi, King Edward, wanna
waniyetu 65 ehan i kin on yuonihanpi qa anpetu
oiyokipi wan yuhapi. Ozuye witawata iS mini
akan mazakantanka uta omani.
November 11, Rome. Otonwe wanakajahca
wan Herculaneum eciyapi he paha napope cin on
cahota mahen iyaya oyakapi ece. He dehanyan
nina kuwapi qa wanna tankaya yusdaehnag ayapi. Tuka otonwe ehanna maka mahen wanke cin
onspa akan otonwe wan tokeca kagapi, otonwe
kin Resina eciyapi, qa he en wicanagi 20,000
unpi. Hecen on tokadan oqapi sni. Eya hececa esta token okihipi kuwa yuke.
November 12, Paris. KoSka wan Santo-Du-
mont eciyapi, (French) wasicun hca heca, he witawata kinyan kaga ece Iapi Oaye oyaka. Unkan ake nakaha wanji kaga, tuka hekta kaga
ece kin iyecece sni. Obe tokeca tuka dee iyotan nakaha yupiya iyopta, nakun wankantuya
ye Sni, maka etanhan siha iyutapi 15 hehanyan
wankan hiyaye. Oape wanji eca makaiyutapi
30 hehanyan iyaya ece.
November 14, Tacoma, Wash., he ehan wiyohpeyata makobaSpe wanji Washington eciyapi en minitan tanka wan hiyu, qa oyate ota
wakpa tanka hena wacoka omdaye ektakta tipi
kin owasin mini on kahin iyaya. Mini hena
totanhan u kin he magaju qa he oinkpa ekta
ohinni wa wanke cin he etanhan ota skan kin
hena koya on mini ota qa wasagya hiyu, qa on
waihangye cin nina ota. Nakun wicanagi ota
owihanke naceca. Mazacanku qa cankahonpapi
qa mazaapapi canpasdatapi,owasin kahin iyaya,
qa tuktekten maka koya kiboksa iyaye, nakaeS
naicijinpica Sni, qa itkokipepica sni. Nina tehika.
December 5, Kingstown. St.VincentWita kin
en ake makacancan. Wita wanji St. Lucia eciyapi
hen iyotan nina ececa keyapi.
December 9, Lincoln, Neb. W. J. Bryan, wicasta de okinibun heca. He nakaha maka kin
oksan omani qa wanna hdi, qa oyate obe ota
iyaza on qa ohanpi qa token ihduhapi hena awi-
carndeza. Unkan nahanh oyate ota okpaza ehna
ynkanpi. Wakantanka taiyoyanpa iyowicahi
&ni, hena wanyake. Hecen tukten hdi kin iyehan wotanin waste aya omniciye wan yuhapi, en
Mr Bryan kicopi qa wohdaka qa nina tanyan
wohdake.    Oyate tokecapi ohanpi iwowicahda-
ke cin onahon waSte hca.
December 13, Grand Forks. North Dakota
waziyata ihanke ekta nina wa hinhan qa icamna
tanka qa hemani kin kitanse iyoptapi.
December 13, Stockholm. Swedish wicaStaya-
.tapi, King Oscar,dehan nina wayazanka, qa takuwicaye qa itancan unpi hena wanyag yapi.
_ France qa England, WaSicunhca, qa SagdaSin oyate, denaos wicohan wan tanka econpi kta
wanna wiyeya yukanpi. France he makotanka en izomakoce heca, qa England he mniwanca wita tanka heca qa otahedan mniwanca wanke qa he opta iyutapi 20. Unkan he opta hemani canku wan kagapi kta. Tka mini iwankam
wanke kte sni, tuka mniwanca ohdateya maka
kin ihukuya oqa kagapi kta. Eya nahanh kon-
za yuStanpi Sni tuka wanna ape yukanpi.
Omaka de en United State makoce unkitawapi etanhan mniwanca akasanpa qa wita tankinyanyan qa tokiya kaSta ekta tado on mazaska
$250,000,000 henakeca iyawa yeyapi. Decen
yeyapi, tado on $200,000,000 iyawa, qa hehan
tatanka niyake $35,000,000 iyawa, qa asanpi
ihdi (butter) qa asanpisuta (cheese) qa asan-
pimini (milk) hena on iS $10,000,000 iyawapi.
Iho dena oyate tokca ekta yeyapi. Hehan iS
oyate tokeca mniwanca iyuwentanhan wicasta
ecedan unkukiyapi. Wanna heciyatanhan maka kiu ojupidan qa woyute on nipi kta iyena
yuhapi sni. Heon wi iyohi witawata ojugjudan
huta deciyatanhan ahiwicakada yuke. Hecen
unkiSeya makoce  de wicaSta ojudan kta.
Dr. A. L. Riggs nina wayazanka tuka wanna asni aya.        	
WOWAPI MAQUPI
Iapi Oaye kola wa wahtani e owaglaka wacin.
Lehan ake miniwakan mayuSice lo. Eya hekta
wau kin miniwakan blatkan ece. Tuka winyau
mitawa kin lila iyomaki Sni qeyas inihan Sni
blatkan waun, tuktektel on matin kta tka ece.
Tohinni ecel canpagmiyan etanhan mahinhpaye
na tancokaya ali imayaye. Hehanl ake Buffalo
Bill skal agli na ekta wai na ake blatke. Na
mazacauku kin etan lila iuyanke cin ecel hilipa-
ye miciye, na taku ecamon slolwakiye Sni. Yunkan hehanl winy an mitawa tin kta yunkan miniwakan blatke cin le ayuStanmasi, na miye hehanl wamayazan qehan amasni kinhan abluStan
kta kepa. Na on wocekiye epe ua wana kitanla
tanyan waun hehanl winyan mitawa iyomaki
Sni he weksuye na on lila cante maSica. Hekta
wau kin wicaSa na winyan eSa ataya kolawaya
yunkan miniwakan blatke cin hetan tuweni
kola waye Sni. Eya slolmayayapi Blackbear hoksila emakiyapi qon lehanl ko ececa Sni selececa.
Heon woahtani o waglake lo. Na miniwakan abluStan kta wacin e WicaSawakan na hunkayapi na
tona Iapi Oaye iyacupi owasin wocekiye emiye-
ciyapi wacin. Na le owakihi kin ake mitakola
ota kta wacin e on omiglake ye lo.
Wm. Blackbear.
190?              JANUARY
190?
SUNDAY
—
6
13
20
27
MONDAY
—
7
14
21
28
TUESDAY
1
8
15
22
29
WEDNESDAY
2
9
16
23
30
THURSDAY
3
10
IT
24
31
FRIDAY
4
11
18
25
—
SATURDAY
5
12
19
26
WICATE.
Nettie Rouillard ta. Samuel Rouillard tawicu.
Samuel Rouillard wowapi maqu qa tawicu kin
November 20, 1906, he en wiconi kin de ayuStan omakiyaka, heon ito iapi wanjikji epe kta
wacin. Nettie Rouillard, Santee tipi kin Zitkadanwaste woonspe tawa kin hen waonspe
iciciye qa hen Samuel Rouillard kici kiciyuze.
Hehan WakpaipakSan, Flandreau, S. D. en
hdipi, Okodakiciye awanmdake kin hen opapi. WikoSka nina tauyan ihduha heca qa wocekiye en nina mniheca, qa nakun hihnaku hececa. Heon ecen Pine Ridge, Mahpiyaluta
oyanke kin, ekta wotanin waSte on htanipi qa
katinyan iyokipi Skanpi. Qa wanna waniyetu
wanjikji tancan kunya eSta ku kta awacin Sni,
qa mdokehan wanna nina kunya hececa eSta
htani kin en Skan qa hetanhan Jesus oyanke
wan kicihnake kin ekta ye kta awacin qa ecen
wohdake qa ecetu. Wanna Jesus oyanke qa
wateSdake kin kicu. "Tuka wicate cin hehanyan wicaka wo, kinhan wiconi wateSdake wan
cicu kta." Wayuotanin 2: 10. Wanna dehan
WakpaipakSan okodakiciye kin om waun Sni.
TawacinwaSte okoclakiciye kin om waun, wanna
wi torn om waun qa nina iyomakipi. Hececa
eSta waniyetu wikcemna yamni Wakpaipaksan
okodakiciye om waun qa koSkapi qa wikoSkapi
kin hena icah wicawaye se cante mduza, qa ohini wicaweksuya. Dehan wanji ake maka kin de
un kin ayuStan tka wicohan waSte kin ohna wi-
cakehan skan qa iyaya, hecen Jasus itokam inajin epce qa iweciyuSkin tuka maka kin de akan
hihnaku qa cinca kin hena oaSinya ehpewicaya
iyaye qa hena on cante maSica. Jesus awanwicayake kta on wica weksuye.
Wicate kin deon decen awacanmi ito wikoSka
wanjikji awacinpi qa wicohan waSte kin de ohna
iS htanipi qa awicakehan htanipi qeS epce. Mrs.
Nettie Rouillard te kta ehan ehake odowan dena kahniga omakiyakapi hecen tuwe de yawa
kinhan hena nakun yawa qa awaciu kte. Jesus
tona tawa kin hena tapi kte cin icunhan token
canteyuzapi qa wiyuSkinyan iyayapi kin tanin
ecee. Tona Jesus waSteyadakapi kin Samuel
Rouillard on wocekiye ehapi kta. Wicohan
waSte qa tanka en htani, qa dehan niDa wocante
Sica wanji en i. Qa hen Jesus sanpa wasagye
kte heon yeksuyapi kte. John Eastman.
WAAIAPI.
Nitakoda Iapi Oaye yuha he. Cinyakiye
cinhan waste kta. Omaka wanjidan kinhan
kaspapi zaptan.
Wakantanka yati waste tuwe he en ounye kta.
Tuwe ohan owotanna he tuwedan oie Sni.
Tona Jesus wacinyanpi hena waaipi kte sni,
Tit. 3 :2. Nakun tawicupi hena wahbana unpi
kte qa waaiapi kte sni, I Tim. 3 :11. Waaiapi,
wayaSicapi hena etauhan wowaSte yukan unkanS
iyounkicipaStakapi kta tuka. Tuka hena etanhan woSice ece inapa. Hecen mitakuyepi waaiapi, wayaSicapi, wicokige qa i wasicunpi hena
ehpeya}rapi nunwe. Jesus wahbayena wicanagi
kuwa, he awauncinpi kta. Hecen unkiyepi
wanji iwaStena ihduSica esta unyaSieapi kte sni.
Caponka kin he tukten camape cinhan wacin
iyokiSinya ekta nape yewaye kte hca ece he iyecen wayaSicapi he wicotawacin ksuweya ece, qa
ituya waaiapi, qa wayaSicapi he ecen etanhan
woSice wan icaga ece. Eya wawicihaliapi econpi qa miniwakan yatkanpi hena taninyan wica-
yaSicapi eSta he hecetu do. WicaSa qa winyan
wanjigji owotanna ikdoye wacinpi kes cajewicayatapi, wicayaSicapi he woahtapi tanka yedo,
qa on tuktekten ecen wokipajin icage do. He
tuwe ituya waaie sa qa wayasice sa kin hena he
icahye do. ESta icunhan owotanna qa ksape
icida, qa tokan e wayaSice, qa witkotkoke wica-
kda un ece. Tokeca iyrees aicibdeze qa ikdaco
qa iokmus kduza unkans. Iho mitakuyepi wi-
cai wanjina etanhan wayawaStepi, wayrasicapi
napin inape. Uman tukte on nagi niun kiciyapi kta unqonpi kta hwo. Uncejipi kin he awan-
unkdakapi kte do. Makanahtaka.