Iapi Oaye (Santee, Nebraska), 1908-10

              SANTEE,  NEBRASKA.
TAKU WASTE  OKIYA. TAKU SICA   KIPAJIN
A. L. RIGGS, PUBLISHER.
A^OLUME XXXVII.    NUMBER 8.
OCTOBER, 1908
wokajuju kaSpapi zaptan.
ANPETU OYAKAPI.
August 2, Winnipeg, Man. Waziyata wiyohpeyata Sagdasin makoce hehanyan he makoce
contanka qa tinta makoce hena ide qa waihang-
ye cin tanka, tipi, wanunyanpi, qa wieaSta ko
ota tapi qa mazacanku qa cankahonpapi ota
hulinaga.
August 4, Dubuque, Ia. Senator W. B. Allison ta. WicaSta kin de wanna oniaka ota tunkansidan tawoohdake en opa, qa wicaSta waSte
qa taku ota oyate wicakiyuStau qa owasin owotanna econ, heon dehan te cin on oyate nina '•
cante Sicapi. i
August 15, Springfield, 111. Otonwe kin de
ehanna otonwe waste,he Abraham Lincoln, tuwe
hasapa niwicaye ciqon he, he totonwe. Unkan
dehan otonwe kin de wicohan sica ota, miniwakan tipi qa witkowin tipi ota kin on wicaSta
Sica woope ohoda Sni ota aya qa hena hasapa
kiu owasin tewicayapi kta skanpi qa heceu ota
wicaktepi qa kektopawinge yamni otouwe kin
etanhan napapi.
September 10, Washington, D. C. Ake on
kinyanpi wan kagapi, wicaSta nom sunkakici-
yapi e Wright ewicakiyapi he kagapi. Eya wa-
tak inyan kagapi kin hena toktogye okage, tuka
de is on kinye cin hupahu iyeceii on iyopte, qa
niua diizahe qa tanyan iyopta oyakapi.
—Mitchell, S. D. Tona tokata tunkanSidan
(president) hecapi kta caje wicapazopi hena
dehan otouwe tanka hena ecen wohdag omanipi.
Tokaheya W. J. Bry'an, South Dakota en otonwe tanka ecen wohdag hiyaye, qa he Democrat
obe hetanhan. liehan ake Republican obe etanhan, W. H. Taft he is ake ecen wohdag hiyaya.
Qa akes Eugene W. C'hafin he is miniwakan to-
kaya obe (prohibition) hetanhan he ake iyaza
eceu wohdag hiyaye. Otonwe dena ecen wohdakapi Sioux City, Yankton, Mitchell, Huron,
Aberdeen.
—Mitchell, S. D., ptanyetu kin de Mitchell
otonwe en ake wamnaza tipi kagapi kin iyotan
waste, wahuwapa koka iyutapi (bushel) 2000
on kagapi.
September II, Duluth, Minn. Minnesota makoce waziyata ihahke ekta contanka kin ekta
ide qa taku ota gu, can qa woyuha qa wanunyanpi ko ota ihangye.
Septemper 21, Paris, Prance, ekta nakun ide
on wakanhdi maza canpalidipi kin makoce tankaya huhnahya, qa anpetii ota wotanin owasin
anapta.
September 22, St.Petersburg. Mniwanca akasanpa woyazan makoSica wan Cholera eyapi kin
heon nina ota tapi. Otonwe de etanhan anpetu iyohi hemani ojugjudan tapi tancanpi kin
wanagi makoce ekta towicakSupi. Woyazan he
makoce kin de en nahanli hi sni.
—Seattle, Wash, ikiyedau witawata wan ka-
mdeca qa wicaSta opawinge sanpa wikcemna
minin tapi.
Septemder 23, Belle Fourche, S. D. Nakaha
wicaSta pte yuhapi kin ekta wanunyanpi woyazan wan icaga qa wanna Butte County ekta
nina ota tapi.
September 24, Dallas, S. D., Tripp County
yuganpi kte cin October 5 qa 17, hehantu, qa
he itokam wicasta makoce odepi kiu wakeya
kin skayapi se ape yukaupi, qa canpahmihma
iyecinka iyopte kin heca 35 ohna makoce ode
omanipi.
—Mexico City, Mexico ekta ake maka cancan, qa mniwanca ekta witawata tona ikiyedan
unpi hena taja on kaho ehpewicaye qa wata
wanji en wicasta torn wicakte.
— Nassau, Bahamas. Itokah wiyohiyanpata
mniwanca kahdaya wita hiyeye cin ehna tate
iyumni wan iyaya qa wicasta ota wicakte.
September 27, Utica N. Y. He wan Adirondack^ eciyapi he couwanca kin en ide qa can
ota ihangye, iyehan nilia tateyanpa heon peta
Bma waSaka.
October 1, Honolulu, woyazan wan leprosy
eyapi wowapi wakan en cajeyata ecee, he mniwanca akasam ececapi sa. Tohinni he tuwe he
ececa kin ni un akisni Sni ece. ' Unkan nakaha
pejuta wicaSta nonpa, Dr Brinckerhoff, qa Dr.
Wayson hena woyazan he taku on asnipi wan
iyeyapi keyapi.
Bloomington, 111., en ake wakanka wan waniyetu 103 hehanyan ni qa nakaha ta. Wakanka kin Mrs. Ellen Crawford eciyapi.
Pittsburg, Pa., ekta winyan okodakiciye wau
wotanin waSte aya. Women's (xeneral Missionary society eyapi kin he womnaye kin
$100,000 mnayewacinpi. Iyohi kaSpapi wanji
womnaye kin he is $5,8000 henakeca.
Mrs. Russell Sage de winyan kin nina wijica,
unkan nakaha obe wan Wowapi Wakan Kaga
Okodakiciye ewicakiyapi, American Bible Society, he mazaska woyawa tanka hanke mnayanpi qa ehnakapi kinhan is iyenakeca en ehnake kta kewicakiya.
PTAYA OWOHDAKE WOECON KIN.
Ehanna tona Ptaya Owohdake ekta yapi kin
canpahmihma ohna yapi qa wakeya oti yapi.
Tuka wauna hecece Sni. Dehan Inyanbosdata
en unyanpi kin opawinge zaptan akton hemani
ohna yapi, qa hemani tipi Sakpe yuhapi Sta owi-
catinza yapi. Hecen tohan Iiemani oinajin en
unkipi hehaii canpahmihma on wicahuwehipi
kin ecaca wicakipi Sni, qa ota hen ape yukanpi.
Tuka unhanketa owasin towicakSupi.
Oyanke en unhipi owanyag waSte qa taku
oiyasin oiyokipi. Omniciye icunhan kilianSice
sni qa on piimdapi. Qa Inyanbosdata qa Padani Tawakpa okodakiciye kin tanyan unkuwapi-
Tokaheya mniciyapi kin he September 2 wiyotanhan Sni hehan nape kiciyuzapi omniciye
yuhapi qa wicaSta ota tantanyan   wohdakapi.
Qa wiyotanhan sanpa hehan Ptay-a Owohdake awicakehan yuhdokapi. He iyehan Rev. A.
L. Riggs D. P., wowahokonkiya eya, Mattheos
13: 45, 46 etanhau. Mahpiya Wokiconze kin
Dakota oyate wicakipazopi qa cinpi eSta okinni
he iyrotan dapi Sni heceu hdusnapi kte.
Hehan wowapi kaga nonpa, Arthur T. Tibbetts qa Samuel La Pointe, wicakalinigapi.
Woiwange iwohdakapi kin tokaheya kin he
Rev. John Eastman cajeyata. Dakota oyate
kiu token nikiyapi kta he. Oyate owasin woope on oyate nipi kte cin icicagapi. Qa United
States en woope Iyotan waSte unhapi. Qa Wakantanka oyate woope wicaqu kin on unnipi.
He etanhan wowaSake. Tokiya yaipi kiuhan qa
oyanke wanji en tipi qa taku owasin atakuni sni
qa wicaSta onSikapi kin heca, qa ake wanji en
taku owasin ayucoya wanke qa tipi tekteca qa
wicaSta wiyuskinpi kinhan: oyanke tokaheya
kin en wocekiye ihaktapi Sni qa mini wakan
yatkanpi sa, qa unma kin he Wakantanka ceki,
yapi qa toope kin eu ihduhapi. Hecen Wakantanka toope kin on wicani ece. Nakun dena
he cajeyatapi: Job Robertson, Chas. Crawford,
Eli Abaham, David Eastman, Moses Makey,
Miss Mary C. Collins.
Rev. E. J. Lindsay he maka owancaya wotanin waSte ayapi kin on wahokonunkiyapi. Makowapi tanka wan otkeyapi qa hetanhau makoce owasin unkipazopi. Psalm 2 qa Roma 10 un-
kiyawapi. Maka kagapi hetanhan Wakanka oziiciye Sni Skan, tohanyan wicaSta wiconte etanhan niwieayapi sni hehanyan oziiciye kte sni.
Nakun okodakiciye wakau oziiciye kte Sni. Tona Zion en oziieiyapi kin wotehi kiciyankapi.
"Jesus wicadapi kin token oihduhe yuhapi
kta" he Eli Abraham cajeyata. Iapi waSte unpi kta, apiiciyapi kte ohanyanpi eciyatanhan,
tiwahe tawapi akapatanhan qa mahentanhan
wicakaonspepi kte.
"Inalini   kiciyuzapi kin he waSte he."    he
Clarence Ward cajeyate. Okiciyuze he tiwahe
kagapi. Wicahunkake sdonyapi Sni kinhan
okiciyuze waSte Sni. Hececa eca tiwahe tanyan hdepi okihipi sni. Job Robertson, John
Rouillard, Peter St Pierre nakun cajeyatapi.
Rev. John Eastman woope wauji pazo qa yuStanpi : WicaSta wakan tona okodakiciye wakan awanyakapi Sni eSta hena Ptaya Owohdake
opapi kte qa tokata 1909 hehau woope kin iyecen apiyapi kte.
Odowan wowapi kin yutankapi kta e on committee kagapi qon ohdakapi qa heconpi kta iyehantu Sni eyapi. Committee kin inajin kta tuka katiuyan econkij^api.
Htayetu ekta YatkeSni Omniciye oape wanji
yuhapi. Helian Mr. P. B. Riggs petijanjan wapazopi on "Woonspe Wawokihi kin" iwohdaka.
Anpetu Izaptan hehan Rev. Chas. R. Crawford taku iwohdakapi kin he tokahey-a cajeyata.
"Mdokecoka anpetu kin en Pejimihnaka wacipi
qa Okodakiciye wakan kin om icicahiya Skanpi
kin he waste he." Wicolian kin he on wicanagi
wicahnayanpi. Toua wicolian deua en skanpi
hena mahpiya en yapi kte sni. Tuwedan canku nonpa ohna ya okihi Sni. Samuel Rouillard
David Eastman, Moses Makey, Prank Patterson, John Rouillard, John Eastman, Peter St.
Pierre, Robert Clarkson, Job Robertson nakun
he cajeyatapi.
' 'Wicasta wakan hemaca kinhan taku ecamon
kta" woiwange kin he Mr. Thomas Auugie ayupta. Wacinyanpi en tokahanpi kte; wowaSi en
tokahanpi kte; Jesus token econ wicaSi hena
ohna econpi kte; wicotawacin onsiiciyapi yuhapi kta; wicaSta teca unpi kte. Isaac Omaha,
Flyinghawk, Onebull nakun cajeyatapi.
Wiyotauhan sanpa oSpayetonton mniciyapi.
Htayetu ekta Rev. John T. Bergen D.D. wowa-
hokonwicakiya.
Owankayujajapi hehan Ptaya Owohdaka wicakicopi. Oglala oyanke, Canpawakpa, Conkicakse, Wakpaipaksan, Iyakaptapi etanhau wicakico wohdakapi. Qa tokata Pyakaptapi hen
mniciyapi kta yuStanpi. Htayetu ekta ake Dr.
Bergen wahokonwicakiyra.
Anpetu wakan kin en napciwanka apa liehan
HtakiniwacinSkanpi omniciye yuhapi. Wiyotanhan Sni wacekiyapi en Rev. John P. Williamson D. D. wowahokonkiye wicaqu. Hehan wohduze econpi.
Wiyotanhan sanpa hehan ake Rev. John L.
Bergen D. D. Isantanka wacekiyapi en wahokonwicakiya. De iyamni wanna hecon cpi wicota nalionpi kin owasiu waSagwicaya.
Topa apa hehan Wotanin WaSte Ayapi kin
on witaya mniciyapi qa wicohan tanka econpi
ohdakapi.
WAKANKICIYUZAPI.
Tawacinwaste, July 3, 1908.     Nellie Crawford
qa John Longie wakankiciyuzapi.
John Eastman.
Kaksizahanska, August 30, 1908, William Johnson qa Mary King wakankiciyuzapi.
Isaac Renville.
Cherry Creek, S. D., August 9, 1908, Mattheos
Yellowhawk qa Carrie Eaglebear, qa David
Blackman qa Annie Blackman wakankiciyuzapi.    Lenake Rev. T. L. Riggs yustan.
Eugene Redfox.
Hante, August 2,1908. James G. Zimmerman,
Santee, Neb etanhan, qa Mary Claire, Greenwood etanhan, wakankiciyuzapi. Rev. A. N.
Coe wicakiciyuStan. Alex Horneagle.
Caponka Icuwa.—Wasicunikceka wan wakanhdi mazaicuwa wau kaga qa on capouka
ktepi. Mazaicicaliilia heca petijanjan ohomni
ikoyaka qa he ohna wakanhdi iyopta. Hecen
tohan caponka kin hena ojanjan kin on petijanjan kin en upi qa mazaicicahiha en icalitakapi
eca wancahna wicakte.