Iapi Oaye (Santee, Nebraska), 1909-03

              SANTEE,   NEBRASKA.
TAKO WASTE  OKIYA, TAKO SICA  KIPAJIN.
A. L. RIGGS, PUBLISHER.
VOLUME XXXVIII.    NUMBER 3
MARCH, 1909
WOKAJUJU KAgPAPl ZAPTAN.
ANPETU OYAKAPI
Feb. 8, Mexico city ekta nakaha wihdi oqapi wan napom hiyu, qa wankantuya bomdu-
ya> Wihdi qa Sota, qa inyan koya wankan
bomdu qa oyate kin kokipapi, ecen (volcano)
lie napopa ece kin heca icage kte seca on kokipapi-
Feb. 9. Taft, Mont. United States opta mazacanku teca wan wiyohpeyatakiya mniwanca
hehanyan kahayapi kiu tukten Inyanhe (Rocky
Mountains) en he wanji ohdateya canku oqapi. Mile wanji sam hanke hehanyan he ohdateya canku kagapi. Eya heca ota tuka makoce de en de iyotan maka mahen canku hanska yustanpi.
P-b. 12, Hodgenville, Ky. Otonwe kin de en
tukten Abraham Lincoln cankagatipi ohna tonpi qon he nahanh ecen han, uukan he dehan
cankagatipi kin he inyanska on akahpeya akagapi qa oyate wicota hca Abraham Lincoln yuonihanpi kta on tonpi anpetu en ahi qa President Roosevelt en wohdaka.
—New York. Anpetu de otonwe tanka kin
de cn Siceca wayawapi kin Abraham Lincoln
tonpi aupetu kin en oiyokipi yuhapi, dowanpi
qa wohdakapi, qa woSkate. He Lincoln yuonihanpi on heconpi, niua wicota qa tipitanka hca
ohiui econpi.
Feb. 14, New York. Dehan mniwanca o-
ptapta oicimani kin wokokipi. Icamna tehike kin owancaya hiyaye kin on, mniwanca-
ta witawata hena tehiya unpi. Witawata opta
anpetu tona ihunipi ece qon hunh sanpa anpetu nonpa qaiS yamni hehanhanyan hektam
iya; api.
—Wellington, N. Z. Itokaga mniwanca ekta
icamnna on witawata ohnihdapi kin tehiya iyotan iyekiyapi; tukten wita tanka wan New Zealand eciyapi he ikiyedan witawata wanji taja on
kamdeca qa wicaSta 52 hena minin tapi.
Feb. 15, Newcastle, England ekta makaca-
lidi oqapi wan tatesica mahentu kin ojudan
kin on napopa qa idehiuhda, qa wicaSta 180
mahen otapi. Wanna makoce owancaya se
makacahdi kin peta en wowacinye unpi tuka token tehiya icupi kin he oyate awacinpi
sni seca.
—Washington, D. C. President Roosevelt
Washington otonwe en tipiwakan tukte wanji
en wacekiye i ece kin en ake anpetu wakan cekiye i icunhan oyate kin om ikiciyuSkiny^an nape yuzapi, wauna ecadan oyanke tawa etauhan
tokaii ye kte kin heon.
—Aeapulco, Mexico ekta nakaha wapazo tipi
tanka wan en oyate kaotins wawanyakapi icunhan tipi kin ide, timahentu kin taku oiyokipi
kta on mnihuha qa wowapi ocajeje wasteste
otkeyapi qa ozanpi kin hena on ohankoya timahen idehinhda, qa wicasta 250 nakun sanpa hena tapi. Ota huhnagapi, qa ota akicihanpi on
nakicitapi. Qa hehan nina ota kiunnipi qa tancan onSpaSpa gupi.
—Paris, France. United States makoce kin
de en Siceca wayawa unpi kiu womnaye wan
kagapi qa on wokiksuye wan ehanna tuka nakaha se ehdepi. Ehanna George Washington
SagdaSa kici kiciza eya wo.yakapi ece qon he
ehau Gen. Lafayette, Wasicun oyate etanhan, he
Washington okiye ciqon he hee, ca sunkawakan
akanyotang okagapi, mazazi on kagapi. qa
France makoce en Paris otonwe kin en ehde-
Pi- Isantanka oyate tawaiciyapi kta itokam
wotehi ota kin en wicaSta kin de wawokiye
cin heon, dehan siceca kin Gen. Lafayette
yuonihanpi.
Feb. 16, Rome, Italy ekta makacancan on tapi kin, heon wamdenica ota, qa hena token unpi
kta tanin Sni. Hecen wamdenice owicakiyapi
on makoce deciyatanhan mazaSka $250,000. wi
caqupi kin hena on wamdenica wicayuhapi tipi
wikcemna makoce hen ehdepi kta.
—Grand Porks, N. D. Waziyatawapa Great
Northern canku kin he ohna hemani wicaSta
tokSu kin ya ecen tukten canku oqapi wan en
iyaya qa paptanyan, tuka nina waSbe kin on wa
kin akan kapansya ihpaye qa wanjidan kte Sni
tuka icimanipi kin ota kiunnipi.
Feb. 18, Washington, D. C. Nakaha TunkanSidan Roosevelt, North America en oSpe
yamni kin, Canada, Mexico, qa United States
hena yamni, etanhan kahnih uwicaSipi hena om
mniciye qa iye wohdaka. Oyate hena yamni
tokatakiya taku kasta owicohan wanke cin en
owotanna wanke kte cin hena cajeyata. Hecen
oyate hena wookiye qa woowotanna ecedan
okitahan wanke kta e on de omniciye kin kaga, eya.
Feb. 21, Fort Monroe, Va. Wanna ozuye
wata maka ohomni iyayapi qon Hampton en
hdihunipi qa oiyokipi tanka yuhapi. Wata tokeca ota itkowicakipapi qa mini akan kicipasi
kupi kin iyutapi Sakowin hehanyan kicikpasi
aku nakaes qa yajopi qa utapi qa wiyokihedan
kin kimama ota iyececa, qa oiyokipi qa owodutaton.
Feb. 23, -Little Rock, Ark. Anpetu de en
qa makoce de en tate iyumni wan iyaye qa
otonwe wanjigji ihangya, qa wicaSta akeyamni
wicakte qa ota kiunnipi. Qa nakun icunhan
nina magaju kin on mnitan qa wakpa owasin
mayatete kin akam iyaye, heon nakun wai-
hangye.
Feb. 25, Washington, D. C. TunkanSidan
teca oyanke en iyotanke cinhan, nakuu ihukuya wicaSta tona waawanyaka itancan inajinpi
kte cin dena eepi; Philander Chase Knox, he
Makoce owanca owicohan, Secretary of State,
Pennsylvania etanhan. Franklin MacVeagh he
Mazaska awanyaka, Secretary of the Treasury,
Illinois etanhan; Jacob M. Dickenson he Akicita waawanyaka, Secretary of War, Tennessee
etanhan; George W. Wickersham he Waaia
wawokiya, Attorney General, New York etanhan ; Frank H. Hitchcock, he Wowapi ojuju
itancan, Postmaster General,- Massachusetts
etanhan ; George Von L. Meyer Ozuye wata en
itancan, Secretary of the Navy, Massachusetts
etanhan; Richard A. Balliuger Tunkansidan
okihe, Secretary of the Interior, Washington
etanhan; James Wilson Wojupi waawanyaka, Secretary of Agriculture, Iowa etanhan;
Charles Nagel he O wopeton qa Owicohan wanke cin on waawanyaka, Secretary of Commerce
and Labor, Missouri etanhan.
March 3, Washington, D. C. Otonwe wanna
tunkanSidanyanpi teca toyanke en oStanpi kte
cin wiyeya yanka. Otouwe ataye kahintapi qa
canku ocokaya ye cin he oiyokipiya ecekeen wiyokihedan awakeyapi. Makoce owancaya tan-
han wicaSta kektopawinge opawinge nonpa
wanwanyag hipi. Okicize wata maka aoho-
mniyan hdipi kin etanhan kektopawinge nonpa
sanpa opawinge topa Washington en awicahipi
qa wiyuSkinyan omanipi kin opapi kte. Nakun
akicita ota eu opapi kta.
March 4, Washington, D. C. Dehan William
H. Taft tunkanSidanyanpi toyanke en oStanpi
kta iyehantu hehan awicakehan icamna tanka
qa nina wape. Hecen tipi itankan econpi ece
kin he okihipi Sni; tuka Senate Chamber, Tipi
Wankantu tipi kin mahen econpi. Hecen wicota kin wanyakapi okihipi sni. Tuka wiyotanhan hehan wi kin tanin qa canku ohna omanipi okihipi. Canku SikSica tuka mahpiyata
oiyokipi. Tohan President Taft toyanke en
oStanpi liehau Theodore Roosevelt Mr. Taft nape yuza qa hemani oinajin ekta iyaya. Qa kektopawinge ota akicita se maniyapi qa ekta ee-
hpeyapi qa hen wicota ehake napeyuzapi.
WICAYUHICAPI OMNICIYE TANKA-'j
Waniyetu kin de icunhan makoce unkitawapi
owancaya wicayuhicapi omniciye yuhapi. Nonpa iyotan tankinkinyan, February wi kin en,
Boston qa Saint Louis en yuhapi. Boston ekta
Dr. J. Wilbur Chapman qa Mr. Charles M. Alexander htanipi. Mr. Alexander he dowanpi itancan. Qa nakun wicaSta toktokeca ota hena owicakiyapi. Tipi wikcemna nonpa sanpa zaptan
en mniciyapi. Tipi tukten Dr. Chapman iye
hca wohdaka he kektopawinge yamui wicakipi,
qa anpetu iyohi ataye kektopawinge wikcemna
nonpa omniciye kiu he opapi. Anpetu wakan
yamni heconpi qa Boston otonwe kin yuhuhu-
zapi seca.
Saint Louis otonwe kin en togye Skanpi.
Tipi wanjidan en mniciyapi, Coliseum hee, qa
he wicaSta kektopawinge akezaptan, 15,000,
wicakipi. Qa wicaSta wanjidan en wohdaka,
Gipsy Smith eciyapi hee. Anpetu akeSakpe
hen Skan. Tipi kin mahen wicota yukanpi tuka
iyenakeca mahen yapi okihipi Sni qa itankan
najinpi. Oinniciye dena icunhan kektopawiuge
topa wicayuhomnipi qa wiconi canku opapi kta
e on wowapi yutanpi.
ONKCEKCEPEPE ETANHAN
TAHA KAGAPI
ASkatuyedan ake onkcekcepepe obe wan icahyapi. Eya onkcekcepepe obe ota. Onge Arizona
waicage sni en icaga qa nakun Mexico makoce
en. Obe wanji nakun can iyecen icaga, siha
iyutapi wikcemna topa wakan icaga. Obe wan
uakun iS hahonta qa psaowinja on kagapi ecee.
Onkcekce obe wau Giant Saguaso eciyapi he
taku ota on etanhan kaga pica e sdonyapi.
Taha waSte etanhan icupi waste. Can kin de
cokagin kin taku ota iwaSte, mankau wopiye,
wazikoka qa iteowapi ojuha on kagapi. Dena
kagapi qa hehaii akantu kin he iS icupi qa kpan-
yanpi qa taha waSteSte etanhan kagapi. Taha
kin tatokandan ha iyecen panpanna. Owanya-
ke kin wicasta uka iyececa keyapi.
MINIWAKAN AYUSTAN.
Anpetn ota miniwakan yatkan waun na he wiconte tanka heca. Letan mita woiciconze tanka
micante ocowasin on ecanmon wacin : iciuunpa
miniwakan blatkin kte Sni, tokiya waun kesa e-
canmon kte. Wakantanka onSimala kinhan tohan wani hehan waciuyan waun kte. Aweca-
kehan awamiciciu on woiciconze tanka wan mi-
cicu.
Ate temahila kin wanblake Sni telo. Heon
Wakantanka ohinni cekiya waun na he lehan
wicawala. Mahpiya wiconi ekta ate iyaya hecen he okna miS wacinyan waun kte kin tokata
mahpiya ekta ake ate wanblakin kte. Wowapi
wakan wicoiye ohini weksuye. "Wicate hehanyan wicaka wo, kinhan wiconi wateSlake wan
cicu kte." He wicawala. Tona Wakantanka
wacinyanpi owa miyeksuya po. Letan Christian taakicita waste wan hemaca kte. Wakantanka ouiakiya waSagya wacinwayin kta cekiya waun. Philip Swiftbear.
Hemani canku kin owasin maza akan inyanke cin nonpa, tuka askatudan maza canku wanjidan akan inyanke kta kagapi. He iyecen peta wata en dehan taku wan cankawacipi iyececa
wan wata akantu ekta ehnakapi qa he kahomni
eca wata kin huhuzahe Sni qa tateyanpa eSta
tanyan iyopta okihi. Heon nakun wata ohna
onpi kin wayazankapi kte Sni, qa wata kaSusu-
japi tonana kte. Nakun okicize wata en onpi
kta, qa on tanyan watanyeyapi kta.
Iapi   Oaye
Santee   Normal
Santee,
Ahdiheyapi,
Training   School,
Nebraska