Iapi Oaye (Santee, Nebraska), 1910-11

              SANTEE',   NEBRASKA.
TAKU WASTE  OKIYA. TAKU SICA   KIPAJIN.
A. L.  RIGGS, PUBLISHER.
VOLUME XXXIX    NUMBER 9
ANPETU OYAKAPI
Oct. 2. Mexico makoce en makacahdi oqapi
wan napopa qa wicaSta 72 maka mahen iyayapi, hecen owasin tapi.
Oct. 3, New York. Wanna mazacodan masapapi kin sampa yuhanska ayapi. Mazacodan
wakanhdi on masapapi kin maza adi yeyapi Sni
tka tate oniya (air) he adiya maka iyutapi 5,600
hehanyan nakicilionpi wanna okihipi.
Oct. 11, Boston otonwe kin de en omniciye
wan yuhapi maka owancaya wotanin waSte ayapi
obe wan American Board eciyapi kin hee. Qa
taku iyotan nina iwohdakapi kin, American
Board wanna omaka opawinge ihuni heon he
dehan wokiksuye kta nina cajeyatapi.
— Hekta tunkaSidanyaupi Theodore Roosevelt he St. Louis otonwe ikiyedan hen onmiciye wan yuhapi, unkaii hen Mr. Roosevelt
wohdake kta i, he icuuhan hen wata kinyan
wan kinye kta e wiyeye najin, unkan wata iyo-
ptekiye kin Roosevelt kico qa kici kinyan ye
kta keya, unkan ho eye eja en ope kici otonwe
kin nokawinh nonpa hdipi.
—Winnebago, Neb. Nakaha Hotanke kin
wicata makoee yuhapi kin hena wiyopeyapi
kta n woohiye eciyatanhan wowapi iyohpeyapi. Maka ospe wanji $60 hetanhan $90 hehanyan. Tuwe wankantuya on iyohpeye cin he
ohiy . Makoce hunh MiniSoSe wakpa ikiyedan
lioski kiu hena $20. oSpe wanji iyawapi. Anpetu lie en waSicun kin opawinge saupa iyreya
wowapi iyohpeye ipi.
0<-t. 14, Bismarck, N. D. Otonwe de en wo-
kiksuye wan ehdepi. Hekta waniyetu opawinge kitanna sanpa he ehan wicaSta nom Lewis
qa Clark hena MiniSoSe Wakpa kin de ohna
yapi qa helian he tanka kin opta yapi kta qehan tuwe awicaye qon he wanna hekta Iapi Oaye
oyaka. Unkaii hee ca ake tancan ataya mazazi on kagapi kta wokikisuye yuonihanyan ehdepi. De icunhan Dakota wanjigji en ipi hena
koska waonspepi hecapi. James Eagle, he He-
wakiokto etanhan qa Martina Littlewarrior he
Dakta Sioux etanhan. Hena Dakod ihdus
woh- iakapi. Qa tuwe tancan okagapi kin he Sa-
kakawea eciyapi. Wicinyanna ehan Shoshone
oyate etanhan wayaka ahdipi qa oyate tokca
ekta icaga. Unkan dehan wanna de inonpa
woyuonihan tanka ecakiconpi.
—St. Petersburg. Russia qa Sweeden ma-
koci- otahedan mniwanca okahmi wan Baltic
Sea eciyapi kin hen tate ohitika on witawata ota
kamleca qa etanhan wata yamni okahmi wan
en iyeyapi qa wieaSta 100 ecetu tapi Hena ota
witawata wicaSta hecapi.
Oct. 17, Winyaii wan caje okitauin e ta Julia
Ward Howe eciyapi. Taku on okitanin kin he
wocekiye odowan waSteSte ota kaga, odowan
wan Battle Hymn of the Republic eyapi he
kage. Hekta okicize tanka (civil war) he icunhan odowan he kaga, qa odowan he okicize
kin heon woyuwaSte etanhan icage kta on wicoie
owasin wocekiye iapi heca ece se on owa.
—Cuba witamakoce kin ataya tate ohitika wan hiyaye qa wita ota hena en oyate unpi
kin taku tehika sdonyapi, hekta tohinni tate!
heceii tehika sdonyapi Sni. Havana Otonwe kin \
nen ecedan Sta taku awihnuni kin mazaska woyawa tanka wanji. Eya wicaSta owasin se tieodan iyayapi, wicasta tona tapi oyakapi sni.
Oct. 19, New York. WicaSta wan Walter
Wellnian eciyapi he mniwanca opta watakinyan
ohna anpehepiya kinyan iyaya, wicaSta zaptan
optu. Qa wanLa mniwanca iwankam iyutapi
870 hehanyan ya tka ecen tate on iyopte kin yusice qa tokiyotan yewacin esta okihi Sni, qa tate on okahbog un.' Tuka mazacodan masapapi
yuhapi nakaes kohanna owancaya maza apapi
qa witawata wan kohanna nahon qa eciyotan u,
"nkttiiniahpiliepiya okahbog unpi kiu wanwiea-
yakapi qa heceu witawata kin ihukuya hiyu qe-
NOVEMBER, 1910
WOKAJUJU KASPAPI ZAPTAN.
han watakinyan kin kun u qa akan hiyahan qa
wicaSta Sakpepi kin niwicayapi.
Oct. 25, Italy makoce ekta ake wotehi wan
tanka akipapi. Oyanke wan" Naples eciyapi nina owanyag waSte qon oiyokiSinya ehpeya, wita qa mniwanca okahm oksan otonwe wasteste
kin ehan tate iyumni kin yamnikiya maka kin
ahdiheya u qa taku owasin se yuhin eyaya.
Qa he icunhan mciyatanhan taja' kin apaSbog
hiyu, qa akeS lie nom ikiyedan, Vesuvius he
qa Eporneo he kin, hena oinkpa etanhau napom hiyu qa taku Sdo kin bomduya, liecen wowanyake tehika yamni owanjidan akipapi kin.
Okini nakaha de wowinihan iyotan tanka naceca. WicaSta opawinge sam iyeyTa tapi. Tokata anpetu ehake kte cin en oyate owasin wowinihan wan de isanpa unkiciyankapi kin he
kiksuya po.
Oct. 28. Chicago otonwe tanka kin itokah
ihanke ikiyedan hen wopazo makoce kin en tipi
nina lanka ota, hena woSkate tipi. Hanyetu
qa anpetu owasin oyate wicota hca kata wica-
han ece. Unkan dehan hen Dr. W. Chapman
qa C. M. Alexander hena oyate dena wotanin
waSte ou wahokonwicakiyapi. Mr. Alexander
he iS dowan wicaSta heca. Qa oyate kin nina
Jesus tawotanin nahonpi kin on ota ihduhomnipi. Tuktekten wicota hee cin 5,000 anagoptan yankapi. Hecen dehan Chicago otonwe en
iyoyanpa wicakiyohi. Nakun wicasta wakan
Sam Jones he htayetu iyohi tiyoko ohna tuktetu eSta Wakantanka oie ieyanpaha qa oyate
ota nahon najinpi ece.
— Toronto, Canada ekta nakaha North
America Y. M. C. A. omniciye tanka wan yuhapi. Unkaii koSka okodakiciye maka wita
North America en wicohan de sanpa nina icah
aya. Qa koSka okodakiciye opapi kin wanna
496,000 henakecapi, qa koska okodakiciye tipi
otonwe tankinkinyan ecekeen kagapi kin on
mazaska denakeca yusotapi $51, 000, 000. Hecen Y. M. C. A. tawicohan kin icaga cen koSkapi awacinpi kta.
Nov. 3, Nome, Alaska. Waziyatamaka ihan-
ka ekta mniwanca okiyute wan Bering Sea
eciyapi, heu icamna tehika vra,n iyaya. Makoce
qa mini ekta tipi qa wata ota kamdemdeca, qa
mniwanca eciyatanhan taja kin makoce ekta taku owasin tohanyan iyohi kin kahin iyeya. Qa
taku awihnuniye cin nina ota, tuka wicaSta tona te oyakapi sni.
Nov. 6, Seattle, Wash. Wiyolipej'ata mniwanca kahdaya Washington makoce hen maka calidi oqapi wan en tate Sica (gas) napopa
qa wicaSta akenonpa wicakte. Tohan napope
cin taku owasin uamden iyeya qaokSan makoce
tankaya maka kiu nahuhuze cin he maka cancan kecinpi.
— Anpetu kin cle Inyanbosdata Standing
Rock makoce en otonwe teca wan McLaughlin
eciyapi kin hen Congregational okodakiciye
teca wan icaga. Dena owasin waSicunpi, makoce kin de en nakaha waSicunpi kin tokaheya
okodakiciye icagapi. Hekta omaka ota okodakiciye obe etanhan ota icaga eSta hena Dakotapi Unkan dehan makoce de en Okodakiciye
wakan waSicunpi etanhan ahiicage cin deon
Dakota kin piundapi kta.
Nov. 9, Otonwe wan Bayonne, New Jersey,
en wihdi petijanjan opiye tanka wan koka pa-
hmihma kektopawinge wikcemna torn kipi he
ide qa napope cin okSan makoce kin nahuhuze
kin okokipe hinhda. Qa wicaSta ikiyedau htanipi toki iyaya tanin Sni qa zaptan Sicaya kiunnipi qa gugupi.
— Wiyohpeyata maka obaSpe wan Washington eyapi qon, hen wanna winyan wowapi iyohpeyapi kta woakinice qon he hecetu
kta e ohiya. Hecen okini winyan 130, 000 henakeca wowapi iyolipeya okihipi kte.
Nov. 11, Paris, French wasicun tamakocepi
kin ekta ake nina magaju qa Seine Wakpa kin
siha iyutapi 20 sanpa iyeya wankankiya u qa
oyate nihinciyapi. Qa wakpa ohna wokage
tipi qa takn tokeca wakpa ohna owasin se
ihangya.
— Berlin, France en magaju kin icunhan
Germany makoce eu iS icamna tehika, mini ko
hinhe nakaeS Rhine wakpa kin siha iyutapi 22
sanpa mini kin wankan u qa tate kin on maza
wakanhdi canpasdatapi owasin kawanka, qa tate kiu qa mini on taku ota ehangya.
Nov. 18, Cheyenne, Wyo. Wiyohpeyata IkcewicaSta oyatepi wau Shoshone ewicakiyapi,
Wyomiug en yukanpi kin heu makoSica small
pox wicahdihdi ececapi. Wanna 93 ececapi qa
nakun sanpa ececa ayapi. Tuka tunkanSidan
etanhan tona ececapi token yuasnipi kta on
owicakiyapi kte ein wawiwange.
Nov. 23, Washington, D. C. President Taft
TunkanSidau itokah skiskiita wan Panama eciyapi North qa South America otahedan mini
ocanku qapi qon he ekta wanyag iyaye ciqon
wannaWashington en tipi ska iye ti kin en hdi.
President Taft, Tunkansidan kin, he wicaSta
wicakahnige qa hena waawanyaka itancan eepi
ece. Unkan nakaha tunkanSidan wakiia tawa
kin he okihe un kte cin he kahniga unkan hasapa koSka wan William H. Lewis eciyapi he
kahnige.
Tarkio, Mo. en mahti wicasta wan David Rankin eciyapi, he United States en iyotan wankantuya mahti. Maka ospe, acre, 25,640 henakeca akan woju, ga wicaSta opawinge nonpa
sam iyeya wowidake wicayuhe, qa omaka iyohi
wamnaheza iyutapi, bushel, kektopawinge opawinge yuksapi ece. Hecen wijica nakaes Tarkio otonwe kin en woonspe wankantu wau Tarkio college he iSnana ehde.
New York otonwe kin ptanyetu de wayawa
tipi owasin yuganpi, qa hokSidan qa wicinyanna 700. 000 henakecapi woonspe tipi 590 hena
en wayawa yapi. Qa wonspekiyapi kin 28,000
henakecapi, otonwe wanjidan tka henakeca.
Ptanyetu kin de ide on taku ota awihnuni.
Dehan ake Wisconsin makoce obaSpe kin hanke-
ecetuh ide on tipi, wanunyanpi, qa woyuha ota
owihankeya. Iyotan con wanca wauke cin hena-
can waSteSte on wokageyapi kte ciu ataya ce
huhnaga, heon tuktekten makoce owancaya So-
taya wanka.
Kokomo, Ind. Wicasta wan Elwood Haynes
eciyapi he taku wanji waSte hca iyeya. Maza
ocaje kin nina ota maka mahetanhan qapi qa
icupi. Nom Cobalt qa Chromium ey-a cajeyatapi Cobalt hee qa taku Skuinna wan acid eyapi
kin, he kici icicahi skanyaupi kinhau on janjan
toto waSteSte kagapi. Qa hehaii Chromium he
is nakun acid kici skany-anpi kinhan taku zi
iyotan waste hca kagapi tuka hecebnana iwaSte. Unkan nakaha Cobalt qa Chrominm kici
icicahiya Sdoyapi qa kasutapi hehan mazasuta
(steel) isaupi waSte hca kagapi, on isan qa onspe, taku on baksapi ocaje waSteSte ota kagapi.
Hecen maza ocaje dena taku tauka on wacinyanpi sni qon dehan wowacinye tanka iyeyapi,
maza kin ou taku kagapi kin spaya eSta tohinni gi kte Sni qa taspan on baskupi eSta sape
kte Sui.
WicaSta wan William Deering eciyapi he
wikicanye ocaji owasin mahtipi wicakicage qon
wanna watuka on enakiya, wijica. Hecen nakaha Chicage en okodakiciye wan Methodist
ewicakiyapi qon he City missionary, otonwe
tanka en wotanin waSte ayapi ece, he mazaska
$500,000 henakeca mnayanpi kta kiconzapi kin
en Mr. Deering $75,000 ehpeya. Dehan wicohan he nina econpi. Otonwe tanka hena en
wicohan sica, woahtani ota icah aye nakaeS hen
wotanin   waSte ayapi kte cin he nina eeonpi.
j., ■     -  ■.■ ..... ■: -.;■■•:■.