Iapi Oaye (Santee, Nebraska), 1911-03

              SANTEE,   NEBRASKA.
TAKU WASTE  OKIYA, TAKU SICA   KIPAJIN.
A. L.  RIGGS, PUBLISHER.
VOLUME XL    NUMBER    3
MARCH, 191
WOKAJUJU KASPAPI ZAPTAN.
ANPETU   OYAKAPI
Feb. 15. Hahawukpa ohna Keokuk, Iowa o-
touwe kiu hen ceyagtonpi tanka kagapi kta Iapi Oaye oyake qon he wanna kagapi kta yuStanpi. Mazaska woyawa tanka nonpa 2,000,000
on kagapi kte. Wakpa kin hen mini sicu kin
ata> a imnija wanke heon sutaya kagapi kta qa
on makoce tankaya wowiyunyanpi kte cin heon
he kagapi kte. Mini natakapi kin heon wakanhdi kagapi kte.
Feb. 17. China makoce ekta makoSica teliika eyapi qon dehanyan sanpa tehika aya.
Wanna wicaSta 05,000 hena tapi. Anpetu iyohi
250 tapi qa pejihutawicasta akenom nakun tapi. Eya woyazan eceedan on tapi Sni, nakun
ota akihan tapi. Ecin naknn makoce kin hen
waicage Sni qa oyate tanka eSta woyute ota Sni,
heon tohan taku yutapi Sni eca eanha qa canhdohu qa hutkan hena yutapi. Awicakehan
wotehi tanka.
Feb. 19. Nakaha wicaSta wijica wan wiyohpeyata ti kin ekta nina wayazanka, unkan New
York ekta pejihutawicasta anatan, qa maka wita kin opta anpetu yamni qa sain oape Sakpe
hehaii ekta iyohi.
Feb. 20. Wiyohpeyata mniwanca cokaya wita wan Sandwich hen otonwe wan Honolulu eciyapi kin hen wapazopi tanka yuhapi qa Tunkansidan President Taft yuhdoke qa Washington en taku taSpudan sece kin he napsnkaza wanji on patan iyeye kin hecehnana wakanhdi kin
ekta iyohi kin on woecon owasin iyopta hinhda
qa winahomni owasin SkanSkan hinhda.
Feb. 22. IkcewicaSta oyate wan Comanche
ewicakiyapi en wicaStayatapi okinihan yuhapi
kin he ta.    Quanah Parker eciyapi.
Mar. 5. Minneapolis, Minn, ekta nakaha tipi tanka lica wan ide, tipi kuya kin hena mazo-
piye qa wankantu kin hena wowapi okage tipi,
office heca. qa wicasta akenonpa kitanse niwicayapi qa nom tapi seca tuktedan iyewicayapi
sni Ataya niazaska woyawa tanka wanji iyawa awihnuni.
—Nice, Prance nakaha ake wicaSta wan Lieut.
Bagne eciyapi, he waiicun oyate etanhan, wata
kinyan tawa ohna Mediterranean mniwanca
iwankam kinyan ye qa iyutapi 124 hehanyan i.
De iyotan tehan  kinyan i.
Mar. G. China Makoce ekla makoSica qa wicaakihan kiu on United States etanhan owicakiyapi kte cin on wanna mazaska $36,000 qa
ozuye wata watokSu heca wan aguy^api mdu
ohna ece ojudan hena ekta ayapi kte. Aguyapi
mdu kin niazaska $21,000 iyawa on yeyapi kta.
WICATE
Cherry Creek, S. D., Jan. 12,1911. Lecalawo-
caute Sica unkakipapi. Tonwin unyanpi, Can-
kuwiu, unkitapi on lila cante unsicapi. Ehake
hecela hunkake kici unqunpi, ate he kici wico-
we wanjila icagapi tka wanna napin ehpeunyanpi canke tacincala otiwota el unpi iyecel
iyotiyekiya unqonpi. ESa eya tonwin Wakantanka wacinyan uu e slolunkiyapi, hecen lehanl
tonwin wauna woozikiye el iyuSkinyan un kecanmi. Tonwin ohinni hekta wahokon unkiyapi eea heya ece, toSka onSikicilapi, taku Sica
kiciyapi hena wacin Sni ye eya ece. Unkan
tonwin te kta unkan wancag ia okihi Sni on
woiwahoye wanjila aihpeunyanpi Sni ehpeunyanpi. Tuka Iye Wakantanka wanna iyehantu
canke ikikcu ecanmi. Hecel kolapi wocekiye
on unyeksuyapi nin ecanmi.    Ed W. King.
MAKA WOOSPE (GEOLOGY)
Woonspe III
Woonspe kin de Mesozoic ee
T Woonspe kin de Mesozoic eciyapi. He wiconi cokaya hecen kapi. Hekta woonspe en
woicage yamni cajeyatapi, tuka woonspe den
woicage wanjina cajeyatapi, qa he wamduSka
woicage kin ee.    Wainduska epe ein sintehda
heca wake Sni, tka taku hu topa qaiS nonpa e
sinte hanske, ahdeSkana iyeceii manipi kin heca wake. Maka akan ihankeya wamduSka ota,
ocaje owasin tohinni woyakapi kin de iyecen
wamduSka ota oyakapi Sni. Woicage kin de
en ota kiyuSpeya oyakapi. WamduSka, tukihasan, canhdohu, zitkana, hogan qa can.
Hekta woonspe en taku icagapi kin, wanna
owasin tokeca, makoncage tokeca aye cin iyecen taku oicage owasin tokeca aye. Hecen nakaha taku owanyake ota tokeca. Canhdohu
ocaje wan cycad eciyapi, wazi taspan (pine ap
pie) iyececa, qa he nina ota, qa hena nakun
etanhan maka cahdi kin icaga. Hehan tukihasan ocaje (oyster) qa matuSka obe kin hena
otapi. Dehan heca obe yuke cin iyecece sni,
tka hena etanhan, dehan yuke cin, icagapi.
Taku wan huhu e hanska inkp'a ekta pesto
qa uma eciyatanhan tanka qa en panpanna, wojuha iyececa ikoyake, Belemnite eciyapi, inyan
wahukeza hecen kapi. Wojuha kin hen takn mini sapa (ink) iyececa un qa hetanhan mini sapa
on wowa- i kagapi waSte kagapi, he nakun ota.
Wamdus'ka Oicajje Kin.
Miniwanca en ounyanpi, hogan obe kin helm ; maka puza en woteca obe ounyanpi kin hena : maka qa mahpiya otahedan zithana ounyanpi obe kiu hena, Dena obe yamni kiya itancanyan woonspe den cajeyata. Tokaheya kin
he niwan unpi; icinonpa kin he mani unpi; qa
iciyami kin he kinyan unpi.
1. Mini ekta.—-Den WamduSka tokaheyra cajeyatapi kin he ichthyosaurus, hogan wamduSka,
qaiS ahdeSkana hee. Tancan ptecena tanka.
Tahu ptecena tka sinte nina hanska. Wanjigji
pa etanhan sinte hehanyan siha iyutapi 30 qa
40 hehaiikecapi. Pute hanske,^ cehupa naknn,
qa hi kin opawinge ecetu. Sunka hi token
lianpi kin iyececa. Taku on niwe kta iyececa
torn woteca hutopa iyecen ikoyake, tka on mani okihi Sni. Sinte hanska mdaska, Sinkpe
sinte hanpi kin iyececa, qa tahu kin heciyatanhan hu okihe kin sinte kin aiyahdeya okihe
yuke. Helian wanji iS hogan ahdeSkana plesi-
osaurus hee, he iS tahu kin nina hanska, pa cistina qa sinte ptecena. Taku on niwe kta torn
woteca huha topa iyecen ikoyake, hogan iyeceii
cankahu hu okihe yuke. Dena nahanh mani
okihipi Sni.
2. Maka ekta.—Maka amani wamduSka den
yuke cin iyotan taku maka amani unpi tankinkinyan hecapi. AhdeSka tanka iyececapi, qa
mini eu wamduSka qeya hogan- wamduSka eya
pi qon dena etanhanpi iyukcanpi tka wanna
huha yukanpi qa mani unpi. Hehan taku maka amani nnpi kin de etanhan zitkana kin icagapi Den taku mani unpi kin onge hu topapi
qa onge hu nomnana on manipi. Hu hekta
patanhan hu kin hanskaskapi qa hu nom toka-
tanhan henaos pteceua, hecen zitkana manipi
kin ipecen manipi. Maka ekta owepi kin onge
siha jatapi kin yamni, zitkana siha iyececapi,
siha iSkahu okihe ekta zitkana siha kin iyecece
hca. Woteca dececapi kin tankinkinyanpi, pute
hanska (elephant) inskokecapi. Decana wanji
Belgium en iyeyapi unkan hu hektapatauhan
henana on mani, qa tahu kin hanske, qa pasn
kin zitkana pasu kin iyececa.
3. Maka qa mahpiya otahena ekta.—Den taku cajeyatapi kin zitkana (bird) hee. AhdeSka
hupahu yukan, pterosaurus eyepica naceca.
WamduSka hee tka wanna hupahu yuke. Zitkana wau hupahu wakihdake (bat) eciyapi kin
iyececa, tka de nina tanka, sinte kin psonpson-
na hanske wanjigji sinte ptecena, zitkana sinte
iyececapi.
Omaka 1802 en zitkana wanakaja hca wan
iyeyapi. Hupahu qa tancan ko wiyaka eu ikoyake, dehan wahupakoza bin kin iyececa, tka
liupahn kin hena isto tka naceca nape yamni
jata en ikoyake. Sinte kin hanske qa wamduSka sinte hu okihe yuke cin iS iyececa.    Hu-
j pahu ekta siha yamni jata ikoyake cin Sake yuke, zitkana Sake kin iyececa. Dena iwanyakapi kin eciyatanhan zitkana kin hena wamduSka oicage kin etanhan hca hiyupi seca. Hecen tokaheya zitkana oicage tawapi hca etanhan icagapi Sni tka wamduSka zitkana hecapi.
Iyecen wamakaSkan oicage tawapi hca etanhanpi Sni, tka wamduSka wamakaSkan hecapi.
Inyan wanjigji en taku owepi kin tauiu ecee.
WamduSkana taku cistina maka en manipi (insect) owepi kin ota iyeyapi. Hehaii wamduSka
', owepi nakun ota iyeyapi. Onge sihaiyutapi
kin yamni, topa qa zaptan hecekcetu, qa wanjigji sinte yusdohan owepi kin tanin. Onge
hu torn on manipi qa onge hu nom on manipi.
Dena owasin se wamduSka hecapi. Otokahe
ekta dena maka coco en owepi qa iyohakam tasake qa inyan icage, heon owepi kin eceena
taninpi.
Wanna otinskoya maka tanin.
Dena woonspe kin en nahanh North America
makotanka kin ataya tanin Sni iyukcanpi. Waziyata wiyohinyanpata ekta ataya se maka tauiu,
Mississippi wakpa kin onSpa hehanyan tanin, qa
wiyohpeyata Inyanhe (Rocky mountain) hena
tanin e iyukcanpi. Itokah Florida etanhan Texas
hehanyan qa waziyatakiya Colorado etanhan
North Dakota qa Montana hena nahanh miniwanca maheu wanke seececa.
Can ocaje kin,—Wanna de iyehan can ocaje kiu yuke. Utuhu (oak), canhasan (maple),
eohwanjica (willow), cansu (hickory), tanpa
(beech), wahcinca (poplar) nakun toktokeca
wanjigji.    Can suta kiu heca ecee dehan icaga.
Tukihasan ocaje.—Hekta kin tukihasan ohinni cajeyatapi ecee, qa de iyehan kitanna tokecapi. Tona miniwanca Sbe ekta ounyanpi hena
tehan ihdutokecapi Sni, tuka mini kazena epa
maka puza ikiyena hena ecana ouncage tokeca
icagapi. Heceii dehan tukiliasan yuhmunpi
(coil) iyececapi Sni. Onge owotanna hanskapi
hena scaphites inyan wata, toxoceras itazipepa,-
Ancyloceras ptehe kSan, Handles hoicuwa,
Baculites sagye hecekcen cajewicayatapi. Hehan hogan tanka obe wan shark ewicakiyapi.
Dakota iapi caje wanica naceca, he nina otapi.
Taku wan wahupakoza iyececa, uinQ. tarka,
pleronodon, hupahu yukan hi wanice eciyapi,
makoce kin den yuke. Pasu hanske siha iyu-
tipi topa, hi wanice. Hupahu inkpa etanhan
uman ekta siha iyutapi wikcemna nonpa. Hehau taku wan wamduSka sdohan unpi kin iyececa, hu topa tka ptepteeena, okinni mini en
ecee un naceca, qa hetanhan wamduSka huha
wanicapi e sdohan unpi kin he hetanhan icagapi naceca, he nakun nina otapi. Hehan zitkana kin wanna otapi, onge mini en unpi, ni-
wanpi qa kihnunkapi, qa onge iS hi yukanpi,
dehan zitkana yuke ein iyeceee Sni, tka dena
mini en unpi hecapi.
Mesozoic woonspe akta iwanyakapi.—WToon-
spe de iwanyakapi kin woitonpe seca, wamduSka oni kin de. Anpetu dehau maka kin den
wamduSka obe Sakpe ni unpi kin dena ee: Africa makoce en ahdeSka tanka (crocodile) obe
nonpa yukan. India makoce en obe nonpa
(gavial) yukan. North qa South America en
ahdeSka tanka (alligator) obe yamni yukan.
Dena siha iyutapi 20 qa 25 hehankecapi. Makoce de en wamduSka mini en ounyanpi qa
kinyan ounyanpi kin obe opawinge eceu iyeyapi. De etanhau ota dehan ahdeSka tanka kin
isam tankinkinyan.
Wowiyukcan kin en, wamduSka kin woicage
kin en itancanpi seececa. Woteca, wahutopa,
maka puza en ounyanpi kin hena wamduSka
oicage kin etanhanpi. Hogan tanka (whale)
obe kin miniwanca en ounyanpi hena nakuu.
Zitkana ocaje maka iwankam kinyan unpi kin
hena nakun. Dena owasin wamduSka oicage
qa ohanpi kin iyececapi. Tokata ake onSpa
omdake kta. George Firecloud.