Iapi Oaye (Santee, Nebraska), 1911-05

              SANTEE,   NEBRASKA.
TAKU WASTE  OKIYA. TAKU SICA  KIPAJIN.
A. L. RIGGS, PUBLISHER.
VOLUME XL    NUMBER   5
MAY, 1911
wokajuju kaSpapi zaptan.
ANPETU OYAKAPI.
Apr. 9, Anpetu de en Japan ekta otonwe tanka wan Tokio, eciyapi qon he ide qa tipi kin
5,000 henakaca huhnaga. Tuka wicaSta tona
tapi oyakapi Sni.
Apr. 12, Itokahwapa makoce Kansas qa Oklahoma qa Missouri wiyohpeyatanhan onSpaya
hinskoya tate iyumni wan hiyaye qa otonwe ota
ihangye. WicaSta 23 kte qa 100 kiunnipi. Hehan wasu kin witka hinskoskokeca, qa wakanhdi tipi en iheya cin hena boide qa tate kin tipi
hohinte kin hena bomduya qa wonihinciye qa
woiehike tanka akipapi.
— France etanhan wicaSta wan Prier eciyapi he wata kinyan tawa ohna mniwancaoki-
yute opta mini iwankam siha iyutapi 3,200 hehan wankantuya ye qa inajin Sni maka iyutapi
29(1 hehanyan inajin. French waSicun oyate
de iyotan wicaSta kinyanpi kta nina kuwapi
seecece.
Apr. 13, Agua Prieta, Mex. Ake Mexicau
kiiizapi kin otonwe de en kicizapi. Agua Prieta otonwe de Mexico qa United States okitahedan oicago kiu etu lica yanka, qa United States
eciyatanhan Douglas otonwe kin yanke, tka ici-
kiyedau hee nakaeS Agua Prieta kutepi kin
Douglas ekta tipi ota koya opi qa wicaSta wanjigji nakun tawicaopi. Hehau United States
akicita iyayapi qa kicizapi kin auawicaptapi qa
ake oicago ikiyedan kicize Sni wicaSipi. Tuka
ak'- April 27, en Agua Prieta en nina hca kicizapi qa ataya 200 kiciktepi, qa nakun Douglas
eciyatanhan Sakowin tawicaopi. Heceii United
States eciyatanhan tipi qa wicaSta ko wicaopi
kin he tauyan econpi Sni.
Apr. 16, Washington, D. C. Omaka de pejihutasapa kin oopeton tehike kta. Makoce tokeca etanhan United States pejihutasapa opeton
ec- qon dehan iyenakeca Sni, hekta United
States heca opeton kin tkeutapi wanji mazaSa
sakowin on opeton, tuka oniaka de kaSpapi wanji on opeton kte. Hehan wahpepejihuta he qa
woyatke wau cocoa eciyapi, he Dakota caje wanice, iS eya pejihutasapa iyeceii yatkanpi, hena
oopeton kitanna waSakadan kta. Makoce toke-
ca -kta pejihutasapa tonakiya icahyapi ece kin
tanyan icage Sni heon hececa.
Apr. 20, Indianapolis, Ind. Anpetu de en wikoSka okodakiciye wan Young Women's Christian Association eciyapi kin he otonwe de en
' omniciye tanka yuhapi qa maka owancayatan-
han kahnih u wicaSipi qa omniciye waSte qa
oiyokipi yuhapi. Okodakicye de Y. M. C. A.
iyecece hca, wanna maka owancaya icah aya.
April 21, Washington, D. C. Ehantanhan hemani oinajin owasin en mazaapapi (telegraph)
ou wotanin kin he onpi. Unkau ake maza ohna-
iapi (telephone) kin he dehan nina onpi, qa hee
wanna hemani oinajin 41,717 en onpi, qa hemani oinajin 175,211 en mas-apapi kin he onpi.
Hecen tokata on iapi kin hee kape kta.
April 24, New York ekta wicasta wan Robert
Hoe eciyapi, he wowapi tipi tawa kin en wowapi hena panyanhan wiyopeyrapi, unkan Wowapi
wakan wan mazaska ota on opetonpi. Mazaska $50,000, kektopawinge wikcemna zaptan,
iyopeyapi. WicaSta wan Henry E. Huntington
eciyapi he opeton. Token on he tehika iyawapi
kin he dee. Wowapi wakan tokaheya maza
ahdiheyapi kin he dee. Omaka iyawapi 1450
hehan kagapi.
Sagdasin oyate kin omaka 1611 he ehan iye
iapi tawapi ohan Wowapi wakan kin ieska kagapi kin hetanhan wanna omaka opawinge yamni qa heon dehan wokiksuye England ekta
yuhapi kta. De Wowapi wakan ieska kagapi
kin wicaStayatapi King James he econ wicakiya.
Canada ekta waniyetu kta hehan wahca wanica qa tulimaga canhanpi kagapi ece kin hena
wahca hanpi kin etanhan kagapi ece. Tuka
waziyata ekta osni icunhan takudan kagapi Sni,
itokah maste qa wahca icaga, hecen Canada tu-
hmaga hena koka aonatak itokah awicaipi qa
heciya ake wahca etanhan canhanpi kaliwicaki-
yapi qa waziyata mdoketu eca ake ekta awica-
kipi ece.
Tokata May 28 anpetu deen wauna hemani
kinyan wan Chicago etanhan hiyu kte, St. Paul
qa Aberdeen qa Inyanbosdata makoce hecen ye
qa ecen mniwanca inapeya i kte. Naknn wanji
Des Moines, Iowa etanhan hiyu qa Sioux City,
Yankton, Scotland qa Aberdeen hehanyan u
kte, qa hetanhan okonwanjidan kte. Dena wan
na oiStima tipi qa owote tipi koya yuhapi kte
Wicanhpi wan tanka tohan okpaza aya ca wiyohpeyata tokaheya tanin ece kiu he Venus eciyapi. Qa he iS eya maka hmihbe kin heca, qa
he maka akan unnipi kin de he iyececa, malipi-
yaSapa qa tate oniya (air) unhapi kin iyecen iS
eya hena yuha. Heon Venus he makoce qa en
wicaSta ni unpi kta okihipica eyapi.
Wiyohinyanpata otonwe wan New Haven hetanhan Iiemani duzahan wan iyaye qa Boston
hehanyan inyanke kte, qa otonwe nonpa kin de
otahedan topa inajin qa iyohi kte, kinhan oape
wanji eca maka iyutapi 70 inyanke kta. New
Haven etanhan Boston hehanyan iyutapi 175
henakeca.    182 minutes hehanvan inyanke.
WOWAPI MAQUPI
Carlin, 5. D. Winyan okolakiciye; Mitakuyepi ake wowapi cicagapi wacin. Wanna wicolian na woecon owasin yagluStanpi heon Taku
wakan wopida ewakiye. Omaka le sanpa Wakantanka ounkiyapi na taku tanka okihiunyanpi nin ecanmi. Na wicoie le unkiksuyapi kte,
Eyanpaha 9: 10. Lehan taku wanji cajeblatin
kte. Winyan wotanin waSte on htanipi etanhan mazaska kin onge on woonspe. tipi okiyapi
he winyan wanjigji iyokipipi Sni tuka wotanin
waSte na woonspe tipi sakim owanjila inyankapi kecanmi. Nupin etanhan wicanagi wan niyanpi kinhan he wopila, na nupin etanhan ovate el wowaSte icage cin he wopila kecanmi ye.
Woonspe tipi hena etanhan wakanheja ota taku
onspewicakiyapi on wanna lehan ota tiwahe waStepi wacinyepica unpi. Hecel mitakuyepi, Lakota oyate egna woonspe tipi yamni ounkiyapi
kin he ohinni yeksuyapi nin ecanmi, hecel mazaSa nom luhapi kinhan uman on woonspe tipi
yeksuyapi kta iwacinciyapi. Hecel mitakuyepi
owasin micante on nape ciyuzapi. Congregational Winyan ataya itancan.     Alma Blueeyes.
Greenwood, S. D. Mar. 18, 1011. Mitakuyepi
tona okodakiciye wakan oyapapi kin ito taku
wanji ociciyakapi kta wacin. Eya wicaSa wocekiye opapi hena iwankiciyak unpi ece. Unkau koSka wan wacinyanpi wicohan eciyatanhan token econ kin nayahonpi kte. Ihanktonwan owakpamni en koSka wan Zizi eciyapi he
decen ohanyan un, koSka kin istagonga qa Wowapi Wakan wanyaka okihi sni, qa woonspe takuna sdonye Sni eSa iye tukte okna owotanna
kecin kin okna ohanyau qa Jesus Messiya to-
j ken oieye cin he nalion kin okna econ wacin un,
j qa iyecen econ. Jesus oie kin wicaSa owicakiyag
j un qa Jesus wicadapi wauji wayazauka ca en i
qa wocekiye ewicakiciye qa wahokonwicakiya
ece. Nakun wicaSa wan cinca wanjina he okodakiciye en mniakaStanpi, tuka hunkakepi uma-
na ihakta sni qa hunkayapi wicakuwam eSa
owicakihipi Sni. Tuka iStagouge cin de i qa
tohanyan okihi iapi ewicakiye qa waciniboSake
Sni wicakuwa ecen wiconi canku kin kdiyohpe-
wicave. Tona onSikapi hena Jesus owicakiya
eyapi qon, he wowicake. TuwekeSa yraditagya
Jesus taakicita najin kinhan he ohiya ece. Nakun koSka kin de Hante etanhan wicaSa wan
wotanin waSte iyaya, unkan he okiye kta on
mazaska wanji on okiya hoyeya. Ilio mitakuyepi koSka de istagonga tka koSka tonwan han
unpi qa Wowapi Wakan wayupikapi kin wici-
sanpa ohanye he wocekiye en kiksuya po. Qa
tona hececapi wocekiye ewicakiciya po.
James Johnson.
ISANATI WOKUWA KIN.
Mdewakantonwan qa Wahpekute kin August
18, 1862, anpetu kin he waSicun wicaktepi, qa
on wasicun wicakizapi qa wicaSta, winohinca
qa hokSiyopa ko ota wicaktepi. Woyakapi
kin wowapi hena unyawapi kinhan nina teliika
qa waihangyapi kin nina ota, qa winoliinca qa
hokSiyopa qa wicaSta koya opawinge Sakowin
sanpa wikcemna yamni sanpa Sakowin wicaktepi ; hena on waSicun kin nina Sinhdapi, qa tohan wanna ihdaSkapi hehan wicaSta Dakotapi
kin opawinge yamni sanpa wikcemna nonpa
sanpa wanji wicayacopi. Unkan etanhan opawinge yamni sanpa yamni pawicayuksapi kta
wicayacopi,tuka Rev. T. S. Williamson qa Rev.
S. R. Riggs, qa Gideon Pond hena tunkanSidanyanpi kin wowapi qupi qa owotanna Sni ohna
wicayacopi e kecinpi oyakapi, heon tunkaSida-
yanpi wicayacopi wowapi kiu da qa iwanyaka,
unkan wikcemna yamni sanpa Sahdogan henana pawicayuksapi kta iyowinwicakiya, qa econ
yuStanpi.
Hehan Congress owohdake iyotanka unkan
makoce yuhapi qa mazaska kihnakapi owasin
wicakicihduzapi kta woope kagapi.
He wanna waniyetu akezaptan unkuwapi.
Kicizapi sdonyapi Sni ko wicayaSicapi he hecetu
Sni, unkau de waniyetu kin wanna owohdake
kin sakim hecetudapi yuStanpi, tuka owohdake
wankantu en iapi token unpi kin owohdake kuya kin en onge piyapi heon ecitapapi Sni he hdu-
owotanpi kta tka okan Sni, ecen owohdake inajin ehan i. March 4. wiyotauhan he owohdake
inajin hee ehan i hecetu woope hca iyaye Sni.
Iapi iyotan hee kiu he Isanati okicize kin hetanhan Government taku tona awicayusota hecinhan hena tunkanSidan oicazo hdawa kta tuka wookiye (treaties) kagapi hena hdawa kte
Sni, hecen owohdake wankantu (Senate) kagapi, qa owohdake kuya kin wookiye (treaties)
kagapi etanhan waicupi kin hena nakun oicazo
kta, hecen kapi, hee iyotan liea ee. Tokaheya
be ohna hecetu kinhan Isanati kin mazaska ota
yuhapi kta, qa ehake kin hee kinhan mazaska
wanice kta seececa, heon hinah heon he unmatukte ohna kta tanin Sni, ecen owohdake ayuStanpi. Tnka he wanna owohdake sakim eqes
yuStanpi nakaeS wanna yuStanpi kin hecetu, qa
wokige wanice kta, heceu ake iwohdakapi eSta
iapi heceedan piyapi kta; qa he tanyan yuStanpi kinhan Woyaco, Court of Claims eyapi
kin, hen ye kte qa mazaska tonakeca he akinicapi kte, qa hehanyan waaiya, (lawyers) heceedan yuha Skanpi kta: qa waaiya wanna yuha
Skanpi hena eepi kte.
Isanati kin wanua waaiya ehaes ota wowapi
wicakiciyutanpi he hecetu Sni. Qa nakun wanna yuStanpi kin heon ake waaiya wanjikji wowapi yutaiiniciyapi kta wanicipi kta heon qa hena
takudan econpi kte Sni, tuka mazaska icupi kta
heceedan he ciupi kta. Isanati Nebraska en
unpi kin wanna waaiya yamni wowapi wicakiciyutanpi oihdakapi qa Isanati Minnesota en
unpi kin iS waaiya nom wowapi wicakiciyutanpi
oihdakapi, qa hena ehantanhan yuha Skanpi
kin heepi, beeen eya qeS wanna otapi seececa. heon ake tuwedan nihnayanpi Sni kinhan waSte
kte, qa heon iwaktaciyapi.
Miye Dakota hca ehantanhan en waSkan tka
woope he iyomakipi Sni qatona okicize sdonyapi
Sni hena eqeS woahtani wicakicicajujupi iyececa
wadake qa wacintankaya waSkan, qa wanna tehike kin sanpa unhiyupi on cante mawaSte.
Dehan okinni wicaSta ota wanna mazaska yuStanpi kecinpi kta qa nakun wanna nina imawangapi heon toketu kin he Iapi Oaye en wakage qa owasin   sdouyayapi kta wacin.
Nitakuyepi, John Eastman.
Sisseton. S. D.
Canada makoce wiyohpeyatanhan omaka de
maza canku teca wan kagapi kte. Qa canku
ohna otonwe teca 107 omaka de kahiyeyapi kta.
WicaSta ota hetkiya aye kte heon ohankoya
otonwe ota icage kta.