Iapi Oaye (Santee, Nebraska), 1912-04

              SANTEE,   NEBRASKA.
TAKU WA6TE  OKIYA. TAKU SlCA  KIPAJIN.
A. L. RIGGS, PUBLISHER.
VOLUME XLI    NUMBER 4
APRIL, 1912
WOKAJUJU KASPAPI ZAPTAN.
ANPETU OYAKAPI
Feb. 21, Itokah-wiyohinyanpata makoce cokaya en tankaya icamna hiyaye qa mazacanku
ota iyoptapi okihipi sni, qa otonwe en ocanku
owasin wa ojudau, qa omanipica Sni. Qa nakun
awicakehan osni hca. Wanna omaka 30 hehanyan he iyecece Srai keyapi.
Feb. 22, New Orleans, Itokah makoce Louisiana qa Mississippi hena en tate tanka wan iyaye qa tipi ota yumdeca qa wicaSta wikcemna
nonpa kte qa ota tehiya kiunnipi, qa pte qa
wanunyanpi ota tapi. Taku awihnuni kin mazaska $500,000. henakeca.
Feb. 22, Norfolk, Va. Virginia makoce mniwanca kahdaya witawata hena icamna kin icuuhan tehiya unpi., Qa wanji spaya qa 22 huta
ekta kaha ehpewicaye, qa ohakam wata tokca
sbe ekta etowicakSupi.
Feb. 25, Kansas City, Mo. Itokah makoce
torn en ake nina wa hinhe qa hankeya magaju
qa ecen icamna ahi qa mazawakanhdi owasin
acah aya qa eceu kapsapsake, qa otakiya hemani
ya okihipi Sni. Missouri, Kansas, Oklahoma,
qa Arkansas makoce hena en hececa.
Feb. 25, Little Rock, Ark. Itokah Arkansas
makoce en ake tate tauka wan iyayre qa wicaSta
sakuwin kte, qa tipi qa owoju qa wanunyanpi
ota ihangye qa wicota kiunnipi, Mississippi nakun en iyaye qa taku ota ihangye, qa Texas en
iyot.in tate kin nina waSaka, tka token waihangye oyakapi Sni.
Feb. 23, Nakaha witawata wan wiyohinyanpata mniwanca opta ya icunhan wakan wolipa
wan ye cin ikiyedan mni en hinhpaya qa nina
wokokipe. Mini kataja kin okokipeya iyaya
qa wata kin najice wacin tka ecen taja kin wata tete kin akan iyaye qa nina wonihinciye akipapi tona wata en unpi hena.
Feb. 27. Mitchell, S. D., otonwe de ikiyedan
wicaSta norn mahtipi. John Myers eja F. C.
Hoffman heepi. Unkan Mr. Hoffman 11 acres
alfalfa oju qa kasda qa kasu koya tanyau yuStan
hehan wiyopeya unkan (1 acre) oSpe wanji kinhan $75. kamna. Hehan Mr. Myers-ospe 20
iseya alfalfa oju cpi he etanhan $1,-008. icu.
Alfalfa wato kin de tuktekten mdoketu wanjidan nonpa qais yamni kaSdapi.
Mar. 8. Maka ovate kin waziyata makaihan-
ke qa itokah ihanke North qa South Pole hena
ekra iyohipi kta kuwapi, qa waziyata kin wanna hekta iyohipi eyapi. Unkaii ake wanna itokaga ihauke kiu wicaSta wan Norwegian heca,
Roald Amundsen eciyapi he itokah maka ihanke lice cin iyohi qa anpetu torn en yanke qa
hdicu. Qa wicastayatapi tawa kin Haakon he
masakipa unkan nina iyuSkin hee.
Mar. 15. Itokah makoce ekta Alabama en
tate iyumni wan iyaye qa otonwe qa mahtipi
wanjigji yumdeu eyaye qa wicaSta zaptan kte
qa ota Sicaya kiunnipi, okini nakun wanjigji on
tapi kta.
Mar. 18, Sail Antonia, Tex. Otouwe kin de
en Iiemani pa wan napopa qa tehika. ItanokSau
wokage tipi ota wanke cin owasin bomden iyeya, qa wicaSta 32 kte qa 50 Sicayra kiunnipi.
Mar. 18, Topeka, Kan. Kansas makobaSpe
kin efi akicita onspewicakiyapi kta oyanke nonpakiya ehdepi, Fort Riley qa Fort Leavenworth,
bena ehantanhan akic:ta oyanke heca. Hecen
makobaSpe torn etanhan koSka akicita opapi
kte kin iwicacupi kte, qa hena woecon onspeici-
•eiyapi kte. Missouri, Kansas, Oklahoma, qa
Nebraska, obaSpe hena etanhanpi kte.
WICATE
Fort Yates, N. D., Mar. 14, 1912 Nakaha Rev.
George W. Reed cinca koska wan ta, Waldo
Reed eeiyapi. HokSina ehan Sunkawakan pa-
fipapi on kiunni qa on ohinni wayazanka un qa
ecen on ta. Ralph Whitemountain.
WOWAPI MAQUPI
Conkicakse, Feb. 9, 1912. Ito wicaSawakan eciyatanhan taku wanji epin kte. Okodakiciye
ospayetonton yaunpi, en winyan wanjigji taku
owotanna qa waSte econ wacin yaunpi, hena
taku wan ayabdezapi kte. Kangiokute okodakiciye en unpi kin woonspe wan waSte Sni e yuhapi. Tohan wicaSawakan wanji yuhapi eca
wahtedapi Sni, qa ecekeen napewicayapi ece.
Qa wanna de inonpa taku unkakipapi, tibdo
Joe Grarse cinca wan ta, unkau wicaSawakan
wan okdeska unpi etauhan unkoclotapi qa un-
kicihapi. Ake decana Feb. 11, 1912 en tibdo
uman kin cinca wan ta, unkan ake skaon etanhan wicaSawakan unkoclotapi qa tipi wakan en
oape yamni waape unyankapi qa nina cante
masice. Nakaha tona wicaSawakan wahtedapi
Sni qon hena eepi ojanjan kdepi okna eyokasin
unpi. Hecen ito wicaSawakan wicadnhapi hena tewicayahindapi waSte ye, hena atewicun-
yanpi iyecen oh unyakunpi. Hekta wicaSawakan wan Zitkanatawa eciyapi he oyate den un
kitapi unkan tehike, qa hetanhan unksapapi
kta iyececa tka. Unkiye onge taku sdonye Sui
iyecen tuwe tanyan kici unyankapi keS wahtedapi Sni qa ecen atkuku cona unpi kin he iyeuncecapi ye. Annie S. Blanket.
Feb. 28, 1912. Oglala Oyanke etanhan. Mitakuyepi taku wan inahni iciyungapi lo. Oyate lei woyazan wan on wakanheja ota tapi,
miS micinca wanji heon ta, na waSicun wakan
etan pejuta on wecuwa eSa owakihi sni, nakun
taku on iwaSte keyapi hena on iyuta awan esa
ataya owakihi Sui. Hecel mitakuyepi tuwe woyazan le taku on iwaSte wanji slolye se epce.
Hooping cough, hohpapi hanska, eyapi kiu hee
Hecel tuwe le iwaSte wanji oyake nin epce lo.
Luke S. Bear.
Frazer, Mont. Iapi Oaye koda taku odaka owasin onahon waste qa wicaSta iwaStepi qa on
nipi ota sdonwaye. Hecen de odaka wacin
do. Deciya Montana makoce wa ota qa miniSoSe kin nina mnitan u kte, heou tona miniSoSe
okna hutam tipi hena wakta yauka po, qa mini
u Sni itokam pahata nitakodapi tipi kin om iyotanka qo, hecen waSte kta. Hehan tuwe wowapi maqu kte einhau ate caje wakduha e decen
owa kte. Ehanna micaje kin Newton Hammond hee, tka detanhan Newton H. Fourhorns
hee kta.    Ate Fourhorns, Hetopa, eciyapi.
Frazer, Mont. NEWTON H.   FOURHORNS.
Crow Creek, S. D. etanhan caje pikij'e, micaje
hanke ilipewaye kta, qa decetu kta. Thomas
Rattletail emakiyapi tka qou dehan tail hehanyan ihpewaye kta, qa Thomas Rattle hecetu kte,
hecen detanhan wowapi miyecagapi eca Thomas Rattle, Crow Creek,  S. D. hecen kaga po.
Thomas Rattle.
Sicangu. Oyate kin le owacekiye opapi kin
opawinge nonpa sam iyeyapi. Tnka hekta
ikce wicohan tokel yuhapi he iyecel owasin unpi na igluhapi. Eya wikcemna seca katinyan
opapi. Yunkan winyan wan wihanmna e omakiyake. Pajolawan akanl wicaSa wan maka kin
ahe Sni hinajin na heya. Anpetu wau tewa-
hinla he ognayan Suukskawin kici paha kin le
akanl wocekiye ehiu kte, taku waSte cicupi kin
he cicicahipi kte eya. Hecel winyan na wakanheja ko paha kin akanl ceunkiyapi ce eya.
Ho tuktektenWakantanka woihanble wicaqu na
on eante wicayuzamni ece.      Eli Waktegli.
Cherry Creek, S. D. Mitakuyepi maka akanl
tona Wakantanka taoyate henicapi hecinhan
wocekiye on unkiksuya po. Hekta omaka 1911
el Holiwoju makoce kin ataya peji unnicapi kin
on unkitawacinpi km pteptecela yelo. Mitakuyepi owancaya yaunpi kin heon lehan un-
niksuyape lo. C. S. Redbull.
Fort Totten, N. D., Mar.9,1912. Koda Iapi Oaye
ito taku wan miyecidaotanin kta wacin do. Hekta micaje kin Thomas emakiyapi, tka detanhan
Joseph Standingcloud emakiyapi kte. Misunka-
na Thomas Standiugcloud eciyapi, heon ohinni
uman wowapi unqupi eca ohinni unkakinicapi
ece. Hecen detanhan tuwe wowapi maqu kte cinhan decen owa kte, Joseph Standingcloud, Fort
Totten, N. D. Joseph Standingcloud.
Ortley, S. D. Iapi Oaye ito taku wanji yahdu-
Sna e kiksuya wo. Tuwe Iapi Oaye en wohdaka kta eSta caje en yanke Sni kinhan tohinni
iyacu kta Sni nihduotaniu. Unkan he ayekton-
je kin on kiksuyeciciye kte. Tuwe wan Iapi
Oaye en "Kokipa Po;" eye qon he wake, caje en
yanke kta iyecece do. Joe H. Walker.
De Iapi Oaye ayupte kta.     Wowapi  wanji
wicacaje en yanke Sni he Iapi Oaye tawa ecee.
WAKANKICIYUZAPI.
Messiah okolakiciye. Dec. 24, 1912 Jacob Cross
na Josephine Cash kiciyuzapi. Winyan kin he
Sinaska etanhan tka Messiah okolakiciye el
ahihingnaton. Peter M. Lawrence.
Makasanwakpa, Dec. 24, 1911 Samson Poorelk
na Cordelia Poorelk. Hena wanna kanpi eSa
yuonihanyan kiciyuzapi. Rev. S. Rouillard yuStan. Amos Bull.
Pahata, Feb. 26, 1912 Tipi wakan okna David
Jondron qa Adelia LaRoy kici Wakantanka
itokam owotanna kiciyuhapi kta iciconzapi, qa
de Rev. P. L. Point wicakiciyustan.
Cutmeat, S. D.,Feb. 11, 1912 en Joseph Cetan-
wankantuya qa Jenney Cetanhotewin kici wakankiciyuzapi. Rev. T. L. Riggs wicakiciyuStan. Benj Zimmerman.
Cheyenne Agency, S. D., Oct. 8. 1911 el Joseph
Highelk na Bessie Flexible kici wakankiciyuzapi. Wakantanka itokam iyuSkinyan icicouzapi, hecel le okiciyuze waSte heca. Rev. A. T.
Tibbetts wicakiciyuStan.
WICASTA WAKAN OMNICIYE.
Dakota wicaSta wakan wetu omniciye kte cin
Kangipaha tipi wakan hetu kte, qa April 17,
1912 htayetu kin en toka omniciye kte. Qa hemani oinajin wanjina unnicupi kte. Oberon,
No. Dak. hee, qa tuwe oinajin tokeca icu kinhan
iye oiciye kte. Hecen okodakiciye etanhanhan
tona yaupi kte cin itokam wowapi mayaqupi kte,
Oberon, N. D. en. Qa nakun Rev. Jacob Good-
bird Fort Totten, N. D. en wowapi yaqupi kte.
Tonakeca yahipi kte cin he sdonunyanpi uncinpi, hecen oinajin ekta canpahmihma iyena unkaipi kte.
WICATE
Glasse, S. D. Kangiokute, Feb. 9,1912 anpetu
cle en wawokiya cistina itancan okihe kin ta.
Mamie Whipper hee, qa owasin nina cante unSicapi. Tuka wicinyanna cistina kin de iyre waste kin on Jesus kohauna ikikcu qa Wakantanka
itokam wiyuSkinyan dowanpi kin en opa unkecinpi. Wicinyanna waSte kin heon tohan
ehnakapi kta hehan nina wicota qa canpahmihma 27 hena ihakam yapi. Eya waniyetu kin
de unkiye wicaSta wakau unnicapi Presbyterian
okodakiciye kin etanhau, qa teliiya unyakunpi.
Hececa eSta Skaun etanhan wicaSta wakan yamni hipi qa wicinyanna kin yuouihanyan un-
kiciliapi qa pidaunyanpi. Hecen wawokiya cistina yaunpi kin wocekiye ehapi ca wicayeksuyapi kte. Maggie Bjgeagle.
Vig, S. D., Dec. 22, 1911 Mayasan okodakiciye
en wikoska waSte wan ta, he Elizabeth Redday
hee, wotakuye tawa owasin Wakautanka wacinyan hecapi. Heon iSeya iyecen wacinyan un
qa ecu ta. Tona Itancan kin en tapi kin hena
wicayawaStepi ece. Amos Frenier
Messiya okolakiciye en hekta Nov. 1, 1911 koSka wanji cinca ta, unkan ake Jan. 30 le cinca
wan ta, he Joseph na Rosa Redbear cincapi.
KoSka wanjigji om ekta wai na owiconkiyapi
na wowapi wakan etanhan iapi on wahokon-
wiconkiyapi. Ralph Whitemotntain.