Iapi Oaye (Santee, Nebraska), 1912-10

              ■■■HHHHHHHHH^H
SANTEE,   NEBRASKA.
TAKU WASTE  OKIYA, TAKU SICA   KIPAJIN.
A. L, RIGGS, PUBLISHER.
VOLUME XLI    NUMBER  8
OCTOBER, 1912
WOKAJUJU KASPAPI ZAPTAN.
ANPETU OYAKAPI
Sept. 10, Washington, D. C. Dehan Tunkansidan okihe IkcewicaSta nwanyake Valentine wicohan tawa enakiye. Tokeca on hecon
he. ospaye wan Progressive Republican eyapi
kin hen owicapeya skan kte.heon.
Oct. 13. Rawlins, Wyo., ekta wicakaSke
tanlca wau en tona kaSka unpi qa wokaSke awm-
yakapi kin om kicizapi qa nom en wicaktepi,
qe uinanpi owasin najicapi tka wicakuwapi qa
ake owasin wicayuzapi.
—Japan ekta nakaha oitancan tanka wan
te qa makoce toktokca etanhan oitancanpi ota,
oyate nakun ota hapi kte cin on ai kin woyawa
tauka hanke ecetupi.
Sept. 27, Belfast, Ireland. Oyate de wanna
omaka ota tawaiciyapi kta on akinin unpi, tuka
dehanyan okihipi Sui, oyate hunh England tokiconze en hecehnana unpi kta cinpi. Tka okini hecetu kinhan Tax wankantuya kajujupi ece
kta heon cinpi Sni naeeca.
Oct. 8. Constantinople, Turkey oyate kin
oksan oyate etanhanpi kin owasin Turkey kizapi. Oyate wanji Montenegro he oyate tanka
Sni tka tokaheya kize qa Montenegro ohiya,
Oct. 9, en ake kicizapi qa Servia oyate he Montenegro okiye, Ake Oct. 18 en kicizapi qa ake
Bulgaria oyate he Servia owicakiyapi qa Turkey
kti pidan. Oct. 18 he iyehan nakun Greece
oyate qa Roumelia oyate kin owasin Turkey
akiptanpi. Oyate zaptan kin dena Turkey to-
kiconze ihukuya unpi tuka tehiya wicayuhe, tawaiciyapi kta ocowasin iyowin wicakiye Sni.
Hecen dehan owasin akiptanpi. Oyate zaptan
kin dena etanhan ota makoce deci unpi kin, tipi ekta akivahdahe, anpetu iyohi se wita wata
ojugjudan akiyahde New York otonwe etanhan.
Oct. 14, Milwaukee, Wis. Hekta TunkanSidanyanpi wan Col. Roosevelt he ake tunkauSi-
dan kta kuwa qa makoce iyaza wohdag omani,
qa .Milwaukee en ake wohdake kta i tka hen
kutepi qa taopi, hececa esta nakun owohdake
kte cin en i qa nina wohdake qa ayaStan hehan
wayazanka tipi en aipi qa pejutawicaSta piyapi. Hehan tuwe kute kin he koSka wan John
Schenk eciyapi bee, kute kin ecen yuzapi qa
wokaSke tipi en onatakapi. Takn on hecon
kin he United States en tuwedan yamni akihde
tunkanSidan kte Sni woope tka hecen kuwa kin
heon hecamon do, eya keyapi. Eya maku kin
en iyeya tka cagu kin iyohiye Sni kin on ninah
iyoyake Sni.
GENERAL WILLIAM BOOTH
He akicita tancan tanka wan tuka ikce akicita heca Sui. He Jesus Chirst taakicita he-
oa. Qa wicobe tanka wan, Salvation Army, he
awanyaka. Tuka August 20 heehan London,
England en te. Tokah London otonwe canku
kiu ohna oyate hiyaye cin wahokonwicakiya
eca ikihapi. Tuka te cehan maka owancaya wicaStayatapi tanka unpi eSta yuonihanpi.
Oyate ehna tona iyotan onSikapi qa wahtanipi
on ihdutakunipi sni hena owicade qa ota hinca
niwicaya.
Tohan hapi kta en ayapi hehan wicasta kektopawinge opawinge nonpa sanpa kektopawinge wikcemna zaptan tancan kin ihakam
manipi. Qa maka owancaya wicasta woyawa
tanka^ota cante mahen iyokiSieapi. Dehan wicaSta" tokapa qa wacinyepica wan en un Sni.
Tuwe tohe en najin kta wanica.
POST OFFICE AFFIDAVIT
Of the  Iapi  Oaye,  published monthly,  at
Santee, Neb. Editor, A. L. Riggs; Publisher,
A.   L.  Riggs;  Owner.     Tbe  Santee  Normal
Training  School,  Santee, Neb.
Signed, A. L. Riggs.
Sworn to and subscribed before me this 17th
day of  October,  1912.
B. J. Young, Notary Pubhe.
PTAYA OWOHDAKE MNICIYAPI
Tohan iyehantu September 4 wiyotanhan
sanpa TanSnaun Wakpa, La Plant, S. D. en
ahi mniciyapi. Rev. Louis De Coteau wowahokonkiya on omniciye yuhdoka.
Anpetii Itopa tokaheya wocekiye eyapi. Hehan wowapi kaga nonpa wicakahnigapi, Gedeon
Walker qa Samuel La Pointe hena eepi. Hehan wicacaje mnayanpi qa wanjikSi yaonihan-
van opewicakiyapi     Hena atokan oyakapi.
Dr. A. L. Riggs Okodakiciye Wakan qa Oade-
tka kin eciyatanhan woonspe pazo. Okodakiciye wakan kin Wakantanka tawowicake kin
ovate ehna wicakipazo kta he wicohau tanka
qupi. Wicohan tanka nakaeS ospaye tonton
Skan ece; qa wica, qa winyan, qa hokSipidan,
qa wicinyanpidan htanipi on okodakiciye icicagapi. Nakun woecon toktokeca on Bible Societies, . Peace Societies, Temperance Societies,
Sunday Schools yukan ece. Hena tanka icagapi eSta okodakiciye wakan oadetka eepi kiksuyapi kte, qa wowitan qa wowaSake en aupi kte.
Tancan wanjidan qa pa kin Jesus Messiya ee.
Tuwe Dakota oyate niwicaye kta, he Samuel
Z. Hopkins cajeyata, qa iyohakam James King
qa Job Robertson qa toktokeca iwohdakapi
Rev. F. Frazier; WaSicun kin waonspeunki-
yapi; heon dehan istaunmdezapi qa taku sdonunyanpi, Louis LaBelle: Dakota oyate wanna onge nagi niwacinpi, Mark Patterson: Oyate kin niwicayre kta Wakantanka ee. Dr. J. P,
Williamson : Jesus Nicodemos wiwange unkan
Jesus aynpta. Unkan woniya kin he okodakiciye wakan wowacinye ynhapi. Oyate wicayuska qa wicayuwaSte kte kte cin hee.
Anpetu Itopa wiyotanhan sanpa Rev. John
Eastman : Wohduze icupi en wicaSta iye atayedan wiyatke un kta, heon woonspe pazo. Taku ota on wicatancan awihnuni ece. Onspeki-
ciciyapi Sni kinhau hececa. Woyazan Sica ici-
yahpeya yukan heon itonpapj kta, tokan tuwena woyazan qupi sni ece. Hemani kin en wiyatke iyohi unpi kte Sni wanna state law yukan
qa heconpi kin on woyazan ota anaptapi.
Rev. Francis Frazier he: WicaSta wakan oicazo en ikoyagiciye kte sni, he iwohdaka. WieaSta wakan taku owasin on owotanna ihduhapi
kte. Oicazo tuwe yuhapi kiu he iyotan Sica.
WicaSta wakan oicazo yuhapi kiu he nakun
okodakiciye wakan iS eya eciyatanhan onSpa heconpi. Okodakiciye opapi tona qupi kta tka
econpi Sni. Hena icihnayanpi. Iye woahtani
icicaga ece. Nakun James King, Mark Patterson, Dr. J. P. Williamson, Moses Hisgun,
Louis La Belle cajeyatapi,
Tateyanpa qa wakeya tanka pawankan iyeya
qa canipatan wanji hinhpaya. He Rev. Jacob
Goodbird ahinhpaya qa pa kin en kiunniya kiksuye Sni tiyata akiyahdapi. Ecen mazaska
$62.50 mnakiyapi, qa pejihutawicasta wanji
masakipapi qa mile 50 etanhan wi iyay7aye Sni
hi.    Anpetu nonpa hehan Mr. Goodbird asni.
Rev. Moses Makey be: Okoclakiciye wakau
wicayuhicapi kta he token okihipica he cajeyata. Iyaza yapi kinhau okodakiciye icage kta
eya. David Eastman :• WicaSta wakan, hunkayapi, qa deacou hena okonwanjidan onspewicakiyapi kinhan tawacin wicayuhicapi ecee.
James King: Tuwe nina candi un kinhan tohinni wicayuhica okihi sni. Mary C, Collins: Niye
tokaheya kiktahan nayajin kte. WicaSta wakan, waonspekiya yaunpi owas tanyan ecanonpi kte. Winyan kin he nakun. Rev. Louis
De Coteau: Wanna waniyetu ota okodakiciye
owowicaqu wanjina unpi hena omdokite ecee
Rev. John Eastman : Token okodakiciye kiktapi qa waStekicidapi kte cin hena on wocekiye
epa ece. Winyan kin hena itancanpi ece,
Anpetu Izaptan
Wotanin WaSte kin he wowicake qa wakan
kin token oyate kin sdonyewicunyapi kte, he
Rev. A. T. Tibbetts iwohdaka. Wasicun dehan
wicohan teca wan yuicage, wata kinyan wan
mahpiya hepiya woksape wan hiyaye, he woksape wowasake wan wanunyakapi.   Dehan ta
ku wicaSta etanhan woksape wowicake ode qa
iwicawaSte. Wicoicage unkitawapi kin dena
Wowapi Wakan kin en taku Sakowin wowaSake oyaka qa wowicake kin hee. Taku Wakantauka kaga owas tanin aya. WicaSta toksape
kin cante iyolipaye cin eciyatanhan taku owas
saupa taku yuStan ayapi.
Tuwe Wakantanka oie oyake cinhan he woksape yuhe kta iyece?a. WicaSta wakan, hunkayapi, wowapi wakan oyakapi kte cinhan, iye
tokaheya woahtani owas ayuStanpi kinhan eceedan tanyan oyaka okihipi. Wowicake wowaSake kin en un kte.
John Wakeman: WicaSta owasin ie cin he
wowakan en un kta iyececa. Wowakan wicohan kin tanyan oyakapi kinhan owasin anagoptanpi okihipi. David Eastman : WicaSta takudan sdonye sni, nagi Sape qa ni kta okihi Sni
tuka Jesus he wotanin waSte sdonyeunyanpi.
Unkicincapi makoce nicapi kinhan hena token hanpi kta : Samuel La Pointe he iwohdaka.
Maka akan unnipi wowiyukcan teliika. Token
unkicincapi tanyan unpi kta ohna onspeiciciyapi kte cin hena ohna aihpewicunyanpi kte. Tokata wanjiksi tehiya unyakonpi kte.
Miss Collins: Tuwe cinca ta niua ceyapi sta
kohanna waSicnnta iyayapi qa makoce wiyopeyapi ece. Ciuca sanpa yukan kinhan heon iyotan ceyapi kte. Eli Abraham: De ohinni caje-
mdata ece. Tokata etonwan po epa ece. Maka kin de akan sutaya najinpi kte. Hecen tokata wicoicage inonpa kin witantanpi on kohanna makoce yusotapi kinhan ecadau woqin
ecedan unkoupi kte. Wapatanpi tanyan unkonspepi kinhan tanyan uuqonpi kte. Louis
LaBelle: Makoce wiyopeyapi kin he unkiye
unkagapi Sni, tuka waSicuu wakiconzeWashington en unpi hena woope kagapi qa wiyopeyapi.
Unkicincapi wayawa unpi hena Anpetii wakan eca tukten unpi he. He Rev. Geo. W.
Reed tokaheyra iwohdaka. Anpetii wakau eca
tapa Skatapi qa kansu kutepi ece. Anpetu wakan "yuonihanpi kinhan unkicincapi sanpa ksapapi kte. F. B. Riggs: Tiyata Sunday School
yuhapi kta iyececa. Tohinni ynhapi Sni. WicaSta wakan onspewicunkiyapi kta iyececa.
Owankayujajapi
Christian wicohan uucincapi tiyata onspewicunkiyapi he ohna token econkonpi kte, Rev.
E. J. Lindsey tokaheya iwohdaka. Tokata
eyatonwanpi kte; nicinca kin hena on akotanhan widukcanpi kta iyececa. WanjikSi tokata
etonwanpi Sni. Anpetii cle woyuha qa woyute
yuhapi kinhan henana cinpi ece. Hena Wakantanka oie eciyatanhan wosdonye yuhapi Sni.
Wakantanka oie wanice cinhan miniwakan nina yatkanpi kta. Tuka cinca owas Christian
wicohan ohnayan icagapi kta iyececa. Cistinpidan hehan Wakantanka oie onspewicunkiyapi kinhan ecen onspe icagapi kte.
F. B. Riggs: Nicinca teyahindapi kehapi tka
wicayakapi Sni. Nicinca wayawa unpi eSta takudan onspepi Sni; nakun takudan okihipi Sni,
hu pawicahtapi iyececapi. Mrs. Helen Williams: Tukten micinca ohna tanyan icagapi kta
token owakihi onspewicawakiye. Wocekiy7e he
ohna unkicincapi onspewicunkiyapi kta iyececa. Mrs. T. L. Riggs: Otokahe etanhan nicinca onspepi kta iyececa. Ehanna nicinca taku wakanyada ohodapi ece. Hena takuSni
wakanyadapi tuka. Iyotan dehan nieincapi
wocekiye wowicake kin owasin ohodapi kte, qa
Anpetu wakan ohodapi kta iyececa,
Hehan Stephen S, Jones de tokaheya iwohdake. Okodakiciye wakan opapi kin anpetu
iyohi tiwahe tawapi en Wowapi Wakan yawapi
qa cekiyapi kinhan heon wicohan wakan iyopte kta he. Wakantanka tiwahe unqupi he
wopida; hecen tiwahe ohni unkiksuyapi iyececa. Tiwahe en wocekiye yuhapi sni heon ehpekiciyapi qa wokSiSke yukan ece.
Ptaya Owohdake oyanke yamui etanhan kico
hipi: MiniSda, Mdehdakinyan qa PahaSa bena
eepi. Pahasa he tokata omaka kin hen mniciyapi kta yuStanpi.