front cover |
Save page Remove page | Previous | 1 of 4 | Next |
|
small (250x250 max)
medium (500x500 max)
large ( > 500x500)
Full Resolution
|
This page
All
Subset |
Loading content ...
aaaaBKBaMutamBBm
SANTEE AGENCY, NEBRASKA.
TAKO WASTE OKIYA, TAKO SICA KIPAJIN.
A. L. RIGGS, PUBLISHER.
VOLUME XXVII. NUMBER 12.
DECEMBER, 1808.
WOKAJUJU KASPAPI ZAPTAN.
ANPETU OYAKAPI.
December 2. Vienna, Austria.
Francis Joseph Austria-Hungary oyate
ehna wicastayatapi un kin ebautanhan
omaka wikcemna zaptan ihunni. Wicasta waste cia anpetu kin de owancaya
yaonibanyan cajeyatapi.
December 5, New York. Otonwe
kin ehna tipi wankantuya lica yamni
ide qa ataya se hulinaga. Wankan tipi
aketopa qa akeSakpekpe hehanyan
mini ekta bosui iyayeyapi kta ecaca
okihipi Sni.
December 5, Washington, Congress
ake mniciyapi. TunkanSidanyanpi,
President McKinley, wowapi wicakicage cin he en yawapi. Hehau tipi
nonpa napin wicolian tawa ehdakupi.
December 8, Washington. Sinasapa wicaSta, wakaii waawanyaka unpi
kin wowapi wan kagapi qa Congress
qupi; he en iye okodakiciye IkcewicaSta ehna wayawa tipi yuhapi kin on
IkcewicaSta tamazaska etanhan sanpa
ejupi kta e kidapi. Dehan okodakiciye heceedan tunkansidan tamazaska
icupi qa he okini anaptapi kta e ikopapi; heon samsarn dapi.
December 11, Washington. General Calixto Garcia, Cuba ihduhapi
kta e on tehan Skan qa okicize kaga, he askatudau President McKinley
Washington en wanyag hi. Tuka
maste makoce etanhan hiyu qa waziyata ekta cuwita hinhda qa ihnuhanna cagu yazan qa pneumonia on iecadan te.
December 12, Havana, Cuba. Columbus tancan kin hen hapi kin he
Spain ekta akiyahdapi kta e icupi qa
wita wata wan ekta ayapi. Maza wohnaka ohna huhu wanke cin he yuhdokapi sni icupi. Dehanyan tipi wakan
wanji en awanyakapi.
December 13, Washington. Ozuye
wata tanka topa, Brooklyn, Texas,
Castine qa Resolute cajeyatapi kin, hena TunkanSidanyanpi Havana, Cuba,
ekta iyayeya, Spain taakicita hetanhan kihdapi kin icunhan waawanyag
yakonpi kte.
December 14, Atlanta, Georgia.
TukanSidanyanpi qa okihi unpi kin
om heciya i qa wohdaka. Spain kici
wookiye unkagapi kin on wopida eyapi
on mniciyapi. President McKinley
wohdake cin on okaga wicaSta kin
iyokipi wicaye lica. Hecen hetanhan
otonwe toktokeca ektakta iyaya eca
nina iyakisapi qa tokeii okihipi wicota
napeyuzapi.
CANKU KAGAPI KIN.
Canku kagapi he oyate ihduha woonspe kin onSpa ee. Tohanyan ovate
kin touanapidan qa enanakiya wihni
yakunpi kin bena canku cinpi sni, taku tonana yuha unpi nakaeS. Tuka
xtoban oyate wan wicotapi kin hun wi-
hnipi on ni okihipi Sni. Hehaii ticagapi qa oun wanjidan unpi, qa wicaSta
iyohi iye taku ti en icaliye cin heon
ni unpi. Omaka opawinge hehanna
nacece he ehan oyate kin taku ou ui
unpi kta iyecece cin owasin tukten tipi kin hen icahyapi. Woyute yutapi
owasin maka etanhan qa wanuyanpi
etauhan icahyapi. Qa nakun woyuha
owasiu tiyata kagapi. Winyau talica
hin kin hena kahmunpi qa hetanhan
wokoyake qa iyahdebunska ko tiyata
kagapi. Oyate kiu mazopiye etanhan
taku tonanali opetonpi, qa nakun ma-
I zopiyeta taku tonanah wiyopeyapi, heon canku waSte hca cinpi Sni."
Tuka wanna dehan hena owasin tokeea. Tuktetu kaSta oyate hiyeye cin
woyute yutapi owasin mazopiye etanhan opetonpi. Heyake hena tiyata kagapi sni. Mahtipi kiu woyute ocaje
owasin icahye wacinpi Sni. Tuka wicasta otoiyohi iyotan taku tanyan icahya okihi qa makoce tawa en icaga okibi heceedan icahyapi. Wojupi su cikcistina, qais wamnaheza, mdo, qaiS pangiSaSa canhanpi kagapi heca, ecedan
nacece; qaiS ptewanunyanpi, talicawa-
niinyanpi, kukuse, qaiS anpaohotonna.
Hehan mahti kin taku icahye cin he
onge wiyopekiye qa otonwe en taku tona cin, woyute. wokoyake qais wikicanye hena opeton. Heceii on oyate
kin sanpa canku waste cin ayapi. Qa
tukten wicota icikiyedan tipi kin ben
cacku wasteste kah ayapi, maka owancaya. Maka kin he pahaya kagapi heceu magaju eSta mini kin anokatanhan iyaye kte. Canku akantu kin in-
)7an cikcistina kamdenideu okaskicapi
qa suta kagapi. Tuktekten canku decen kagapi kin be taku conpeSka seca
akastakapi qasutayapi ecee, hecen canku kin ataya inyan wanjidan kagapi
sekseya wanka ecee. Canku wan maka ecedan wanke cin he Sunktanka taku cankahu akan aya okihi kin henakeca nonpa akihde yusdohan okihi.
Tka canku kin qeza kinhan topa akihde hehanyan yutitan okihi. Qa canku wan maza ehantanhanS, wikcemna
zaptan sanpa zaptan henakeca akihde
yusdohan okilii. Hecen cauku waSte
oy7ate yuhapi kinhan mahtipi kin Sunktanka otah wicayuhapi kte Sni. Makoce tukten maka eeedau akau cankuyapi kiu hen mahti kin woqin cistina
esta anpetu wauji ataya otonweta ai
kte. He icunhan canku qeza yukau
unkanS tona ai qon hetopa akihde cen
hena anpetu wanjidan okihi kte. Qa
nakun sungikan qa canpahmihma
kin hena tehan waSte kte. Nakun
heciyatanhan mazaska ota kamna okihipi kte, taku wiyopeyapi kin en.
Europe en oyate kin wanna omaka
opawinge ota canku kin hena inyan on
kagapi qa paha oksan canku qa hunli
cokaya yuhdokapi qaohna cankuyapi.
Paha wan adipi kta ciuhan he econpi
sni kaohnmni cankuyapi hecen iyaka-
pteyali iyayapi sni ecee. Eya kaoho-
mni kin heon tehan kte seca tka iy7o-
mdave se kagapi nakaeS sunktanka kin
nacam ecee yapi liecen iyakapteya kin
sdonyapi kte sni. He makoce canku
owasin inyan on kagapi kin he akan
Sunktanka wanjidan ton topa otonweta ai okihipi eSta, icunhau uukiye deci maka mdu en canku unyanpi
kin ton wanjidan esta Sunktanka nom
on kitanh otonweta ai unkokihipi.
Dehan oyate unkitawapi kin roaza-nahniihmau-
pi kin, bicycle, heon canku waSteSte unhapi kta
iyececa awacin unyanpi. Otokahe kin ekta
tona bicycle akan unpi kin oyate 'iwalitewicadapi Sni, ohini canku waSte kta cajeyatapi kin
heon. Tuka he wanna
tokeca. Tuwe owasiii
tona wowiyukcan waste
yuhapi hena canku waSte cinpi qa mahtipi kiu
on wiyuskinpi. Tona
bicy7cle akan unpi kin
hena okoclakiciye icicagapi qa maka obaSpe,
state qa county, hena canku waSte
kagapi kta woope kagapi kta wa-
wipaStakapi.
Hekta waniyetu
opawinge he ehan
bicycle wanjidan
maka akan un, unkan dehan United
States en ecedan
eSta bicycle woyawa tanka Sakpe yuhapi. Canku waSteSte unhapi kinhan bicycle hecedan ohna oicimaui
iyotan waSte, waSakadan qa iyotan
dus unpica. Hemani
hee eSta isanpa waSte.
Ecen tukten yacin
hen yai qa tukten yacin hen inayajiu ovakihi
kte ein heou. Qa tukten de cin he
maka iyutapi wikcemna zaptan saupa
Sni kinlian hemani iyecen ekta ohankoya yai oyakihi. Bicycle hena upsija
qa wiyaka en ya okihi sni, Iiemani kin
he iyecen. Tuka ecadau oyate ihduha onspepi kte kinhan hehaii canku
hececa unhapi kte Sni. Hena sunktanka qa canpahmihma ee eSta owa-
stepi Sni nakaeS.
Tuka hehan bicycle hena ecadan ksa-
han ce eyapi ecee. Ho hecece kta iyecece,tona heca unpi kin nasu wanicapi
ehantanhanS. Ecin wikicanye owasin
ksahan ecee. WicaSta nasu codan un
wan wihiyayedan iyotan waSte kin heca wanji yuha esta anpetii wanjidan
yuksa okihi. He icunhan wicaSta wan
wiyukcan kin he wihiyayedan Sica esta
oniaka wikcemna zaptan tanyaii iyo-
ptekiya okihi. WicaSta nasu wanice
cin he tasunke wayazanke qais canpahmihma yuksa ecee, he icunhan wicasta nasu yuke ein hena nina tehan
tanvan yuha okilii. Bicycle ota tanyan
kagapi sni qa bena okini ksahe sa, tka
wanji ataya tanyan sutaya kagapi kiuhan ota iyopeyapi kte, $50.00 qaiS
75.00 hehanyan kte. Tuka hececa
wanji tuwe yuhe qa tanyan awanyake
cinhan tohini piyapi on takudan yusota kte Sni. Bicycle heca wanna waniyetu zaptan akan waun qa makaiyutapi opawinge ota waun esta hehanyan
unkan mazaSadan zaptan piyapi kta on
mdusote Sni. Tohan bicycle heca wanji
Sice cinhau tuwe akau un kin he etanhan tokeca ecin kin on hecece sni nacece. Qa tuwe hecin kin he wicaSta
qais winyan eSta ecadan mazawicagege
esta yuSica okihi qais wihiyayedan qaiS
pejihuta sapa iyiikpan eSta. Tuka tohan bicycle tanyan awanyakapi hehaii
hecedan iyotan waSakayedan on omani
pica. Eciu wote Sni. Ohini ye kta
wiy7eya un. Tohini nape Sni. Tohini
wakokipe qa wicapalipe sni. Canku
waSte akau taku hecedan yuhe pica.
Sunktanka iyotan waStekin he isanpa
yamni akihde iyopta okihi. Nakun
waniyetu qaas bicycle hecedan ohna
oicimani waSte. Sungakan qaiS eanpa-
hmihma ohna unpi kin ninali osni sni
eSta wicatasake kinica. Tka icunhan
iyotan osni en bicycle akan unpi kin
tancan wicakate. Tuwe kin he cuwi
ta bda ehantanhan
sanpa nina ye cinhan Skinciye kin
on ecadan kate kte.
Tuka liehan wicaSta wan bicycle a-
kan un kin he taku
ota aya okihi sni ce
eyapi. Ho, Sunktanka cankahu akau
taku aya okihi he is
eya iyehanyan okilii
do. Canku waSte a-
kan bicycle akan un
kin he tuwe sungakan
un kin isanpa taku o-
ta aya okibi.
Tuka ake nakaha o-
yate kin wanua togye icimanipi kta
okahinili ayapi. He canpahmihina
iyecinka iyopte hee. De canpahmi-
hma Sunktanka codan iyopte. Peta maza winahomni heea cistina wan
on iyopte kta kagapi gasoline-engine
qaiS wakanhdi on iyopte heca on
kagapi. Qa he iyolidateya wanke.
De canpahmihma hecece cin hena
canku waste yuhapi kta iyecece. IS
eya bicycle huha kin iyecen kagapi
tuka ee tankinkinyan. Oyate kin
wauna onge de canpahmihina kin wowidagyapi, tonakiya canku waste unpi kiu henakiya. Dena eaupahniihma
kin motor-wagon eyapi: okini iyecinka
iyopta eciyapi kta nacece. Nina tkeya taku aya, qais wicasta ota ohna
awicaye, qaiS nina dusya okihi; oape
wanji maka iyutapi akezaptan qaiS
wikcemna nom hehanyan iyaya okihi.
Canpahmihma iyecinka iyopte ciu he
Sunktanka canpahmihma kici yuhapi
kin isanpa oawanyake waSakadan.
Canpahmihma iyecinka-iyopte cin takudan lemye Sni. Wihdi qa is wakanhdi onge tonana yaqu kinhan iyopte kta
wiyeya un. Tohini takudan kokipe
kte Sni qa najice kte sni. Sunktanka
iSanpa tkeya un okihi qa iSanpa ota
akihde duzahe. Tohan canku waSteSte unhapi kinhan bicycle qa motor-
wagon heca ecadan maka owancaya
unpi kte. Detanhan waniyetu wikcemna qais akezaptan kinhan makoce
onSpaSpa en tohini sunktanka wowidag
wicayapi kte Sni. Womdupi kta ecedan on wowidag wicayapi kte. Tka nakun wanna womdupi bena maza wi-
uahomni he unpi. Qa wicaSta wokcanpi wanjigji canku hena waSte kinhan
detanhan waniyetu wikcemna Sni ecen
Sunktanka hena makoce tanktankaya
wowidag wicayapi kte Sni iyukcanpi.
F. B. Riggs.
JESUS TAANPETU ITEOWAPI.
Ehantanhan wanna waniyetu akezaptan hehan waSicun wan James Tis-
sot eciyapi makoce wakau kin ekta
iyaya qa hen waniyetu wikcemna taku
owasiii ite owa: tipi, qa can, qa paha,
qa canku. qa wicasta qa taku owasin
tona Jesus taanpetu qa tohan iyowaja,
kin. Hecen iteowapi tankinkinyan
opawinge topa cetu qa cikcistinna opawinge sanpa yuha hdi. Qa omaka topa icuhan hena etanhan wowapi tanka nonpa kagapi qa tawanji kin mazaska opawinge zaptan iyawapi. ESta
opawinge nonpa United States ekta
wiyopeya ahipi.
Iteowapi Tissot tokaheya owa qon hena otonwe itancan kin ektakta pazopi:
Paris, London qa New York. Qa wicota
hin wanyag ipi. Heon token Wakantanka Cinhintku makaakan ni un qon
tokeu litani qa tokenken wicasta opeya
un qon sanpa tauyan amdezapi.
Object Description
| Title | Iapi Oaye (Santee, Nebraska), 1898-12 |
| Edition | Volume 27, Number 12 |
| Date of Creation | 1898-12 |
| Publishing Agency | Alfred Longley Riggs (Santee, Nebraska) |
| Language | Dakota |
| Minnesota Reflections Topic | American Indians |
| Item Type | Text |
| Item Physical Format | Newspapers |
| Formal Subject Headings |
Indians of North America Community newspapers Indians of North America -- Newspapers Dakota Indians Dakota language |
| Locally Assigned Subject Headings | Dakota language; Indian missions; Dakota Indians; Presbyterian Church--Mission--Periodicals; Dakota Indians--Periodicals |
| State or Province | Nebraska |
| Country | United States |
| Contributing Organization | Synod of Lakes and Prairies, 2115 Cliff Drive, Eagan, MN 55122 |
| Rights Management | This document may be reproduced and used freely for educational purposes without written permission. However, in order to use the digital reproductions for any other reason, users must have the express written consent of the Synod of Lakes and Prairies, |
| Local Identifier | lak1103 |
| LCCN | unk84153202 |
| Fiscal Sponsor | Grant provided to the Minnesota Digital Library Coalition through the Library Services and Technology Act (LSTA) and the State Library Services and School Technology unit of the Minnesota Department of Education. |
Description
Tags
Comments
Post a Comment for front cover
