Iapi Oaye (Santee, Nebraska), 1900-04

              SANTEE   AGENCY, NEBRASKA.
TAKO WASTE  OKIYA, TAKO 6lCA  KIPAJIN.
A. L. RIGGS,   PUBLISHER.
VOLUME XXIX.   NUMBER 4.
APRIL, 1900.
WOKAJUJU KASPAPI ZAPTAN.
V
ANPETU OYAKAPI.
April 5, Washington, D. C. Committee wan United States Senate etanhan Cuba Wita ekta yewicaSipi kin
wanua hdipi qa taku iyukcanpi ohdakapi. Oyate ihduhapi kte cin kiyedan u seca. May wi hehan otonwewe
kin en itancan wicahdahnigapi kte;
heon dehan piiciyapi. Santiago otonwe ekta itancan wanji owasin wacinyanpi yuhapi tuka nakaha te. Heon
he woakinica yuke kta; hasapa qa
haska wicaSta yuakipam najinpi kte.
General Wood Cuba en Ataya Itancan kin yaonihanyan cajeyatapi. Taku on oyate iyoopte kta owasin tanyan   econ.
—Philipine Wita ekta Waawanyaka yamni yewicaSipi wanna iyayapi.
Judge Taft, Cincinnati etanhan he
mdetahunka ee. Wanna okicize owihanke qa ovate kin wanna woope ihukuya wowahbadan wicohan akitapi.
Eya hinahin oSpaye wanjikji tawacin
Sicapi qa heon akicita ota ekta yukanpi. Dehan maka obaSpe yamni kaga-
Ei: North Luzon, South Luzon, (hena
.uzon wita kin hankeke,) Vizcaya
Wita, qa Mindanao qa Jolo wita kin.
—South America qa Central Amer-
ca ektakta ohinni owodutaton qa oki-
ciza ece. Nicaragua qa Costa Rica ki-
cizapi kta e ihduwiyeyapi qa mazakan
ota opetonpi. Columbia qa Venezuela
wicaStayatapi tawapi wicakipajinpi qa
om kicizapi. Brazil qa Bolivia okitahedan oicago kin akinicapi. Qa Chile
qa Paraguay oyate kin ohinni nihinciyapi. Brazil May 3 hehan makoce kin
he en waSicun toka ipi kin heon wokiksuye econpi kte. A. D. 1500 hehantu, hecen wanna hetanhan omaka opawinge topa.
April 14, Paris, France. Maka kin
owancaya tanhan Wapazopi tanka wan
dehan hen yuhdokapi. Anpetu kin
he en oyate owasin en wanwayag ipi
okihipi Sni tuka tona wicakicopi, wicaSta itancanpi kin heceedan. Owanyag waSte hinca oyakapi. May wi
ihanke kin hehanyan taku owasin tanyan eu hdepi kte Sni. June tokaheya
hetanhan wita wata kin opta yapi kin
on wankan yawapi kta yaotaninpi. Yapi cinpi kin wata wicakipipi kte Sni.
April 19, Washington D. C. Congress en Tipi Hukuya kiu en woope
pazopi qa yuStanpi qa heon token
United State senatorwicakahingapi kin
apiyapi kta eyapi. Dehan State ektakta legislature (woope kagapi omniciye tanka kin) en wicakalinigapi, tuka
tokata oyate iye hca wicahdahnigapi
kta eyapi. Tuka okinni Senate he wicadapi kte Sni seca. Wicadapi kinhan
State owasin iwicawangapi qa Constitution apiyapi kte.
—Montana etanhan W. A. Clark
United States Senate ekta kahnih yeSipi tuka wanna tankan iyeyapi. Oyanke kin he opeton e heon. He wicaSta
wijioa wan qa Montana hanke tawa
hecen mazaska kektopawinge ota yusota qa wicaSta yawapica Sni opewi-
caton- Wi yamni hehanyan yacopi
qa wanna yuStanpi.
—Porto Rico Wita token woope yuhapi kte cin Congress tehan akinicapi
qon wanna yuStanpi. Woakinica hca
kin he token en mazaska mnaynapi
kte cin hee. Tariff, taku wita en
ayapi qa etanhan aupi on wokajuju
kin, qaiS tax, wahpaya hdajujupi kin,
unmatukte ee kta he akinicapi. Ta-
ku imahentuya ikoyake cin he woaki
nica hee hca. Porto Rico he wanna
United States en awieakehan opa
qaiS ope Sni kin he hee. Hanke he
wanna opa eyapi qa hanke hinahin
ope Sni eyapi. Wanna opa unkeyapi
kinhan Philippine Wita nakun wanna
en opa unkeyapi kta iyececa, tuka he
econpica Sni eyapi. Hecen tariff he
eciyatanhan ohiyapi.
—Tuwe tokata tunkanSidan unyanpi kta e ecadan cajeyatapi kta. Republican hena Mr. McKinley cajeyatapi
qa Democrat hena Mr. Bryan cajeyatapi kte. Qa Populist hena Democrat
ake kici tipidan kta naceca. Tuka hehan tuwe okihe unpi kta owicadepi tuka
hinahiu toketu tanin Sni. Republican
hena Governor Roosevelt qaiS Secretary Long cinpi tuka unmanna wicadapi Sni.
Hehan nakun Admiral Dewey iS
tunkanSidanyanpi kta kahnigapi kta
cin, tuka tuwe cinpi hinahin tanin Sni.
IS Democrat heca ihdawa.
April 21, New York. Maka kin
owancaya tanhan Wotanin WaSte on
yewicaSipi kin omniciye kin hen yuhdokapi. Anpetu wikcemna yuhapi
kte. De iyamni hecen mniciyapi, tuka de tokaheya United States en econpi. Wotanin WaSte Okodakiciye itancanpi qa yewicaSipi qon etanhanhan
wicakahnigapi kin hena opapi. Owohdake tipi tanka wanji en mniciyapi
esta tona wanahon ipi ecaca kipipi Sni;
kektopawinge ota en yapi okihipi Sni.
Omniciye yuhdokapi kin en President
McKinley qa Benjamin Harrison, tunkanSidanyanpi qon, hena opapi.
OKAPTAPI KIN YUKE KTA.
Jerusalem etanhan wookapte hiyu
kta qa Zion etanhan niiciyapi yuke kta.
Juda tiyohnaka etauhan okaptapi kin
hena ake kuyatanhan hutkan icage kta
qa wankantanhan waskuyeca icahyapi
kte.
Decen Isaya iye taoyate on yaotanin. Qa oyate tona Wakantanka ieahwicaye ciu hena nakun on iyecen eye-
pica. Dakota oyate ehna Wakantaa-
ka towaonSida yutaninpi qa hecen Dakota oyate kin nakun on eyepica.
Eya oyate kin en waihangyre yuke
kta. Ehanna hececa. WicaSta ota
wacintonpi Sni. Onspewicakiyapi eSta
en ewacinpi Sni. WicaSta wokcan qon
ohinni Wakantanka oie owicakiyakapi
tuka wanalionpi Sni. Wamanica iyececapi. Ituya onspewicakiyapi Hena woteca. iyecen atakunipi kte Sni;
woteca wiciwankam unpi Sni nakaes.
Hehan apa iS taku sdonyapi tuka
aktapi Sni. Iyokipiiciyapi kte cin he
iyotaudapi. Wotapi qa wayatkanpi,
qa magagaiciyapi kin he on nipi kta
eyapi. Eya cante mahen he hecetu Sni
sdonyapi. Tuka he kohanna akiktonS-
iciyapi; qa maka akan token iyokipiiciyapi kte cin hecedan kuwapi. Qa
been wayutakuni Sni qa waihangye
cin ihdamnapi. Tohan woowotanna
qa wowaonSida heyata iyeyapi qehan
woope woyusuta kin yujujupi. Iye
tancan kin en woyazan qa oyate tancan kin en wowicaStaSni icahiciyapi.
Iyotan wanna woohoda wanica.
Taku wakan kin wowicake eciyatanhan ihaktapi Sni. Hecen wanna wokokipe obna yakonpi. Wakantanka
ihaktapi Sni qa toope tehindapi Sni hecen ikceoyate taku wakandapi kin hena
icekiyapi. Jerusalem en Bayal on owocekiye tipi kagapi. Tuktekten WakanSica qa Wakantanka napin icewieaki.
yapi. Okodakiciye wakan opapi tuka
wacipi, inipi, wapiyapi hena nakun
ihaktapi. Nakun heconpi Sni Sta taku
owasin on Wakantanka yuonihanpi Sni.
Hecen tona cante mahen Wakantanka
wanica eyapi kin  iyececapi.
Hecen ehanna Wakantanka taoyate
on heyapi. Tona Israel etanhanpi kin
hena owasin Israel hecapi Sni. Qa
heon ake tona wacinyanpi opapi Sni
hena ehpewicayapi; hena woyazan on,
qa wicaakihan on, qa wokicize on ihangwicayapi; qa oyate hee kin ecedan niwicayapi. Hehan ake tona wacinyan
unpi tokatawapa najinpi qa unmapi
oyate ehna ohiyapi Sni.
Dakota oyate ehna wicaSta ota ihangiciyapi kta. Hena hececapi nakaeS.
Hena wacintonpi Sni, waohodapi Sni,
tuka wicacehpi en iyokipiiciyapi kta
ecedan awacinpi. Qa hena WakanSica
Wakantanka yawapi. Okinni wanji-
kjidan petuspe wan peta etanhan
icupi kin "iyecen niyanpi kta, tuka
owasin hin cancega tanka kabupi se
woihangye ekta katinyan manipi.
ESta Okaptapi yuke kta. De Wakantanka oie Isaya on unqupi kin ee.
Taku tokaheya awauncinpi kin he woiyokiSica, tuka heceedan awauncinpi
kte Sni. Oyate owihankeyapi kta iyecetu Isaya qa Jeremiah wanyakapi qa
cante tkepi. Hehan Wakantanka taku
sanpa okahnihwicaye qa on wiyuSkinpi. Oyate tapi kta seca eSta oyate
eepi nipi kta. Okaptapi yuke kta qa
icage kta.
Onge wasdonyapi. Wakantanka
oie kin cante mahen yuhapi. Cante
ecepidan heoen Wakantanka wanyakapi. Oyate magagaiciyapi qa itanpi
ehna dena wahbapidan qa inina yakonpi. Wowitkotkoke owasin amdezapi qa ou iyutanyanpi Sni. Hecen
wonihinciye yukan eSta iye kokipapi
Sui.
Dena woowotanna ihaktapi. Taku
iyotandapi kin hee. Hecen wohnaye
on wijiniciyapi ktainahnipi Sni. Maka akan VVakantanka tawacin kin he
yuecetu kte cin be wowacinye tanka
dakapi. Heon wicaSta tokeca tawacin
ohinui ikpaptanptan un ece iyececapi
Sni. Juda oyate ekta apa Ninewe wacinyanpi, ake Egupta wacinyanpi, ake
Babel wacinyanpi, hecen ohinni tawacin yuhuzazapi qa nihinciyapi ece.
Tuka toua Jebowa wacinyan yukanpi
hena inalinipi Sni.
Hena waohoda yukanpi. Wakantanka kiksuya yukanpi. He mahpiya ekta ti tuka maka kin de tawa, hecen ohinni itokam manipi. Qa touncage kin en wowitan iyeyapi, hecen
ohinui iyececapi kta akitapi ece. Iye
tawacinpi qa tohanpi en Tawakantan-
ka kin ihdutaniu kte wicadapi. Wakantanka taoyate kin hena eepi.
Qa unhanketa hena ohiyapi kte.
Kuyatanhan hutkan icage kte qa wankantanhan waskuyeca icahyapi kte.
Ehanna Wakantanka taoyate kin owasin wayaka awicayapi qa tokiconze
owihankeyapi. Tuka ake wokiconze
teca icaga, qa Wakautanka Cinhintku
maka akan icaga, Juda oyate etanhan.
Qa Iye tokiconze owihanke wanice kta.
Heoen Dakota oyate kin token unpi kin iwanunyakapi eca wacin iboun-
Sakapi kte Sni. Owasin nipi kta ee Sni.
Wicota, Judas iyececa, iye oyauke tawa ekta hdapi kte, qa he Wakantauka
ti kin ee Sni. Tuka tona nipi kta yukan qa hena wicayuotapi kte, q'a Dakota oyate ehna Wakantanka tokiconze
yusutapi kte.
IAPI KAHNIGAPI KIN.
Iapi Oaye kin wicaSta kektopawinge
yawapi kin hena owicakiyapi qa iyokipi wicayapi kta on kagapi. Heon owancaya tanhan wotanin mnaunyanpi,
Dakota oyate ehua, qa waSicun oyate
ehna. Heou nakun woyukcan unkpa-
zopi qa token on oyate wicohan waSte
amdezapi kte cin. Hecen taku toua
oyagpica kin ota, qa nakun tona iyo-
kipiwicayapi kte ein wicota. Tuka tuktekten wicaSta hecinpi: Taku tona
owawa qon hankedan en emicihuake
qa iyomakipi Sni ce. Tuka tanyan
wiyukcan Sni naceca. Taku oyake
cin he wicaSta kektopawinge wanyakapi qa yawapi kta e on kaga naceca.
Tuka apiyapi Sni kinhan okinni en
etonwanpi kte Sni. Qa nakun ocowasin en iyayeyapi kinhan tuwe tokeca
tawa kin heyam iyeyapi kta qa he
iyokiSinyapi kta. Hecen Iapikahnige
cin taku owasin iwanyag un qa token
iyecetu econ kta he hecetu.
Hehan ake heyapi: Iapi Oaye opewaton hecen wowapi mitawa kin tanyan miciyaotanin kte iyececa, eyapi.
Wokajuju eciyatanhan iwanyankapi
kinhan he decetu. Iapi Oaye en cankuye hanska wanjidan he kagapi on
mazaska nonpa on yusotapi. Tuka
omaka wanji eca kaSpapi zaptan kajujupi. Hecen he wowapi hanska wanji
maza ahdiheyapi kagapi kin he kaSpi-
pi zaptan iyowaja Sni.
Nakun decetu. Wowapi ota Iapi
Oaye qupi kin taninyan owapi Sni.
Iyotan wicacaje kin tanyan owapi Sni
ece. Hena apiye kta e Iapikahnige
ein oape ota skan yanka eSta iapi ota
okihi Sni qa heon ota ituya kagapi.
Tuwe Iapi Oaye wowapi qu kte cinhan,
taku oyake kte cin tanyan iyukcan kte
qa hehan katinyan cajeyate kte. Wicoie ota ituya en ehnake kte Sni. Qa
wowapi yumdapi cistinna topa, zaptan
sanpa owa kte Sni. Qa wowapi ska
kin itananokatanhan owa kte Sni.
Hehan taku tona oyake cin, he wotanin qa iS ta woyukcan kin, he tanyan
kiciyaotaninpi kte qa wicaSta kektopawinge cin owasin iyokipiwicayapi kte.
WICATE.
Dehan tiwahe mitawa en . wotehi
wanji unkakipapi. February 28,1900
anpetu he en micinca koSka waniyetu
akeSakowin makite. HokSina waSte
qa wahba qa hunkakehduonihan heca;
qa nakun tuwe owas ihuku onSiicicida
ihduhe; qa Wakantanka wacinyan uu
kin sutaya hduze. Unkan micinca kin
wanna tohan waSake Sni aye ein hehan
wowapi wakan en oehde wanji waki-
mdawa qa he yuha wanke wasi; unkan
ecen econ qa ecaca wiconte kokipe Sni.
Wioonte tawa oape kin en ihduwiyeya.
(Wayuotanin 2:10.) "Token nicakije
kte cin ihnuhan taku koyakipe cin, ibo
wakanSica niyepi wanjikSi wicakaSka
tipi kin en iyeniyanpi kta iniyukcanpi
kta e heon, tuka wicate cin hehanyan
wicaka wo kinhan wiconi wateSdake
wan cicu kta." WaSake Sni hehan mico
qa heye: Mama, onSicicida tka wanna
icimawani kte. Tuka nina yaGeya wacin Sni. Wowapi wakan eye cin he
kiksuya wo. Hehan owasin nape un-
yuzapi qa ecehna niya ayuStan. Unkan hehan taku tke hin iyamahdaskica
he iyemaceca eSta micinca taku emakiye cin weksuya qa hehan pa yuwankan
iwacu qa Wakantanka ekta ewatonwe,
qa iye waSagmaye kta on wooekiye epe.
^lio? W. Crooks Wicanhpitowin.
Morton, ..linn.