Iapi Oaye (Santee, Nebraska), 1903-03

              SANTEE     NEBRASKA.
TAKU WA6TE  OKIYA, TAKU &ICA   KIPAJIN.
A. L. RIGGS, PUBLISHER.
VOLUME XXXII.   NUMBER 3.
MARCH, 1903.
WOKAJUJU KASPAPI ZAPTAN.
ANPETU OYAKAPI.
February 11, Rock Island, 111.
Davenport qa Rock Island otonwe kin
ocokaya wita wan wanke cin he en
TunkanSidanyanpi mazakan kaga tipi
yuha, qa nakun hen mazakan, mazasu,
akicita taheyake odota hen hnaka. Tipi kin hena $400,000 iyawapi qa taku
ehnakapi kin 1,600,000. Hena ataya
huhnaga qa mazaska woyawa tanka
nonpa ikiyedan ihangyapi.
February 14. Washington, D. C.
TunkanSidanyanpi kin tawicohan tokeca kagapi: Wopetonpi qa Wohtani
Awanyakapi kin. Qa George B. Cor-
telyou he en itancan qa TunkanSidan
okihe wanji ee kta.
February 15, La Guarya, Venezuela. IaSica qa SagdaSin ozuye wi-
ta wata Venezuela makoce oihuni natakapi kin wanna yuhdokapi. Wanna Washington ekta wookiye kagapi
yuStanpi nakaeS.
February 25, Charleston, West Virginia. Makacahdi qapi en Btanipi kin
wawoyuspa om kicizapi qa makacahdi
qapi etanhan yamni tapi qa ota kiunniwicayapi.    Hena  woope  kipajinpi.
February 26, New York. Methodist okodakiciye tuwe etanhan tokaheya icagapi, John Wesley, he yaonihan-
pi kta e omniciye kagapi. Qa President Roosevelt en i qa wohdaka. John
Wesley tonpi hetanhan wanna omaka
opawinge nonpa.
March 1, Pittsburg, Pa. Ohio wakpa oinkpa kin nina mini ota. Pittsburg otonwe en tipi ota mini mahen
yyanke. Hemani nonpa mazacanku
kin iwankam hiyu.
March 4, Washington, D. C. Aupetu
de Congress enakiyapi Tipi Hukuya en Mr. Henderson, mdetahunka kin,
ehake napewicayuza, wanna icimana
eu ope kte Sni nakaeS.
Tipi Wankantu, Senate, he iecadan
TunkanSidanyanpi wicayu wita. Hena Columbia en qa Cuba en wookiye
unkagapi kin yuStanpi kta e yanke
wicaSi.
March 5, Washington, D. C. Paha
Sapa etanhan TunkanSidanyanpi kicopi, wanwicayag ikta cinpi. Qa wicakicopi wowapi kin he mazaska zi mdaska heca. Ohanske kin inch Sakpe,
ohdakinyan inch yamni, qa oSoke kin
inch Sahdogan kiyuSpapi wanji. Qupi
kinon President Roosevelt nina iyokipi.
March 9, Olean, N. Y. Hemani en
petijanjan mini maza koka hanskaska
ohna tokSupi ece. Koka wanjidan
canpahmihma hena kipi ece. Qa Hemani
otokSu wanji heceedan cokaya kica-
tsa qa ake hektapatanhan hanke unma hanke en hiyu qa nina iboto. Hecen petijanjan mini kaStanStan iyaya
qa ide. Otonwe etu qa wicota ikiyedan yukanpi etanhan wicaSta wikcemna nonpa HuHnagapi qatapi.
March 16, San Francisco, Cal. Pacific miniwanca itokaga Tuamotee Wita etanhan wotanin; qa icamna wohitika on miniwanca taja kin wita opaSbog
hiyu qa wicaSta opawinge Sakpe tewi-
caya. Hanyetu ihunniyan hececa qa
tona tapi Sni nina iyotanhan iyekiyapi.
January 15 hehantu tuka nakaha naunhonpi.
March 17, Washington, D. C. Senate of the United States Columbia ki-
«i wookiye unkagapi kin yuStanpi qa
necen Panama skiskita kin en mini
canku unkagapi kta unkokihipi.
WAHPEPAHA OYANKE.
Eya dena wicaSa qa winyan tankapi
qa koSkapi wikoSkapi Wakantanka
waciuyanpi qa icicupi Htakinipi kin
akezaptanpi. Unkan dena Wakantanka towaonSida waSte qa wopteca
Sni kin on awauwicahdaka, qa hekta
token Wakantanka itehanyan unpi
kin hena dehan wankdakapi qa iyopeiciyapi.
Unkan koSka wanji decen wokdake,
January 1, 1903. Omaka teca kin detanhan tokatakiya tohanyan wani kta
hecinhan hantuqeS taku tona Wakantanka wicohan tawa kin heua en tanyan econ wacanmi kta. Hekta omaka
kin en taku wanjigji tanyan ecamon
Sui qa miohan kin waSte Sni, eya.
Eya koSka kin de waSte tka iye
tawacin sdoniciye heon etanhan iyopeiciye qa ehanna Wakantanka wicada kin heca, Mr. Pius Big Shield eciyapi. Hekta omaka wan en mini
wakan yatkanpi, waSicun cinca wauji
kici. Unkan wanna wetu qa wakpana owasin mini ojuna wanka unkan
miniwakan yatkanpi qa canpahmihma ciqana wanji ohua kupi qa hecehnana opta kdicupi Sunkakan niwan-
pi qeyaS wauna napin tapi unkan mini wakan makajanjan heca wan unma
icu mini ohuta ehpeya qa wakpa kin
etanhan kitan se nipi. Unkan ake
makajanjan kin icupi qa yatkanpi; qa
wauna ake hanhepi qa cuwita tapi kta
unkan Wakantanka wokiksuye wanji
wicaqu. Hehehe, wanna cuwita unte
kte do. Qa heyapi, Eya, Wakantanka
iSnana wakan qa taku owasin okihi hecen ecin tiyata uuki kinhan omniciye
nonpa kin kinukan mazaska zaptan-
ptan en eunhnake kte, Mr Pius Big
Shield eya okdake.
Unkan Jesus decen eya, John 12: 46,
qa heya, "Miye maka akan iyoyanpa
wahi; hecen tuwe wicamada kiuhan
he otpaza en mani kte Sni." KoSka
kin dehan wacinyepica. Qa ake
iyohakam taku wanji sdonya. Wakantanka wakan qa towaSake kin
he wanyagkiya qa decetu: cinca hokSina wan wayazanka qa wanna te kta
akipe yankapi, unkan wicaSa Wakantanka wacinyanpi kin en ipi wocekiye eyapi unkan ikiyenahci asni
qa Wakantanka wanikiya qa wakan
kin he sdonyekiya. Mr. Pius Big
Shield tawicu kici Wakantanka wicadapi unkan Jesus en hipi qa heyapi.
Lukas 7: 2-8. "Unkan he wanna
Jesus on nahon qehan Juda hunkayapi
kin hena ekta yewicaSi, u kta qa
taokiye kin asniye kte cin he icekiya."
Eya maka oyate kin token Wakantanka wacinyanpi kin hena sanpa
nakun token Wakantanka sdonyapi
kte cin he iyecen ikdutanin ece. Dehan koSka kin he okodakiciye en wacinyepica qa nakun Inyanbosdata en
hececa kin yukan. Wahpepaha en onSiya unyankapi wocekiye on unkiksuyapi uncinpi.       Oscar Goodboy.
WICASTA OBE WANJI OHNA
IHDUHAPI KTE.
WicaSta qa winyan kin ota taku
econpi kte cin inahnipi on ohankoya
econpi ecee. Tuka ito taku wan econqonpi kte cinhan, itokam Untakupi
kta, he tokaheya kta iyececa.
1. Nituwe kin he ohna yaun kte.
Roma 12: 3. WicaSta ohanpi kin wa-
unwicaceya ihduhe Sni wo. Tuka oyate ehna wicoHan iyotan waSte qa tehike
ein   wanji ohua najin   qa  ohna   ihdu- '
tanin wo.
2. Waawacin nihduhe kte. II Cor.
10:5. Ohinni heunkeyapi ecee. "Hecen awacanmi Sni tuka." Unkan wa-
awacinpi kin he iyatayedan unkitawapi. Waawacin Sniyan ihduhapi kin
he woyuSice tanka wanji on ohan ihduSicapi kta iwicakicihan ecee.
3. WaonSidaya ihduha wo. Eph.
4: 32. Toketu eSta waSte unpi kin he
wookinihan ecee. Wacinyanpi eciyatanhan wicacante waonSida kin he wicaStayatapi wateSdake wan isanpa
ecee.
4. Wowicake ohna nihduhe kte.
Phil. 4: 8. Nitawowicake kin he ohna
nihduhe kte, qa oyakipe kte. Anpetu qa hanyetu kin iyececa, hececa
kinhan wicaSta hnaye Sni nihduhe   kte.
5. Waditaka wo. Eph. 6: 13; Hdi.
14: 15. Wakantanka taku econunSipi
kin hena ohna naunjinpi qa ecen econqonpi   kinhan   he  wowaditake  heca.
6. Wakantanka Htakini kin heca
nihduhe kte. II Tim. 2: 15; Eyanpa.
16: 6. Jesus iS maka kin de akan
Htanipi qon wanji hee. "Htawani qa
Ate is nakun."
7. Wocekiye waStedaka nihduhe
kte. Eph. 6: 18. Unkan de taku iyotan kin hee. "Wocekiye" Tawipe
kin he wicaSta tokeca kin tawacin
mdeswicaya ecee. C. Frazier.
DAKOTA PRESBYTERIAN WINYAN OMNICIYE.
October hetanhan Winyan Omniciye
owasin ake piya unhiyupi wana wi Sakpe Wakantanka en Htaunnipi; qa otoiyohi wowapi cicupi kta owakihi Sni heon Iapi Oaye en wabda otanin kta wacin. Tokata Mdekdakinyan en Dakota
Presbytery muiciyin kta unkiS iyehan
Winyan omniciye hen ayin kta. Winyan okodakiciye otoiyohi wowapikaga
nitawapi kin hena ikdaotaninpi wowapi heua yuha en kahnih yewicayaya-
pi kta; qa wanji okihi Sni kinhan
tuwa tanyan owicohan owasin tanyan
oyaka okihi kinhan qa sdonyakiyapi
qa hotanka wokdaka okihi kinhan
he yakahnigapi kta, hecen wicohan
owasin tanyan nahonpi qa hena etanhan sanpa woonspe woawacin yukin
kta. Winyan ota wohdakapi ecan ho-
tankapi Sni qa nawicunHonpi Sni ece.
Heon tanyau ecanonpi wacin.
Hehan wotanin waSte on Htaunnipi
mazaska tona Wakantanka oie icagin
kta uncinpi on Htaunnipi kin owasin
wanna wiyeya kduha yaunpi kta.
WaSicun eciyatanhan wicohan hca
tona Dakota etkiya iyowajapi kin
henana en wawounkiyapi kinhan
waSte kta Dakota Wotanin waSte unkitawapi heceena en mazaska ota
iHpeunyanpi kin he iyotan on iyotan iyeunkiyapi kin hee. Ptinhan
Dr. Williamson heya Wotanin waSte kin tokata mazaska kektopawinge nom ecen unkaipi kta hecen
aiwacin po. Eya heon atokan wawokiyapi he ciqana ecunqonpi kta iyececa,
tuka taku wanji iyotan unkiksuyapi
kta iyececa: otoiyohi WicaSa Wakan
nitawapi owicayakiyapi kta iyececa.
Winyau okodakiciye owasin dena awa-
cannipi qa okodakiciye owasin etanhan winyan wanji kahniH uyaSipi kta.
Dakota Presbyterian Winyan omniciye en Ataya Wowapi kaga duhapi qon
he miye. Melissa Clarkson.
Iona, So. Dak.
CONGREGATIONAL  WINYAN
OKODAKICIYE.
Congregational Winyau Okodakiciye enana dukanpi kin; Mitakuyepi, dehan wowapi cicagapi kta wacin. Eya
tehan wowapi cicagapi Sni, tuka winyau okodakiciye enanakiya yaunpi
ohini ciksuyapi, qa tohan wocekiye
epa eca ciksuyapi ecee ye. Qa mitakuyepi, ptinhan Isanati tipi den, hekta September 11, 1902, Ptaya omniciye, unkan wicoHan wan nina tanka
mayaqupi. Unkan nina icantemaSice
Hca mahinhda eSta taku epa owakihi
Sni.
Winyan otoiyohi wicohan waSte kin
en Htauunipi; qa hinahin oyate ota
okpaza ehna unpi qou heua on htayanipi, heon mitakuyepi aiciciya miye.
Jesus maka akan un qehan iye oie kin
he maka kiu owancaya ye kta wahoun-
yanpi uukan heon winyan tona Jesus
litayakinipi qa Wotaniu waSte kin he
iyopte kta yacinpi kin hena aiciciya
miye. Hekta omaka kin en tokeu Wotanin waSte on mazaska tona yakamna-
pi qou he tokata omaka opta unyanpi
kin en sanpa ewacin winyan owasin
htayanipi qeS ecanmi. Ninapepi kin
on Wotanin waSte adapi heon mitakuyepi tohan witaya Htayanipi ca he owasin cante waSteya qa onSikicida, qa tawacin wanjidan, qa taku ecanonpi kta
owasin akiptanyan qa iapi wowicake
on Htayanipi kinhan hecen omniciye
nitawapi ecanonpi kin en icunhan Wakantanka nicipi un kta. Ecin Iye
hecen wahounyanpi, tukten Iye caje
kin on mniciyapi, qa wocekiye eyapi
kinhan hen wicakici un kta keya, wowapi wakan en wanunyakpi.
Mitakuyepi dehan oehde wanjigji
ake piya yeksuyapi kta wacin. Isaya
55: 6; "Jehowa iyeyepica icunhan akita miye; ikiyedan un kin icunhan ho-
yekiya po." Mitakuyepi maka akan
ni unyakonpi icunhan taku wicotawacin yuSice kta, qa on kun unkiyayapi
kta iyecece heua ohini kuwa unkaupi,
qa nahon unyakonpi eSta ohini Iye ho-
yeunkiyapi kte, tokeSta Iye waSag-un-
yanpi kte.
Hehan nakun Lukas 11: 28. "Tuka
iye heya; Han, tuka tona Wakantanka oie kin nahonpi, qa ecen econpi kin
hena iS iyotan wicayawaStepi ce."
Mitakuyepi Jesus iye Hca winyan otoiyohi wicoie kin de on wakta unyanpi,
qa unkitawacinpi ocowasin on wicakeya naunjinpi kta on wicoie kin de ai-
Hpe-unyanpi. Qa oehde de nakun
iwanunyakapi kte: Lukas 12: 40: "Heon etanhan niS eya wiyeya un po.
WicaSta Cinhintku kin tohan awacan-
nipi Sni kinhan hehan u kta ce."
Mitakuyepi wicoie dena yeksuyapi
kta wacin, tona wicoHan waSte en Htayanipi kin hena patake Sni Jesus Htakini miye, tokeSta iye waonSida ye.
Qa mitakuyepi winyan okodakiciye
enana yaunpi owasin wowapi wakan
oehde dena ake piya yeksuyapi kta,
qa oinyanke nitawapi kin ohna katinyan mayanipi kta wacin. Winyan
owasin de ohna on wocekiye unkeyapi
kte, qa on unkieiksuyapi kte, qa Congregational Winyan Okodakiciye yaunpi owasin yuwitaya micante on nape
ciyuzapi.    Nitakuyepi,
Nancy S. Jones.
Winyan Ataya Itancan.
Saneee, Neb. March, 18 1903.
Iapi   Oaye  Ahdiheyapi,
Santee  Normal   Training:  School,
Santee,   Neb.