Iapi Oaye (Santee, Nebraska), 1903-04

              SANTEE     NEBRASKA.
TAKU WASTE  OKIYA, TAKU 6lCA   KIPAJIN.
A. L. RIGGS, PUBLISHER.
VOLUME XXXII.   NUMBER 4.
APEIL, 1903.
WOKAJUJU KASPAPI ZAPTAN.
ANPETU OYAKAPI
March 29, Chicago, 111. Ptekte
wicaSta wan, Gustavas F. Swift eciyapi, te. Wicohan nina tanka yuha;
omaka eca mazaska iyawapi $225,
000,000 wicohtani econ. Qa mazaska woyawatanka wikcemna cinca ai-
Hpewicaya. ESta wacekiye wicaSta
heca, qa taku owasin Wakantanka
yuonihan kta e econ. Methodist okodakiciye en opa.
April 7, Mandan N.D. TunkanSidanyanpi, President Roosevelt, dehan
iyaza omani un. He icunhan otonwe
de en inajin. Hen Dakota oyate etanhan wanyag ipi qa nape yuzapi. Inyanbosdata qa Hewaktokto etanhan
hen ipi.
April 8, Little Rock, Arkansas.
Itokaga makoce kin icamna tanka
opta iyaya. Otonwe ota kawanka qa
wicaSta ota tapi. Arkansas makoce
en akenapcinwanka tapi. Alabama
makoce ekta otonwe wanji en wikcemna tapi. Kentucky ekta nakun taku ota ihangya.
April 22, St. Paul, Minn. Alexander Ramsey, ehauna Minnesota makoce en itaucan uu kin te. Wanna
waniyetu wikcemna Sahdogan sanpa
sahdogan. Pensylvania en tonpi.
Omaka 1849 heehan Minnesota makoce en hiyotanka. Omaka 1851 hehan
Oiyuwega en makoce wiyopeyapi qehan TunkanSidanyanpi eciyatanhau
wohdakapi kin wanji ee. Nonpakiya
United States Senator kahnigapi. Qa
nakuu wicoBan ota wayuonihanyan
qupi ece. WicaSta wacinksapa waditaka, qa owotanna te qa tankaya yao-
uihanpi.
April 30. United States hankeya
waniyetu ohna yukanpi. Icamna qa
wa hinhe qa hehan taku owasin tasaka. Hecen tukten canwapa wanna
uye cin qa waskuyeca wahca kin owasin tapi. Arkansas hehanyan itokaga makoce ekta taspantanka ota sni
on tapi. Wojupi hinape cin owasin se ihangye; tuka tukten wa kin
wojupi akahpa kin hen wojupi tasake Sni.
Andrew Carnegie, Pittsburg en
mazaSdoyapi wicaSta qon, he dehan
mazaska kamna kin wicaqu yanka.
Otonwe tankinkinyan qa otonwe okihe unpi kin etanhan wowapi tipi, library, heca wicaqu yanka ece. Heon wanna woyawatanka ota yusota.
Dehan taku tokeca wanji econ qa mazaska kektopawinge opawinge Sakpe
Tuskegee, Booker Washington woonspe tipi tawa kin, qu. Etanhan Mr.
Washington qa tawicu kin token on
tanyan nipi kte cin wicaqupi ecee kta,
eya.    Mr.  Carnegie de tanyan econ.
Nakun Mr. Carnegie miniwanca
akasanpa Wookiye Tipi wan kagapi
kte cin on mazaska woyawa tanka wanji sanpa woyawa tanka hanke wicaqu.
The Hague otonwe heu wayaco iyotan
wankantu ehdepi. He en oyatepi kin
woakinica tawa en ayapi qa yukcanpi
kta.    Heon tipi kin de ehdepi kte.
WAKANKICIYUZAPI.
Inyanbosdata, March 8, 1903,
Jacob lamani qa Julia WanbdiSuno-
tawin wakankiciyuzapi. Winyan kin
he okodakiciye wakan opa qa Jacob
he miniakaStanpi. Dena Rev. G.
W.  Reed wicakiciyuStan.
Frank Goodcloud.
HUNKUPI OMNICIYE.
Hunkupi Okodakiciye de Isauyati
oyanke den icage hetanhan wanna wauiyetu wikcemna. April wi en qa omaka 1893 heehan okodakiciye de witayapi, Mrs Pierce ti en Owankayujajapi
wiyotanhan sanpa hehantu. Okodakiciye de icage kte cin tohan witayapi hehan winyan owasin iwanyakapi unkan
owasin iyokipipi qa wi iyohi Owankayujajapi inonpa he en omniciye econpi
eceekta hehdus'anpi qa nakun oitancan unpi kta wanjikji wicakaBnigapi.
Itancan nonpa wicakahnigapi qa ohakam waniyetu wanji sam hanke hehan
hetanhan itancan yamni wicayuhapi
ecee, Isanyati winyau nonpapiqa hehan wasicun winyan wanji. Hehan
wowapi kaga wanji. Qa dehan nakun
Iwanyakapi Committee en yamni wicunyuhapi ecee, qa otokahe ekta wowapi wakan etanhan taku iwohdakapi
kte he kahnigapi qa heciyatanhan on
omuiciye econpi ecee. Tuka dehan
woiwange kagapi qa tona okihipi hena
woayupte owapi qa yawapi ecee. QaiS wowapi en owapi Sni eSta tuwe okihi iye iyatayedan cajeyata ecee. Nakun wi otoiyohi eu hoksiyopa tona wicatonpi hena cajewicayatapi qa on wocekiye eyapi ecee. Hehan tuwe kaesta
okihi kinhan wohdake qaiS wocekiye
eya qa odowan wauji kahnige kte dena
hunkupi okodakiciye tawoecon. Qa
nakun wamdenicapi hena ohinni omniciye en wicakiksuyapi kte.
Hehan woiciconze wowapi wanji yuhapi qa ake tukte witaya yawapi qa token iciconzapi he piya kiksuyapi ecee.
Tuwe cinca tehinda keya qa woonspe
tipi en unkiye sni kinhan he hecetu he.
Woiwange kin deon decen epe kte.
HokSiyopa wan cistinna wicunyuhapi
kin hen nina tewicunhindapi ecee.
Esta tohan wanna icagapi, qa tanka
ayapi hehan akeS woawacin wau tokeca awauncinpi ecee; qa tokata kin
ekta token unpi kte kin heciya euntonwanpi hehan akeS tewicunhindapi
kin he ohna awauncinpi Sni, tuka ee
tohanyan om unnipi kin en ohinni om
unyakonpi kte cin he uncinpi; qa tokata woawacin wan unkicupi qon he
wanna iyehan unhipi eca hehan akeS
tewicunhindapi qon he hecetu Sni.
Ecin hunh tohan waniyetu Sakowinpi
eca hehan woonspe tipi en hiyuwicun-
yanpi ecee, qa tohan tanyan awani-
hdaka okihipi hehan makoce tehanhan wayawa iyayapi qa dena on icante unSicapi ecee Sta wowaditake qa wacintankapi on taku iyokihi qa he
owasin sdonunyanpi. Heon tuwe
cinca tehinda qa tiyata hduha uu kinhan hena eeS en wocante Sica yuke,
qa tuktekten waunyakapi ecee. Heon ito tona unkicincapi tewicunhindapi
hecinhan waonspepi kte kin he cinwi-
cunkiyapi kta iyecece. Hecetu kinhan
iye pidaiciyapikte, qa he eciyatanhan
tuwe cinca tehinda kinhan tanin kta.
Nancy S. Jones.
Siceca wanji zani sni icage kinhan
owanjidan kin un kta he hecetu he.
Token ayuptepica kin he, tokaheya
Siceca kin he tokeca kin tanyan iwanyakapi kte, taku econ wacin qa taku
cin Sni seca hecinhan.
Tohan hokSiyopa cistinna wanji zani Sni kinhan, owanjidan wanke he
ecedan ohna awacinpica.
Tuka hehan siceca on kitanna tankapi qa nakun wicasta unpi hena owasin tancan ihduSkanSkanpi unpi qa tate oniya teca yaduzapi hena  on zani
yan unpi kte ee. Siceca wan ihnuhan
wayazanke kiuhau qa taku wanji otan-
yan Sni sece kinhan heyake kiton eciyatanhan iwanyakapi kte, tanyan yu-
wi hehan • tankan cistinyedan omani
unkiyapi kte sni iyaye kte Sni qa uina
bdokite kte Sni iyecen.
Tuwe hoksiyopa wocekiye en awicaye sni ee taku tokeca woimagaga en
awicayapi he hecetu he.
Winohinca wacinyan heca kinhan
wacekiyapi en ye kta he iyotan cin
kte qa Siceca tawa he iyecen cinwica-
kiye kte. Cikcistipidan eSta hetanhan
wocekiye en yapi kta on wicakaonSpe-
pi kte hecen he Siceca iwaStepi kte.
HokSiyopa wanji ceye sa qa token
iyokipi tanin Sni qa hotan kinhan unmapi taku nahonpi kte kin etanhan
okihi Sni wicaye kin he hunku kin wacin iboSake Sni wocekiye en Skan kinhau ecen tokeSta ecewakta icage  kte.
Tipi wakan en eceedan aipi kta hee
Sni tuka winyan wakagege omniciye
qaiS taku wiyopeyapi en okawitaya
han he en token cinpi kin iyecen Siceeapi omani unpi qaiS iapi eSta hecetu.
Hecen hunkupi wanji hokSiyopa
tawa tukten wacekiyapi en awicaye
Sni qa owanji wahba unpi kta ohna
wicakaonspe sni kin he iS iye iyotanya
wocekiye en ewacin Sni qa etanhan
tokeca dake Sni kin tanin ecee.
Wakantanka tipi wakan tawa kin
tona en unyanpi qa wocekiye on ohoundapi kta unhipi kiu hena iyohi wo-
yawaste unkakiciyuhapi he unkiksuyapi qa etanhan itogya wacinyeunyan-
pi kte Sni anpetu wakan eca wanca
qeS wacekiyapi en unkihdoyapi kte qa
Siceca hena awicunyanpi kte.
Siceca tawacin okipe wicakiyapi
he,hecetu he.
Siceeapi icunhan iye tawacin okipe-
wicakiyapi he tanyan sni kecanmi.
Nakaha kin en he ohna owaSakatan
seca eSta tokata ekta he hecetu Sni kin
tanin kte. Siceeapi hena iyecinka taku ihdukcanpi okihipi Sni qa taku
iwaStepi qa iyehantupi kin sdonyapi
sni heon hunku kin iye tawowiyukcan
kicun kte tohan Siceca wayazankapi
qa taku yute kta tukte iyecetu kin be
tanyan akite kta.
Siceca wotapi iyehantu sni wotapi
he,hecetu he.
Siceca cistinna hena ecadan wotektehdapi hecen kaiyecakcadan wotapi kte
iyowinwicakiyapi kte hecetu. Oape
iyehantu ecee ohna wotapi kta hecen
tohantu eSta wodunpi kte Sni. Tuka
oape otahedan wodunpi kte kin he taku tke Sni aguyapi asanpi iyahna,
asanpi ihdi apakin ; taku tke tado aguyapi skuskuyedan hena wihdi ota ikoyake on iwaStepi Sni.
Siceca wanji Sakpe apa qaiS sanpa
hehan kikta qa wote kin he okinni napcinwanka helian wotektehda kta iyehantu. He taku yute kin wiyotanhan
wote kte kin hehanyan, woyute tke Sni,
aguyapi saka, asanpi he waSte; yaguga-
pi, canhanpiSaSa hena waSte Sni. Waskuyeca okihipi k'nhan hena Siceca
wotapi kta otahedan yutapi he  waSte.
Siceca wanjikji pa yazanpi qa hde-
pa ecee, qa ihnunhan zanipi Sni hena
wanjikji hunkupi Siceca tawapi woyute
iye tiyata spanyanpi icunhan Siceca iye
aihdakupi qa iS iyukcan Sniyan iyowinwicakiyapi kin heon.
Hunkupi wanjikji nakun taSicecapi
-bmo ui3[ Bp eb 8A*aou nqwr 9%i[n% UBqo}
sin iyowinyan qa qu ecee, iye tawacin
iyekicicetukiye.
DAKOTA WOWACI,
Dakota Oyate Sioux ewicakiyapi
kin oyate obe unkotapi eSta owasin
ounwanjipidan qa owasin wotakuye
kinicikoyag wanka, heon miS miye tuwedan taku waye Sni eSta tohan oj'ate
tokeca ekta wai eca mitakuye ota ecee.
Hecen owasin koda unkiciyapi qa
on dehan taku kaSta owasin on tanyan
unyakonpi kta he cinunkiciciyapi.
Ho heon dehan TunkauSidan qa tawicaSta kin waSicun wicoHan onspeunkiyapi, unkan he kohanna anaun-
goptanpi epa wanna he ohnayan unkihdoyapi qa iyotan tona wocekiye tanyan opapi kin hena waSicun owicohan
kin ohna tanyan unpi; hecen oyate dena ehna tona hececapi kin hena tanyan sdonunkiciyapi. Hecen waSicun
wicoHan qa wocekiye wicohan Hena on
token oyate iwaSte kin he tanin. Ho
heon dehan taku wanji epe kte qa he
awacannipi kta wacin qa he dee. Dakota wowaci kin: Ehanna Dakota wi-
ohan eceedan wanke cin heehan wicoHan hena owicawaSte seca, tuka dehau
Dakota wowaci kin on oyate wicayuSi-
ce, on wokakije ota, on wowaBpanice,
on wicokuje, on tiawakicinpi Sni, on
koSka wikoSka ota wicayuSicapi, qa on
wicanagi ota ihangya qa ihangye kta,
qa dena wanua decetu e tanin.
Ho unkan eya unkiS Isanati kin hekta tanyan unqonpi tka tohanyan waSicun tawicohan qa wocekiye eceedan
ohna unyakonpi kiu hehanyan. Ho,
tka ihnunhanna Dakota wowaci kin
icaga qa sanpa icaliaya qa heon dehan
wanna wicaSta ota tehiya unpi, eya tiwahe ota qa heon wicaSta tona oyate
on wawacinkta yuzapi kin hena icante
unSicapi. Heon mitakuye oyate nitu-
we kaSta qa unkiS Isanati unqonpi kin
en Dakota wowaci un kiu qa eya tuktetu kaSta Dakota wowaci kiu he unkayuStanpi kta iyecece do
Eciu hekta kin Dakota wowaci kin heou tukteukten wicoHan tehika tanka icaga ecee. UnkiS Isanati kin waSicun oiepi anagoptanpi Sni qa on nakun wowaci
ota qa on koya taku tehika unkakipapi.
Ho nakun iS eya dehan wowaci kin
on tiwahe ota tanyan uupi Sni qa on
nakun tohinni tauyan unpi kte Sni heou ayuStanpi qa waSicun wicohan qa
wocekiye wicoHan hena eceedan ohna
unyanpi kinhan hecen on tokata oyate tanyan unpi kte. Hecen mitakuyepi
iapi de tanyau iwanyaka po. Qa Dakota wowaci kin ayuStan po; hececa
kinhan pida niciye qa nicinca pida wi-
cayaye qa nakun oyate pida wicayaya-
pi kte qa he wopida tanka kte.
John Rouillard Anpaduta.
OJINJINTKA WAKPA
ETANHAN.
Hekta May 1, 1902, hetanhan wowaSi econpi wan el unhipi ua November 30, 1902 hehanl wowaSi woecon kin
inajin. Canke wi Sakowin anpetu iyohi $1.25 kin hecela ayutan unqupi
na taku unyuhapi qa hena iyuha el
euntonwanpi sni; na tokel wowaSi
woecon kin itanwokSan cajeyate qon
hena okna econqonpi sni.
Hehanl oyanke kin Ie  icamna wan
wohitika hi ye lo, na Sunkakan wanji
oSkokpa el inajin ehantanS oyasin nipi
Sni.    PtekleSka kin nakun iwoblu kin
akisni el   zuzeca owe nup yukanpe lo:
Sintehla   na   wan   kleklega   henayoS
yukanpe lo. Icamna kin le  February
27-28 henayos el hceca ye lo.
Rosebud, s. d. JoHN G_ pACER.