Iapi Oaye (Santee, Nebraska), 1915-02

              SANTEE,   NEBRASKA.
TAKU WASTE  OKIYA. TAKU SlCA   KIPAJIN.
L. KIGGS, PUBLISHER.
VOLUME XLIV    NUMBER 2
ANPETU OYAKAPI
Jan. 24. German qa English kici mniwanca
en wita wata ohna kieizapi SagdaSin makoce
mniwanca kahda otonwe hena ikiyedan wata 9
kicizapi. Anokatanhan wata kin oSungSungye
ehpekiciyapi. German witawata Bluecher eciyapi he spayeyapi. Wicasta 885 wata he en uiipi
etanhan wicaSta 123 henana ni iwicacupi qa unmapi owasiu tapi.
—Maza on iapi nakaha de ihankeya hanska
an wanna wohdakapi okihipi. Anpetu kin he
en Nev/ York etanhan San Francisco he hanyan
wicaSta wan Thomas A. Watson eciyapi he tokaheya ohna wohdaka. Hecen wanna maza on
iapi telephone kin on wiyohinyanpata mniwanca etanhan wiyohpeyata mniwanca hehanyan
wicaSta tanyan wohdakapi okihipi.
Feb, 2. SagdaSin oyate kin dehan German
oyate entkiya woyute qa nakun taku kaSta wiyopeye ayapi kta hena anapte kta cin qa kuwa
qa nakun German iS eya SagdaSin entki.ya qa
wasicun ikceka hena entkiya taku woyute ayapi
kta hena anapte kta iS eya Skan. Oyate dena
token ecadan waSakapi qa kici ktepidan kta bena ohnaya kicicuwapi.
Feb. 3. Mexico en oyate unpi wauna omaka
ota iye ena wokiconze tawapi he akinicapi qa
heon ohni kicizapi. Eya tokeh cinpi qa heon
heeen kiciza yuke cin tanyehca tanin Sni, qaiS
iyepi kaes tanyan sdontkiyapi Sni. Dehan Villa
he ohiy-a qa taku owasin en itancan tuka nakun he Mexico tunkansidan kta ee Sni. Hecen
oyate de taku on etanhan tanin Sni ituya kakiS
iciyapi.
Feb. 4. Turkey akicita kin dehan Suez Canal
mine ocanku SagdaSin tawapi kin he yuSicapi
qais ihangyapi kta cinpi heeen akicita ota ekta
hipi qa en Skanpi. Tuka SagdaSin kin iS hdo-
nieapi hecen om kicizapi. Okicize nina tanka qa
Turkey akicita kin nape wicayapi. Mini ocanku de Red Sea, MdeSa etanhan Mediterranean
Sea okitahedan. Hecen mini tanka kin hena
iciyahdeyapi qa hena ohna ohni wata ounyanpi.
MdeSa kin de ehanna Israel oyate tohan Egupta
etanhan hdicupi qa MdeSa de mini akipam iyaye
qa ohna opta kinhdapi qon he de mde kin hee.
Mahtipi woonspe okoclakiciye on Hotanke tipi en, Thurston county en, nakaha omniciye
wanji yuhapi qa token taku ota tanyan sanpa
icaga kta hena wicaSta iwohdakapi, qa en Hotanke ota opapi. WicaSta mahtipi iwohdakapi kin
hena saupa Hotanke kin ieska owicakiyakapi
qa hecen nina iyokipipi.
Thurston County, Hotanke tipi ikiyedan, hoksipidan tuwe maka oSpe (acre) wauji en taku
iyotan ota icahya he owicadepi. Unkan hokSidan wan Uyrle Crowell eciyapi he ohiya. OSpe
(acre) wanji kin en wamnaheza iyutapi 92£ hena icahya. Hehan htani kiu on tona yusota
kin qa akamna kin $31. 33. Tuwe ohiye cinhan Washington D. C. ekta wany^ag ye kta qa
oicimani on taku yusota hena Union Stockyards
Co. kicicajujupi'kta, hecen waye wicakiyapi.
Hecen hokSidan de tunkanSidan ti otonwe ekta
wanyag i naceca.
Ihanktonwan oyate kin White Swan en nakaha iye Dakota kin token mahcistinna owoju qa aguyapi su owoju qa ptewanunyanpi ota
hee Sni eSta token tanyan wicahdubapi kta qa
token anpaohotonna tanyan icahwicayapi kta,
hena on omniciye kagapi qa tanyan iwohdakapi, hehan on okodakiciye icicagapi. John Gassman itancan, Thomas Hunter okihe, Peter Shield
wowapi kaga. Tokata ake ecadan omniciye yuhapi kta. Tokata owoju on qa wanuyanpi tanyan icahwicayapi kta heua awanciupi, hecen
nina tanyan econpi.
Entered as Second Class Matter, November 9, 1908,
at the Post Office at Santee, Nebraska, under
the act of March 3, 1879.
FEBRUARY, 1915
WOKAJUJU KASPAPI ZAPTAN
MRS. THEODORE POSTER RIGGS
Ida Rudolph Smith Riggs, Dr. Theodore
Poster Riggs tawicu kin, Pierre, So. Dak. en
wayazanka tipi en ta, Friday anpetu izaptan
hanhanna, Feb. 5, 1915 hehan ta. Anpetu Sakpe itokam Supe wowayazan ececa heon patapi
tuka taku owasin tanyan iyopte Sni heon niyanpi kta okihiri sni.
Dr. Riggs wanna omaka tona Peirre en pejihutawicasta un. Hekta Jan. 1, 1914 en Nova
Scotia ekta kiciyuzapi qa hetanhan tawicu he
Peirre en kici hdi. Hecen Dr. qa Mrs. Riggs
omaka wanji hen unpi qa wicaSta winyan ko
ota om koda kiciyapi qa heon dehan te cin on
wicota icante Sicapi qa wicakicanptapi.
Dr. qa Mrs. Thomas Riggs kici wayazanka
tipi en cinhintku kin kici unpi qa ecen tako-
Skupi kin ta.
Hehan anpetu wakan hanhanna kin he Pierre
en Congregational tipi wakan ohna eistinyedan
nina oiyokipiya awacekiyapi qa hehan tancan
kin Oahe ekta akipi qa hen woozikiye en eonpapi.
CHRISTMAS WOKIKSUYE
Jesus tonpi kte cin itokam B. C. 742 heehan-
na Isaya sdonya, Isaya 9: 6-7 na 10: 1 hena en
oyaka na hetanhau iciyaza oyag aupi ecel Malaki taanpetu B. C. 400 hehanyan. Jesus tonpi
he itokam John Baptisma tonpi, he tacankr. kin
yuwiyeya kta, na wakiciyaotanin kta. Otokahe
ekta wokiksuye kin le tohan Christmas iyehantu eca tipi wakan ogna hante eglepi na Itancan
htayetu wotapi tawa he econpi na hehan wakanheja iyuskin wicayapi ecee.
Hetanhan tahenakiya okolakiciye wakan kin
yutokeca Sni econ aupi na nakun oyag aupi na
he owotanla na iwicawaSte. Ho tka Lakota
oyate unqonpi kin Christmas wokiksuye le
wanna omaka 50 ecel hehanyan unhapi yunkan
anpetu lehanyan akah ayutokca unkayapi. TokeSa wanna lecala hante eglepi na el wacipi kta
ca le wanua gnaye kah unkaupi, na taku on
ohankoya yutokecapi kte ein tanin. Oyanke
wanjigji el Christmas kta ca el wicaSta wakan
wan yuhapi kin ataya iyowaja kiyapi sni ecee.
Ho tuka Jesus itokam tacanku kin owotanla kicicagapi kte cin unkiye okolakiciye wakan kin
hena unkiyepi. John Baptisma wicaqu kin
Wanikiya tacanku owotanla kicicagin kta heon
tonpi, he iyeuncecapi kta ca Baptisma unhapi hecel Christmas kin le yuikceya kah ayepica Sni.
Eya Jesus ta omaka A. D. 5l he ehan wicohan tanni hena koya gluhapi kta ca cinpi lila
kitanpi. tka St Paul wicala Sui, Acts. 15. 1 Gal
5. 2-4. Hecel tuwe okolakiciye wakan el opa
kinhan he wanna wicohan tanni hena ihpinye
kta na hena ake ikikcu kta iyececa Sni. Tuwa
hecon kinhan iwaSte kte Sni, ehanni wicaSa wau
hecon yunkan on lila witkotkoka, mahpiyata
bla tka eSa ake wakawinge lo eya omani. Nakun ake tuwa he?on kinhan tokala woyasu anpetu el sutaya wiconte owihanke wanica yasu-
pi kta, malipiy'a ogligle hena ohinni wanniya-
kapi na hena waayatanin eepi. Heon unkiye
tona okolakiciye wakan el ounpapi hena Wakantanka ta wokiksuye hena y'tiikceye akah econkupi Sni kinhan hecel waSte kta.
Tohan tipi wakan timahel hante eglepi kinhan
takomni he iwankam mahpiya ogligle unpi na
lowanpi unkiS uakun okolakiciye kin kuya Wakantanka unkilowanpi kta, nakun niazaska opiye kin unglukawapi na etanhan wakSica womnaye kin el yuonihanyan unkognakapi kta.
Wctkiksuye kin le akahayapi na on unhanketa
yutakupi kte Sni woikope. Heon tona sutaya
Jesus wicalapi hena wicohan lena el ohna iyecel
econkupi kinhan waSte kte lo. Wokiksuye lena
tanyan iyecel econpi Sni kin ou wacinyanpi wicohan kin sanpa atanin Sni aye yelo. Tona
Wakantanka tawacin ecel econpi kin hena wicayawaStepi. William Lee.
La Plant, S. D.
UNITED   STATES  QA JAPAN
DAKONKICIYAPI
United States makoce imahen okodakiciye
wakau obe wikcemna yamni Ptaya Omniciye
wanji kagapi. Federal Council of the Churches
of Christ in America cajeyatapi. He en Protestant okodakiciye wakan owasin se en opapi.
Wicacaje woyawa tanka akeSakowin cetu wicayuhapi. Ptaya Omniciye tawa kin he askatudan Richmond, Va. en mniciyapi. Taku ota
iwohdakapi qa yuStanpi; tuka taku wanjidan
den cajeunyatapi kte. Japan makoce ekta okodakiciye wakan yukanpi kin hena om wodakota kagapi kta yuStanpi. Hecen wicaSta nonpa
wicakahnigapi, Dr. Shailer Matthews, he Chicago University en itancan okihe qa Baptist
heca, qa Dr. Sidney L. Gulick, be American
Board Japan ekta yewicaSipi wanji ee qa Congregationalist heca. Yewicasipi nonpa dena
Omaka Teca iecadan San Francisco etanhan wita
wata ohna iyayapi.
United States ekta wicaSta zuyapi akitapi yukan. Hena ohinni Japan unkizapi kta eyaya
yukanpi. Hehan California makoce ekta Japan
wicasta toka wicayapi qa Sicaya wicakuwapi ece.
Heon Japan oyate etanhan wicasta ota tawacin
tokecapi qa United States oyate Sicewicadakapi.
Heon OkodakiGi.ye Ptaya Omniee.ye Tanka unkitawapi kin dehan Japan okodakiciye wakan wahowicayapi qa om wookiye unyuwieakapi kta
awacinpi.
Hecen Japan oyate unyuonihanpi, wicohan
tanka econpi on, qa woonspe nina ihaktapi on.
Tuka taku iyotan kin, Japan oyate ehna wicota
Wakantanka entkiya nape yugatapi qa sanpa
sdonye wacinpi yukan. Qa wanna wicota Christian tawowicada ohna yukanpi qa he eciyatanhan kici okonwanjidan tiyohnake wanjidan un-
kihdawapi. Jesus Christ tawowicada eciyatanhan oyate tanyehca yuwaStepi qa yusutapi kte
cin hee; hecen Japan Christian okodakiciye yukanpi kin taoyate yuwaStepi kta eepi wicaundapi. Hecen Japan okodakiciye kin kici un waujipidan sdonyapi kte. Qa Wakantanka Ateunyanpi qa Cinhintku Jesus Christ to waStedake kin
en sanpa waSteunkicidakapi qa kodaunkiciyapi
kte Wakantanka iceunkiyapi ktd ece.
Hecekcen wowapi kagapi on qa yewicaSipi
wohdakapi kte cin-on wookiye yusutapi kte, qa
wicotawaSica on oyate tokakiciyapi anaptapi kte.
WAKANKICIYUZAPI
Eastman—Tourtillotte, Sisseton Owokpamni,
Dec. 26, 1914, Mrs. Mary Faribault ti kin ohna
Mr. Fred Eastman qa Miss Pearl Tourtillotte
kiciyuzapi. Okiciyuze nina waSte. Taku owasin ayucoya yuoiyokipiya econpi, hecen nina
owanyag waSte. Kiciyuzapi qa hehan wotakuye
qa koda wicayapi ota wicakicopi kin hena owasin om wotapi. Eceehna htayetu he kiciyuzapi
kin hemani opapi qa Winona, Minn, heci iyayapi. Hen koSka kin htani hecen hen tipi kta.
KoSka de makoce nica eSta iyo nape on taku
kamna hena mnakiya qa hena on wancake ti
iyotanka. KoSka kin he Rev. qa Mrs. John
Eastman cincapi koSka hakakta qa wikoSke kin
he waSicun atkuku hunkupi ko Agencye n htanipi qa hen tipi. Okiciyuze dececa waSte hena
on koSka qa wikoSka awacinpi kta iyececa.
Raven Hill Church Kangipaha en, Dec. 20,
1914, Prebyterian tipi wakan ohna Giles Flute
qa Miss Julia Blackcoat kiciyuzapi. Rev, John
Eastman wicakiciyuStan. Kiciyuzapi de wicota
en unpi qa okiciyuze owotanna econpi qa nina
iyokipipi. Qa nakun unSpaSpa owicakiyapi taku on icihdepi kta iyececa wicaqupi, Mdecan
Okodakioiye qa Kangipaha Okodakiciye sakim.
Sunktanka nom wicaqupi. Hecen miS nina
icante mawaSte qa micinca he tanyan tawicuton
qa wikoSke waSte, takoSwaya hecen taku ecawi-
caldcunpi heon hena ou nina cante mawaSte.
John Flute.